Art. 1
1 Approvadas vegnan:
- a.
- la cunvegna dals 26 d'october 20043 tranter la confederaziun svizra, l'uniun europeica e la communitad europeica davart l'associaziun da quest stadi tar la realisaziun, l'applicaziun ed il svilup dal possess actual da Schengen;
- b.
- la cunvegna dals 26 d'october 20044 tranter la confederaziun svizra e la communitad europeica davart ils criteris e las proceduras per determinar il stadi cumpetent per examinar ina dumonda d'asil inoltrada en in stadi commember u en Svizra;
- c.
- la convenziun dals 17 da december 20045 tranter la confederaziun svizra, la republica da l'Islanda ed il reginavel da la Norvegia davart la realisaziun, l'applicaziun ed il svilup dal possess actual da Schengen e davart ils criteris e las proceduras per determinar il stadi cumpetent per examinar ina dumonda d'asil inoltrada en Islanda, en Norvegia u en Svizra;
- d.
- la cunvegna dals 26 d'october 20046 en furma d'ina correspundenza tranter il cussegl da l'uniun europeica e la confederaziun svizra davart las giuntas che sustegnan la cumissiun europeica tar l'execuziun da sias cumpetenzas da realisaziun.
2 En il rom da la constituziun federala e da la lescha federala dals 22 da december 19997 davart la participaziun dals chantuns a la politica exteriura da la confederaziun reglan la confederaziun ed ils chantuns en ina cunvegnientscha la participaziun dals chantuns tar la realisaziun e tar l'ulteriur svilup dal possess actual da Schengen e da Dublin avant l'entrada en vigur da quellas cunvegnas.
3 Il corp da guardias da cunfin ademplescha incumbensas da segirezza en collavuraziun cun la polizia dals chantuns e da la confederaziun. La suveranitad da polizia chantunala resta garantida en quest connex. Il corp da guardias da cunfin mantegna almain l'effectiv dals 31 da december 2003.
4 Il cussegl federal vegn autorisà da ratifitgar las cunvegnans menziunadas en l'alinea 1.