1 Ils suandants narcotics na dastgan betg vegnir cultivads, importads, producids u mess en circulaziun:36
- a.
- opium da fimar e las restanzas che resultan da sia producziun u da sia utilisaziun;
- b.
- diacetilmorfin e ses sals;
- c.
- alluzinogens sco lisergid (LSD 25);
- d.37
- narcotics che han effects dal tip da cannabis.38
2 …39
3 Il Cussegl federal po scumandar d'importar, da producir e da metter en circulaziun ulteriurs narcotics, sche cunvegnas internaziunalas scumondan lur producziun u sch'ils pajais da fabricaziun ils pli impurtants desistan d'als producir.40
4 Eventualas reservas da narcotics scumandads ston vegnir transfurmadas sut surveglianza da l'autoritad chantunala cumpetenta en ina substanza permessa da la lescha u vegnir destruidas, sche questa pussaivladad manca.
5 L'Uffizi federal da sanadad publica po conceder permissiuns excepziunalas per cultivar, per importar, per producir e per metter en circulaziun ils narcotics tenor ils alineas 1 e 3, sche naginas cunvegnas internaziunalas na s'opponan a quai e sche quests narcotics vegnan utilisads per la perscrutaziun scientifica, per il svilup da medicaments u per in'applicaziun medicinala limitada.41
6 Per cultivar narcotics tenor ils alineas 1 e 3, ils quals vegnan utilisads sco substanzas activas da medicaments permess, dovri ina permissiun excepziunala da l'Uffizi federal da sanadad publica.42
7 Per importar, per producir e per metter en circulaziun narcotics tenor ils alineas 1 e 3, ils quals vegnan utilisads sco substanzas activas da medicaments permess, dovri ina permissiun da l'institut tenor l'artitgel 4.43
8 L'Uffizi federal da sanadad publica po conceder permissiuns excepziunalas, sche las substanzas tenor ils alineas 1 e 3 vegnan utilisadas per mesiras da cumbat.44