Version in Kraft, Stand am 01.03.2024

01.03.2024 - * / In Kraft
  DEFRITRMEN • (html)
  DEFRITRMEN • (pdf)

01.08.2021 - 29.02.2024
01.02.2021 - 31.07.2021
18.02.2020 - 31.01.2021
01.01.2020 - 17.02.2020
01.01.2016 - 31.12.2019
01.07.2015 - 31.12.2015
01.01.2015 - 30.06.2015
01.05.2013 - 31.12.2014
01.01.2013 - 30.04.2013
01.09.2011 - 31.12.2012
01.01.2009 - 31.08.2011
01.01.2008 - 31.12.2008
01.12.2007 - 31.12.2007
01.09.2007 - 30.11.2007
01.01.2007 - 31.08.2007
01.02.2006 - 31.12.2006
01.01.2006 - 31.01.2006
01.07.2004 - 31.12.2005
01.05.2004 - 30.06.2004
Fedlex DEFRITRMEN
Versionen Vergleichen

954.1

Rumantsch č ina lingua naziunala, ma ina lingua parzialmain uffiziala da la Confederaziun, numnadamain en la correspundenza cun persunas da lingua rumantscha. La translaziun d'in decret federal serva a l'infurmaziun, n'ha dentant nagina validitad legala.

Lescha federala
davart ils instituts da finanzas

(Lescha davart ils instituts da finanzas, LIFin)

dals 15 da zercladur 2018 (versiun dal 1. da mars 2024)

L'Assamblea federala da la Confederaziun svizra,

sa basond sin ils artitgels 95 e 98 alineas 1 e 2 da la Constituziun federala1,
suenter avair gė invista da la missiva dal Cussegl federal dals 4 da november 20152,

concluda:

1. chapitel Disposiziuns generalas

1. secziun Object, intent e champ d'applicaziun

Art. 1 Object ed intent

1 Questa lescha regla las pretensiuns a l'activitad dals instituts da finanzas.

2 Ses intent č quel da proteger ils investiders sco er ils clients d'instituts da finanzas e da garantir la funcziunalitad dal martgā da finanzas.

Art. 2 Champ d'applicaziun

1 Instituts da finanzas en il senn da questa lescha čn, independentamain da lur furma giuridica:

a.
administraturs da facultad (art. 17 al. 1);
b.
trustees (art. 17 al. 2);
c.
administraturs da facultads collectivas (art. 24);
d.
direcziuns da fonds (art. 32);
e.
chasas da vaglias (art. 41).

2 A questa lescha n'čn betg suttamess:

a.
persunas che administreschan exclusivamain valurs da facultad da persunas ch'čn colliadas cun ellas economicamain u famigliarmain;
b.
persunas che administreschan exclusivamain valurs da facultad en il rom da plans da participaziun da lavurants;
c.
advocats e notars e lur persunas d'agid, uschenavant che lur activitad č suttamessa al secret professiunal tenor l'artitgel 321 dal Cudesch penal3 u a l'artitgel 13 da la Lescha dals 23 da zercladur 20004 davart las advocatas ed ils advocats, sco er la persuna giuridica, en la quala questas persunas čn organisadas;
d.
persunas che administreschan facultads en il rom d'in mandat reglā per lescha;
e.
la Banca naziunala svizra e la Banca dals reglaments internaziunals;
f.
instituziuns da provediment ed ulteriuras instituziuns che servan tenor lur intent al provediment professiunal (instituziuns da provediment), fundaziuns da patruns (fonds da provediment da patruns), patruns che administreschan la facultad da lur instituziuns da provediment sco er federaziuns da patruns e federaziuns da lavurants che administreschan la facultad da las instituziuns da lur federaziun;
g.
instituziuns da l'assicuranza sociala e cassas da cumpensaziun;
h.
interpresas d'assicuranza en il senn da la Lescha dals 17 da december 20045 davart la surveglianza da las assicuranzas;
i.
instituziuns d'assicuranza da dretg public tenor l'artitgel 67 alinea 1 da la Lescha federala dals 25 da zercladur 19826 davart la provediment professiunal per vegls, survivents ed invaliditad;
j.
bancas en il senn da la Lescha da bancas dals 8 da november 19347 (LB).
Art. 4 Societads superiuras da concern e societads da gruppa impurtantas

1 A las mesiras dal dretg d'insolvenza tenor l'artitgel 67 alinea 1 čn suttamessas, premess ch'ellas na suttastettian betg a la cumpetenza da concurs da l'Autoritad federala per la surveglianza dals martgads da finanzas (FINMA) en il rom da la surveglianza da l'institut singul:

a.
societads superiuras da concern d'ina gruppa da finanzas u d'in conglomerat da finanzas ch'čn domiciliadas en Svizra;
b.
quellas societads da gruppa che han ina sedia en Svizra e che adempleschan funcziuns impurtantas per las activitads che dovran ina permissiun (societads da gruppa impurtantas).

2 Il Cussegl federal regla ils criteris per giuditgar l'impurtanza.

3 La FINMA designescha las societads da gruppa impurtantas e maina ina glista da questas societads. Questa glista č accessibla a la publicitad.

2. secziun Disposiziuns cuminaivlas

Art. 5 Obligaziun da dumandar ina permissiun

1 Instituts da finanzas tenor l'artitgel 2 alinea 1 dovran ina permissiun da la FINMA.

2 Els pon sa laschar inscriver en il register da commerzi pir suenter che la permissiun č concedida.

3 Instituts da finanzas tenor l'artitgel 2 alinea 1 litera c, che suttastattan en Svizra gia ad ina surveglianza statala equivalenta, čn deliberads da l'obligaziun da permissiun.

Art. 6 Cascada da permissiuns

1 La permissiun per pratitgar l'activitad sco banca en il senn da la LB8 autorisescha er da pratitgar l'activitad sco chasa da vaglias, sco administratur da facultads collectivas, sco administratur da facultad e sco trustee.

2 La permissiun per pratitgar l'activitad sco chasa da vaglias tenor l'artitgel 41 litera a autorisescha er da pratitgar l'activitad sco administratur da facultads collectivas, sco administratur da facultad e sco trustee.9

3 La permissiun per pratitgar l'activitad sco direcziun da fonds autorisescha er da pratitgar l'activitad sco administratur da facultads collectivas e sco administratur da facultad.

4 La permissiun per pratitgar l'activitad sco administratur da facultads collectivas autorisescha er da pratitgar l'activitad sco administratur da facultad.

8 SR 952.0

9 Versiun tenor la cifra I 7 da la LF dals 25 da sett. 2020 davart l'adattaziun dal dretg federal als svilups da la tecnologia dals registers electronics distribuids, en vigur dapi il 1. d'avust 2021 (AS 2021 33, 399; BBl 2020 233).

Art. 7 Premissas per la permissiun

1 In dretg da la permissiun ha, tgi che ademplescha las premissas da questa secziun e las premissas spezialas ch'čn applitgablas per ils singuls instituts da finanzas.

2 Administraturs da facultad e trustees ston cumprovar cun la dumonda da permissiun ch'els vegnian survegliads d'ina organisaziun da surveglianza tenor l'artitgel 43a da la Lescha dals 22 da zercladur 200710 davart la surveglianza dals martgads da finanzas (LFINMA).

3 Il Cussegl federal po fixar premissas supplementaras per la permissiun, sche quai č necessari per realisar standards internaziunals renconuschids.

Art. 8 Midada dals fatgs

1 L'institut da finanzas communitgescha a la FINMA mintga midada da fatgs che furman la basa per la permissiun.

2 Sche las midadas han ina impurtanza essenziala, sto vegnir dumandada ordavant la permissiun da la FINMA per pudair cuntinuar cun l'activitad.

Art. 9 Organisaziun

1 L'institut da finanzas sto fixar reglas adattadas per la gestiun da l'interpresa ed esser organisā uschia ch'el č en cas ademplir las obligaziuns legalas.

2 El identifitgescha, mesira, regulescha e surveglia sias ristgas inclusiv las ristgas giuridicas e las ristgas da reputaziun e procura per controllas internas efficazias.

3 Il Cussegl federal fixescha las pretensiuns minimalas a l'organisaziun dals instituts da finanzas e tegna en quest connex en spezial quint da las differentas activitads commerzialas e da las differentas grondezzas da l'interpresa sco er da las ristgas dals instituts da finanzas.

Art. 10 Lieu da la direcziun

1 La direcziun da l'institut da finanzas sto sa chattar per propi en Svizra. Exceptadas čn directivas e decisiuns generalas en il rom da la surveglianza dal concern, sche l'institut da finanzas furma ina part d'ina gruppa da finanzas ch'č suttamessa ad ina surveglianza consolidada adequata tras autoritads da surveglianza estras.

2 Las persunas ch'čn incumbensadas cun la gestiun da l'institut da finanzas ston avair lur domicil en in lieu, dal qual anora ellas pon pratitgar per propi la gestiun.

Art. 11 Garanzia

1 L'institut da finanzas e las persunas incumbensadas cun l'administraziun e cun la gestiun da l'institut da finanzas ston garantir in'activitad commerziala irreproschabla.

2 Las persunas incumbensadas cun l'administraziun e cun la gestiun da l'institut da finanzas ston ultra da quai avair ina buna reputaziun e posseder las qualificaziuns professiunalas ch'čn necessarias per la funcziun.

3 Er las persunas ch'čn participadas en moda qualifitgada vi d'in institut da finanzas ston avair ina buna reputaziun e garantir che lur influenza na pregiuditgeschia betg in'activitad commerziala prudenta e solida.

4 Sco participā en moda qualifitgada vi d'in institut da finanzas vala, tgi ch'č participā en moda directa u indirecta cun almain 10 pertschient dal chapital u da las vuschs vi da l'institut da finanzas u tgi che po influenzar decisivamain sia activitad commerziala en autra moda.

5 Mintga persuna sto annunziar a la FINMA, sch'ella vul acquistar u vender ina participaziun qualifitgada directa u indirecta tenor l'alinea 4 vi d'in institut da finanzas. Questa obligaziun d'annunzia exista er, sch'ina participaziun qualifitgada vegn engrondida u reducida uschia ch'ella cuntanscha, surpassa u sutpassa las savas da 20, 33 u 50 pertschient dal chapital u da las vuschs.

6 L'institut da finanzas annunzia a la FINMA las persunas che adempleschan las premissas tenor l'alinea 5, uschespert ch'el ha enconuschientscha da quest fatg.

7 Exceptads dals alineas 5 e 6 čn ils administraturs da facultad ed ils trustees.

8 Tgi ch'č participā en moda qualifitgada vi d'administraturs da facultad e vi da trustees, dastga pratitgar la gestiun.

Art. 12 Purschida publica da valurs mobigliaras sin il martgā primar

Tgi ch'č principalmain activ en il sectur da finanzas, dastga pratitgar las suandantas activitads mo, sch'el ha ina permissiun sco chasa da vaglias tenor questa lescha u sco banca tenor la LB11:

a.
surpigliar a titel professiunal valurs mobigliaras che vegnan emessas da terzas persunas e porscher talas publicamain sin il martgā primar;
b.
crear a titel professiunal derivats en furma da valurs mobigliaras e porscher talas publicamain sin il martgā primar.
Art. 13 Protecziun cunter scumbigl e cunter engion

1 La designaziun da l'institut da finanzas na dastga betg dar chaschun a scumbigls u ad engion.

2 Las designaziuns Ģadministratur da facultadģ, Ģtrusteeģ, Ģadministratur da facultads collectivasģ, Ģdirecziun da fondsģ u Ģchasa da vagliasģ dastgan persunas duvrar mo alura sulettamain u en cumbinaziun da pleds en la firma, en la circumscripziun da l'intent da la fatschenta u en documents da fatschenta, sch'ellas possedan la permissiun correspundenta. Resalvads restan ils artitgels 52 alinea 3 e 58 alinea 3.

Art. 14 Transferiment d'incumbensas

1 Instituts da finanzas dastgan transferir ina incumbensa a terzs mo, sche quels han las abilitads, las enconuschientschas e las experientschas sco er las permissiuns ch'čn necessarias per ademplir questa activitad. Els instrueschan e surveglian conscienziusamain ils terzs incumbensads.

2 La FINMA po suttametter il transferiment da decisiuns d'investiziun ad ina persuna a l'exteriur a la cundiziun ch'i vegnia concludida ina cunvegna davart la collavuraziun e davart il barat d'infurmaziuns tranter la FINMA e l'autoritad da surveglianza cumpetenta estra, en spezial, sch'il dretg ester pretenda la conclusiun d'ina tala cunvegna.

Art. 15 Fatschenta a l'exteriur

In institut da finanzas fa in'annunzia a la FINMA avant ch'el:

a.
installescha, acquista u serra a l'exteriur ina filiala, ina succursala u ina represchentanza;
b.
acquista u smetta ina participaziun qualifitgada vi d'ina societad estra.
Art. 1612 Servetsch da mediaziun

Instituts da finanzas che na furneschan betg prestaziuns finanzialas tenor l'artitgel 3 litera c da la Lescha federala dals 15 da zercladur 201813 davart ils servetschs finanziars (LSFin) exclusivamain a clients instituziunals u professiunals tenor l'artitgel 4 alineas 3 e 4 LSFin, ston s'affiliar ad in servetsch da mediaziun tenor las disposiziuns dal 5. titel LSFin il pli tard, cur ch'els cumenzan cun lur activitad.

12 Versiun tenor la cifra I 7 da la LF dals 25 da sett. 2020 davart l'adattaziun dal dretg federal als svilups da la tecnologia dals registers electronics distribuids, en vigur dapi il 1. da favr. 2021 (AS 2021 33; BBl 2020 233).

13 SR 950.1

2. chapitel Instituts da finanzas

1. secziun Administraturs da facultad e trustees

Art. 17 Definiziuns

1 Sco administratur da facultad vala, tgi che po - sa basond sin ina incumbensa - disponer en num e sin quint dals clients da las valurs da facultad da tals en il senn da l'artitgel 3 litera c cifras 1-4 LSFin14.

2 Sco trustee vala, tgi che administrescha - sa basond sin il document da fundaziun d'in trust en il senn da la Convenziun dal 1. da fanadur 198515 concernent la lescha applitgabla per trusts e lur renconuschientscha - a titel professiunal facultads spezialas a favur dals benefiziads u per in tschert intent u dispona da talas.

Art. 18 Furma giuridica

1 Administraturs da facultad e trustees che han lur sedia u lur domicil en Svizra ston avair ina da las suandantas furmas giuridicas:

a.
interpresa singula;
b.
societad commerziala;
c.
associaziun.

2 Administraturs da facultad e trustees čn obligads da laschar s'inscriver en il register da commerzi.

Art. 19 Incumbensas

1 L'administratur da facultad administrescha portfolios individuals.

2 Il trustee administrescha la facultad speziala, procura che sia valur restia mantegnida e dovra ella tenor ses intent.

3 Administraturs da facultad e trustees pon furnir supplementarmain en spezial ils suandants servetschs:

a.
cussegliaziun d'investiziun;
b.
analisa dal portfolio;
c.
purschida d'instruments finanzials.
Art. 20 Gestiunaris qualifitgads

1 La gestiun d'in administratur da facultad u d'in trustee sto vegnir exequida d'almain duas persunas qualifitgadas.

2 La gestiun po vegnir exequida mo d'ina persuna qualifitgada, sch'i vegn cumprovā che la cuntinuaziun ordinaria da l'activitad economica č garantida.

3 Ina persuna č qualifitgada d'exequir la gestiun, sch'ella dispona d'ina scolaziun che correspunda a l'activitad da l'administratur da facultad u dal trustee sco er d'avunda experientscha professiunala en l'administraziun da facultad per terzs u en il rom da trusts il mument ch'ella surpiglia la gestiun. Il Cussegl federal regla ils detagls.

Art. 21 Management da las ristgas e controlla interna

1 Administraturs da facultad e trustees ston disponer d'in management da las ristgas adequat e d'ina controlla interna efficazia che garantescha tranter auter che las prescripziuns giuridicas ed internas da l'interpresa vegnian garantidas (compliance).

2 Las incumbensas dal management da las ristgas e da la controlla interna pon vegnir ademplidas d'in mainagestiun qualifitgā u delegadas a collavuraturs cun las qualificaziuns correspundentas u ad in post extern qualifitgā.

3 Persunas che adempleschan incumbensas dal management da las ristgas e da la controlla interna na dastgan betg vegnir integradas en las activitads ch'ellas surveglian.

Art. 22 Chapital minimal e garanzias

1 Il chapital minimal d'administraturs da facultad e da trustees sto importar 100 000 francs e sto vegnir pajā en en daner blut. El sto vegnir mantegnė permanentamain.

2 Ils administraturs da facultad ed ils trustees ston ultra da quai disponer da garanzias commensuradas u concluder in'assicuranza da responsabladad professiunala.

3 Il Cussegl federal fixescha ils imports minimals per las garanzias e la summa d'assicuranza da l'assicuranza da responsabladad professiunala.

Art. 23 Agens meds finanzials

1 Administraturs da facultad e trustees ston posseder agens meds finanzials adequats.

2 Ils agens meds finanzials ston adina importar almain in quart dals custs fixs da l'ultim quint annual, fin maximalmain 10 milliuns francs.

2. secziun Administraturs da facultads collectivas

Art. 24 Definiziun

1 Sco administratur da facultads collectivas vala, tgi che administrescha a titel professiunal valurs da facultad en num e sin quint da:

a.
investiziuns collectivas da chapital;
b.
instituziuns da provediment.

2 Sco administraturs da facultad en il senn da l'artitgel 17 alinea 1 valan:

a.
administraturs da facultads collectivas tenor l'alinea 1 litera a, da las qualas ils investiders čn qualifitgads en il senn da l'artitgel 10 alinea 3 u 3ter da la Lescha dals 23 da zercladur 200616 davart las investiziuns collectivas e che adempleschan ina da las suandantas premissas:
1.
Las valurs da facultad administradas da las investiziuns collectivas da chapital, inclusiv las valurs da facultad ch'čn vegnidas acquistadas grazia a l'applicaziun d'instruments finanzials cun effect da levagl, importan tut en tut maximalmain 100 milliuns francs.
2.
Las valurs da facultad administradas da las investiziuns collectivas da chapital importan tut en tut maximalmain 500 milliuns francs e na cuntegnan nagins instruments finanzials cun effect da levagl; las investiziuns collectivas da chapital na concedan nagin dretg da rembursament durant ils emprims 5 onns suenter che l'emprima investiziun č vegnida fatga;
b.
administraturs da facultads collectivas tenor l'alinea 1 litera b che administreschan valurs da facultad d'instituziuns da provediment da tut en tut maximalmain 100 milliuns francs ed en il sectur obligatoric ultra da quai maximalmain 20 pertschient da las valurs da facultad d'ina singula instituziun da provediment.

3 Administraturs da facultad tenor l'alinea 2 pon pretender ina permissiun sco administraturs da facultads collectivas, sche quai vegn pretendė dal stadi, en il qual l'investiziun collectiva da chapital vegn constituida u purschida u en il qual l'instituziun da provediment vegn manada. Il Cussegl federal regla ils detagls.

Art. 25 Furma giuridica

L'administratur da facultads collectivas cun sedia en Svizra sto avair la furma giuridica d'ina societad commerziala.

Art. 26 Incumbensas

1 L'administratur da facultads collectivas garantescha l'administraziun dal portfolio ed il management da las ristgas per las valurs da facultad confidadas ad el.

2 Ultra da quai dastga l'administratur da facultads collectivas pratitgar en spezial la gestiun da fonds per investiziuns collectivas da chapital estras. Sch'il dretg ester pretenda ina cunvegna davart la collavuraziun e davart il barat d'infurmaziuns tranter la FINMA e las autoritads da surveglianza estras ch'čn relevantas per la gestiun da fonds, dastga el pratitgar questa gestiun mo, sch'ina tala cunvegna č vegnida concludida.

3 L'administratur da facultads collectivas po exequir supplementarmain activitads administrativas en il rom da questas incumbensas.

Art. 27 Transferiment d'incumbensas

1 L'administratur da facultads collectivas po transferir incumbensas a terzs, sche quai č en l'interess d'ina administraziun adequata.

2 Tgi che transferescha l'administraziun da facultads d'ina instituziun da provediment u d'ina investiziun collectiva da chapital ad in administratur da facultads collectivas, resta responsabel che las prescripziuns d'investiziun mintgamai applitgablas vegnian observadas.

Art. 28 Chapital minimal e garanzias

1 Administraturs da facultads collectivas ston disponer dal chapital minimal pretendė. Quel sto esser pajā en cumplettamain.

2 La FINMA po permetter ad administraturs da facultads collectivas en furma da societads da persunas da prestar garanzias commensuradas empč dal chapital minimal.

3 Il Cussegl federal regla l'autezza dal chapital minimal e da las garanzias. Ultra da quai po el suttametter la concessiun da la permissiun a la cundiziun ch'i vegnia fatga in'assicuranza da responsabladad professiunala.

Art. 29 Agens meds finanzials

1 Administraturs da facultads collectivas ston disponer dal chapital minimal pretendė.

2 Il Cussegl federal fixescha l'autezza dals agens meds finanzials a norma da l'activitad commerziala e da las ristgas.

Art. 30 Surveglianza da gruppas e da conglomerats

Sche standards internaziunals renconuschids pretendan quai, po la FINMA suttametter ina gruppa da finanzas, che vegn dominada d'in administratur da facultads collectivas, u in conglomerat da finanzas, che vegn dominā d'in administratur da facultads collectivas, ad ina surveglianza da gruppas u da conglomerats.

Art. 31 Midada da l'administratur da facultads collectivas

L'administratur da facultads collectivas annunzia la surpigliada da ses dretgs e da sias obligaziuns tras in auter administratur da facultads collectivas ordavant a l'autoritad da surveglianza ch'č responsabla per survegliar l'investiziun collectiva da chapital u l'instituziun da provediment.

3. secziun Direcziuns da fonds

Art. 3217 Noziun

Sco direcziun dal fond vala, tgi che administrescha independentamain fonds d'investiziun en l'agen num e sin quint dals investiders tenor l'artitgel 15 alinea 1 litera a da la Lescha dals 23 da zercladur 200618 davart las investiziuns collectivas (LICol) u procura per l'administraziun d'ina SICAV tenor l'artitgel 13 alinea 2 litera b LICol.

17 Versiun tenor la cifra 5 da l'agiunta da la LF dals 17 da dec. 2021, en vigur dapi il 1. da mars 2024 (AS 2024 53; BBl 2020 6885).

18 SR 951.31

Art. 33 Furma giuridica ed organisaziun

1 La direcziun da fonds sto esser ina societad anonima che ha sia sedia e sia administraziun principala en Svizra.

2 Il chapital d'aczias sto esser dividė en aczias al num.

3 Las persunas responsablas per la direcziun da fonds e da la banca da deposit ston mintgamai esser independentas da l'autra societad.

4 La finamira principala da la direcziun da fonds č la gestiun da fonds; quella consista da l'offerta da quotas dal fond d'investiziun, da sia direcziun e da sia administraziun.

Art. 34 Incumbensas

Ultra da pratitgar las activitads tenor questa lescha dastga la direcziun da fonds furnir oravant tut ils ulteriurs suandants servetschs:

a.
depositar ed administrar tecnicamain investiziuns collectivas da chapital;
b.
administrar ina societad d'investiziun a chapital variabel (SICAV).
Art. 35 Transferiment d'incumbensas

1 La direcziun da fonds na dastga betg transferir a terzs la direcziun dal fond d'investiziun. Ella dastga perō transferir a terzs decisiuns d'investiziun sco er incumbensas parzialas, sche quai č en l'interess d'ina administraziun adequata.

2 Per investiziuns collectivas da chapital, da las qualas las quotas vegnan purschidas a cundiziuns facilitadas en l'Uniun europeica pervia d'ina cunvegna, na dastgan las decisiuns d'investiziun vegnir transferidas ni a la banca da deposit ni ad autras interpresas, da las qualas ils interess pudessan collidar cun tals da l'administratur da facultads collectivas u da la direcziun da fonds u dals investiders.

Art. 36 Chapital minimal

1 La direcziun da fonds sto disponer dal chapital minimal pretendė. Quel sto esser pajā en cumplettamain.

2 Il Cussegl federal fixescha l'autezza dal chapital minimal.

Art. 37 Agens meds finanzials

1 Tranter ils agens meds finanzials da la direcziun da fonds e la facultad totala da las investiziuns collectivas da chapital che vegnan administradas dad ella stoi dar ina relaziun adequata. Il Cussegl federal regla questa relaziun.

2 En cas spezials po la FINMA conceder facilitaziuns, premess che l'intent da protecziun da questa lescha na vegnia betg pregiuditgā, u ordinar mesiras pli severas en chaussa.

3 Ils agens meds finanzials prescrits na dastga la direcziun da fonds ni investir en quotas da fonds, ch'ella ha emess sezza, ni emprestar a ses acziunaris u a persunas natiralas e giuridicas ch'čn colliadas economicamain u famigliarmain cun tals. Sche meds finanzials liquids vegnan tegnids tar la banca da deposit, na vala quai betg sco emprest.

Art. 38 Dretgs

1 La direcziun da fonds ha il dretg:

a.
da l'indemnisaziun previsa en il contract da fond;
b.
da la liberaziun da las obligaziuns ch'ella ha surpigliā per ademplir correctamain sias incumbensas;
c.
da la cumpensaziun da las expensas ch'ella ha fatg per ademplir questas obligaziuns.

2 Quests dretgs vegnan ademplids or dals meds finanzials dal fond d'investiziun. La responsabladad persunala dals investiders č exclusa.

Art. 39 Midada da la direcziun da fonds

1 Ils dretgs e las obligaziuns da la direcziun da fonds pon vegnir transferids ad in'autra direcziun da fonds.

2 Il contract da transferiment č mo valaivel, sch'el vegn fixā en scrit u en in'autra furma che permetta ina cumprova tras text, sch'el ha il consentiment da la banca da deposit e sch'el vegn approvā da la FINMA.

3 La direcziun da fonds vertenta communitgescha en ils organs da publicaziun il transferiment planisā avant l'approvaziun tras la FINMA.

4 En las publicaziuns ston ils investiders vegnir rendids attent a la pussaivladad d'inoltrar objecziuns tar la FINMA entaifer 30 dis dapi la publicaziun. La procedura sa drizza tenor la Lescha federala dals 20 da december 196819 davart la procedura administrativa.

5 La FINMA approvescha la midada da la direcziun da fonds, sche las prescripziuns legalas čn observadas e sche la cuntinuaziun dal fond d'investiziun č en l'interess dals investiders.

6 Ella publitgescha la decisiun en ils organs da publicaziun.

Art. 39a20 Midada da la direcziun d'in Limited Qualified Investor Fund

1 L'artitgel 39 alineas 2-6 n'č betg applitgabel per la midada da la direcziun d'in Limited Qualified Investor Fund (L-QIF) en la furma giuridica d'in fond d'investiziun contractual.

2 Il contract da transferiment č mo valaivel, sch'el vegn concludė en scrit u en in'autra furma che permetta ina cumprova tras text e sch'el č vegnė approvā ordavant da la banca da deposit.

3 La direcziun vertenta dal fond communitgescha il transferiment planisā en ils organs da publicaziun ed inditgescha, cura che la midada vegn exequida.

4 D'ina publicaziun tenor l'alinea 3 poi vegnir desistė, sche tut ils investiders vegnan infurmads - en scrit u en in'autra furma che permetta ina cumprova tras text - davart il transferiment e davart il mument da l'execuziun da la midada.

5 La midada da la direcziun dal fond dastga vegnir exequida il pli baud:

a.
en cas d'in fond d'investiziun contractual, nua ch'ina restituziun č pussaivla da tut temp: 30 dis suenter la publicaziun tenor l'alinea 3 u suenter l'infurmaziun tenor l'alinea 4;
b.
en cas d'in fond d'investiziun contractual, nua ch'ina restituziun n'č betg pussaivla da tut temp: il di suenter il di che las cumparts pon vegnir restituidas resguardond ils termins da restituziun e las datas contractualas u reglamentaricas, sch'il contract dal fond vegniss disditg il 30. di suenter la publicaziun tenor l'alinea 3 u suenter l'infurmaziun tenor l'alinea 4.

6 Sch'il termin da disditga contractual u reglamentaric č pli lung che 30 dis, dastga la midada vegnir exequida pli baud che tenor l'alinea 5, sche tut ils investiders dattan lur consentiment en scrit u en in'autra furma che permetta ina cumprova tras text, il pli baud dentant 30 dis suenter la publicaziun tenor l'alinea 3 u suenter l'infurmaziun tenor l'alinea 4.

20 Integrā tras la cifra 5 da l'agiunta da la LF dals 17 da dec. 2021, en vigur dapi il 1. da mars 2024 (AS 2024 53; BBl 2020 6885).

Art. 40 Excorporaziun da la facultad dal fond

1 En cas d'in concurs da la direcziun dal fond vegn separā il suandant a favur dals investiders u dals possessurs dals contos:

a.
bains e dretgs che appartegnan al fond d'investiziun, cun resalva dals dretgs da la direcziun dal fond tenor l'artitgel 38;
b.
cumparts d'investiziuns collectivas da chapital ch'čn accreditadas a contos da cumparts.21

2 Debits da la direcziun da fonds, che na resultan betg dal contract da fond, na pon betg vegnir scuntrads cun pretensiuns che appartegnan al fond d'investiziun.

21 Versiun tenor la cifra 5 da l'agiunta da la LF dals 17 da dec. 2021, en vigur dapi il 1. da mars 2024 (AS 2024 53; BBl 2020 6885).

4. secziun Chasas da vaglias

Art. 41 Definiziun

Sco chasa da vaglias vala tgi che fa - a titel professiunal - il suandant:

a.
commerzi cun valurs mobigliaras en l'agen num sin quint dals clients;
b.
commerzi a curta vista cun valurs mobigliaras sin agen quint, č oravant tut activ sin il martgā da finanzas e:
1.
pudess pervia da quai periclitar la funcziunalitad dal martgā da finanzas, u
2.
č activ sco commember d'ina plazza commerziala, u
3.22
maina in sistem da commerzi organisā tenor l'artitgel 42 da la Lescha da las infrastructuras da finanzas dals 19 da zercladur 201523; u
c.
commerzi a curta vista cun valurs mobigliaras sin agen quint e fixescha publicamain ils curs per singulas valurs mobigliaras en moda permanenta u sin dumonda (market maker).

22 Integrā tras la cifra I 7 da la LF dals 25 da sett. 2020 davart l'adattaziun dal dretg federal als svilups da la tecnologia dals registers electronics distribuids, en vigur dapi il 1. d'avust 2021 (AS 2021 33, 399; BBl 2020 233).

23 SR 958.1

Art. 42 Furma giuridica

Ina chasa da vaglias cun sedia en Svizra sto avair la furma giuridica d'ina societad commerziala.

Art. 44 Incumbensas

1 La chasa da vaglias po en spezial:

a.
manar - en il rom da sia activitad tenor l'artitgel 41 - persunalmain u tar terzs contos per ils clients per realisar il commerzi cun valurs mobigliaras;
b.
tegnair en salv persunalmain u sin agen num tar terzs valurs mobigliaras dals clients;
c.
surpigliar a titel professiunal en moda definitiva u en cumissiun e porscher publicamain sin il martgā primar valurs mobigliaras ch'čn vegnidas emessas da terzs;
d.
crear sezza a titel professiunal derivats ch'ella porscha sin agen quint u sin quint da terzs publicamain sin il martgā primar.

2 En la dimensiun da sia activitad tenor l'alinea 1 litera a po ella - a titel professiunal - prender en consegna deposits dal public.

3 Il Cussegl federal po decretar prescripziuns davart l'utilisaziun da deposits dal public.

Art. 45 Chapital minimal e garanzias

1 Las chasas da vaglias ston disponer dal chapital minimal pretendė. Quel sto esser pajā en cumplettamain.

2 La FINMA po permetter a chasas da vaglias en furma da societads da persunas da prestar garanzias commensuradas empč dal chapital minimal.

3 Il Cussegl federal regla l'autezza dal chapital minimal e da las garanzias.

Art. 46 Agens meds finanzials, liquiditad e repartiziun da las ristgas

1 Las chasas da vaglias ston disponer - individualmain e sin basa consolidada - d'agens meds finanzials adequats e d'ina liquiditad commensurada.

2 Ellas ston repartir en moda adequata lur ristgas.

3 Il Cussegl federal regla las pretensiuns a la repartiziun da las ristgas. El fixescha l'autezza dals agens meds finanzials e da la liquiditad a norma da l'activitad commerziala e da las ristgas.

4 En cas motivads po la FINMA conceder facilitaziuns, premess che l'intent da protecziun da questa lescha na vegnia betg pregiuditgā, u ordinar mesiras pli severas en chaussa.

5 La FINMA č autorisada da decretar prescripziuns executivas.

Art. 49 Surveglianza da gruppas e da conglomerats

1 Duas u pliras interpresas valan sco gruppa da finanzas dominada d'ina chasa da vaglias, sche:

a.
almain ina dad ellas č activa sco chasa da vaglias;
b.
ellas čn principalmain activas en il sectur da finanzas; e
c.
ellas furman in'unitad economica u i po vegnir supponė dad ellas pervia d'autras circumstanzas ch'ina u pliras interpresas suttamessas a la surveglianza individuala čn obligadas giuridicamain u sfurzadas facticamain da sustegnair autras societads da la gruppa.

2 Sco conglomerat da finanzas dominā d'ina chasa da vaglias vala ina gruppa da finanzas tenor l'alinea 1 ch'č activa oravant tut en il commerzi cun vaglias ed a la quala appartegna almain ina interpresa d'assicuranza d'ina impurtanza economica considerabla.

3 Las prescripziuns da la LB27 concernent las gruppas da finanzas e concernent ils conglomerats da finanzas valan tenor il senn.

Art. 50 Obligaziun da far registraziuns

La chasa da vaglias sto registrar las incumbensas e las fatschentas ch'ella fa cun tut las indicaziuns ch'čn necessarias per suandar las fatschentas e per survegliar sia activitad.

Art. 51 Obligaziun d'annunzia

1 La chasa da vaglias sto far las annunzias ch'čn necessarias per la transparenza dal commerzi cun valurs mobigliaras.

2 La FINMA regla, tge infurmaziuns che ston vegnir dadas a tgi en tge furma.

3 Sche l'intent da la lescha qua avant maun pretenda quai, po il Cussegl federal suttametter a l'obligaziun d'annunzia tenor l'alinea 1 er persunas e societads che cumpran e vendan valurs mobigliaras a titel professiunal, ma senza l'agid d'ina chasa da vaglias. Las societads ston laschar controllar d'ina societad d'audit ch'č admessa da l'Autoritad federala da surveglianza en chaussas da revisiun (ASR) tenor l'artitgel 9a alinea 1 da la Lescha dals 16 da december 200528 davart la surveglianza da la revisiun (LSR), che questa obligaziun d'annunzia vegnia observada, ed čn obligadas da dar las infurmaziuns necessarias a la FINMA.

5. secziun Succursalas

Art. 52 Obligaziun da dumandar ina permissiun

1 Ina permissiun da la FINMA basegnan instituts da finanzas cun sedia a l'exteriur (instituts da finanzas esters) che vulan installar en Svizra ina succursala, en la quala ellas occupan persunas che fan - en num da l'institut da finanzas ester respectiv - a titel professiunal e permanentamain il suandant en Svizra u da la Svizra anora:

a.
administreschan valurs da facultad u pratitgeschan in'activitad sco trustee;
b.
fan l'administraziun da la facultad per investiziuns collectivas da chapital u per instituziuns da provediment;
c.
fan commerzi cun valurs mobigliaras;
d.
concludan fatschentas; u
e.
mainan contos da clients.

2 Direcziuns da fonds estras na dastgan installar naginas succursalas en Svizra.

3 Il Cussegl federal po far contracts internaziunals che prevesan che instituts da finanzas dals stadis contractants pon installar ina succursala senza permissiun da la FINMA, sche tuttas duas varts contractantas renconuschan sco equivalentas la regulaziun respectiva da l'activitad d'instituts da finanzas e las mesiras da surveglianza.

Art. 53 Premissas per la permissiun

La FINMA conceda a l'institut da finanzas ester ina permissiun per installar ina succursala, sche:

a.
l'institut da finanzas ester:
1.
č organisā suffizientamain e dispona d'avunda meds finanzials e da persunal qualifitgā per manar ina succursala en Svizra,
2.
č suttamess ad ina surveglianza adequata ch'includa er la succursala, e
3.
cumprova che la firma da la succursala po vegnir inscritta en il register da commerzi;
b.
las autoritads da surveglianza estras cumpetentas:
1.
na fan naginas objecziuns cunter l'installaziun d'ina succursala,
2.
s'obligheschan d'infurmar immediatamain la FINMA, sch'i capitan eveniments che pudessan periclitar seriusamain ils interess dals investiders u dals clients, e
3.
prestan agid uffizial a la FINMA;
c.
la succursala:
1.
ademplescha las premissas tenor ils artitgels 9-11 e dispona d'in reglament che circumscriva precisamain il champ d'activitads e che prevesa in'organisaziun administrativa u manaschiala che correspunda a sia activitad commerziala, e
2.
ademplescha las premissas supplementaras per la permissiun tenor ils artitgels 54-57.
Art. 54 Reciprocitad

La FINMA po suttametter la concessiun da la permissiun per installar ina succursala d'in institut da finanzas ester a la cundiziun ch'ils stadis, en ils quals l'institut da finanzas ester u las persunas estras cun participaziuns qualifitgadas han lur domicil u lur sedia, concedian il dretg reciproc.

Art. 55 Gruppas da finanzas e conglomerats da finanzas

Sch'in institut da finanzas ester č ina part d'ina gruppa da finanzas u d'in conglomerat da finanzas, po la FINMA suttametter la concessiun da la permissiun a la cundiziun che l'institut da finanzas ester saja suttamess ad ina surveglianza consolidada tras autoritads da surveglianza estras.

Art. 56 Garanzias

La FINMA po suttametter la concessiun da la permissiun per installar ina succursala d'in administratur da facultad ester, d'in trustee ester u d'in administratur da facultads collectivas ester a la cundiziun ch'i vegnia prestada ina garanzia, sche la protecziun dals investiders u dals clients pretenda quai.

Art. 57 Regulaziun excepziunala

Il Cussegl federal po prevair che succursalas d'instituts da finanzas esters vegnian deliberadas d'observar tschertas prescripziuns da questa lescha.

6. secziun Represchentanzas

Art. 58 Obligaziun da dumandar ina permissiun

1 Instituts da finanzas basegnan ina permissiun da la FINMA, sch'els occupan en Svizra persunas ch'čn activas a titel professiunal e permanentamain en Svizra u da la Svizra anora en in'autra moda che fixā en l'artitgel 52 alinea 1, cunzunt, sche questas persunas transfereschan incumbensas dals clients ad els u sch'ellas als represchentan per intents da reclama u per auters intents.

2 Direcziuns da fonds estras na dastgan installar naginas represchentanzas en Svizra.

3 Il Cussegl federal po far contracts internaziunals che prevesan che instituts da finanzas dals stadis contractants pon installar ina represchentanza senza permissiun da la FINMA, sche tuttas duas varts contractantas renconuschan sco equivalentas la regulaziun respectiva da l'activitad d'instituts da finanzas e las mesiras da surveglianza.

Art. 59 Premissas per la permissiun

1 La FINMA conceda a l'institut da finanzas ester ina permissiun per installar ina represchentanza, sche:

a.
l'institut da finanzas ester č suttamess ad ina surveglianza adequata;
b.
las autoritads da surveglianza estras na fan naginas objecziuns cunter l'installaziun da la represchentanza;
c.
las persunas incumbensadas cun sia direcziun garanteschan in'activitad commerziala irreproschabla.

2 Supplementarmain po la FINMA suttametter la permissiun a la cundiziun ch'il stadi, en il qual l'institut da finanzas ester ha sia sedia, concedia il dretg reciproc.

Art. 60 Regulaziun excepziunala

Il Cussegl federal po prevair che represchentanzas d'instituts da finanzas esters vegnian deliberadas d'observar tschertas prescripziuns da questa lescha.

3. chapitel Surveglianza

Art. 61 Cumpetenza

1 Administraturs da facultad e trustees vegnan survegliads da la FINMA consultond in'organisaziun da surveglianza tenor la LFINMA29. Resalvada resta la surveglianza consolidada tras la FINMA tenor ils artitgels 30 e 49 da questa lescha u tenor las leschas davart ils martgads da finanzas tenor l'artitgel 1 alinea 1 LFINMA.

2 L'activitad da surveglianza currenta dals administraturs da facultad e dals trustees vegn exequida d'organisaziuns da surveglianza ch'čn permessas da la FINMA.

3 Administraturs da facultads collectivas, direcziuns da fonds e chasas da vaglias vegnan survegliads da la FINMA.

4 Sch'i n'exista nagina organisaziun da surveglianza tenor l'alinea 1, exequescha la FINMA la surveglianza.

Art. 62 Verificaziun dals administraturs da facultad e dals trustees

1 Ils administraturs da facultad ed ils trustees ston incumbensar ina societad d'audit tenor l'artitgel 43k alinea 1 LFINMA30 cun ina verificaziun annuala, uschenavant che questa verificaziun na vegn betg fatga da l'organisaziun da surveglianza respectiva sezza.

2 L'organisaziun da surveglianza po extender la periodicitad da la verificaziun a maximalmain 4 onns, resguardond l'activitad dals survegliads e las ristgas ch'čn colliadas cun quai.

3 Ils onns, durant ils quals i na vegn fatga nagina verificaziun periodica, furneschan ils administraturs da facultad ed ils trustees in rapport a l'organisaziun da surveglianza davart il fatg che lur activitad commerziala correspundia a las prescripziuns legalas. Quest rapport po vegnir furnė en ina furma standardisada.

Art. 63 Verificaziun dals administraturs da facultads collectivas, da las direcziuns da fonds, da las chasas da vaglias, da las gruppas da finanzas e dals conglomerats da finanzas

1 Ils administraturs da facultads collectivas, las direcziuns da fonds, las chasas da vaglias, las gruppas da finanzas ed ils conglomerats da finanzas ston:

a.
incumbensar ina societad d'audit admessa da la ASR tenor l'artitgel 9a alinea 1 LSR31 cun ina verificaziun annuala tenor l'artitgel 24 LFINMA32;
b.
laschar verifitgar lur quint annual ed eventualmain lur quint dal concern d'ina interpresa da revisiun, che stat sut la surveglianza dal stadi, e quai tenor ils princips da la revisiun ordinaria dal Dretg d'obligaziuns (DO)33.

2 Per la verificaziun tenor l'alinea 1 litera a po la FINMA prevair ina periodicitad da la verificaziun da plirs onns, resguardond l'activitad dals survegliads e las ristgas ch'čn colliadas cun quai.

3 Ils onns, durant ils quals i na vegn fatga nagina verificaziun periodica, furneschan ils instituts da finanzas tenor l'alinea 1 in rapport a la FINMA davart il fatg che lur activitad commerziala correspundia a las prescripziuns legalas. Quest rapport po vegnir furnė en ina furma standardisada.

4 La direcziun da fonds incumbensescha per sasezza e per ils fonds d'investiziun administrads dad ella la medema societad d'audit.

5 La FINMA po far sezza verificaziuns directas.

Art. 65 Suspensiun dal dretg da votar

Per far valair l'artitgel 11 alineas 3 e 5 po la FINMA suspender il dretg da votar ch'č liā vi d'aczias u vi da quotas che vegnan tegnidas da participads qualifitgads.

Art. 66 Liquidaziun

1 Sche la FINMA privescha in institut da finanzas da la permissiun, ha quai per consequenza per persunas giuridicas, per societads collectivas e per societads commanditaras ch'ellas vegnan schliadas e per interpresas singulas ch'ellas vegnan extinguidas en il register da commerzi.

2 La FINMA designescha il liquidatur e surveglia sia activitad.

3 Resalvadas restan las prescripziuns dal dretg d'insolvenza.

Art. 67 Mesiras dal dretg d'insolvenza

1 Las disposiziuns da la LB35 davart las mesiras en cas d'in privel d'insolvenza e davart il concurs bancar valan tenor il senn per direcziuns da fonds e per chasas da vaglias.

2 Las disposiziuns da la LB davart la garanzia dals deposits e davart las valurs da facultad senza identitad valan analogamain per chasas da vaglias tenor l'artitgel 41 litera a.36

35 SR 952.0

36 Versiun tenor la cifra I 7 da la LF dals 25 da sett. 2020 davart l'adattaziun dal dretg federal als svilups da la tecnologia dals registers electronics distribuids, en vigur dapi il 1. d'avust 2021 (AS 2021 33, 399; BBl 2020 233).

4. chapitel Responsabladad e disposiziuns penalas

1. secziun Responsabladad

Art. 68

1 La responsabladad dals instituts da finanzas e da lur organs sa drizza tenor las disposiziun dal DO37.

2 Sch'in institut da finanzas transferescha l'adempliment d'ina incumbensa ad in terz, č el responsabel per il donn che quest terz chaschuna, nun ch'el cumprovia ch'el haja agė cun tut il quitā che vegn pretendė da las circumstanzas en quai che reguarda la tscherna, l'instrucziun e la surveglianza da quest terz. Il Cussegl federal po reglar las pretensiuns a la surveglianza.

3 Per acziuns da persunas, a las qualas la direcziun da fonds ha transferė incumbensas tenor l'artitgel 35 alinea 1, č responsabla la direcziun da fonds sco per l'agen agir.

2. secziun Disposiziuns penalas

Art. 69 Violaziun dal secret professiunal

1 Cun in chasti da detenziun fin 3 onns u cun in chasti pecuniar vegn chastiā, tgi che fa intenziunadamain il suandant:

a.
palaisa in secret ch'č vegnė confidā ad el en sia qualitad sco organ, sco emploiā, sco incumbensā u sco liquidatur d'in institut da finanzas u ch'el č vegnė a savair en questa qualitad;
b.
emprova da surmanar ad ina tala violaziun dal secret professiunal;
c.
palaisa ad ulteriuras persunas in secret ch'č vegnė palesā ad el violond la litera a u profita d'in tal secret per sai u per in auter.

2 Cun in chasti da detenziun fin 5 onns u cun in chasti pecuniar vegn chastiā, tgi che procura in avantatg da facultad per sasez u per in auter tras in'acziun tenor l'alinea 1 litera a u c.

3 Tgi che agescha per negligientscha, vegn chastiā cun ina multa fin 250 000 francs.

4 La violaziun dal secret professiunal č chastiabla er suenter che la relaziun d'uffizi u da servetsch u la pratica da la professiun č vegnida terminada.

5 Resalvadas restan las disposiziuns federalas e chantunalas davart l'obligaziun da dar perditga e davart l'obligaziun d'infurmar in'autoritad.

6 La persecuziun ed il giudicament da las acziuns tenor questa disposiziun čn chaussa dals chantuns.

5. chapitel Disposiziuns finalas

Art. 74 Disposiziuns transitoricas

1 Instituts da finanzas che disponan - il mument che questa lescha entra en vigur - d'ina permissiun tenor ina lescha davart ils martgads da finanzas tenor l'artitgel 1 alinea 1 LFINMA38 per l'activitad correspundenta, na basegnan nagina nova permissiun. Els ston ademplir las pretensiuns da questa lescha entaifer 1 onn a partir sia entrada en vigur.

2 Instituts da finanzas che na suttastattan tenor il dretg vertent betg ad in'obligaziun da dumandar ina permissiun, ma che suttastattan da nov ad in'obligaziun da dumandar ina permissiun, cur che questa lescha entra en vigur, s'annunzian tar la FINMA entaifer 6 mais a partir da l'entrada en vigur da questa lescha. Els ston ademplir las pretensiuns da questa lescha entaifer 3 onns a partir da l'entrada en vigur ed inoltrar ina dumonda da permissiun. Fin a la decisiun davart la permissiun pon els cuntinuar cun lur activitad, premess ch'els sajan affiliads ad in'organisaziun d'autoregulaziun tenor l'artitgel 24 da la Lescha dals 10 d'october 199739 davart la lavada da daners suspectus (LLDS) e che quella controllia ch'els observian las obligaziuns correspundentas.

3 Administraturs da facultad e trustees che cumenzan cun lur activitad entaifer 1 onn suenter l'entrada en vigur da questa lescha, ston s'annunziar immediatamain tar la FINMA ed ademplir las premissas per la permissiun - cun excepziun da l'artitgel 7 alinea 2 - a partir dal mument ch'els cumenzan cun lur activitad. Il pli tard 1 onn suenter che la FINMA ha permess in'organisaziun da surveglianza tenor l'artitgel 43a LFINMA, ston els s'affiliar ad ina tala organisaziun da surveglianza ed inoltrar ina dumonda da permissiun. Fin a la decisiun davart la permissiun pon els pratitgar lur activitad, premess ch'els sajan affiliads ad in'organisaziun d'autoregulaziun tenor l'artitgel 24 LLDS e che quella controllia ch'els observian las obligaziuns correspundentas.

4 En cas spezials po la FINMA prolungar ils termins tenor ils alineas 1 e 2.

Art. 75 Referendum ed entrada en vigur

1 Questa lescha č suttamessa al referendum facultativ.

2 Il Cussegl federal fixescha l'entrada en vigur.

3 Questa lescha entra en vigur mo ensemen cun la LSFin42.

4 Il Cussegl federal po metter en vigur anticipadamain las suandantas disposiziuns:

a.
la midada da la Lescha federala dals 23 da mars 200143 davart credits da consum (agiunta cifra 2);
b.
l'artitgel 9a alinea 4bis LSR44 (agiunta cifra 3);
c.
ils artitgels 1a, 1b, 47 alinea 1 litera a e 52a LB45 (agiunta cifra 14);
d.
l'artitgel 2 alinea 2 litera a LLDS46 (agiunta cifra 15);
e.
ils artitgels 4, 5 e 15 alinea 2 litera a LFINMA47 (agiunta cifra 16).

5 L'artitgel 15 alinea 2 litera a LFINMA vala fin a l'entrada en vigur da l'artitgel 15 alinea 2 litera abis LFINMA (agiunta cifra 16).

Data da l'entrada en vigur: 1. da schaner 202048

Agiunta

(art. 73)

Aboliziun e midada d'auters decrets

I

La Lescha da bursas dals 24 da mars 199549 vegn abolida.

II

Ils suandants decrets vegnan midads sco suonda:

...50

49 [AS 1997 68 2044, 2005 5269 agiunta cifra II 7, 2006 2197 agiunta cifra 146, 2008 5207 agiunta cifra 16, 2012 6679 agiunta cifra 8, 2013 1103, 2014 4073 agiunta cifra 6, 2015 1535 cifra I 3 5339 agiunta cifra 11]

50 Las midadas pon vegnir consultadas en la AS 2018 5247.