1 Il document d'identitad sto cuntegnair las suandantas datas:
- a.
- num uffizial;
- b.
- prenum(s);
- c.
- schlattaina;
- d.
- data da naschientscha;
- e.
- lieu d'origin;
- f.
- naziunalitad;
- g.
- grondezza;
- h.
- suttascripziun;
- i.
- fotografia;
- j.
- autoritad emettenta;
- k.
- data da l'emissiun;
- l.
- data da la scadenza da la valaivladad;
- m.
- numer dal document d'identitad e tip dal document d'identitad.
2 Las datas tenor ils bustabs a - d, f, k - m cuntegna il document d'identitad er en ina furma ch'č legibla electronicamain.
2bis Il document d'identitad po vegnir munģ cun in chip da datas. Il chip da datas po cuntegnair in maletg da la fatscha e las improntas dals dets da la possessura u dal possessur. Er las ulteriuras datas tenor ils alineas 1, 3, 4 e 5 pon vegnir registradas sin il chip da datas.5
2ter Il Cussegl federal fixescha, tge tips da documents d'identitad che vegnan munids cun in chip da datas e tge datas che duain vegnir registradas sin quest chip.6 El garantescha ch'i po er vegnir dumandada ina carta d'identitad senza chip.7
2quater Plinavant po il document d'identitad cuntegnair ina identitad electronica per funcziuns d'autentificaziun, da signatura e da codaziun.8
3 Il document d'identitad po cuntegnair restricziuns dal champ d'applicaziun.
4 Sin dumonda da la petenta u dal petent po il document d'identitad cuntegnair il num d'allianza, il num entaifer in urden religius, il num d'artista u d'artist ubain il num da partenadi sco er indicaziuns davart caracteristicas spezialas, sco impediments, protesas u implantats.9
5 Sin dumonda po il document d'identitad per persunas minorennas10 cuntegnair ils nums da la represchentanza legala11.