1. chapitel Prestaziuns finanzialas da la Confederaziun

1. secziun Disposiziun generala²

² Versiun tenor la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

Art. 1³

Indemnisaziuns⁴ vegnan concedidas, sche:

a.: il chantun sa participescha en moda adequata a las mesiras;
b.: las mesiras èn necessarias en l'interess public e coordinadas cun ils interess publics d'auters champs;
c.: las mesiras sa basan sin ina planisaziun cunvegnenta;
d.: las mesiras satisfan a las pretensiuns tecnicas, economicas ed ecologicas;
e.: las ulteriuras premissas dal dretg federal èn ademplidas;
f.: l'ulteriur mantegniment è garantì.

³ Versiun tenor la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

⁴ Expressiun tenor l'agiunta cifra 1 da l'O dals 4 da matg 2011, en vigur dapi il 1. da zercl. 2011 (AS 2011 1955). Questa midada è vegnida resguardada en l'entir decret.

2. secziun⁵ Mesiras

⁵ Versiun tenor la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

Art. 2⁶ Indemnisaziuns⁷

¹ Indemnisaziuns a las mesiras da la construcziun idraulica, a la dischlocaziun d'edifizis e stabiliments periclitads en lieus segirs sco er a l'elavuraziun da basas davart ils privels vegnan per regla concedidas globalmain. L'autezza da las indemnisaziuns globalas vegn negoziada tranter l'Uffizi federal d'ambient (UFAM) ed il chantun pertutgà e sa drizza tenor:⁸

a.: il potenzial da privel e da donns;
b.: la dimensiun e la qualitad da las mesiras sco er la planisaziun da questas mesiras.

² Indemnisaziuns pon vegnir concedidas en il cas singul, sche las mesiras:

a.: custan passa 5 milliuns francs;
b.: han in connex interchantunal u pertutgan auas da cunfin da la Svizra;
c.: tangheschan territoris protegids u objects d'inventaris naziunals;
d.: pretendan in giudicament cumplex u specific d'ina dimensiun particulara pervia da las alternativas pussaivlas u per auters motivs; u
e.: n'eran betg previsiblas.

³ La contribuziun als custs da las mesiras tenor l'alinea 2 importa tranter 35 e 45 pertschient e sa drizza tenor:

a.: il potenzial da privel e da donns;
b.: il grad da la realisaziun d'ina consideraziun cumplessiva da las ristgas;
c.: la dimensiun e la qualitad da las mesiras sco er la planisaziun da questas mesiras.

⁴ Sch'in chantun vegn engrevgià considerablamain tras mesiras da protecziun extraordinarias, en spezial suenter donns da malaura, po la contribuziun tenor l'alinea 3 vegnir augmentada excepziunalmain sin maximalmain 65 pertschient dals custs da las mesiras.

⁵ Naginas indemnisaziuns na vegnan concedidas a:

a.⁹

mesiras da protecziun per edifizis e stabiliments ch'èn, il mument da lur realisaziun:

1.: vegnids construids en zonas da privel gia determinadas u en territoris da privel enconuschents, e
2.: n'eran betg liads inevitablamain a quest lieu;

b.

mesiras da protecziun per edifizis e stabiliments turistics sco pendicularas, runals, pistas da skis u sendas da viandar che sa chattan ordaifer il territori d'abitadi.

⁶ Versiun tenor la cifra I 2 da l'O dals 2 da favrer 2011 (Ulteriur svilup da las cunvegnas da program en il sectur da l'ambient), en vigur dapi il 1. da mars 2011 (AS 2011 649).

⁷ Versiun tenor la cifra I 3 da l'O dals 28 da schan. 2015 davart adattaziuns d'ordinaziuns en il sectur da l'ambient, en spezial concernent las cunvegnas da program per la perioda 2016-2019, en vigur dapi il 1. da schan. 2016 (AS 2015 427).

⁸ Versiun tenor la cifra I 3 da l'O dals 28 da schan. 2015 davart adattaziuns d'ordinaziuns en il sectur da l'ambient, en spezial concernent las cunvegnas da program per la perioda 2016-2019, en vigur dapi il 1. da schan. 2016 (AS 2015 427).

⁹ Versiun tenor la cifra I 3 da l'O dals 28 da schan. 2015 davart adattaziuns d'ordinaziuns en il sectur da l'ambient, en spezial concernent las cunvegnas da program per la perioda 2016-2019, en vigur dapi il 1. da mars 2015 (AS 2015 427).

Art. 2a¹⁰ Custs imputabels

¹ Per indemnisaziuns tenor l'artitgel 2 alineas 1 e 2 èn imputabels mo custs ch'èn resultads effectivamain e ch'èn directamain necessaris per ademplir l'incumbensa subvenziunabla en moda cunvegnenta. Latiers tutgan ils custs da projectaziun, d'acquist da terren, d'execuziun sco er da termaziun.

² Betg imputabels n'èn en spezial taxas e taglias sco er custs che pon vegnir adossads a terzas persunas ch'èn giudidras decisivas u chaschunadras da donns relevants.

¹⁰ Integrà tras la cifra I 3 da l'O dals 28 da schan. 2015 davart adattaziuns d'ordinaziuns en il sectur da l'ambient, en spezial concernent las cunvegnas da program per la perioda 2016-2019, en vigur dapi il 1. da schan. 2016 (AS 2015 427).

Art. 3¹¹

¹¹ Abolì tenor l'agiunta cifra 1 da l'O dals 4 da matg 2011, en vigur dapi il 1. da zercl. 2011 (AS 2011 1955).

3. secziun Procedura per la concessiun d'indemnisaziuns globalas¹²

¹² Versiun tenor la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

Art. 4¹³ Dumonda

¹ Il chantun inoltrescha al UFAM¹⁴ la dumonda per indemnisaziuns globalas.

² La dumonda sto cuntegnair indicaziuns davart:

a.: las finamiras che duain vegnir cuntanschidas cun il program;
b.: las mesiras ch'èn previsiblamain necessarias per cuntanscher las finamiras e per las realisar;
c.: l'efficacitad da las mesiras.

³ En cas da mesiras che han in effect interchantunal coordineschan ils chantuns las dumondas cun ils chantuns pertutgads.

¹³ Versiun tenor la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

¹⁴ Expressiun tenor la cifra I 3 da l'O dals 28 da schan. 2015 davart adattaziuns d'ordinaziuns en il sectur da l'ambient, en spezial concernent las cunvegnas da program per la perioda 2016-2019, en vigur dapi il 1. da schan. 2016 (AS 2015 427). Questa midada è vegnido resguardada en l'entir decret.

Art. 5¹⁵ Cunvegna da program

¹ Il UFAM fa la cunvegna da program cun l'autoritad chantunala cumpetenta.

² La cunvegna da program ha en spezial ils suandants objects:

a.: las finamiras strategicas dal program che duain vegnir cuntanschidas cuminaivlamain;
b.: las prestaziuns dal chantun;
c.: las contribuziuns finanzialas da la Confederaziun;
d.: il controlling.

³ La cunvegna da program dura maximalmain 4 onns.

⁴ Il UFAM decretescha directivas davart il proceder en connex cun cunvegnas da program sco er davart las indicaziuns e las actas concernent ils objects da la cunvegna da program.

¹⁵ Versiun tenor la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

Art. 6¹⁶ Pajament

Indemnisaziuns globalas vegnan pajadas en transchas.

¹⁶ Versiun tenor la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

Art. 7¹⁷ Rapport e controlla

¹ Il chantun suttametta annualmain al UFAM in rapport davart l'utilisaziun da las indemnisaziuns globalas.

² Il UFAM controllescha en furma d'emprovas da controlla:

a.: l'execuziun da singulas mesiras tenor las finamiras da program;
b.: l'utilisaziun da las contribuziuns pajadas.

¹⁷ Versiun tenor la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

Art. 8¹⁸ Adempliment manglus ed utilisaziun per in auter intent

¹ Il UFAM tegna enavos ils pajaments en transchas dal tuttafatg u per part durant la durada dal program, sch'il chantun:

a.: n'ademplescha betg sia obligaziun da rapportar (art. 7 al. 1);
b.: chaschuna per atgna culpa in disturbi considerabel da sia prestaziun.

² Sch'i sa mussa suenter la durada dal program che la prestaziun è manglusa, pretenda il UFAM ch'il chantun curregia la prestaziun; quai cun fixar in termin adequat per quest intent.

³ Sche stabiliments ed indrizs ch'èn vegnids indemnisads vegnan duvrads per in auter intent, po il UFAM pretender dal chantun ch'el tralaschia u annulleschia l'utilisaziun per in auter intent entaifer in termin adequat.

⁴ Sche las mancanzas na vegnan betg eliminadas u sche l'utilisaziun per in auter intent na vegn betg tralaschada u annullada, sa drizza la dumonda da restituziun tenor ils artitgels 28 e 29 da la Lescha da subvenziuns dals 5 d'october 1990¹⁹ (LSu).

¹⁸ Versiun tenor la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

¹⁹ SR 616.1

Art. 8a²⁰

²⁰ Integrà tras la cifra I 61 da l'O dals 26 da zercl. 1996 davart la nova attribuziun da las cumpetenzas da decisiun en l'administraziun federala (AS 1996 2243). Abolì tras la cifra I 3 da l'O dals 28 da schan. 2015 davart adattaziuns d'ordinaziuns en il sectur da l'ambient, en spezial concernent las cunvegnas da program per la perioda 2016-2019, en vigur dapi il 1. da schan. 2016 (AS 2015 427).

4. secziun
Procedura per la concessiun d'indemnisaziuns en il cas singul²¹

²¹ Integrà tras la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

Art. 9²² Dumonda

¹ Il chantun inoltrescha al UFAM la dumonda per indemnisaziuns en il cas singul.

² Il UFAM decretescha directivas davart las indicaziuns e las actas concernent la dumonda.

²² Versiun tenor la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

Art. 10²³ Concessiun e pajament da las contribuziuns

¹ Per fixar l'autezza da l'indemnisaziun decretescha il UFAM ina disposiziun u fa in contract cun il chantun.

^1bis Davart indemnisaziuns che surpassan 10 milliuns francs decida il UFAM en enclegientscha cun l'Administraziun federala da finanzas.²⁴

² El paja las contribuziuns tenor il progress dal project.

²³ Versiun tenor la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

²⁴ Integrà tras la cifra I 3 da l'O dals 28 da schan. 2015 davart adattaziuns d'ordinaziuns en il sectur da l'ambient, en spezial concernent las cunvegnas da program per la perioda 2016-2019, en vigur dapi il 1. da schan. 2016 (AS 2015 427).

Art. 11²⁵ Adempliment manglus ed utilisaziun per in auter intent

¹ Sch'il chantun n'ademplescha betg la mesira ubain sch'el l'ademplescha manglusamain, malgrà in'admoniziun, na vegn l'indemnisaziun ch'era vegnida garantida betg pajada u vegn l'indemnisaziun reducida.

² Sch'igl èn vegnidas pajadas indemnisaziuns e sch'il chantun n'ademplescha betg la mesira ubain l'ademplescha manglusamain, malgrà in'admoniziun, sa drizza la dumonda da restituziun tenor l'artitgel 28 LSu²⁶.

³ Sche stabiliments u indrizs ch'èn vegnids indemnisads vegnan duvrads per in auter intent, po il UFAM pretender dal chantun ch'el tralaschia u annulleschia l'utilisaziun per in auter intent entaifer in termin adequat.

⁴ Sche l'utilisaziun per in auter intent na vegn betg tralaschada u annullada, sa drizza la restituziun tenor l'artitgel 29 LSu.

²⁵ Versiun tenor la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

²⁶ SR 616.1

Art. 12²⁷ Rapport e controlla

Per il rapport e per la controlla vala l'artitgel 7 tenor il senn.

²⁷ Versiun tenor la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

Art. 13-15²⁸

²⁸ Abolì tras la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

2. chapitel Surveglianza da la Confederaziun

Art. 16 Posiziun davart las mesiras da la protecziun cunter aua gronda

¹ Avant ch'ils chantuns decidan davart mesiras architectonicas da la protecziun cunter aua gronda tenor l'artitgel 3 alinea 2 da la lescha, suttamettan els il project a il UFAM per laschar prender posiziun; exceptadas da quai èn mesiras che na chaschunan betg custs particulars.²⁹

² En mintga cas ston mesiras vegnir suttamessas per laschar prender posiziun, sch'ellas:

a.: pertutgan auas da cunfin da la Svizra;
b.: han effects sin la protecziun cunter aua gronda d'auters chantuns u da l'exteriur;
c.: pretendan in'examinaziun ecologica; u
d.: tangheschan territoris protegids u objects d'inventaris naziunals.

³ En cas d'autras mesiras da la protecziun cunter aua gronda pon ils chantuns supplitgar il UFAM da prender posiziun.

⁴ En sia posiziun po il UFAM er s'exprimer davart las dumondas, sche ed en tge autezza approximativa ch'ina indemnisaziun è probablamain pussaivla per la mesira.

²⁹ Versiun tenor la cifra I 9 da l'O dals 7 da nov. 2007 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns, en vigur dapi il 1. da schan. 2008 (AS 2007 5823).

Art. 17 Actas

¹ Per la posiziun inoltreschan ils chantuns al UFAM las suandantas actas:

a.: ina descripziun cumplessiva dal project inclusiv ils plans;
b.: il preventiv dals custs e la clav da repartiziun dals custs;
c.: ina survista davart la situaziun dals privels da la natira existents, davart ils donns pussaivels e davart las finamiras da protecziun tschernidas;
d.: ils resultats dals scleriments davart la necessitad da las mesiras architectonicas e da lur effects;
e.: l'eventual rapport davart la cumpatibilitad ecologica; ed
f.: indicaziuns davart la cumpatibilitad cun la planisaziun directiva e cun la planisaziun d'utilisaziun.

² Il UFAM po dumandar ulteriuras actas.

Art. 18 Posiziun davart autras mesiras

Posts federals che prevesan u che gidan a finanziar mesiras che influenzeschan considerablamain la deflussiun da l'aua, il transport da substanzas insolublas u il reschim da deflussiun, en spezial auas grondas maximalas, sa procuran avant lur decisiun la posiziun dal UFAM.

Art. 18a³⁰ Scumond da mesiras privlusas

Il UFAM po scumandar u pretender d'annullar mesiras che pericliteschan la protecziun cunter aua gronda.

³⁰ Integrà tras la cifra 5 da l'agiunta da l'Ordinaziun dals 6 da december 1999 davart l'organisaziun dal Departament federal per ambient, traffic, energia e communicaziun, en vigur dapi il 1. da schan. 2000 (AS 2000 243).

3. chapitel Execuziun

1. secziun Execuziun tras la Confederaziun

Art. 19 Promoziun

Il UFAM promova la scolaziun e la furmaziun supplementara da persunas ch'èn incumbensadas cun l'execuziun da la protecziun cunter aua gronda.

Art. 20 Directivas

Il UFAM decretescha directivas spezialmain davart:

a.³¹: las pretensiuns a la protecziun cunter aua gronda e las mesiras da la protecziun cunter aua gronda;
b.: l'elavuraziun dal cataster e da las chartas da privels; e
c.: l'elavuraziun dal rendaquint davart las indemnisaziuns.

³¹ Versiun tenor l'agiunta cifra 1 da l'O dals 4 da matg 2011, en vigur dapi il 1. da zercl. 2011 (AS 2011 1955).

Art. 20a³² Geoinfurmaziun

Il UFAM prescriva ils models minimals da geodatas e da represchentaziun per las geodatas da basa tenor questa ordinaziun, per ils quals el è designà sco post federal spezialisà en l'agiunta 1 da l'Ordinaziun dals 21 da matg 2008³³ davart la geoinfurmaziun.

³² Integrà tras l'agiunta 2 cifra 4 da l'O dals 21 da matg 2008 davart la geoinfurmaziun, en vigur dapi il 1. da fan. 2008 (AS 2008 2809).

³³ SR 510.620

2. secziun Execuziun tras ils chantuns

Art. 21³⁴ Territoris da privel e basegn da spazi per las auas

¹ Ils chantuns designeschan ils territoris da privel.

² …³⁵

³ Els resguardan ils territoris da privel ed il basegn da spazi per las auas tenor l'artitgel 36a da la Lescha federala dals 24 da schaner 1991³⁶ davart la protecziun da las auas, e quai en lur planisaziun directiva e planisaziun d'utilisaziun sco er en connex cun lur ulteriuras activitads che han in effect sin il territori.³⁷

³⁴ Versiun tenor la cifra 2 da l'agiunta 5 da l'Ordinaziun dals 28 d'october 1998 davart la protecziun da las auas, en vigur dapi il 1. da schan. 1999 (SR 1998 2863)

³⁵ Abolì tenor la cifra 1 da l'agiunta da l'O dals 4 da matg 2011, en vigur dapi il 1. da zercl. 2011 (AS 2011 1955).

³⁶ SR 814.20

³⁷ Versiun tenor l'agiunta cifra 1 da l'O dals 4 da matg 2011, en vigur dapi il 1. da zercl. 2011 (AS 2011 1955).

Art. 22 Surveglianza

Ils chantuns examineschan periodicamain la situaziun da privel da las auas e l'efficacitad da las mesiras prendidas da la protecziun cunter aua gronda.

Art. 23 Mantegniment

Ils chantuns procuran per il mantegniment necessari da las auas en l'interess da la protecziun cunter aua gronda. Els fan quai resguardond las pretensiuns ecologicas.

Art. 24 Servetschs da preavertiment

Ils chantuns procuran per l'installaziun e per la gestiun dals servetschs da preavertiment ch'èn necessaris per segirar ils abitadis e las vias da traffic cunter ils privels da l'aua.

Art. 25 Disposiziuns executivas

Ils chantuns decreteschan las disposiziuns executivas entaifer 5 onns suenter l'entrada en vigur da la lescha.

4. chapitel Procuraziun da la basa

Art. 26 Procuraziun da la basa tras la Confederaziun

¹ Il UFAM fa las retschertgas davart ils aspects da la protecziun cunter aua gronda. En spezial registrescha el ils profils da las auas.

² Il UFAM eruescha la basa idrologica; el installescha e maina las staziuns da mesiraziun ch'èn necessarias per quest intent. Sche l'andament da las fatschentas permetta, po el far lavurs idrologicas per autoritads, per societads e per persunas privatas, e quai cun facturar ils custs.³⁸

³ Il UFAM coordinescha ils inventaris chantunals davart ils edifizis ed ils stabiliments, ch'èn d'impurtanza per la segirezza en cas d'aua gronda.

⁴ El maina in inventari davart las mesiras da la protecziun cunter aua gronda che vegnan confinanziadas da la Confederaziun.

⁵ El analisescha eveniments da donn d'impurtanza naziunala.³⁹

³⁸ Versiun tenor la cifra 5 da l'agiunta da l'Ordinaziun dals 6 da december 1999 davart l'organisaziun dal Departament federal per ambient, traffic, energia e communicaziun, en vigur dapi il 1. da schan. 2000 (AS 2000 243).

³⁹ Integrà tras la cifra I 3 da l'O dals 28 da schan. 2015 davart adattaziuns d'ordinaziuns en il sectur da l'ambient, en spezial concernent las cunvegnas da program per la perioda 2016-2019, en vigur dapi il 1. da schan. 2016 (AS 2015 427).

Art. 27 Procuraziun da la basa tras ils chantuns

¹ Ils chantuns elavuran las basas per la protecziun cunter eveniments da la natira. Els:⁴⁰

a.⁴¹: mainan inventaris davart edifizis e stabiliments, ch'èn d'impurtanza per la segirezza en cas d'aua gronda (catasters da las ovras da protecziun);
b.⁴²: documenteschan eveniments da donn (cataster d'eveniments) ed analiseschan sche necessari eveniments da donn pli gronds;
c.⁴³: elavuran chartas da privel e - per cas d'eveniments - planisaziuns d'urgenza ed actualiseschan periodicamain quests documents;
d.: erueschan il stadi da las auas e lur midadas; ed
e.⁴⁴: …
f.: installeschan e mainan ils posts da mesiraziun ch'èn necessaris en l'interess da la protecziun cunter aua gronda.

² Els resguardan las basas che la Confederaziun ha eruì e sias directivas tecnicas.

³ Els mettan a disposiziun las datas al UFAM sin dumonda e las rendan accessiblas a la publicitad en furma adattada.⁴⁵

⁴⁰ Versiun tenor la cifra I 3 da l'O dals 28 da schan. 2015 davart adattaziuns d'ordinaziuns en il sectur da l'ambient, en spezial concernent las cunvegnas da program per la perioda 2016-2019, en vigur dapi il 1. da schan. 2016 (AS 2015 427).

⁴¹ Versiun tenor la cifra I 3 da l'O dals 28 da schan. 2015 davart adattaziuns d'ordinaziuns en il sectur da l'ambient, en spezial concernent las cunvegnas da program per la perioda 2016-2019, en vigur dapi il 1. da schan. 2016 (AS 2015 427).

⁴² Versiun tenor la cifra I 3 da l'O dals 28 da schan. 2015 davart adattaziuns d'ordinaziuns en il sectur da l'ambient, en spezial concernent las cunvegnas da program per la perioda 2016-2019, en vigur dapi il 1. da schan. 2016 (AS 2015 427).

⁴³ Versiun tenor la cifra I 3 da l'O dals 28 da schan. 2015 davart adattaziuns d'ordinaziuns en il sectur da l'ambient, en spezial concernent las cunvegnas da program per la perioda 2016-2019, en vigur dapi il 1. da schan. 2016 (AS 2015 427).

⁴⁴ Abolì tras la cifra I 3 da l'O dals 28 da schan. 2015 davart adattaziuns d'ordinaziuns en il sectur da l'ambient, en spezial concernent las cunvegnas da program per la perioda 2016-2019, en vigur dapi il 1. da schan. 2016 (AS 2015 427).

⁴⁵ Versiun tenor l'agiunta 2 cifra 4 da l'O dals 21 da matg 2008 davart la geoinfurmaziun, en vigur dapi il 1. da fan. 2008 (AS 2008 2809).

5. chapitel Disposiziuns finalas

Art. 28 Aboliziun dal dretg vertent

L'Ordinaziun executiva dals 8 da mars 1879⁴⁶ tar la Lescha federala dals 22 da zercladur 1877 davart la polizia da construcziuns idraulicas autalpinas vegn abolida.

⁴⁶ [BS 4 935; AS 1985 685 cifra I 7, 1979 3 agiunta 2]

Art. 29 Entrada en vigur

Questa ordinaziun entra en vigur il 1. da december 1994.

Ordinaziun davart la correcziun dals curs d'aua

(OCCA)

Ordinaziun
davart la correcziun dals curs d'aua