¹ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

² [BS 1 3]. A la disposiziun numnada correspunda oz l'art. 122 al. 1 da la Cst. dals 18 d'avr. 1999 (SR 101).

³ Versiun tenor la cifra I da la LF dals 24 da mars 2000, en vigur dapi il 1. da schan. 2001 (AS 2000 2531; BBl 1999 9126 9547).

Emprim titel: Disposiziuns generalas

I. Organisaziun

A. Circuls da scussiun e da concurs^⁴

⁴ Tras la cifra I da la LF dals 16 da dec. 1994, en vigur dapi il 1. da schan. 1997, han tut ils art. survegnì ina marginala (AS 1995 1227; BBl 1991 III 1).

Art. 1

¹ Il territori da mintga chantun furma in u plirs circuls per realisar las scussiuns ed ils concurs.

² Ils chantuns fixeschan il dumber e la grondezza da quests circuls.

³ In circul da concurs po cumpigliar plirs circuls da scussiun.

B. Uffizis da scussiun e da concurs

1. Organisaziun

Art. 2⁵

¹ En mintga circul da scussiun exista in uffizi da scussiun che vegn manà dal funcziunari da scussiun.

² En mintga circul da concurs exista in uffizi da concurs che vegn manà dal funcziunari da concurs.

³ Mintga funcziunari da scussiun e da concurs ha in substitut che al remplazza, sch'el sto prender recusaziun u sch'el è impedì da manar l'uffizi.

⁴ L'uffizi da scussiun e l'uffizi da concurs pon vegnir fusiunads e manads dal medem funcziunari.

⁵ Dal rest fixeschan ils chantuns l'organisaziun dals uffizis da scussiun e dals uffizis da concurs.

⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Salarisaziun

Art. 3⁶

La salarisaziun dals funcziunaris da scussiun e dals funcziunaris da concurs sco er da lur substituts è chaussa dals chantuns.

⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

C. Assistenza giudiziala

Art. 4⁷

¹ Ils uffizis da scussiun ed ils uffizis da concurs exequeschan acts uffizials sin dumonda d'uffizis, d'administraziuns spezialas da concurs, da cumissaris e da liquidaturs d'in auter circul.

² Cun il consentiment da l'uffizi local cumpetent pon ils uffizis da scussiun e da concurs, las administraziuns spezialas da concurs, ils cumissaris ed ils liquidaturs exequir acts uffizials er ordaifer lur circul. Per consegnar actas da scussiun auter che per posta sco er per l'impegnaziun, per l'ingiant public e per clamar la polizia è dentant sulettamain cumpetent l'uffizi al lieu, nua che l'act sto vegnir exequì.

⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

C^bis. Procedura cun in connex material

Art. 4a⁸

¹ En cas da concurs e da proceduras d'accumodament cun in connex material, coordineschan ils organs d'execuziun sfurzada, las autoritads da surveglianza e las dretgiras participadas sche pussaivel lur acziuns.

² Las dretgiras da concurs e d'accumodament sco er las autoritads da surveglianza participadas pon designar en cunvegnientscha vicendaivla ina cumpetenza unitara per tut las proceduras.

⁸ Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

D. Responsabladad

1. Princip

Art. 5⁹

¹ Il chantun è responsabel per il donn ch'ils funcziunaris ed ils emploiads, lur persunal auxiliar, las administraziuns spezialas da concurs, ils cumissaris, ils liquidaturs, las autoritads da surveglianza e giudizialas sco er la polizia chaschunan illegalmain ademplind las incumbensas che als vegnan attribuidas da questa lescha.

² La persuna donnegiada n'ha nagin dretg envers la persuna fallibla.

³ Per il regress dal chantun sin quellas persunas che han chaschunà il donn è decisiv il dretg chantunal.

⁴ Sche la grevezza da la violaziun giustifitgescha quai, exista ultra da quai il dretg da satisfacziun.

⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Surannaziun

Art. 6¹⁰

¹ Il dretg d'indemnisaziun surannescha suenter la scadenza da 3 onns a partir dal di che la persuna donnegiada è vegnida a savair dal donn, en mintga cas però suenter la scadenza da 10 onns a partir dal di ch'il cumportament donnegiant ha gì lieu u è vegnì terminà.

² Sche la persuna che ha chaschunà il donn ha commess in malfatg tras ses cumportament, surannescha il dretg d'indemnisaziun il pli baud cun l'entrada da la surannaziun da la persecuziun penala. Sche la surannaziun da la persecuziun penala n'entra betg pli en consequenza d'ina sentenzia penala da l'emprima instanza, surannescha il dretg il pli baud 3 onns suenter la communicaziun da la sentenzia.

¹⁰ Versiun tenor la cifra 4 da l'agiunta da la LF dals 15 da zer. 2018 (revisiun dal dretg da surannaziun), en vigur dapi il 1. da schan. 2020 (AS 2018 5343; BBl 2014 235).

3. Cumpetenza dal Tribunal federal

Art. 7¹¹

Sch'in plant sin indemnisaziun dal donn sa basa sin in cumportament illegal da las autoritads chantunalas da surveglianza supremas u da la dretgira chantunala d'accumodament suprema, è cumpetent sulettamain il Tribunal federal.

¹¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

E. Protocols e registers

1. Protocollaziun, forza da cumprova e rectificaziun

Art. 8¹²

¹ Ils uffizis da scussiun e da concurs protocolleschan lur activitads uffzialas sco er las dumondas e las decleranzas ch'els survegnan; els mainan ils registers.

² Ils protocols ed ils registers valan sco cumprovas dal cuntegn fin ch'igl è cumprovà il cuntrari.

³ L'uffizi da scussiun rectifitgescha d'uffizi u sin dumonda d'ina persuna pertutgada inscripziuns incorrectas.

¹² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Dretg da prender invista

Art. 8a¹³

¹ Mintga persuna che renda vardaivel in interess po prender invista dals protocols e dals registers dals uffizis da scussiun e da concurs e dumandar extracts da quels.

² In tal interess vegn rendì vardaivel en spezial, sche la dumonda d'infurmaziun è liada directamain a la conclusiun u a la liquidaziun d'in contract.

³ Ils uffizis na dattan betg infurmaziuns a terzs davart ina scussiun, sche:

a.: la scussiun è nunvalaivla u è vegnida abolida pervia d'in recurs u pervia d'ina decisiun giudiziala¹⁴;
b.: il debitur ha gudagnà cun in plant da restituziun;
c.: il creditur ha retratg la scussiun;
d.¹⁵: il debitur ha fatg ina dumonda correspundenta suenter la scadenza da 3 mais dapi la consegna da l'avis da pajament, nun ch'il creditur furneschia entaifer il termin da 20 dis fixà da l'uffizi da scussiun la cumprova ch'i saja vegnida introducida a temp ina procedura per annullar l'opposiziun (art. 79-84); sche questa cumprova vegn furnida posteriuramain u sche la scussiun vegn cuntinuada, vegn la scussiun puspè communitgada a terzs.

⁴ Il dretg da terzs da prender invista scada 5 onns suenter che la procedura è terminada. Las autoritads giudizialas ed administrativas pon pretender vinavant extracts per proceduras ch'èn pendentas tar ellas.

¹³ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁴ Expressiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

¹⁵ Integrà tras la cifra I da la LF dals 16 da dec. 2016, en vigur dapi il 1. da schan. 2019 (AS 2018 4583; BBl 2015 3209 5785).

F. Tegnair en salv daners ed objects da valur

Art. 9

Ils uffizis da scussiun ed ils uffizis da concurs ston surdar a l'institut da deposits summas da daners, vaglias ed objects da valur, davart ils quals i na vegn betg disponì entaifer 3 dis suenter lur arrivada.

G. Obligaziun da recusaziun

Art. 10¹⁶

¹ Ils funcziunaris ed ils emploiads dals uffizis da scussiun e dals uffizis da concurs sco er ils commembers da las autoritads da surveglianza na dastgan exequir nagins acts uffizials:

1.: en atgna chaussa;
2.¹⁷: en chaussas da lur conjugals, da lur partenaris registrads u da persunas, cun las qualas els mainan facticamain ina communitad da vita;
2^bis.¹⁸: en chaussas da parents e da quinads en lingia directa u fin il terz grad en lingia laterala;
3.: en chaussas d'ina persuna, da la quala els èn la represchentanza legala, persuna mandataria u emploiada;
4.: en chaussas, en las qualas els pudessan esser implitgads per auters motivs.

² Il funcziunari da scussiun u il funcziunari da concurs che sto prender recusaziun transmetta immediatamain ina dumonda a ses substitut ed infurmescha il creditur en chaussa cun ina brev betg recumandada.

¹⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁷ Versiun tenor la cifra 16 da l'agiunta da la LF da partenadi dals 18 da zer. 2004, en vigur dapi il 1. da schan. 2007 (AS 2005 5685; BBl 2003 1288).

¹⁸ Integrà tras la cifra 16 da l'agiunta da la LF da partenadi dals 18 da zer. 2004, en vigur dapi il 1. da schan. 2007 (AS 2005 5685; BBl 2003 1288).

H. Acts giuridics scumandads

Art. 11¹⁹

Ils funcziunaris ed emploiads dals uffizis da scussiun e dals uffizis da concurs na dastgan betg concluder sin agen quint acts giuridics per pretensiuns ch'els ston incassar u per objects ch'els ston liquidar. Acts giuridics che cuntrafan a questa prescripziun èn nunvalaivels.

¹⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

I. Pajaments a l'uffizi da scussiun

Art. 12

¹ L'uffizi da scussiun sto acceptar pajaments fatgs per quint dal creditur stumant.

² Il pajament a l'uffizi da scussiun deliberescha il debitur da ses debits.

K. Autoritads da surveglianza

1. Chantunalas

a. Designaziun

Art. 13

¹ Mintga chantun sto designar in'autoritad da surveglianza che surveglia ils uffizis da scussiun ed ils uffizis da concurs.

² Ultra da quai pon ils chantuns nominar autoritads da surveglianza inferiuras per in u per plirs circuls.

b. Controlla da gestiun e mesiras disciplinaras

Art. 14

¹ L'autoritad da surveglianza sto examinar la gestiun da mintga uffizi almain ina giada per onn.

² Cunter in funcziunari u emploià pon vegnir prendidas las suandantas mesiras disciplinaras:²⁰

1.: reprimanda;
2.²¹: multa fin 1000 francs;
3.: suspensiun da l'uffizi fin ad ina durada da maximalmain 6 mais;
4.: destituziun da l'uffizi.

²⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Cussegl federal

Art. 15²²

¹ Il Cussegl federal ha la surveglianza suprema dals fatgs da scussiun e da concurs e procura per l'applicaziun unitara da questa lescha.

² El decretescha las ordinaziuns ed ils reglaments necessaris per exequir questa lescha.

³ El po relaschar directivas per las autoritads chantunalas da surveglianza e pretender da talas rapports annuals.

⁴ ...²³

⁵ El coordinescha la communicaziun electronica tranter ils uffizis da scussiun e da concurs, ils uffizis dal register funsil e dal register da commerzi, las dretgiras ed il public.²⁴

²² Versiun tenor la cifra 6 da l'agiunta da la LF dals 17 da zer. 2005 davart il TF, en vigur dapi il 1. da schan. 2007 (AS 2006 1205; BBl 2001 4202).

²³ Abolì tras la cifra II 17 da l'agiunta 1 dal Cudesch da procedura civila dals 19 da dec. 2008, cun effect dapi il 1. da schan. 2011 (AS 2010 1739; BBl 2006 7221).

²⁴ Integrà tras la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

L. Taxas

Art. 16

¹ Il Cussegl federal fixescha la tariffa da taxas.

² Las scrittiras che resultan en la procedura da scussiun e da concurs èn libras da bul.

M. Recurs

1. Tar l'autoritad da surveglianza

Art. 17

¹ Cun excepziun da quels cas, per ils quals questa lescha prescriva la via dal plant giudizial, poi vegnir fatg recurs tar l'autoritad da surveglianza cunter mintga disposiziun d'in uffizi da stimaziun u d'in uffizi da concurs pervia da violaziun da la lescha u pervia d'inadequatezza.²⁵

² Il recurs sto vegnir inoltrà entaifer 10 dis, suenter ch'il recurrent ha survegnì enconuschientscha da la disposiziun.

³ Pervia da la snegaziun da dretg u pervia da la retardada da dretg poi da tut temp vegnir fatg recurs.

⁴ L'uffizi po reponderar la disposiziun contestada fin al mument ch'el communitgescha sia posiziun. Sch'el prenda ina nova decisiun, sto el communitgar quella immediatamain a las partidas ed infurmar l'autoritad da surveglianza en chaussa.²⁶

²⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁶ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Tar l'autoritad da surveglianza superiura

Art. 18²⁷

¹ Cunter la decisiun d'ina autoritad da surveglianza inferiura poi vegnir fatg recurs entaifer 10 dis suenter la communicaziun tar l'autoritad da surveglianza chantunala superiura.

² Pervia da la snegaziun da dretg u pervia da la retardada da dretg poi da tut temp vegnir fatg recurs cunter in'autoritad da surveglianza inferiura tar l'autoritad da surveglianza chantunala superiura.

²⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

3. Tar il Tribunal federal

Art. 19²⁸

Il recurs tar il Tribunal federal sa drizza tenor la Lescha federala dals 17 da zercladur 2005²⁹ davart il Tribunal federal.

²⁸ Versiun tenor la cifra 6 da l'agiunta da la LF dals 17 da zer. 2005 davart il TF, en vigur dapi il 1. da schan. 2007 (AS 2006 1205; BBl 2001 4202).

²⁹ SR 173.110

4. Termins da recurs per la scussiun sin cambialas

Art. 20

Per la scussiun sin cambialas importan ils termins per far recurs mo 5 dis; l'autoritad sto liquidar il recurs entaifer 5 dis.

5. Procedura davant autoritads da surveglianza chantunalas^³⁰

³⁰ Versiun tenor la cifra 6 da l'agiunta da la LF dals 17 da zer. 2005 davart il TF, en vigur dapi il 1. da schan. 2007 (AS 2006 1205; BBl 2001 4202).

Art. 20a³¹

¹ ...³²

² Per la procedura davant las autoritads da surveglianza chantunalas valan las suandantas disposiziuns:³³

1.: Las autoritads da surveglianza ston sa designar en tut ils cas, en ils quals ellas ageschan en questa funcziun, sco talas ed eventualmain sco autoritad da surveglianza superiura u inferiura.
2.: L'autoritad da surveglianza constatescha d'uffizi ils fatgs. Ella po pretender da las partidas da cooperar e na sto betg entrar en lur dumondas, sch'ellas refusan la cooperaziun necessaria e supportabla.
3.³⁴: L'autoritad da surveglianza valitescha libramain las cumprovas; cun resalva da l'artitgel 22 na dastga ella betg surpassar las dumondas da las partidas.
4.: La decisiun da recurs vegn motivada, munida cun ina indicaziun dals meds legals e communitgada en scrit a las partidas, als uffizis pertutgads ed ad eventuals ulteriurs participads.
5.³⁵: La procedura è gratuita. Per process che vegnan manads da mala fai u da levsenn pon vegnir adossadas ad ina partida u a ses represchentant multas fin 1500 francs sco er taxas ed expensas.

³ Dal rest reglan ils chantuns la procedura.

³¹ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³² Abolì tras la cifra 6 da l'agiunta da la LF dals 17 da zer. 2005 davart il TF, cun effect dapi il 1. da schan. 2007 (AS 2006 1205; BBl 2001 4202).

³³ Versiun tenor la cifra 6 da l'agiunta da la LF dals 17 da zer. 2005 davart il TF, en vigur dapi il 1. da schan. 2007 (AS 2006 1205; BBl 2001 4202).

³⁴ Versiun tenor la cifra I 6 da l'O da l'AF dals 20 da dec. 2006 davart l'adattaziun da decrets a las disposiziuns da la LF davart il TF e da la LF davart il TAF, en vigur dapi il 1. da schan. 2007 (AS 2006 5599; BBl 2006 7759).

³⁵ Integrà tras la cifra 6 da l'agiunta da la LF dals 17 da zer. 2005 davart il TF, en vigur dapi il 1. da schan. 2007 (AS 2006 1205; BBl 2001 4202).

6. Decisiun da recurs

Art. 21

L'autoritad che declera in recurs sco motivà, dispona l'aboliziun u la rectificaziun da l'act contestà; ella ordinescha l'execuziun d'acziuns ch'il funcziunari refusa u retardescha nungiustifitgadamain d'exequir.

N. Disposiziuns nunvalaivlas

Art. 22³⁶

¹ Las disposiziuns che cuntrafan a prescripziuns ch'èn vegnidas relaschadas en l'interess public u en l'interess da persunas betg participadas a la procedura èn nunvalaivlas. Las autoritads da surveglianza constateschan d'uffizi che la disposiziun è nunvalaivla, e quai independentamain dal fatg, sch'igl è vegnì fatg recurs.

² L'uffizi po remplazzar ina disposiziun nunvalaivla cun relaschar ina nova disposiziun. Sch'ina procedura en il senn da l'alinea 1 è pendenta davant l'autoritad da surveglianza, ha l'uffizi questa cumpetenza fin a sia resposta.

³⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

O. Disposiziuns chantunalas executivas

1. Autoritads giudizialas

Art. 23³⁷

Ils chantuns designeschan las autoritads giudizialas ch'èn cumpetentas per las decisiuns che vegnan attribuidas a la dretgira tenor questa lescha.

³⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Instituts da deposits

Art. 24

Ils chantuns designeschan ils instituts ch'èn obligads d'acceptar deposits en ils cas ch'èn previs per quai tenor questa lescha (instituts da deposits). Els ston star bun per ils deposits che vegnan tegnids en salv da quests instituts.

3. ...

Art. 25³⁸

³⁸ Abolì tras la cifra II 17 da l'agiunta 1 dal Cudesch da procedura civila dals 19 da dec. 2008, cun effect dapi il 1. da schan. 2011 (AS 2010 1739; BBl 2006 7221).

4. Consequenzas da dretg public da l'impegnaziun senza success e dal concurs

Art. 26³⁹

¹ Uschenavant ch'il dretg federal n'è betg applitgabel, pon ils chantuns prescriver che l'impegnaziun senza success e la decleraziun da concurs hajan consequenzas da dretg public (incapacitad d'occupar uffizis publics sco er da pratitgar professiuns ed activitads suttamessas a l'obligaziun da dumandar ina permissiun). Exclusas da quai èn la privaziun dal dretg d'eleger e dal dretg da votar activ sco er la publicaziun dals attests da perdita.

² Las consequenzas da dretg public ston vegnir abolidas, sch'il concurs vegn revocà, sche tut ils crediturs d'attests da perdita èn vegnids satisfatgs u sche lur pretensiuns èn surannadas.

³ Sch'il conjugal u il partenari registrà dal debitur ha - sco sulet creditur - perditas, na dastgan vegnir pronunziadas naginas consequenzas da dretg public or da l'impegnaziun senza success u or dal concurs.⁴⁰

³⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴⁰ Versiun tenor la cifra 16 da l'agiunta da la LF da partenadi dals 18 da zer. 2004, en vigur dapi il 1. da schan. 2007 (AS 2005 5685; BBl 2003 1288).

5. Represchentanza en la procedura d'execuziun sfurzada

Art. 27⁴¹

¹ Mintga persuna ch'è abla d'agir ha il dretg da represchentar autras persunas en la procedura d'execuziun sfurzada. Quai vala er per la represchentanza professiunala. Per motivs impurtants pon ils chantuns scumandar ad ina persuna d'exequir la represchentanza professiunala.

² Ils custs da la represchentanza en la procedura davant ils uffizis da scussiun ed ils uffizis da concurs na dastgan betg vegnir adossads a la cuntrapartida.

⁴¹ Versiun tenor la cifra I da la LF dals 25 da sett. 2015 (represchentanza professiunala en la procedura d'execuziun sfurzada), en vigur dapi il 1. da schan. 2018 (AS 2016 3643; BBl 2014 8669).

P. Communicaziun da l'organisaziun chantunala

Art. 28⁴²

¹ Ils chantuns communitgeschan al Cussegl federal ils circuls da scussiun e da concurs, l'organisaziun dals uffizis da scussiun e dals uffizis da concurs sco er las autoritads ch'els han designà exequind questa lescha.

² Il Cussegl federal procura per la communicaziun adequata da questas indicaziuns.

⁴² Versiun tenor la cifra I 6 da l'O da l'AF dals 20 da dec. 2006 davart l'adattaziun da decrets a las disposiziuns da la LF davart il TF e da la LF davart il TAF, en vigur dapi il 1. da schan. 2007 (AS 2006 5599; BBl 2006 7759).

Q. ...

Art. 29⁴³

⁴³ Abolì tras la cifra II 17 da l'agiunta 1 dal Cudesch da procedura civila dals 19 da dec. 2008, cun effect dapi il 1. da schan. 2011 (AS 2010 1739; BBl 2006 7221).

R. Proceduras d'execuziun spezialas

Art. 30⁴⁴

¹ Questa lescha na vegn betg applitgada per l'execuziun sfurzada cunter ils chantuns, ils districts e las vischnancas, nun ch'i existian prescripziuns spezialas federalas u chantunalas per quai.

² Resalvadas restan plinavant las disposiziuns d'autras leschas federalas davart proceduras d'execuziun sfurzada spezialas.

⁴⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

S. Contracts internaziunals e dretg privat internaziunal

Art. 30a⁴⁵

Ils contracts internaziunals e las disposiziuns da la Lescha federala dals 18 da december 1987⁴⁶ davart il dretg internaziunal privat (LDIP) èn resalvadas.

⁴⁵ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴⁶ SR 291

II. Differentas prescripziuns

A. Termins

1. En general

Art. 31⁴⁷

Per la calculaziun, per l'observanza e per il decurs dals termins valan las disposiziuns dal Cudesch da procedura civila dals 19 da december 2008⁴⁸ (CPC), nun che questa lescha disponia insatge auter.

⁴⁷ Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

⁴⁸ SR 272

2. Observanza

Art. 32⁴⁹

¹ ...⁵⁰

² In termin vegn er observà, sch'i vegn appellà avant sia scadenza ad in uffizi da scussiun u da concurs che n'è betg cumpetent; quel transmetta l'inoltraziun immediatamain a l'uffizi cumpetent.⁵¹

³ ...⁵²

⁴ Sch'ina inoltraziun vegn fatga en scrit e cuntegna sbagls curregibels, stoi vegnir dà l'occasiun da far las correcturas.

⁴⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁵⁰ Abolì tras la cifra II 17 da l'agiunta 1 dal Cudesch da procedura civila dals 19 da dec. 2008, cun effect dapi il 1. da schan. 2011 (AS 2010 1739; BBl 2006 7221).

⁵¹ Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

⁵² Abolì tras la cifra II 17 da l'agiunta 1 dal Cudesch da procedura civila dals 19 da dec. 2008, cun effect dapi il 1. da schan. 2011 (AS 2010 1739; BBl 2006 7221).

3. Midada e restabiliment

Art. 33

¹ Ils termins fixads en questa lescha na pon betg vegnir midads tras contract.

² Igl è pussaivel da conceder in termin pli lung u da prolungar in termin, sche la persuna participada a la procedura viva a l'exteriur u sch'ella sto vegnir avisada cun ina communicaziun publica.⁵³

³ Ina persuna participada a la procedura po desister da far valair l'inobservanza d'in termin, sche quel è vegnì fixà exclusivamain en ses interess.⁵⁴

⁴ Tgi che vegn impedì senza culpa d'agir entaifer il termin, po dumandar l'autoritad da surveglianza u l'autoritad giudiziala ch'è cumpetenta en chaussa da restabilir il termin. El sto inoltrar ina dumonda motivada entaifer il medem termin sco quel negligì suenter che l'impediment è crudà davent, e prender suenter l'act giuridic negligì tar l'autoritad cumpetenta.⁵⁵

⁵³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁵⁴ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁵⁵ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

A^bis. Transmissiun electronica

Art. 33a⁵⁶

¹ Inoltraziuns tar ils uffizis da scussiun e da concurs e tar las autoritads da surveglianza pon vegnir fatgas sin via electronica.

² L'inoltraziun sto vegnir munida cun ina signatura electronica qualifitgada tenor la Lescha federala dals 18 da mars 2016⁵⁷ davart la signatura electronica. Per la procedura collectiva po il Cussegl federal prevair excepziuns.

³ Per l'observanza d'in termin è decisiv il mument, il qual vegn emessa la quittanza che conferma che la partida u ses represchentant haja terminà tut ils pass ch'èn necessaris per la transmissiun.

⁴ Il Cussegl federal regla:

a.: il format da l'inoltraziun e da sias agiuntas;
b.: la moda e maniera da la transmissiun;
c.: las premissas, sut las qualas i po vegnir pretendì ch'ils documents vegnian tramess anc ina giada sin palpiri en cas da problems tecnics.

⁵⁶ Integrà tras la cifra II 17 da l'agiunta 1 dal Cudesch da procedura civila dals 19 da dec. 2008 (AS 2010 1739; BBl 2006 7221). Versiun tenor la cifra II 6 da l'agiunta da la LF dals 18 da mars 2016 davart la signatura electronica, en vigur dapi il 1. da schan. 2017 (AS 2016 4651; BBl 2014 1001).

⁵⁷ SR 943.03

B. Consegna

1. En scrit e sin via electronica

Art. 34⁵⁸

¹ La consegna da communicaziuns, da disposiziuns e da decisiuns dals uffizis da scussiun e da concurs sco er da las autoritads da surveglianza ha lieu per posta recumandada u cun confermar la recepziun en autra moda e maniera, nun che questa lescha fixeschia insatge auter.

² Cun il consentiment da la persuna pertutgada pon communicaziuns, disposiziuns e decisiuns vegnir consegnadas sin via electronica. Ellas ston vegnir munidas cun ina signatura electronica tenor la Lescha federala dals 18 da mars 2016⁵⁹ davart la signatura electronica. Il Cussegl federal regla:

a.: la signatura che sto vegnir utilisada;
b.: il format da las communicaziuns, da las disposiziuns e da las decisiuns sco er da lur agiuntas;
c.: la moda e maniera da la transmissiun;
d.: il mument, il qual la communicaziun, la disposiziun u la decisiun vala sco consegnada.⁶⁰

⁵⁸ Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

⁵⁹ SR 943.03

⁶⁰ Versiun tenor la cifra II 6 da l'agiunta da la LF dals 18 da mars 2016 davart la signatura electronica, en vigur dapi il 1. da schan. 2017 (AS 2016 4651; BBl 2014 1001).

2. Tras communicaziun publica

Art. 35

¹ Las communicaziuns publicas vegnan fatgas en il Fegl uffizial svizzer da commerzi ed en il Fegl uffizial chantunal respectiv. Per calcular ils termins e per constatar las consequenzas giuridicas che resultan da la communicaziun publica è decisiva la publicaziun en il Fegl uffizial svizzer da commerzi.⁶¹

² Sche las relaziuns pretendan quai, po la communicaziun publica er vegnir fatga en auters fegls u tras proclamaziun publica.

⁶¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

C. Effect suspensiv

Art. 36

Ils recurs e las appellaziuns han mo effect suspensiv sin ordinaziun speziala da l'autoritad, a la quala els èn drizzads, u da ses president. Ina tala ordinaziun sto vegnir communitgada immediatamain a las partidas.

a. Noziuns

Art. 37⁶²

¹ L'expressiun «dretg da pegn immobigliar» en il senn da questa lescha cumpiglia: l'ipoteca, la brev ipotecara, ils dretgs da pegn immobigliar dal dretg vegl, la chargia funsila e tut ils dretgs da preferenza sin tscherts bains immobigliars sco er il dretg da pegn vi da las parts accessoricas d'in bain immobigliar.⁶³

² L'expressiun «pegn manual» cumpiglia er l'impegnaziun da muvel, il dretg da retenziun ed il dretg da pegn vi da pretensiuns e vi d'auters dretgs.

³ L'expressiun «pegn» cumpiglia tant il pegn immobigliar sco er il pegn movibel.

⁶² Versiun tenor l'art. 58 dal titel final dal CCS, en vigur dapi il 1. da schan. 1912 (AS 24 233 art. 60 tit. fin. CCS; BBl 1904 IV 1, 1907 VI 367).

⁶³ Versiun tenor la cifra II 4 da la LF dals 11 da dec. 2009 (brev ipotecara registrada ed ulteriuras midadas dal dretg real), en vigur dapi il 1. da schan. 2012 (AS 2011 4637; BBl 2007 5283).

Segund titel: Scussiun

I. Tips da scussiun

A. Object da la scussiun e tips da scussiun

Art. 38

¹ Sin via da la scussiun vegnan realisadas las execuziuns sfurzadas che han la finamira d'obtegnair in pajament en daners u ina prestaziun da garanzia.

² La scussiun cumenza cun la consegna da l'avis da pajament e vegn cuntinuada sin via da l'impegnaziun, da la liquidaziun dal pegn u dal concurs.

³ Il funcziunari da scussiun fixescha il tip da scussiun che vegn applitgà.

B. Scussiun sin concurs

1. Champ d'applicaziun

Art. 39

¹ La scussiun vegn cuntinuada sin via dal concurs, e quai sco «scussiun ordinaria sin concurs» (art. 159-176) u sco «scussiun sin cambialas» (art. 177-189), sch'il debitur è inscrit en il register da commerzi en ina da las suandantas qualitads:

1.: sco possessur d'ina firma singula (art. 934 e 935 DO⁶⁴);
2.: sco commember d'ina societad collectiva (art. 554 DO);
3.: sco commember d'ina societad commanditara che stat bun illimitadamain (art. 596 DO);
4.: sco commember da l'administraziun d'ina societad acziunara commanditara (art. 765 DO);
5.⁶⁵: ...
6.: sco societad collectiva (art. 552 DO);
7.: sco societad commanditara (art. 594 DO);
8.: sco societad anonima u sco societad acziunara commanditara (art. 620 e 764 DO);
9.: sco societad cun responsabladad limitada (art. 772 DO);
10.: sco associaziun (art. 828 DO);
11.: sco uniun (art. 60 CCS⁶⁶);
12.: sco fundaziun (art. 80 CCS);
13.⁶⁷: sco societad d'investiziun a chapital variabel (art. 36 da la Lescha federala dals 23 da zercladur 2006⁶⁸ davart las investiziuns collectivas da chapital, LICol);
14.⁶⁹: sco societad commanditara per investiziuns collectivas da chapital (art. 98 LICol).⁷⁰

² ...⁷¹

³ L'inscripziun ha ses effect pir il di suenter la publicaziun en il Fegl uffizial svizzer da commerzi.

⁶⁴ SR 220

⁶⁵ Abolì tras la cifra 3 da l'agiunta da la LF dals 16 da dec. 2005 (dretg da ScRL sco er adattaziuns dal dretg d'aczias, d'associaziuns, dal register da commerzi e da firmas), cun effect dapi il 1. da schan. 2008 (AS 2007 4791; BBl 2002 3148, 2004 3969).

⁶⁶ SR 210

⁶⁷ Integrà tras la cifra II 3 da l'agiunta da la LF dals 23 da zer. 2006 davart las investiziuns collectivas, en vigur dapi il 1. da schan. 2007 (AS 2006 5379; BBl 2005 6395).

⁶⁸ SR 951.31

⁶⁹ Integrà tras la cifra II 3 da l'agiunta da la LF dals 23 da zer. 2006 davart las investiziuns collectivas, en vigur dapi il 1. da schan. 2007 (AS 2006 5379; BBl 2005 6395).

⁷⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁷¹ Abolì tras l'art. 15 cifra 1 da las disposiziuns finalas e transitoricas dals titels XXIV-XXXIII DO, cun effect dapi il 1. da fan. 1937 (AS 53 185; BBl 1928 I 205, 1932 I 217).

2. Durada dals effects da l'inscripziun en il register da commerzi

Art. 40

¹ Las persunas ch'èn stadas inscrittas en il register da commerzi èn suttamessas a la scussiun sin concurs anc durant 6 mais suenter che la stritgada è vegnida publitgada en il Fegl uffizial svizzer da commerzi.

² Sch'il creditur fa ina dumonda da cuntinuaziun avant che quest termin scada u sch'el pretenda da relaschar in avis da pajament per la scussiun sin cambialas, vegn la scussiun cuntinuada sin via dal concurs.⁷²

⁷² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

C. Scussiun sin liquidaziun dal pegn

Art. 41⁷³

¹ Per pretensiuns garantidas tras pegn vegn la scussiun cuntinuada sin via da la liquidaziun dal pegn (art. 151-158), er cunter ils debiturs ch'èn suttamess a la scussiun sin concurs.

^1bis Sch'i vegn introducida per ina pretensiun garantida tras pegn la scussiun sin impegnaziun u sin concurs, po il debitur pretender cun recurs (art. 17) ch'il creditur profitia ad interim dal pegn.

² Per tschains ed annuitads garantids tras pegn immobigliar po però vegnir exequida, tut tenor la tscherna dal creditur, la liquidaziun dal pegn u, tut tenor la persuna dal debitur, la scussiun sin impegnaziun u sin concurs. Resalvadas restan plinavant las disposiziuns davart la scussiun sin cambialas (art. 177 al. 1).

⁷³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

D. Scussiun sin impegnaziun

Art. 42⁷⁴

¹ En tut ils auters cas vegn la scussiun cuntinuada sin via da l'impegnaziun (art. 89-150).

² Sch'in debitur vegn inscrit en il register da commerzi, ston las dumondas da cuntinuar cun la scussiun pendentas tuttina vegnir exequidas sin via da l'impegnaziun, uscheditg ch'i n'è betg vegnì declerà il concurs.

⁷⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

E. Excepziuns da la scussiun sin concurs

Art. 43⁷⁵

La scussiun sin concurs è en mintga cas exclusa per:

1.: taglias, taxas, sportlas, multas ed autras prestaziuns da dretg public a cassas publicas u a funcziunaris;
1^bis.⁷⁶: premias da l'assicuranza obligatorica cunter accidents;
2.⁷⁷: contribuziuns periodicas da mantegniment e da sustegn sin basa dal dretg da famiglia sco er contribuziuns da mantegniment tenor la lescha da partenadi dals 18 da zercladur 2004⁷⁸;
3.: dretgs da prestaziuns da garanzia.

⁷⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁷⁶ Integrà tras la cifra I da la LF dals 3 d'oct. 2003, en vigur dapi il 1. da fan. 2004 (AS 2004 2757; BBl 2002 7107 7116).

⁷⁷ Versiun tenor la cifra 16 da l'agiunta da la LF da partenadi dals 18 da zer. 2004, en vigur dapi il 1. da schan. 2007 (AS 2005 5685; BBl 2003 1288).

⁷⁸ SR 211.231

F. Cun resalva da disposiziuns spezialas

1. Liquidaziun d'objects confiscads

Art. 44⁷⁹

La liquidaziun d'objects confiscads tenor leschas penalas u fiscalas ubain tenor la Lescha federala dals 18 da december 2015⁸⁰ davart la bloccada e la restituziun da valurs da facultad acquistadas illegalmain da persunas estras politicamain expostas vegn fatga confurm a las disposiziuns da las leschas federalas u chantunalas respectivas.

⁷⁹ Versiun tenor l'art. 31 al. 2 cifra 2 da la LF dals 18 da dec. 2015 davart la restituziun da valurs da facultad acquistadas illegalmain tras persunas exponidas politicamain, en vigur dapi il 1. da fan. 2016 (AS 2016 1803; BBl 2014 5265).

⁸⁰ SR 196.1

2. Pretensiuns dals instituts d'emprest cunter pegn

Art. 45⁸¹

Per far valair pretensiuns dals instituts d'emprest cunter pegn vala l'artitgel 910 dal Cudesch civil svizzer (CCS)⁸².

⁸¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁸² SR 210

II. Lieu da scussiun

A. Lieu da scussiun ordinari

Art. 46

¹ Il debitur sto vegnir stumà a ses lieu da domicil.

² Las persunas giuridicas e las societads ch'èn inscrittas en il register da commerzi ston vegnir stumadas al lieu da lur sedia, las persunas giuridicas betg inscrittas, al lieu da la sedia principala da lur administraziun.

³ Per ils debits d'ina indivisiun po mintga commember vegnir stumà al lieu da l'activitad economica cuminaivla, sch'i manca ina represchentanza.⁸³

⁴ La cuminanza da proprietaris en condomini sto vegnir stumada al lieu, nua che l'object sa chatta.⁸⁴

⁸³ Integrà tras l'art. 58 dal titel final dal CCS, en vigur dapi il 1. da schan. 1912 (AS 24 233 art. 60 tit. fin. CCS; BBl 1904 IV 1, 1907 VI 367).

⁸⁴ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

Art. 47⁸⁵

⁸⁵ Abolì tras la cifra I da la LF dals 16 da dec. 1994, cun effect dapi il 1. da schan. 1997 (AS 1995 1227; BBl 1991 III 1).

B. Lieus da scussiun spezials

1. Lieu da scussiun al lieu da dimora

Art. 48

Ils debiturs che n'han betg in domicil fix pon vegnir stumads al lieu da lur dimora.

2. Lieu da scussiun da l'ierta

Art. 49⁸⁶

Fin a la partiziun, fin a la constituziun d'ina indivisiun contractuala u fin a la liquidaziun d'uffizi po ina ierta vegnir stumada tenor il tip da scussiun applitgabel per il testader a quel lieu, nua ch'el avess pudì vegnir stumà il mument da sia mort.

⁸⁶ Versiun tenor l'art. 58 dal titel final dal CCS, en vigur dapi il 1. da schan. 1912 (AS 24 233 art. 60 tit. fin. CCS; BBl 1904 IV 1, 1907 VI 367).

3. Lieu da scussiun dal debitur cun domicil a l'exteriur

Art. 50

¹ Debiturs cun domicil a l'exteriur, che possedan ina sedia da la fatschenta en Svizra, pon vegnir stumads per las obligaziuns surpigliadas sin quint da quella ed a la sedia da quella.

² Debiturs cun domicil a l'exteriur, che han tschernì in domicil spezial en Svizra per ademplir in'obligaziun, pon vegnir stumads per questa obligaziun al lieu tschernì.

4. Lieu da scussiun, nua che la chaussa sa chatta

Art. 51

¹ Per pretensiuns garantidas tras pegn manual po la scussiun vegnir introducida al lieu fixà en ils artitgels 46-50 u al lieu, nua ch'il pegn u la part dal pegn cun la blera valur sa chatta.⁸⁷

² Per pretensiuns garantidas tras pegn immobigliar⁸⁸ vegn la scussiun fatga mo al lieu⁸⁹, nua ch'il bain immobigliar impegnà sa chatta. Sche la scussiun vegn introducida per plirs bains immobigliars che sa chattan en differents circuls da scussiun, sto ella vegnir fatga en quel circul, nua che la part dals bains immobigliars cun la blera valur sa chatta.

⁸⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁸⁸ Designaziun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1). Questa midada è resguardada en l'entir decret.

⁸⁹ Designaziun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1). Questa midada è resguardada en l'entir decret.

5. Lieu da scussiun da la sequestraziun

Art. 52

Sch'ina pretensiun vegn sequestrada, po la scussiun er vegnir introducida al lieu, nua che l'object sequestrà sa chatta.⁹⁰ La smanatscha da concurs e la decleraziun da concurs ston dentant vegnir fatgas al lieu ordinari.

⁹⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

C. Lieu da scussiun en cas d'ina midada da domicil

Art. 53

Sch'il debitur mida ses domicil, suenter l'avis da l'impegnaziun u suenter ch'el ha survegnì la smanatscha da concurs u l'avis da pajament per la scussiun sin cambialas, vegn la scussiun cuntinuada al medem lieu.

D. Lieu da concurs d'in debitur en fugia

Art. 54

Il concurs cunter in debitur en fugia vegn declerà a ses ultim lieu da domicil.

E. Princip da l'unitad dal concurs

Art. 55

Il concurs cunter in debitur na po betg vegnir declerà il medem mument en dapli ch'in lieu en Svizra. El vala sco declerà en quel lieu, nua ch'el è vegnì constatà sco emprim.

III. Uras serradas, vacanzas da scussiun e suspensiun⁹¹

⁹¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

A. Princips e noziuns

Art. 56⁹²

Danor durant la procedura da sequestraziun u sch'i sa tracta da mesiras urgentas per mantegnair bains da facultad, na dastgan acts da scussiun betg vegnir exequids:

1.: durant las uras serradas, numnadamain tranter las 20.00 e las 07.00 sco er las dumengias u ils firads uffizials renconuschids;
2.: durant las vacanzas da scussiun, quai èn 7 dis avant e 7 dis suenter Pasca e Nadal sco er dals 15 da fanadur fin ils 31 da fanadur; per la scussiun sin cambialas na datti naginas vacanzas da scussiun;
3.: cunter in debitur, al qual è vegnida concedida la suspensiun (art. 57-62).

⁹² Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

B. Suspensiun

1. Pervia da servetsch militar, civil u da protecziun civila^⁹³

⁹³ Expressiun tenor la cifra 4 da l'agiunta da la LF dals 6 d'oct. 1995 davart il servetsch civil, en vigur dapi il 1. d'oct. 1996 (AS 1996 1445; BBl 1994 III 1609). Questa midada è resguardada en l'entir decret.

a. Durada

Art. 57⁹⁴

¹ La scussiun cunter in debitur che fa servetsch militar, civil u da protecziun civila vegn suspendida per la durada dal servetsch.⁹⁵

² Sch'il debitur ha prestà servetsch durant almain 30 dis senza gronda interrupziun avant sia relaschada u ses congedi, vegn la scussiun suspendida er anc per las 2 emnas che suondan la relaschada u il congedi.

³ Per contribuziuns periodicas da mantegniment e da sustegn sin basa dal dretg da famiglia po il debitur vegnir stumà er durant la suspensiun.⁹⁶

⁴ Ils debiturs che prestan servetsch militar u da protecziun civila sin basa d'ina relaziun da lavur cun la Confederaziun u cun il chantun n'han betg il dretg d'ina suspensiun.⁹⁷

⁹⁴ Versiun tenor l'art. 2 da la LF dals 28 da sett. 1949, en vigur dapi il 1. da favr. 1950 (AS 1950 I 57; BBl 1948 I 1218).

⁹⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁹⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁹⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

b. Obligaziun da terzs da dar infurmaziuns

Art. 57a⁹⁸

¹ Sch'in act da scussiun na po betg vegnir exequì, perquai ch'il debitur presta servetsch militar, civil u da protecziun civila, èn las persunas creschidas che vivan en la medema chasada e, sche las actas da scussiun vegnan consegnadas en in manaschi commerzial, ils lavurants u eventualmain il patrun, obligads sut smanatscha da chasti (art. 324 cifra 5 CP⁹⁹) d'inditgar al funcziunari l'adressa da servetsch e l'onn da naschientscha dal debitur.¹⁰⁰

^1bis Il funcziunari da scussiun renda attent las persunas pertutgadas a lur obligaziuns ed a las consequenzas penalas, sche quellas vegnan violadas.¹⁰¹

² Sin dumonda communitgescha il post da commando cumpetent a l'uffizi da scussiun la data da la relaschada u da l'entrada en congedi dal debitur.

³ ...¹⁰²

⁹⁸ Integrà tras l'art. 2 da la LF dals 28 da sett. 1949, en vigur dapi il 1. da favr. 1950 (AS 1950 I 57; BBl 1948 I 1218).

⁹⁹ SR 311.0

¹⁰⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁰¹ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁰² Abolì tras la cifra I da la LF dals 16 da dec. 1994, cun effect dapi il 1. da schan. 1997 (AS 1995 1227; BBl 1991 III 1).

c. Garanzia dal pegn immobigliar

Art. 57b¹⁰³

¹ Envers in debitur che profita d'ina suspensiun perquai ch'el presta servetsch militar, civil u da protecziun civila, vegn la garanzia dal pegn immobigliar per ils tschains dal credit ipotecar (art. 818 al. 1 cifra 3 CCS¹⁰⁴) prolungada per la durada da la suspensiun.¹⁰⁵

² En quai che concerna la scussiun sin liquidaziun dal pegn sto l'avis da pajament vegnir consegnà er durant la suspensiun, sche quella ha gia durà 3 mais.

¹⁰³ Integrà tras l'art. 2 da la LF dals 28 da sett. 1949, en vigur dapi il 1. da favr. 1950 (AS 1950 I 57; BBl 1948 I 1218).

¹⁰⁴ SR 210

¹⁰⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

d. Register dals bains

Art. 57c¹⁰⁶

¹ Envers in debitur che profita d'ina suspensiun perquai ch'el presta servetsch militar, civil u da protecziun civila, po il creditur pretender che l'uffizi da scussiun fetschia per la durada da la suspensiun in register dals bains cun ils effects previs en l'artitgel 164.¹⁰⁷ Il creditur sto dentant render vardaivel che sia pretensiun exista e ch'ella è periclitada tras acts dal debitur u da terzs che han l'intenziun da favurisar singuls crediturs a disfavur d'auters u da dischavantagiar ils crediturs en general.

² Il register dals bains na vegn betg fatg, sch'il debitur presta ina garanzia per la pretensiun dal creditur petent.

¹⁰⁶ Integrà tras l'art. 2 da la LF dals 28 da sett. 1949, en vigur dapi il 1. da favr. 1950 (AS 1950 I 57; BBl 1948 I 1218).

¹⁰⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

e. Revocaziun tras il derschader

Art. 57d¹⁰⁸

Il derschader da l'avertura da dretg po revocar cun effect immediat, en general u per singulas pretensiuns, la suspensiun concedida pervia dal servetsch militar, civil u da protecziun civila, sch'il creditur petent renda vardaivel che:¹⁰⁹

1.: il debitur ha privà valurs da facultad da l'access dals crediturs u ch'el fa preparativas che han l'intenziun da favurisar singuls crediturs a disfavur d'auters u da dischavantagiar ils crediturs en general, u
2.¹¹⁰: il debitur, uschenavant ch'el presta servetsch militar, civil u da protecziun civila sin basa voluntara, na dovra betg ina suspensiun per mantegnair sia existenza economica, u
3.¹¹¹: il debitur presta servetsch militar, civil u da protecziun civila sin basa voluntara per mitschar da sias obligaziuns.

¹⁰⁸ Integrà tras l'art. 2 da la LF dals 28 da sett. 1949, en vigur dapi il 1. da favr. 1950 (AS 1950 I 57; BBl 1948 I 1218).

¹⁰⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹¹⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹¹¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

f. Servetsch militar, civil u da protecziun civila dal represchentant legal

Art. 57e¹¹²

Las disposiziuns davart la suspensiun vegnan applitgadas er per las persunas e per las societads, las qualas han in represchentant legal che presta servetsch militar, civil u da protecziun civila, uscheditg ch'ellas n'èn betg en cas da nominar in auter represchentant.

¹¹² Integrà tras l'art. 2 da la LF dals 28 da sett. 1949 (AS 1950 I 57; BBl 1948 I 1218). Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. En cas da mortori

Art. 58¹¹³

La scussiun cunter in debitur, dal qual ses conjugal, ses partenari registrà, ses parent u quinà en lingia directa u ses cunabitant è mort, è suspendida durant 2 emnas a partir dal di da la mort.

¹¹³ Versiun tenor la cifra 16 da l'agiunta da la LF da partenadi dals 18 da zer. 2004, en vigur dapi il 1. da schan. 2007 (AS 2005 5685; BBl 2003 1288).

3. Per la scussiun sin debits d'ierta

Art. 59

¹ La scussiun sin debits d'ierta è suspendida durant 2 emnas a partir dal di da la mort dal testader sco er durant il temp da ponderaziun concedì per acceptar u per refusar l'ierta.¹¹⁴

² Ina scussiun ch'è vegnida introducida durant ch'il testader era anc en vita po vegnir cuntinuada cunter l'ierta tenor l'artitgel 49.¹¹⁵

³ Ella po vegnir cuntinuada cunter ils ertavels mo, sch'i sa tracta d'ina scussiun sin liquidaziun dal pegn u sch'ils termins - en cas d'ina scussiun sin impegnaziun - ch'èn fixadas en ils artitgels 110 e 111 per la participaziun a l'impegnaziun èn gia scadids.

¹¹⁴ Versiun tenor l'art. 2 da la LF dals 28 da sett. 1949, en vigur dapi il 1. da favr. 1950 (AS 1950 I 57; BBl 1948 I 1218).

¹¹⁵ Versiun tenor l'art. 58 dal titel final dal CCS, en vigur dapi il 1. da schan. 1912 (AS 24 233 art. 60 tit. fin. CCS; BBl 1904 IV 1, 1907 VI 367).

4. En cas d'arrestaziun

Art. 60

Sche la scussiun sa drizza cunter ina persuna arrestada senza represchentanza, fixescha il funcziunari da scussiun in termin per designar ina tala.¹¹⁶ La scussiun vegn suspendida durant quest temp.

¹¹⁶ Versiun tenor la cifra 12 da l'agiunta da la LF dals 19 da dec. 2008 (protecziun da creschids, dretg da persunas e dretg dals uffants), en vigur dapi il 1. da schan. 2013 (AS 2011 725; BBl 2006 7001).

5. En cas da greva malsogna

Art. 61

Sch'il debitur è grevamain malsaun, po il funcziunari da scussiun suspender la scussiun per in tschert temp.

6. En cas d'epidemias u da disgrazias publicas

Art. 62¹¹⁷

En cas d'ina epidemia u d'ina disgrazia publica sco er en cas da guerra po il Cussegl federal u - cun ses consentiment - la regenza chantunala concluder la suspensiun per in tschert territori u per tschertas parts da la populaziun.

¹¹⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

C. Effects per la scadenza dals termins

Art. 63¹¹⁸

Las vacanzas da scussiun e la suspensiun n'impedeschan betg la scadenza dals termins. Sch'il termin per il debitur, per il creditur u per terzs scada dentant durant las vacanzas da scussiun u durant la suspensiun, vegn il termin prolungà fin il terz di suenter la scadenza. La sonda e la dumengia sco er ils firads uffizials renconuschids na vegnan betg quintads per calcular il termin da 3 dis.

¹¹⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

IV. Consegna da las actas da scussiun

A. A persunas natiralas

Art. 64

¹ Las actas da scussiun vegnan consegnadas al debitur en sia abitaziun u al lieu, nua ch'el pratitgescha per regla sia professiun. Sch'el è absent, pon las actas da scussiun vegnir consegnadas ad ina persuna creschida che viva en la medema chasada u ad in emploià.

² Sche naginas da questas persunas menziunadas pon vegnir chattadas, ston las actas da scussiun vegnir surdadas ad in funcziunari communal u da polizia per mauns dal debitur.

B. A persunas giuridicas, societads ed iertas betg repartidas

Art. 65

¹ Sch'ina scussiun è drizzada cunter ina persuna giuridica u cunter ina societad, vegnan las actas da scussiun consegnadas al represchentant. Sco represchentant vala:

1.¹¹⁹: per ina vischnanca, in chantun u la Confederaziun il president da l'autoritad executiva u il post da servetsch designà da l'autoritad executiva;
2.¹²⁰: per ina societad anonima, ina societad acziunara commanditara, ina societad cun responsabladad limitada, in'associaziun u in'uniun inscritta en il register da commerzi mintga commember da l'administraziun u da la suprastanza sco er mintga directur u procurist;
3.: per in'autra persuna giuridica il president da l'administraziun u l'administratur;
4.: per ina societad collectiva u ina societad commanditara mintga associà ch'è autorisà da represchentar la societad e mintga procurist.

² Sche las persunas numnadas na sa chattan betg en lur biros, pon las actas da scussiun er vegnir consegnadas ad in auter funcziunari u emploià.

³ Sche la scussiun è drizzada cunter ina ierta betg repartida, vegnan las actas da scussiun consegnadas al represchentant ch'è designà per l'ierta u, sch'i manca in tal, ad in dals ertavels.¹²¹

¹¹⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹²⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹²¹ Integrà tras l'art. 58 dal titel final dal CCS, en vigur dapi il 1. da schan. 1912 (AS 24 233 art. 60 tit. fin. CCS; BBl 1904 IV 1, 1907 VI 367).

C. Al debitur cun domicil a l'exteriur u sche la consegna n'è betg pussaivla

Art. 66

¹ Sch'il debitur na viva betg al lieu da la scussiun, vegnan las actas da scussiun consegnadas a la persuna u en il local ch'el ha designà al lieu da la scussiun.

² Sch'i manca ina tala designaziun, vegnan las actas da scussiun consegnadas tras l'intermediaziun da l'uffizi da scussiun dal lieu da domicil dal debitur u per posta.

³ Sch'il debitur viva a l'exteriur, vegnan las actas da scussiun consegnadas tras l'intermediaziun da las autoritads localas u, uschenavant che contracts internaziunals prevesan quai u il stadi retschavider dat ses consentiment, per posta.¹²²

⁴ La consegna vegn remplazzada tras ina communicaziun publica, sche:

1.: il domicil dal debitur n'è betg enconuschent;
2.: il debitur sa retira cun insistenza da la consegna;
3.: il debitur viva a l'exteriur e la consegna tenor l'alinea 3 n'è betg pussaivla entaifer in termin adequat.¹²³

⁵ ...¹²⁴

¹²² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹²³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹²⁴ Abolì tras la cifra I da la LF dals 16 da dec. 1994, cun effect dapi il 1. da schan. 1997 (AS 1995 1227; BBl 1991 III 1).

V. Introducziun da la scussiun

A. Dumonda da scussiun

Art. 67

¹ La dumonda da scussiun sto vegnir drizzada en scrit u a bucca a l'uffizi da scussiun. Ella sto cuntegnair:

1.: il num ed il domicil dal creditur e da ses eventual mandatari sco er, sch'il creditur viva a l'exteriur, il domicil tschernì da quel en Svizra. Sche questa indicaziun manca, vegni supponì che quest domicil sa chattia en l'uffizi da scussiun;
2.¹²⁵: il num ed il domicil dal debitur ed eventualmain da ses represchentant legal; en cas d'ina dumonda da scussiun cunter ina ierta stoi vegnir inditgà a tge ertavels che las actas da scussiun duain vegnir consegnadas;
3.: la summa da la pretensiun u da la garanzia dumandada, en valuta legala svizra; per pretensiuns che portan tschains, il tschains ed il di dapi che quel vegn pretendì;
4.: il document da pretensiun e sia data; sche quel manca, il motiv da la pretensiun.

² Per ina pretensiun garantida tras pegn ston ultra da quai vegnir fatgas las indicaziuns previsas en l'artitgel 151.

³ Sin dumonda sto l'entrada da la dumonda da scussiun vegnir confermada gratuitamain al creditur.

¹²⁵ Versiun tenor l'art. 58 dal titel final dal CCS, en vigur dapi il 1. da schan. 1912 (AS 24 233 art. 60 tit. fin. CCS; BBl 1904 IV 1, 1907 VI 367).

B. Custs da scussiun

Art. 68

¹ Il debitur sto surpigliar ils custs da scussiun. Il creditur sto però pajar quels anticipadamain. Sch'il pajament anticipà na vegn betg fatg, po l'uffizi da scussiun desister ad interim d'in act da scussiun, annunziond quai al creditur.

² Il creditur è autorisà da prelevar ils custs da scussiun dals emprims pajaments dal debitur.

VI. Scussiun d'in conjugal che ha ina cuminanza dals bains¹²⁶

¹²⁶ Oriundamain cifra V^bis. Integrà tras l'art. 15 cifra 3 da las disposiziuns finalas e transitoricas dals titels XXIV-XXXIII DO (AS 53 185; BBl 1928 I 205, 1932 I 217). Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

A. Consegna da las actas da scussiun. Opposiziun

Art. 68a¹²⁷

¹ Sch'in conjugal che ha ina cuminanza dals bains vegn stumà, ston l'avis da pajament e tut las ulteriuras actas da scussiun vegnir consegnadas er a l'auter conjugal; l'uffizi da scussiun sto prender suenter questa consegna immediatamain, sch'i vegn fatg valair pir en il decurs da la procedura ch'il debitur ha ina cuminanza dals bains.

² Mintga conjugal po far opposiziun.

³ ...¹²⁸

¹²⁷ Oriundamain art. 68^bis. Integrà tras l'art. 15 cifra 3 da las disposiziuns finalas e transitoricas dals titels XXIV-XXXIII DO (AS 53 185; BBl 1928 I 205, 1932 I 217). Versiun tenor la cifra II 3 da la LF dals 5 d'oct. 1984 davart la midada dal CCS, en vigur dapi il 1. da schan. 1988 (AS 1986 122 153 art. 1; BBl 1979 II 1191).

¹²⁸ Abolì tras la cifra I da la LF dals 16 da dec. 1994, cun effect dapi il 1. da schan. 1997 (AS 1995 1227; BBl 1991 III 1).

B. Disposiziuns spezialas

Art. 68b¹²⁹

¹ Mintga conjugal po far valair en la procedura da revendicaziun (art. 106-109) ch'in bain impegnà fa part dals bains propris dal conjugal dal debitur.

² Sche la scussiun sa restrenscha ultra d'als bains propris a la part dal debitur vi dals bains cuminaivels, po mintga conjugal s'opponer en la procedura da revendicaziun (art. 106-109) a l'impegnaziun d'objects dals bains cuminaivels.

³ Sche la scussiun sin ils bains propris e sin la quota dals bains cuminaivels vegn cuntinuada, vegnan l'impegnaziun e la liquidaziun da la quota dals bains cuminaivels regladas tenor l'artitgel 132; resalvada resta ina impegnaziun da las entradas da gudogn futuras dal conjugal stumà (art. 93).¹³⁰

⁴ La part d'in conjugal vi dals bains cuminaivels na po betg vegnir ingiantada.

⁵ L'autoritad da surveglianza po pretender dal derschader d'ordinar la separaziun dals bains.

¹²⁹ Integrà tras la cifra II 3 da la LF dals 5 d'oct. 1984 davart la midada dal CCS, en vigur dapi il 1. da schan. 1988 (AS 1986 122 153 art. 1; BBl 1979 II 1191).

¹³⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

VII.¹³¹
Scussiun en cas da represchentanza legala u da curatella

¹³¹ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

1. Debitur minoren

Art. 68c¹³²

¹ Sch'il debitur è minoren, vegnan las actas da scussiun consegnadas al represchentant legal. En cas d'ina curatella tenor l'artitgel 325 CCS¹³³ ston las actas da scussiun vegnir consegnadas al procuratur ed als titulars da la tgira genituriala, nun che la nominaziun dal procuratur saja vegnida communitgada a l'uffizi da scussiun.

² Sche la pretensiun resulta dentant d'ina activitad economica permessa u sch'ella stat en connex cun l'administraziun dal gudogn da lavur u da la facultad libra tras ina persuna minorenna (art. 321 al. 2, art. 323 al. 1 ed art. 327b CCS), vegnan las actas da scussiun consegnadas al debitur ed al represchentant legal.

¹³² Versiun tenor la cifra 12 da l'agiunta da la LF dals 19 da dec. 2008 (protecziun da creschids, dretg da persunas e dretg dals uffants), en vigur dapi il 1. da schan. 2013 (AS 2011 725; BBl 2006 7001).

¹³³ SR 210

2. Debitur maioren suttamess ad ina mesira da la protecziun da creschids

Art. 68d¹³⁴

¹ Sch'in procuratur u in mandatari è cumpetent per l'administraziun da la facultad dal debitur maioren e sche l'autoritad per la protecziun da creschids ha communitgà quai a l'uffizi da scussiun, vegnan las actas da scussiun consegnadas al procuratur u al mandatari.

² Sche l'abilitad d'agir dal debitur n'è betg restrenschida, vegnan las actas da scussiun consegnadas er a quel.

¹³⁴ Versiun tenor la cifra 12 da l'agiunta da la LF dals 19 da dec. 2008 (protecziun da creschids, dretg da persunas e dretg dals uffants), en vigur dapi il 1. da schan. 2013 (AS 2011 725; BBl 2006 7001).

3. Limitaziun da la responsabladad

Art. 68e

Sch'in debitur è responsabel mo cun la facultad libra, poi vegnir fatg valair en la procedura da revendicaziun (art. 106-109) ch'in bain impegnà na tutga betg latiers.

VIII.¹³⁵ Avis da pajament ed opposiziun

¹³⁵ Oriundamain cifra VI.

A. Avis da pajament

1. Cuntegn

Art. 69

¹ Suenter che l'uffizi da scussiun ha retschavì la dumonda da scussiun, relascha el l'avis da pajament.

² L'avis da pajament cuntegna:

1.: las indicaziuns da la dumonda da scussiun;
2.: il cumond da pajar al creditur entaifer 20 dis il credit ed ils custs da scussiun u, sche la scussiun pretenda ina garanzia, da furnir quella;
3.: la communicaziun che, sch'il debitur vul contestar la pretensiun u ina part da quella ubain il dretg da far valair quella sin via da la scussiun, sto el declerar quai (far opposiziun) entaifer 10 dis suenter la consegna da l'avis da pajament tar l'uffizi da scussiun;
4.: la smanatscha che, sch'il debitur n'ademplescha betg l'avis da pajament e na fa betg opposiziun, vegn cuntinuada la scussiun.

2. Emissiun

Art. 70

¹ L'avis da pajament vegn emess en dus exemplars. In exemplar è per il debitur, l'auter per il creditur. Sch'ils dus documents n'èn betg identics, è decisiv l'exemplar consegnà al debitur.

² Sche cundebiturs vegnan stumads a medem temp, vegn consegnà a mintgin da quels in agen avis da pajament.¹³⁶

¹³⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

3. Termin da la consegna

Art. 71

¹ L'avis da pajament vegn consegnà al debitur suenter che la dumonda da scussiun è entrada.¹³⁷

² Sche l'uffizi da scussiun retschaiva pliras dumondas da scussiun cunter il medem debitur, ston tut ils avis da pajament vegnir consegnads a medem temp.

³ Ina dumonda da scussiun ch'è entrada pli tard na dastga en nagin cas vegnir exequida avant la dumonda da scussiun precedenta.

¹³⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

4. Furma da la consegna

Art. 72

¹ L'avis da pajament vegn consegnà dal funcziunari da scussiun, d'in emploià da l'uffizi da scussiun u da la posta.¹³⁸

² A chaschun da la consegna sto il consegnader attestar sin tuts dus exemplars il di ed a tgi che l'exemplar è vegnì consegnà.

¹³⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

B. Preschentaziun dals meds da cumprova

Art. 73¹³⁹

¹ Suenter l'introducziun da la scussiun po il debitur pretender da tut temp ch'il creditur vegnia obligà da preschentar a l'uffizi da scussiun ils meds da cumprova per sia pretensiun ensemen cun ina survista da tut las pretensiuns ch'il debitur sto pajar.

² L'obligaziun n'ha nagins effects sin ils termins currents. Sch'il creditur n'ademplescha betg u betg ad ura l'obligaziun, resguarda la dretgira - en connex cun sia decisiun davart ils custs da procedura - en ina proxima dispita giuridica il fatg, ch'il debitur n'ha betg pudì prender invista dals meds da cumprova.

¹³⁹ Versiun tenor la cifra I da la LF dals 16 da dec. 2016, en vigur dapi il 1. da schan. 2019 (AS 2018 4583; BBl 2015 3209 5785).

C. Opposiziun

1. Termin e furma

Art. 74

¹ Sch'il stumà vul far opposiziun, sto el declerar quai immediatamain a bucca u en scrit al consegnader da l'avis da pajament u entaifer 10 dis suenter la consegna da l'avis da pajament a l'uffizi da scussiun.¹⁴⁰

² Sch'il stumà fa opposiziun mo cunter ina part da la pretensiun, sto el inditgar exactamain l'import contestà; sch'el desista da far quai, vala l'entira pretensiun sco contestada.¹⁴¹

³ Sin dumonda sto l'opposiziun vegnir attestada gratuitamain al stumà.

¹⁴⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁴¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Motivaziun

Art. 75¹⁴²

¹ L'opposiziun na sto betg vegnir motivada. Sch'il debitur motivescha l'opposiziun, na renunzia el betg al dretg da far ulteriuras objecziuns.

² Sch'il debitur vul contestar ch'el haja acquistà nova facultad (art. 265, 265a), sto el declerar quai explicitamain en sia opposiziun; cas cuntrari renunzia el al dretg da far questa objecziun.

³ Resalvadas restan las disposiziuns davart l'opposiziun posteriura (art. 77) e davart l'opposiziun en la scussiun sin cambialas (art. 179 al. 1).

¹⁴² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

3. Communicaziun al creditur

Art. 76

¹ Il cuntegn da l'opposiziun vegn communitgà al stumant sin l'exemplar da l'avis da pajament ch'è destinà per el; sch'i n'è betg vegnì fatg opposiziun, sto er quai vegnir prenotà sin quel.

² Quest exemplar vegn consegnà al stumant immediatamain suenter l'inoltraziun da l'opposiziun u - sch'i n'è betg vegnì fatg opposiziun - immediatamain suenter la scadenza dal termin da contestaziun.

4. Oposiziun posteriura en cas da la midada da creditur

Art. 77

¹ Sch'il creditur mida durant la procedura da scussiun, po il stumà far opposiziun anc posteriuramain fin a la repartiziun u a la decleraziun da concurs.¹⁴³

² Il stumà sto far opposiziun en scrit e cun ina motivaziun entaifer 10 dis suenter ch'el ha survegnì enconuschientscha da la midada da creditur, tar il derschader al lieu da scussiun, e render vardaivlas las objecziuns cunter il nov creditur.¹⁴⁴

³ Il derschader po, cura ch'el retschaiva l'opposiziun, disponer la suspensiun provisorica da la scussiun; el decida davart l'admissiun da l'opposiziun suenter avair tadlà las partidas.

⁴ Sche l'opposiziun posteriura vegn permessa e sch'ina impegnaziun è gia exequida, fixescha l'uffizi da scussiun per il creditur in termin da 10 dis per laschar constatar la legitimaziun da sia pretensiun. Sch'el na fa betg diever dal termin, daventa l'impegnaziun obsoleta.¹⁴⁵

⁵ L'uffizi da scussiun annunzia al debitur mintga midada da creditur.¹⁴⁶

¹⁴³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁴⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁴⁵ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁴⁶ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

5. Effects

Art. 78

¹ L'opposiziun chaschuna la suspensiun da la scussiun.

² Sch'il debitur fa opposiziun mo cunter ina part da la pretensiun, po la scussiun vegnir cuntinuada per la part incontestada.

D. Annullaziun da l'opposiziun

1. En la procedura civila u administrativa

Art. 79¹⁴⁷

Sch'igl è vegnì fatg opposiziun cunter la scussiun, sto il creditur far valair ses dretg en la procedura civila u administrativa. El po effectuar la cuntinuaziun da la scussiun mo sin basa d'ina decisiun executabla che annullescha explicitamain l'opposiziun.

¹⁴⁷ Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

2. Tras l'avertura da dretg definitiva

a. Titel per iniziar la procedura da dretg

Art. 80¹⁴⁸

¹ Sche la pretensiun sa basa sin ina decisiun giudiziala executabla, po il creditur pretender dal derschader d'annullar l'opposiziun (avertura da dretg definitiva).¹⁴⁹

² Il medem status giuridic sco ina decisiun giudiziala han:¹⁵⁰

1.: enclegientschas giudizialas e renconuschientschas giudizialas dals debits;
1^bis.¹⁵¹ documents publics executabels tenor ils artitgels 347-352 CPC¹⁵²;
2.¹⁵³: disposiziuns d'autoritads administrativas svizras;
3.¹⁵⁴: ...
4.¹⁵⁵: las decisiuns definitivas dals organs da controlla che vegnan prendidas applitgond l'artitgel 16 alinea 1 da la Lescha federala dals 17 da zercladur 2005¹⁵⁶ davart la lavur illegala e che cuntegnan ils custs da controlla;
5.¹⁵⁷: en il sectur da la taglia sin la plivalur: rendaquints da taglia e las communicaziuns da taxaziun che han survegnì forza legala cun la surannaziun dal dretg da taxaziun, sco er las communicaziuns da taxaziun che han survegnì forza legala tras la constataziun en scrit dal pajataglia.

¹⁴⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁴⁹ Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

¹⁵⁰ Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

¹⁵¹ Integrà tras la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

¹⁵² SR 272

¹⁵³ Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

¹⁵⁴ Abolì tras la cifra II 17 da l'agiunta 1 dal Cudesch da procedura civila dals 19 da dec. 2008, cun effect dapi il 1. da schan. 2011 (AS 2010 1739; BBl 2006 7221).

¹⁵⁵ Integrà tras la cifra 3 da l'agiunta da la LF dals 17 da zer. 2005 davart la lavur illegala, en vigur dapi il 1. da schan. 2008 (AS 2007 359; BBl 2002 3605).

¹⁵⁶ SR 822.41

¹⁵⁷ Integrà tras la cifra 2 da l'agiunta da la LF dals 30 da sett. 2016, en vigur dapi il 1. da schan. 2018 (AS 2017 3575; BBl 2015 2615).

b. Objecziuns

Art. 81¹⁵⁸

¹ Sche la pretensiun sa basa sin ina decisiun executabla d'ina dretgira svizra u d'ina autoritad administrativa svizra, vegn concedida l'avertura da dretg definitiva, sch'il stumà na cumprova betg cun documents ch'el haja pajà il debit u survegnì in moratori dapi la decisiun u sch'el na sa referescha betg a la surannaziun.

² Sche la pretensiun sa basa sin in document public executabel, po il stumà far valair ulteriuras objecziuns cunter l'obligaziun da prestaziun, sch'ellas pon vegnir cumprovadas immediatamain.

³ Sche la decisiun è vegnida prendida en in auter stadi, po il stumà far valair ultra da quai las objecziuns previsas en il contract internaziunal respectiv u, sch'in tal manca, en la Lescha federala dals 18 da december 1987¹⁵⁹ davart il dretg internaziunal privat, nun ch'ina dretgira svizra haja gia decidì davart questas objecziuns.¹⁶⁰

¹⁵⁸ Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

¹⁵⁹ SR 291

¹⁶⁰ Versiun tenor l'art. 3 cifra 2 dal COF dals 11 da dec. 2009 (approvaziun e realisaziun da la Convenziun da Lugano), en vigur dapi il 1. da schan. 2011 (AS 2010 5601; BBl 2009 1777).

3. Tras l'avertura da dretg provisorica

a. Premissas

Art. 82

¹ Sche la pretensiun sa basa sin ina renconuschientscha dal debit constatada tras in document public u affirmada tras suttascripziun, po il creditur pretender l'avertura da dretg provisorica.

² Il derschader pronunzia l'avertura da dretg provisorica, sch'il stumà na renda betg vardaivel immediatamain objecziuns che refuteschan la renconuschientscha dal debit.

b. Effects

Art. 83

¹ Il creditur, al qual è vegnida concedida l'avertura da dretg provisorica, po pretender suenter la scadenza dal termin da pajament e tut tenor la persuna dal debitur, l'impegnaziun provisorica ubain ch'i vegnia fatg in register dals bains a norma da l'artitgel 162.

² En la procedura ordinaria po il stumà dentant dumandar entaifer 20 dis suenter l'avertura da dretg la dretgira dal lieu da scussiun d'abgiuditgar il debit.¹⁶¹

³ Sch'el tralascha da far quai u sch'il plant sin abgiudicaziun dal debit vegn refusà, daventan l'avertura da dretg sco er eventualmain l'impegnaziun provisorica definitivas.¹⁶²

⁴ Il termin tenor l'artitgel 165 alinea 2 vegn suspendì durant il temp tranter l'introducziun e la liquidaziun dal plant sin abgiudicaziun dal debit. La dretgira da concurs annullescha dentant ils effects dal register dals bains, sche las premissas per ordinar in tal n'èn betg pli ademplidas.¹⁶³

¹⁶¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁶² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁶³ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

4. Procedura d'avertura da dretg

Art. 84¹⁶⁴

¹ Il derschader dal lieu da scussiun decida davart dumondas per l'avertura da dretg.

² Immediatamain suenter l'entrada da la dumonda dat el al stumà la pussaivladad da prender posiziun a bucca u en scrit e pronunzia alura entaifer 5 dis sia decisiun.

¹⁶⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

E. Annullaziun u suspensiun da la scussiun tras il derschader

1. En procedura summarica

Art. 85¹⁶⁵

Sch'il stumà cumprova a maun da documents ch'el haja pajà il debit inclusiv ils tschains ed ils custs u ch'il creditur l'haja concedì in moratori, po el dumandar da tut temp la dretgira al lieu da scussiun d'annullar respectivamain da suspender la scussiun.

¹⁶⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. En procedura ordinaria ed en procedura simplifitgada¹⁶⁶

¹⁶⁶ Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

Art. 85a¹⁶⁷

¹ Independentamain d'ina eventuala opposiziun po il stumà laschar constatar la dretgira dal lieu da scussiun ch'il debit n'exista betg u betg pli u ch'il creditur l'ha concedì in moratori.¹⁶⁸

² Suenter l'entrada dal plant taidla la dretgira las partidas ed examinescha ils meds da cumprova; sch'il plant è a ses avis fitg probablamain motivà, pronunzia ella la suspensiun provisorica da la scussiun:

1.: en cas da la scussiun sin impegnaziun u sin liquidaziun dal pegn, avant la liquidaziun u, sche quella ha gia gì lieu, avant la repartiziun;
2.: en cas da la scussiun sin concurs, suenter la consegna da la smanatscha da concurs.

³ Sche la dretgira approvescha il plant, annullescha u suspenda ella la scussiun.

⁴ ...¹⁶⁹

¹⁶⁷ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁶⁸ Versiun tenor la cifra I da la LF dals 16 da dec. 2016, en vigur dapi il 1. da schan. 2019 (AS 2018 4583; BBl 2015 3209 5785).

¹⁶⁹ Abolì tras la cifra II 17 da l'agiunta 1 dal Cudesch da procedura civila dals 19 da dec. 2008, cun effect dapi il 1. da schan. 2011 (AS 2010 1739; BBl 2006 7221).

F. Plant da restituziun

Art. 86

¹ Sch'igl è vegnì tralaschà da far opposiziun u sche l'opposiziun è vegnida annullada tras l'avertura da dretg, po quel che ha pajà per consequenza in nundebit pretender - en ina procedura - entaifer 1 onn suenter il pajament la restituziun da la summa pajada.¹⁷⁰

² Il plant da restituziun po vegnir fatg sin giavisch da l'accusader tar la dretgira dal lieu da scussiun u tar la dretgira cumpetenta ordinaria da l'accusà.

³ En divergenza da l'artitgel 63 dal Dretg d'obligaziuns (DO)¹⁷¹ dependa quest dretg da restituziun mo da la premissa ch'il nundebit vegnia cumprovà.¹⁷²

¹⁷⁰ Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

¹⁷¹ SR 220

¹⁷² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

G. Scussiun sin liquidaziun dal pegn e scussiun sin cambialas

Art. 87

Per l'avis da pajament en cas da la scussiun sin liquidaziun dal pegn valan las disposiziuns spezialas dals artitgels 151-153, per l'avis da pajament e per l'opposiziun en cas da la scussiun sin cambialas, quellas dals artitgels 178-189.

IX. Cuntinuaziun da la scussiun¹⁷³

¹⁷³ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

Art. 88¹⁷⁴

¹ Sche la scussiun n'è betg vegnida suspendida tras opposiziun u tras ina sentenzia giudiziala, po il creditur far la dumonda da cuntinuaziun il pli baud 20 dis suenter la consegna da l'avis da pajament.

² Quest dretg scada 1 onn suenter la consegna da l'avis da pajament. Sch'igl è vegnì fatg opposiziun, è quest termin suspendì tranter l'introducziun e la liquidaziun d'ina procedura giudiziala u administrativa che resulta qua tras.

³ Sin dumonda vegn l'entrada da la dumonda da cuntinuaziun confermada gratuitamain al creditur.

⁴ Sin giavisch dal creditur po ina summa da pretensiun en valuta estra vegnir convertida da nov en valuta legala svizra tenor il curs dal di, il qual la dumonda da cuntinuaziun è vegnida fatga.

¹⁷⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

Terz titel: Scussiun sin impegnaziun¹⁷⁵

¹⁷⁵ Oriundamain avant l'art. 88.

I. Impegnaziun¹⁷⁶

¹⁷⁶ Oriundamain avant l'art. 88.

A. Execuziun

1. Termin

Art. 89¹⁷⁷

Sch'il debitur è suttamess a la scussiun sin impegnaziun, sto l'uffizi da scussiun exequir immediatamain l'impegnaziun suenter avair retschavì la dumonda da cuntinuaziun u la laschar exequir da l'uffizi da scussiun dal lieu, nua ch'ils bains da facultad impegnabels sa chattan.

¹⁷⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Avis

Art. 90

Al debitur sto l'impegnaziun vegnir avisada il pli tard il di precedent, renviond a las disposiziuns da l'artitgel 91.

3. Obligaziuns dal debitur e da terzs

Art. 91¹⁷⁸

¹ Sut smanatscha da chasti è il debitur obligà:

1.: d'assister a l'impegnaziun u da sa laschar substituir tar tala (art. 323 cifra 1 CP¹⁷⁹);
2.: d'inditgar ses bains da facultad inclusiv quels che na sa chattan betg en ses possess, sco er sias pretensiuns e ses dretgs envers terzs, uschenavant che quai è necessari per ina impegnaziun suffizienta (art. 163 cifra 1 e 323 cifra 2 CP)¹⁸⁰.

² Sch'il debitur negligescha senza perstgisa suffizienta d'assister a l'impegnaziun e sch'el na sa lascha er betg substituir, po l'uffizi da scussiun al laschar manar natiers da la polizia.

³ Il debitur sto avrir ses locals e sias mobiglias, sch'il funcziunari pretenda quai. En cas da basegn po il funcziunari recurrer a la polizia.

⁴ Terzs che tegnan en salv bains da facultad dal debitur u tar ils quals quel ha credits, han - sut smanatscha da chasti (art. 324 cifra. 5 CP) - l'obligaziun da dar las medemas infurmaziuns sco il debitur.

⁵ Las autoritads han l'obligaziun da dar las medemas infurmaziuns sco il debitur.

⁶ L'uffizi da scussiun renda expressivamain attent ils pertutgads a lur obligaziuns ed a las consequenzas penalas.

¹⁷⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁷⁹ SR 311.0

¹⁸⁰ AS 2005 100

4. Valurs da facultad nunimpegnablas

Art. 92

¹ Nunimpegnabels èn:

1.¹⁸¹: ils objects che servan al diever persunal dal debitur e da sia famiglia sco vestgadira, effects persunals, apparats da chasa, mobiglias u autras chaussas moviblas, uschenavant ch'els èn indispensabels.
1a.¹⁸²: animals che vegnan tegnids en il sectur chasan e che na vegnan betg tegnids per intents da facultad u per intents da gudogn;
2.¹⁸³: ils cudeschs religius d'edificaziun ed ils objects da cultus;
3.¹⁸⁴: iseglia, apparats, instruments e cudeschs, uschenavant ch'els èn necessaris per il debitur e per sia famiglia per pratitgar lur professiun;
4.¹⁸⁵: tenor giavisch dal debitur ubain duas vatgas da latg u gianitschas, ubain quatter chauras u nursas, sco er animals pitschens cun il pavel ed il sternim ch'èn necessaris per mantegnair quels durant 4 mais, uschenavant ch'ils animals èn indispensabels per nutrir il debitur e sia famiglia u per mantegnair ses manaschi;
5.¹⁸⁶: il nutriment ed ils combustibels necessaris per il debitur e per sia famiglia per ils 2 mais suenter l'impegnaziun, ubain il daner blut u las pretensiuns ch'èn necessarias per cumprar tals;
6.¹⁸⁷: la vestgadira, l'equipament e las armas, il chaval ed il sold d'in schuldà, il daner da giaglioffa d'ina persuna obligada da far servetsch civil sco er la vestgadira, l'equipament e l'indemnisaziun d'ina persuna obligada da far servetsch da protecziun civila;
7.¹⁸⁸: il dretg a las rentas vitalizias constituidas tenor ils artitgels 516-520 DO¹⁸⁹;
8.¹⁹⁰: las prestaziuns da provediment ed ils sustegns obtegnids da vart da las cassas d'agid, da las cassas da malsauns e da las cassas da provediment, d'uniuns da decess e d'instituziuns sumegliantas;
9.¹⁹¹: rentas, cumpensaziuns en chapital ed autras prestaziuns che vegnan pajadas a la victima u a ses confamigliars per ina blessura corporala, per in disturbi da la sanadad u per il mazzament d'in uman, uschenavant che questas prestaziuns èn ina satisfacziun, cumpenseschan custs da guariziun u servan a l'acquisiziun da meds auxiliars;
9a.¹⁹²: las rentas tenor l'artitgel 20 da la Lescha federala dals 20 da december 1946¹⁹³ davart l'assicuranza per vegls e survivents u tenor l'artitgel 50 da la Lescha federala dals 19 da zercladur 1959¹⁹⁴ davart l'assicuranza d'invaliditad, las prestaziuns tenor l'artitgel 12 da la Lescha federala dals 19 da mars 1965¹⁹⁵ davart las prestaziuns supplementaras tar l'assicuranza da vegls, survivents ed invaliditad sco er las prestaziuns da las cassas da cumpensaziun per famiglias;
10.¹⁹⁶: ils dretgs da prestaziuns da provediment e da libra circulaziun d'ina instituziun da provediment professiunal, avant ch'il termin da pajament da la prestaziun ha cumenzà;
11.¹⁹⁷: las valurs da facultad d'in stadi ester u d'ina banca centrala estra che servan ad intents suverans.

² Betg impegnabels èn objects, nua ch'ins sto supponer d'emprim ennà ch'il surpli da lur retgav da liquidaziun surpassass ils custs uschè minimalmain, ch'ina prelevaziun na sa giustifitgass betg. Ma els ston vegnir prenotads cun lur valur da stimaziun en il document d'impegnaziun.¹⁹⁸

³ Ils objects tenor l'alinea 1 cifras 1-3 èn impegnabels, sch'els èn da gronda valur; ma els dastgan vegnir prelevads dal debitur mo, sch'il creditur metta a disposiziun a quel - avant la prelevaziun - objects remplazzants da la medema valur da diever, ubain l'import ch'è necessari per lur acquisiziun.¹⁹⁹

⁴ Resalvadas restan las disposiziuns spezialas davart la nunimpegnabladad da la Lescha federala dals 2 d'avrigl 1908²⁰⁰ davart il contract d'assicuranza (art. 79 al. 2 ed 80 LCA), da la Lescha dals 9 d'october 1992²⁰¹ davart ils dretgs d'autur (art. 18 LDAu) e dal Cudesch penal²⁰² (art. 378 al. 2 CP).²⁰³

¹⁸¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁸² Integrà tras la cifra IV da la LF dals 4 d'oct. 2002 (artitgel da princip animals), en vigur dapi il 1. d'avr. 2003 (AS 2003 463; BBl 2002 4164 5806).

¹⁸³ Versiun tenor l'art. 3 da la LF dals 28 da sett. 1949, en vigur dapi 1. da favr. 1950 (AS 1950 I 57; BBl 1948 I 1218).

¹⁸⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁸⁵ Versiun tenor l'art. 3 da la LF dals 28 da sett. 1949, en vigur dapi 1. da favr. 1950 (AS 1950 I 57; BBl 1948 I 1218).

¹⁸⁶ Versiun tenor l'art. 3 da la LF dals 28 da sett. 1949, en vigur dapi il 1. da favr. 1950 (AS 1950 I 57; BBl 1948 I 1218).

¹⁸⁷ Versiun tenor la cifra 4 da l'agiunta da la LF dals 6 d'oct. 1995 davart il servetsch civil, en vigur dapi il 1. d'oct. 1996 (AS 1996 1445; BBl 1994 III 1609).

¹⁸⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁸⁹ SR 220

¹⁹⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁹¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁹² Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁹³ SR 831.10

¹⁹⁴ SR 831.20

¹⁹⁵ [AS 1965 537; 1971 32; 1972 2483 cifra III; 1974 1589 cifra II; 1978 391 cifra II 2; 1985 2017; 1986 699; 1996 2466 agiunta cifra 4; 1997 2952; 2000 2687; 2002 701 cifra I 6 3371 agiunta cifra 9, 3453; 2003 3837 agiunta cifra 4; 2006 979 art. 2 cifra 8. AS 2007 6055 art. 35]. Oz: tenor l'art. 20 da la LF dals 6 d'oct. 2006 (SR 831.30).

¹⁹⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁹⁷ Integrà tras l'art. 3 da la LF dals 28 da sett. 1949 (AS 1950 I 57; BBl 1948 I 1218). Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁹⁸ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

¹⁹⁹ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁰⁰ SR 221.229.1

²⁰¹ SR 231.1

²⁰² SR 311.0. Guardar ussa l'art. 83 al. 2.

²⁰³ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

5. Entradas impegnablas limitadamain

Art. 93²⁰⁴

¹ Entradas da gudogn da tutta spezia, giudidas e lur retgavs, rentas vitalizias sco er contribuziuns da mantegniment, pensiuns e prestaziuns da tutta spezia che indemniseschan ina perdita da gudogn u in dretg da mantegniment, particularmain rentas e cumpensaziuns en chapital che n'èn betg nunimpegnablas tenor l'art. 92, pon vegnir impegnadas, nun ch'ellas sajan - tenor l'appreziar dal funcziunari da scussiun -absolutamain necessarias per il debitur e per sia famiglia.

² Talas entradas pon vegnir impegnadas maximalmain per la durada dad 1 onn; il termin cumenza cun l'execuziun da l'impegnaziun. Sche plirs crediturs sa participeschan a l'impegnaziun, cumenza il termin a partir da l'emprima impegnaziun ch'è vegnida exequida sin dumonda d'in creditur da la gruppa respectiva (art. 110 e 111).

³ Sch'in uffizi vegn a savair durant ina tala impegnaziun che las relaziuns decisivas per fixar l'import impegnabel èn sa midadas, adattescha el il volumen da l'impegnaziun a las novas relaziuns.

²⁰⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

6. Impegnaziun da fritgs avant la racolta

Art. 94

¹ Fritgs che pendan u che stattan en pe na pon betg vegnir impegnads:

1.: sin ils prads avant il 1. d'avrigl;
2.: sin ils champs avant il 1. da zercladur;
3.: en las vignas avant ils 20 d'avust.

² In'alienaziun da la racolta, ch'è vegnida fatga avant u durant ils dis inditgads, è nunvalaivla envers il creditur impegnant.

³ Ils dretgs dals crediturs ipotecars vi dals fritgs che pendan u che stattan en pe sco parts integralas dal bain impegnà restan resalvads, ma mo sut la premissa, ch'il creditur ipotecar haja introducì sez la scussiun per pudair liquidar il pegn immobigliar²⁰⁵, avant che la liquidaziun dals fritgs impegnads ha gì lieu.²⁰⁶

²⁰⁵ Designaziun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁰⁶ Versiun tenor l'art. 58 dal titel final dal CCS, en vigur dapi il 1. da schan. 1912 (AS 24 233 art. 60 tit. fin. CCS; BBl 1904 IV 1, 1907 VI 367).

7. Successiun da l'impegnaziun

a. En general

Art. 95

¹ En emprima lingia vegn impegnada la facultad movibla inclusiv las pretensiuns ed ils dretgs impegnabels limitadamain (art. 93). Ils objects da valur currenta ston vegnir impegnads sco emprims; ils bains da facultad pli obsolets vegnan dentant impegnads avant quels main dispensabels.²⁰⁷

² La facultad immovibla vegn impegnada mo, uschenavant che la facultad movibla na basta betg per cuvrir la pretensiun.²⁰⁸

³ En ultima lingia vegnan impegnads bains da facultad sequestrads, u tals ch'il debitur designescha sco appartegnents a terzs u che terzs revenditgeschan.

⁴ Sch'i vegnan impegnadas reservas da pavel, sto vegnir impegnà - sin dumonda dal debitur - er in dumber correspundent da muvel.

^4bis Il funcziunari po divergiar da questa successiun, sche las relaziuns giustifitgeschan quai u sch'il creditur ed il debitur pretendan quai cuminaivlamain.²⁰⁹

⁵ Dal rest duai il funcziunari resguardar - sche pussaivel - ils interess dal creditur sco er dal debitur.

²⁰⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁰⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁰⁹ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

b. Pretensiuns envers il conjugal u envers il partenari registrà

Art. 95a²¹⁰

Pretensiuns dal debitur envers ses conjugal u envers ses partenari registrà vegnan mo impegnadas, uschenavant che sia ulteriura facultad na basta betg.

²¹⁰ Integrà tras la cifra II 3 da la LF dals 5 d'oct. 1984 davart la midada dal CCS (AS 1986 122 ; BBl 1979 II 1191). Versiun tenor la cifra 16 da l'agiunta da la LF da partenadi dals 18 da zer. 2004, en vigur dapi il 1. da schan. 2007 (AS 2005 5685; BBl 2003 1288).

B. Effects da l'impegnaziun

Art. 96

¹ Sut smanatscha da chasti (art. 169 CP²¹¹) na dastga il debitur - senza permissiun dal funcziunari da scussiun - betg disponer dals bains da facultad impegnads. Il funcziunari impegnant al renda expressivamain attent a quai ed a las consequenzas penalas.²¹²

² Las disposiziuns dal debitur èn nunvalaivlas, sch'ellas violeschan ils dretgs ch'èn resultads da l'impegnaziun per ils crediturs, cun resalva dals effects da l'acquist da possess tras terzs da buna fai.²¹³

²¹¹ SR 311.0

²¹² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²¹³ Integrà tras l'art. 58 dal titel final dal CCS, en vigur dapi il 1. da schan. 1912 (AS 24 233 art. 60 tit. fin. CCS; BBl 1904 IV 1, 1907 VI 367).

C. Stimaziun. Dimensiun da l'impegnaziun

Art. 97

¹ Il funcziunari stima ils objects impegnads, en cas da basegn consultond experts.

² I na vegn betg impegnà dapli da quai ch'i dovra per satisfar a las pretensiuns - inclusiv ils tschains ed ils custs - dals crediturs impegnants.

D. Mesiras da segirada

1. En cas da bains movibels

Art. 98

¹ Daners, bancnotas, titels al purtader, cambialas ed auters titels indossabels, metals prezius ed autras preziusadads vegnan tegnids en salv da l'uffizi da scussiun.²¹⁴

² Autras chaussas moviblas pon vegnir laschadas ad interim en ils mauns dal debitur u d'in terz possessur cunter l'obligaziun da las tegnair a disposiziun da tut temp.

³ Ma er questas chaussas sto l'uffizi u in terz tegnair en salv, sch'i para al funcziunari da scussiun che quai saja commensurà u sch'il creditur renda vardaivel che quai è necessari per segirar ils dretgs ch'el ha obtegnì tras l'impegnaziun.²¹⁵

⁴ L'uffizi da scussiun po er tegnair en salv chaussas, vi da las qualas in terz ha in dretg da pegn. Ellas vegnan restituidas al creditur da pegn, sch'ellas na vegnan betg liquidadas.

²¹⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²¹⁵ Versiun tenor la cifra I da la LF dals 3 d'avr. 1924, en vigur dapi il 1. da schan. 1925 (AS 40 391; BBl 1921 I 507).

2. En cas da pretensiuns

Art. 99

A chaschun da l'impegnaziun da pretensiuns u da dretgs, per ils quals i n'exista betg in titel al possessur u in titel indossabel, vegni inditgà al debitur dal stumà ch'el als possia pajar cun vigur legala mo pli a l'uffizi da scussiun.

3. En cas d'auters dretgs, incassament da las pretensiuns

Art. 100

L'uffizi da scussiun procura per la conservaziun dals dretgs impegnads e per l'incassament d'eventualas pretensiuns.

4. En cas da bains immobigliars

a. Prenotaziun en il register funsil

Art. 101²¹⁶

¹ L'impegnaziun d'in bain immobigliar ha l'effect d'ina restricziun dal dretg da disponer. L'uffizi da scussiun communitgescha l'impegnaziun immediatamain a l'uffizi dal register funsil inditgond il mument ch'ella ha gì lieu e ses import, per far ina prenotaziun. Medemamain sto vegnir communitgada la participaziun da novs crediturs a l'impegnaziun e la fin da l'impegnaziun.

² La prenotaziun vegn annullada, sche la dumonda da liquidaziun na vegn betg fatga entaifer 2 onns suenter l'impegnaziun.

²¹⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

b. Fritgs e retgavs

Art. 102²¹⁷

¹ L'impegnaziun d'in bain immobigliar cumpiglia - cun resalva dals dretgs attribuids als crediturs ipotecars - er ils fritgs ed ils auters retgavs da tal.

² L'uffizi da scussiun sto infurmar ils crediturs ipotecars sco er eventualmain ils locataris u ils fittadins davart l'impegnaziun fatga.

³ El procura per la gestiun e per la cultivaziun dal bain immobigliar²¹⁸.

²¹⁷ Versiun tenor l'art. 58 dal titel final dal CCS, en vigur dapi il 1. da schan. 1912 (AS 24 233 art. 60 tit. fin. CCS; BBl 1904 IV 1, 1907 VI 367).

²¹⁸ Designaziun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1). Questa midada è resguardada en l'entir decret.

c. Racolta dals fritgs

Art. 103

¹ L'uffizi da scussiun procura per la racolta dals fritgs (art. 94 e 102).²¹⁹

² En cas da basegn ston ils fritgs vegnir fatgs valair per mantegnair il debitur e sia famiglia.

²¹⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

5. En cas da dretgs cuminaivels

Art. 104

Sch'i vegn impegnada ina giudida u ina part d'ina ierta betg repartida, d'in bain d'ina societad u d'ina facultad d'ina communitad, infurmescha l'uffizi da scussiun ils terzs participads davart l'impegnaziun.

6. Custs per tegnair en salv e per mantegnair bains impegnads

Art. 105²²⁰

Sin dumonda sto il creditur pajar ordavant a l'uffizi da scussiun ils custs per tegnair en salv e per mantegnair bains da facultad impegnads.

²²⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

E. Dretgs da terzs (procedura da revendicaziun)

1. Prenotaziun e communicaziun

Art. 106²²¹

¹ Sch'i vegn fatg valair ch'in terz saja proprietari da l'object impegnà, haja in dretg da pegn vi da quel u in auter dretg che s'oppona a l'impegnaziun u che sto vegnir resguardà durant l'ulteriura procedura d'execuziun, prenotescha l'uffizi da scussiun il dretg dal terz en il document d'impegnaziun u infurmescha las partidas, sch'il document è gia vegnì tramess.

² Terzs pon annunziar lur dretgs, uscheditg ch'il retgav or da la liquidaziun da l'object impegnà n'è anc betg repartì.

³ Suenter la liquidaziun po il terz far valair - ordaifer la procedura da scussiun - ils dretgs ch'el ha tenor il dretg civil en cas d'enguladitsch, da perdita u d'autra prelevaziun vi d'ina chaussa movibla (art. 934 e 935 CCS²²²) u en cas da mala fai da l'acquistader (art. 936 e 974 al. 3 CCS). Sco ingiant public en il senn da l'artitgel 934 alinea 2 CCS vala er la vendita sin basa privata tenor l'artitgel 130 da questa lescha.

²²¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²²² SR 210

2. Realisaziun

a. En cas da possess exclusiv dal debitur

Art. 107²²³

¹ Il debitur ed il creditur pon contestar cunter il dretg dal terz tar l'uffizi da scussiun, sch'il dretg sa referescha ad:

1.: ina chaussa movibla en possess exclusiv dal debitur;
2.: ina pretensiun u in auter dretg, sch'il dretg dal debitur vi da la chaussa è pli probabel che quel dal terz;
3.: in bain immobigliar, sch'il dretg dal terz na resulta betg dal register funsil.

² L'uffizi da scussiun als fixescha in termin da 10 dis en chaussa.

³ Sin dumonda dal debitur u dal creditur vegn il terz envidà da preschentar ses meds da cumprova a l'uffizi da scussiun per prender invista entaifer il termin da contestaziun. L'artitgel 73 alinea 2 vala tenor il senn.

⁴ Sch'il dretg dal terz na vegn betg contestà, vala el sco renconuschì en la scussiun respectiva.

⁵ Sch'il dretg vegn contestà, fixescha l'uffizi da scussiun in termin da 20 dis per il terz, entaifer il qual el po purtar plant cunter il contestader per laschar constatar ses dretg. Sch'el na porta betg plant, na vegn il dretg betg resguardà en la scussiun respectiva.

²²³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

b. En cas da possess u da cumpossess dal terz

Art. 108²²⁴

¹ Il debitur ed il creditur pon purtar plant cunter il terz sin abgiudicaziun da sia pretensiun, sch'il dretg sa referescha ad:

1.: ina chaussa movibla en possess u en cumpossess dal terz;
2.: ina pretensiun u in auter dretg, sch'il dretg dal terz vi da la chaussa è pli probabel che quel dal debitur;
3.: in bain immobigliar, sch'il dretg dal terz resulta dal register funsil.

² L'uffizi da scussiun als fixescha in termin da 20 dis en chaussa.

³ Sch'i na vegn betg purtà plant, vala il dretg sco renconuschì en la scussiun respectiva.

⁴ Sin dumonda dal creditur u dal debitur vegn il terz envidà da preschentar ses meds da cumprova a l'uffizi da scussiun per prender invista entaifer il termin per purtar plant. L'artitgel 73 alinea 2 vala tenor il senn.

²²⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

c. Dretgira cumpetenta

Art. 109²²⁵

¹ A la dretgira al lieu da scussiun ston ins inoltrar:

1.: plants tenor l'artitgel 107 alinea 5;
2.: plants tenor l'artitgel 108 alinea 1, sche l'accusà è domicilià a l'exteriur.

² Sch'il plant tenor l'artitgel 108 alinea 1 sa drizza cunter in accusà domicilià en Svizra, sto el vegnir inoltrà al lieu da domicil da tal.

³ Sch'il dretg che vegn fatg valair sa referescha ad in bain immobigliar, sto il plant vegnir inoltrà en mintga cas a quella dretgira, nua ch'il bain immobigliar u sia part cun la pli gronda valur sa chatta.

⁴ La dretgira avisescha a l'uffizi da scussiun l'inoltraziun e la liquidaziun dal plant. ...²²⁶

⁵ Areguard ils objects dispitaivels resta la scussiun sistida fin la liquidaziun dal plant, ed ils termins per dumondas da liquidaziun (art. 116) vegnan suspendids.

²²⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²²⁶ Segunda frasa abolida tras la cifra II 17 da l'agiunta 1 dal Cudesch da procedura civila dals 19 da dec. 2008, cun effect dapi il 1. da schan. 2011 (AS 2010 1739; BBl 2006 7221).

F. Participaziun a l'impegnaziun

1. En general

Art. 110²²⁷

¹ Ils crediturs che dumondan la cuntinuaziun da la scussiun entaifer 30 dis suenter l'execuziun da l'impegnaziun, participeschan a quella. L'impegnaziun vegn cumplettada mintgamai uschè fitg sco necessari per cuvrir tut las pretensiuns d'ina tala gruppa da crediturs.

² Ils crediturs che dumondan la cuntinuaziun da la scussiun pir suenter la scadenza dal termin da 30 dis, furman en la medema moda ulteriuras gruppas cun impegnaziun separada.

³ Ils bains da facultad gia impegnads pon puspè vegnir impegnads, ma mo per tant che lur retgav na vegn betg a vegnir pajà als crediturs da l'impegnaziun precedenta.

²²⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Participaziun privilegiada

Art. 111²²⁸

¹ A l'impegnaziun pon sa participar senza scussiun precedenta ed entaifer 40 dis a partir da sia execuziun:

1.²²⁹: il conjugal, il partenari registrà dal debitur;
2.²³⁰: ils uffants dal debitur per pretensiuns or d'ina relaziun genituriala e persunas maiorennas per pretensiuns or d'in mandat preventiv (art. 360-369 CCS²³¹);
3.²³²: ils uffants maiorens ed ils biadis dal debitur per las pretensiuns or dals artitgels 334 e 334^bis CCS;
4.: il vitalizià dal debitur per sia pretensiun d'indemnisaziun tenor l'artitgel 529 DO²³³.

² Las persunas tenor l'alinea 1 cifras 1 e 2 pon mo far valair lur dretg, sche l'impegnaziun ha gì lieu durant la lètg, durant il partenadi registrà, durant la relaziun genituriala u durant la valaivladad dal mandat preventiv ubain entaifer 1 onn suenter la fin da talas relaziuns; la durada d'ina procedura giudiziala u d'ina procedura da scussiun na vegn betg quintada. Empè dals uffants u empè d'ina persuna suttamessa ad ina mesira da la protecziun da creschids po er l'autoritad per la protecziun d'uffants e da creschids sa participar a l'impegnaziun.²³⁴

³ Per quant che l'uffizi da scussiun enconuscha persunas cun dretg da sa participar a l'impegnaziun, communitgescha el a quellas l'impegnaziun cun ina brev betg recumandada.

⁴ L'uffizi da scussiun communitgescha la dumonda da participaziun al debitur ed als crediturs ed als fixescha in termin da 10 dis per la contestaziun.

⁵ Sch'i vegn fatg opposiziun, po il petent sa participar mo cun il dretg d'ina impegnaziun provisorica, ed el sto purtar plant a la dretgira dal lieu da scussiun entaifer 20 dis; sch'el n'observa betg quest termin, croda davent sia participaziun. ...²³⁵

²²⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²²⁹ Versiun tenor la cifra 16 da l'agiunta da la LF da partenadi dals 18 da zer. 2004, en vigur dapi il 1. da schan. 2007 (AS 2005 5685; BBl 2003 1288).

²³⁰ Versiun tenor la cifra 12 da l'agiunta da la LF dals 19 da dec. 2008 (protecziun da creschids, dretg da persunas e dretg dals uffants), en vigur dapi il 1. da schan. 2013 (AS 2011 725; BBl 2006 7001).

²³¹ SR 210

²³² Versiun tenor la cifra 12 da l'agiunta da la LF dals 19 da dec. 2008 (protecziun da creschids, dretg da persunas e dretg dals uffants), en vigur dapi il 1. da schan. 2013 (AS 2011 725; BBl 2006 7001).

²³³ SR 220

²³⁴ Versiun tenor la cifra 12 da l'agiunta da la LF dals 19 da dec. 2008 (protecziun da creschids, dretg da persunas e dretg dals uffants), en vigur dapi il 1. da schan. 2013 (AS 2011 725; BBl 2006 7001).

²³⁵ Segunda frasa abolida tras la cifra II 17 da l'agiunta 1 dal Cudesch da procedura civila dals 19 da dec. 2008, cun effect dapi il 1. da schan. 2011 (AS 2010 1739; BBl 2006 7221).

G. Document d'impegnaziun

1. Emissiun

Art. 112

¹ Davart mintga impegnaziun vegn emess in document (document d'impegnaziun) munì cun la suttascripziun dal funcziunari u da l'emploià executiv. Quest document inditgescha il creditur ed il debitur, l'import da la pretensiun, il di e las uras da l'impegnaziun, ils bains da facultad impegnads inclusiv lur valur stimada sco er, eventualmain, ils dretgs da terzs.

² Sch'i vegnan impegnads objects sequestrads, vegn prenotada la participaziun dal creditur da l'impegnaziun (art. 281).

³ Sch'i n'è betg avant maun u sch'i n'è betg avant maun avunda facultad impegnabla, vegn quest fatg constatà en il document d'impegnaziun.

2. Actualisaziun

Art. 113²³⁶

Sche novs crediturs sa participeschan ad ina impegnaziun u sch'ina impegnaziun vegn cumplettada, vegn quai actualisà en il document d'impegnaziun.

²³⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

3. Consegna a crediturs ed a debiturs

Art. 114²³⁷

Immediatamain suenter la scadenza dal termin da participaziun da 30 dis consegna l'uffizi da scussiun ina copia dal document d'impegnaziun als crediturs ed al debitur.

²³⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

4. Document d'impegnaziun sco attest da perdita

Art. 115

¹ Sch'i n'è avant maun nagina facultad impegnabla, vala il document d'impegnaziun sco attest da perdita en il senn da l'artitgel 149.

² Sche - tenor la stimaziun dal funcziunari - i n'è betg avant maun avunda facultad, serva il document d'impegnaziun sco attest da perdita provisoric che attribuescha ils effects giuridics inditgads en ils artitgels 271 cifra 5 e 285 al creditur.

³ L'attest da perdita provisoric dat plinavant il dretg al creditur da pretender, entaifer 1 onn, tenor l'artitgel 88 alinea 2, l'impegnaziun da bains da facultad scuvrids da nov. Las disposiziuns davart la participaziun a l'impegnaziun (art. 110 e 111) èn applitgablas.²³⁸

²³⁸ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

II. Liquidaziun

A. Dumonda da liquidaziun

1. Termin

Art. 116²³⁹

¹ Il creditur po pretender la liquidaziun da la facultad movibla impegnada sco er da las pretensiuns e dals auters dretgs il pli baud 1 mais ed il pli tard 1 onn, quella dals bains immobigliars impegnads il pli baud 6 mais ed il pli tard 2 onns suenter l'impegnaziun.

² Sch'il salari futur è vegnì impegnà e sch'il patrun n'ha betg furnì ils imports impegnads fin il termin ch'els ston vegnir pajads, po vegnir pretendida la liquidaziun da quest dretg vi da quests imports entaifer 15 mais suenter l'impegnaziun.

³ Sche l'impegnaziun è vegnida cumplettada pervia da la participaziun da plirs crediturs, cumenzan quests termins a partir da l'ultima impegnaziun cumplementara che ha gì success.

²³⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Dretg

Art. 117

¹ Mintga singul participant d'ina gruppa da crediturs ha il dretg da pretender la liquidaziun.

² Ils crediturs che han impegnà bains da facultad tenor l'artitgel 110 alinea 3 mo per il retgav supplementar, pon medemamain pretender la liquidaziun da quels.

3. En cas d'impegnaziun provisorica

Art. 118

In creditur, dal qual l'impegnaziun è mo provisorica, na po betg pretender la liquidaziun. Ils termins da l'artitgel 116 na cumenzan betg per el.

4. Effects

Art. 119²⁴⁰

¹ Ils bains da facultad impegnads vegnan liquidads tenor ils artitgels 122-143a.

² La liquidaziun vegn suspendida, uschespert ch'il retgav cuntanscha la summa da las pretensiuns, per las qualas l'impegnaziun è provisorica u definitiva. L'artitgel 144 alinea 5 è resalvà.

²⁴⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

5. Infurmaziun al debitur

Art. 120

L'uffizi da scussiun infurmescha il debitur entaifer 3 dis davart la dumonda da liquidaziun.

6. Extincziun da la scussiun

Art. 121

La scussiun extingua, sche la dumonda da liquidaziun n'è betg vegnida fatga entaifer il termin legal u sch'ella è vegnida retratga e betg renovada entaifer quel termin.

B. Liquidaziun da chaussas moviblas e da pretensiuns

1. Termins

a. En general

Art. 122

¹ Chaussas moviblas e pretensiuns vegnan liquidadas da l'uffizi da scussiun il pli baud 10 dis ed il pli tard 2 mais suenter l'entrada da la dumonda.²⁴¹

² Senza il consentiment dal debitur na dastgan fritgs che pendan u che stattan en pe betg vegnir liquidads avant lur madiranza.

²⁴¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

b. Sistida da la liquidaziun

Art. 123²⁴²

¹ Sch'il debitur renda vardaivel ch'el po amortisar ses debit en ratas, e sch'el s'oblighescha da prestar pajaments aconto regulars e commensurads a l'uffizi da scussiun, po il funcziunari da scussiun sistir la liquidaziun per maximalmain 12 mais suenter avair obtegnì l'emprima rata.²⁴³

² En cas da scussiuns per pretensiuns da l'emprima classa (art. 219 al. 4) po la liquidaziun vegnir sistida per maximalmain 6 mais.²⁴⁴

³ Il funcziunari da scussiun fixescha l'autezza ed ils termins da scadenza dals pajaments aconto; per quest intent sto el resguardar tant las relaziuns dal debitur sco er quellas dal creditur.

⁴ La sistida vegn prolungada per la durada d'ina eventuala suspensiun. En quest cas vegnan las ratas e lur scadenza fixadas da nov suenter la scadenza da la suspensiun.²⁴⁵

⁵ Sche las circumstanzas pretendan quai, mida il funcziunari da scussiun sia disposiziun d'uffizi ubain sin dumonda dal creditur u dal debitur. La sistida croda davent senza auter, sch'in pajament aconto na vegn betg prestà a temp.²⁴⁶

²⁴² Versiun tenor l'art. 5 da la LF dals 28 da sett. 1949, en vigur dapi il 1. da favr. 1950 (AS 1950 I 57; BBl 1948 I 1218).

²⁴³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁴⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁴⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁴⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

c. Liquidaziun anticipada

Art. 124

¹ Sin dumonda dal debitur po la liquidaziun²⁴⁷ avair lieu, er sch'il creditur n'ha anc betg il dretg da pretender quella.

² Il funcziunari da scussiun po liquidar da tut temp objects che perdan svelt valur, che dovran in mantegniment char u che chaschunan custs sproporziunads per tegnair en salv.²⁴⁸

²⁴⁷ Designaziun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1). Questa midada è resguardada en l'entir decret.

²⁴⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. E. Ingiant

a. Preparaziun

Art. 125

¹ La liquidaziun ha lieu cun far in ingiant public. Il lieu, il di e las uras da la liquidaziun vegnan communitgads publicamain ordavant.

² La furma da la communicaziun sco er la moda e maniera, il lieu ed il di da l'ingiant vegnan fixads dal funcziunari da scussiun uschia, ch'ils interess dals participads vegnan resguardads il meglier pussaivel. La publicaziun en il fegl uffizial n'è betg inditgada en quest cas.

³ Sch'il debitur, il creditur ed ils terzs participads han in domicil enconuschent u in represchentant en Svizra, als communitgescha l'uffizi da scussiun almain 3 dis avant l'ingiant il di, las uras ed il lieu da l'ingiant cun ina brev betg recumandada.²⁴⁹

²⁴⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

b. Agiudicaziun, princip da garanzia

Art. 126²⁵⁰

¹ L'object da liquidar vegn agiuditgà suenter 3 appels al meglier offerent, sche l'offerta surpassa l'import da las eventualas pretensiuns garantidas tras pegn, che prevalan en il rang quellas dal creditur stumant.

² Sch'i na vegn betg fatga ina tala offerta, daventa la scussiun per quest object obsoleta.

²⁵⁰ Versiun tenor l'art. 6 da la LF dals 28 da sett. 1949, en vigur dapi il 1. da favr. 1950 (AS 1950 I 57; BBl 1948 I 1218).

c. Renunzia a la liquidaziun

Art. 127²⁵¹

Sch'ins sto supponer dal cumenzament ennà che l'agiudicaziun tenor l'artitgel 126 na vegn betg ad esser pussaivla, po il funcziunari da scussiun - sin dumonda dal creditur stumant - renunziar a la liquidaziun ed emetter in attest da perdita.

²⁵¹ Versiun tenor l'art. 6 da la LF dals 28 da sett. 1949, en vigur dapi il 1. da favr. 1950 (AS 1950 I 57; BBl 1948 I 1218).

d. Objects da metal prezius

Art. 128²⁵²

Ils objects da metal prezius na dastgan betg vegnir agiuditgads per in pretsch sut la valur dal metal.

²⁵² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

e. Moda da pajament e consequenzas dal pajament retardà

Art. 129

¹ Il pajament sto vegnir fatg immediatamain suenter l'agiudicaziun. Il funcziunari da scussiun po dentant conceder in termin da pajament da maximalmain 20 dis. L'object vegn surdà pir, cura che l'uffizi da scussiun po disponer irrevocablamain dals daners.²⁵³

² Fin a l'import da 100 000 francs po il pajament vegnir fatg en daner blut. Sch'il pretsch è pli aut, sto quella part che surpassa quest import vegnir reglada sur in intermediari finanzial tenor la Lescha dals 10 d'october 1997²⁵⁴ davart la lavada da daners suspectus. Dal rest fixescha il funcziunari da scussiun la moda da pajament.²⁵⁵

³ Sch'il pajament na vegn betg fatg a temp, sto l'uffizi da scussiun ordinar in nov ingiant, per il qual vegn applitgà l'artitgel 126.²⁵⁶

⁴ L'offerent anteriur e ses garants stattan buns per la perdita e per tut ils donns che resultan. La perdita da tschains vegn calculada a 5 pertschient.

²⁵³ Versiun tenor la cifra I 3 da la LF dals 12 da dec. 2014 davart la realisaziun da las recumandaziuns da la Groupe d'action financière, revedidas l'onn 2012, en vigur dapi il 1. da schan. 2016 (AS 2015 1389; BBl 2014 605).

²⁵⁴ SR 955.0

²⁵⁵ Versiun tenor la cifra I 3 da la LF dals 12 da dec. 2014 davart la realisaziun da las recumandaziuns da la Groupe d'action financière, revedidas l'onn 2012, en vigur dapi il 1. da schan. 2016 (AS 2015 1389; BBl 2014 605).

²⁵⁶ Versiun tenor l'art. 7 da la LF dals 28 da sett. 1949, en vigur dapi il 1. da favr. 1950 (AS 1950 I 57; BBl 1948 I 1218).

3. Vendita sin basa privata

Art. 130

Empè da l'ingiant po avair lieu la vendita sin basa privata:²⁵⁷

1.²⁵⁸: sche tut ils participads èn expressivamain perencletgs cun quai;
2.: sch'i ston vegnir liquidadas²⁵⁹ vaglias u auters objects che han in pretsch da martgà u da bursa e sche lur pretsch offrì equivala al curs dal di;
3.²⁶⁰: sch'i vegn offrì quest pretsch per objects da metal prezius, per ils quals las offertas a l'ingiant n'han betg cuntanschì la valur dal metal;
4.: en il cas tenor l'artitgel 124 alinea 2.

²⁵⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁵⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁵⁹ Designaziun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1). Questa midada è resguardada en l'entir decret.

²⁶⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

4. Cessiun da pretensiuns

Art. 131

¹ Sche tut ils crediturs impegnants dumondan, vegnan las pretensiuns en daners dal debitur, che n'han nagin pretsch da martgà u da bursa, dadas empè d'in pajament ubain a la totalitad dals crediturs ubain ad in dad els sin quint communabel per la valur nominala. En quest cas substitueschan ils crediturs il debitur stumà fin a la summa da lur pretensiuns.

² Sche tut ils crediturs impegnants èn perencletgs, pon els u in dad els far valair - senza dischavantatg per lur dretgs - envers il debitur stumà las pretensiuns impegnadas en lur agen num, sin lur agen quint u sin lur ristga e privel. Per quest intent dovran els l'autorisaziun da l'uffizi da scussiun. La summa ch'els vegnan ad obtegnair, serva en quest cas per cuvrir lur expensas e lur pretensiuns. In surpli sto vegnir consegnà a l'uffizi da scussiun.²⁶¹

²⁶¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

5. Proceduras da liquidaziun spezialas

Art. 132²⁶²

¹ Sch'i ston vegnir liquidadas parts da la facultad d'auter gener, sco la giudida u ina part d'ina ierta betg repartida, d'ina indivisiun, d'in bain d'ina societad u d'ina autra facultad d'ina communitad, supplitgescha il funcziunari da scussiun l'autoritad da surveglianza da fixar la procedura.

² La medema regla vala per la liquidaziun d'invenziuns, da dretgs per la protecziun da la cultivaziun da plantas, da musters e da models commerzials, da marcas da fabrica e da marcas commerzialas sco er da dretgs d'autur.²⁶³

³ L'autoritad da surveglianza po - suenter avair tadlà tut ils participads - ordinar l'ingiant u surdar la liquidaziun ad in administratur u prender autras mesiras.

²⁶² Versiun tenor l'art. 8 da la LF dals 28 da sett. 1949, en vigur dapi il 1. da favr. 1950 (AS 1950 I 57; BBl 1948 I 1218).

²⁶³ Versiun tenor l'art. 52 cifra I da la LF dals 20 da mars 1975 davart la protecziun da la cultivaziun da plantas, en vigur dapi il 1. da zer. 1977(AS 1977 862; BBl 1974 1469).

6. Contestaziun da la liquidaziun

Art. 132a²⁶⁴

¹ La liquidaziun po vegnir contestada unicamain cun recurs cunter l'agiudicaziun u cunter la conclusiun da la vendita sin basa privata.

² Il termin da recurs da l'artitgel 17 alinea 2 cumenza, cur ch'il recurrent ha survegnì enconuschientscha da l'act da liquidaziun contestà ed ha gì enconuschientscha dal motiv da la contestaziun.

³ Il dretg da recurs extingua 1 onn suenter la liquidaziun.

²⁶⁴ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

C. Liquidaziun dals bains immobigliars

1. Termin

Art. 133²⁶⁵

¹ Ils bains immobigliars vegnan ingiantads da l'uffizi da scussiun il pli baud 1 mais ed il pli tard 3 mais suenter l'entrada da la dumonda da liquidaziun.

² Sin dumonda dal debitur e cun il consentiment expressiv da tut ils crediturs impegnants ed ipotecars po avair lieu la liquidaziun, er sche nagin creditur n'ha gia il dretg da la pretender.

²⁶⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Cundiziuns d'ingiant

a. Exposiziun

Art. 134

¹ Las cundiziuns d'ingiant ston vegnir concepidas dal funcziunari da scussiun en la moda usitada al lieu ed uschia, ch'ellas laschan spetgar ina summa avantagiusa.

² Questas cundiziuns vegnan exponidas almain 10 dis avant l'ingiant en il local da l'uffizi da scussiun, nua che mintgin po prender invista.

b. Cuntegn

Art. 135

¹ Las cundiziuns d'ingiant fixeschan ch'ils bains immobigliars vegnan ingiantads cun tut lur chargias (servituts, chargias funsilas, dretg da pegns immobigliars e dretgs persunals prenotads) e che las obligaziuns persunalas dal debitur ch'èn colliadas cun quai van vi sin l'acquistader. Il debitur d'in debit adossà per ipoteca u per brev ipotecara vegn liber, nun ch'il creditur decleria entaifer 1 onn suenter l'agiudicaziun da betg vulair desister da ses dretgs envers el (art. 832 CCS²⁶⁶). Ils debits garantids tras pegn immobigliar ch'èn da pajar, na vegnan betg adossads, mabain pajads ordavant cun il retgav da la liquidaziun.²⁶⁷

² Las cundiziuns d'ingiant fixeschan plinavant, tge custs che vegnan adossads a l'acquistader.

²⁶⁶ SR 210

²⁶⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

c. Moda da pajament

Art. 136²⁶⁸

¹ Il funcziunari da scussiun fixescha la moda da pajament en las cundiziuns d'ingiant; el po conceder in termin da pajament da maximalmain 6 mais.

²⁶⁸ Versiun tenor la cifra I 3 da la LF dals 12 da dec. 2014 davart la realisaziun da las recumandaziuns da la Groupe d'action financière, revedidas l'onn 2012, en vigur dapi il 1. da schan. 2016 (AS 2015 1389; BBl 2014 605).

²⁶⁹ SR 955.0

d. Termin da pajament

Art. 137²⁷⁰

Sch'i vegn concedì in termin da pajament, vegn il bain immobigliar administrà da l'uffizi da scussiun sin quint u sin la ristga e privel da l'acquistader fin al pajament da la summa da cumpra. Senza la permissiun da l'uffizi na dastga betg avair lieu ina inscripziun en il register funsil en il fratemp. Ultra da quai po l'uffizi da scussiun sa resalvar garanzias spezialas per il pretsch da cumpra, per il qual è vegnì concedì in moratori.

²⁷⁰ Versiun tenor l'art. 58 dal titel final dal CCS, en vigur dapi il 1. da schan. 1912 (AS 24 233 art. 60 tit. fin. CCS; BBl 1904 IV 1, 1907 VI 367).

3. Ingiant

a. Communicaziun, annunzia dals dretgs

Art. 138

¹ L'ingiant vegn communitgà publicamain almain 1 mais ordavant.

² La communicaziun cuntegna:

1.: il lieu, il di e las uras da l'ingiant;
2.: l'indicaziun dal di, a partir dal qual èn exponidas las cundiziuns d'ingiant;
3.²⁷¹: l'invitaziun als crediturs da pegn ed a tut ils ulteriurs participads, d'inditgar entaifer 20 dis a l'uffizi da scussiun lur dretgs envers il bain immobigliar, particularmain da tschains e da custs. En questa invitaziun èsi d'annunziar ch'els - sche quest termin na vegn betg observà - pon sa participar al resultat da la liquidaziun mo, sche lur dretgs èn inscrits en il register funsil.

³ Ina invitaziun correspundenta vegn drizzada er als possessurs da servituts, uschenavant ch'i vegn anc applitgà dretg chantunal.²⁷²

²⁷¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁷² Versiun tenor l'art. 58 dal titel final dal CCS, en vigur dapi il 1. da schan. 1912 (AS 24 233 art. 60 tit. fin. CCS; BBl 1904 IV 1, 1907 VI 367).

b. Avis als participads

Art. 139²⁷³

L'uffizi da scussiun trametta - cun ina brev betg recumandada - in exemplar da la communicaziun al creditur, al debitur, ad in eventual terz proprietari dal bain immobigliar ed a tut ils participads inscrits en il register funsil, sch'els han in domicil enconuschent u in represchentant.

²⁷³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

c. Rectificaziun da las chargias, stimaziun

Art. 140²⁷⁴

¹ Avant l'ingiant eruescha il funcziunari da scussiun las chargias ch'engrevgeschan il bain immobigliar (servituts, chargias funsilas, dretgs da pegns immobigliars e dretgs persunals prenotads) a maun da las dumondas da las persunas cun dretg ed a maun d'in extract dal register funsil.

² Als participads trametta el la glista da las chargias e fixescha a medem temp in termin da contestaziun da 10 dis. Ils artitgels 106-109 èn applitgabels.

³ Ultra da quai ordinescha il funcziunari da scussiun ina stimaziun dal bain immobigliar e communitgescha ses resultat als participads.

²⁷⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

d. Suspensiun da l'ingiant

Art. 141²⁷⁵

¹ Sch'in dretg che figurescha sin la glista da las chargias è contestà, sto l'ingiant vegnir suspendì fin che la chaussa è decidida, sch'ins po supponer che la dispita influenzeschia la summa dal pretsch d'agiudicaziun u ch'in ingiant anteriur violeschia auters interess giustifitgads.

² Sch'igl exista mo ina dispita davart las appartegnientschas u davart il fatg, sche las appartegnientschas èn impegnadas mo a singuls crediturs da pegn, po l'ingiant dal bain immobigliar inclusiv da las appartegnientschas tuttina avair lieu.

²⁷⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

e. Appel dubel

Art. 142²⁷⁶

¹ Sch'in bain immobigliar è engrevgià cun ina servitut, cun ina chargia funsila u cun in dretg persunal prenotà senza il consentiment dal creditur ipotecar precedent e sche la precedenza dal dretg da pegn resulta da la glista da las chargias, po il creditur ipotecar pretender l'appel tant cun sco er senza chargia entaifer 10 dis suenter la consegna da la glista da las chargias.

² Sche la precedenza dal dretg da pegn na resulta betg da la glista da las chargias, vegni mo consentì a la dumonda d'appel dubel, sch'il titular dal dretg pertutgà ha renconuschì la precedenza u sch'il creditur ipotecar porta plant sin constataziun da la precedenza entaifer 10 dis suenter la consegna da la glista da las chargias al lieu, nua che l'object sa chatta.

³ Sche l'offerta per il bain immobigliar ingiantà cun la chargia na tanscha betg per satisfar il creditur e sch'il creditur survegn ina meglra cuvrida senza la chargia, po el pretender che la chargia vegnia stritgada en il register funsil. Sche - suenter avair satisfatg il creditur - i resta in surpli, sto quel vegnir duvrà fin a la summa da la valur da la chargia, per indemnisar la persuna cun dretg.

²⁷⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

4. Agiudicaziun. Princip da garanzia. Renunzia a la liquidaziun

Art. 142a²⁷⁷

Las disposiziuns davart l'agiudicaziun ed il princip da garanzia (art. 126) sco er davart la renunzia a la liquidaziun (art. 127) èn applitgablas.

²⁷⁷ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

5. Consequenzas dal retard dal pajament

Art. 143

¹ Sch'il pajament na vegn betg fatg a temp, vegn l'agiudicaziun revocada, e l'uffizi da scussiun ordinescha immediatamain in nov ingiant. L'artitgel 126 è applitgabel.²⁷⁸

² L'offerent anteriur e ses garants stattan buns per la perdita e per tut ils donns che resultan. La perdita da tschains vegn calculada a 5 pertschient.

²⁷⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

6. Disposiziuns cumplementaras

Art. 143a²⁷⁹

Per la liquidaziun da bains immobigliars valan dal rest ils artitgels 123 e 132a.

²⁷⁹ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

7. Vendita sin basa privata

Art. 143b²⁸⁰

¹ Empè da l'ingiant po avair lieu la vendita sin basa privata, sche tut ils participads èn perencletgs cun quai e sch'i vegn purschì almain il pretsch da stimaziun.

² La vendita dastga mo avair lieu suenter avair exequì ina rectificaziun da las chargias en il senn da l'artitgel 138 alinea 2 cifra 3 ed alinea 3 e da l'artitgel 140 sco er applitgond correspundentamain ils artitgels 135-137.

²⁸⁰ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

D. Repartiziun

1. Mument. Moda da proceder

Art. 144

¹ La repartiziun ha lieu, uschespert che tut ils bains da facultad ch'èn cuntegnids en ina impegnaziun èn liquidads.

² Gia avant pon vegnir fatgas repartiziuns provisoricas.

³ Dal retgav vegnan pajads en emprima lingia ils custs d'administraziun, da liquidaziun, da repartiziun ed eventualmain d'acquisiziun d'in object remplazzant (art. 92 al. 3).²⁸¹

⁴ Il retgav net vegn pajà als crediturs participads fin a la summa da lur pretensiuns, inclusiv il tschains fin il mument da l'ultima liquidaziun dals custs da scussiun (art. 68).²⁸²

⁵ Ils imports che tutgan a pretensiuns cun impegnaziun provisorica vegnan depositads ad interim tar l'institut da deposits.

²⁸¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁸² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Impegnaziun posteriura

Art. 145²⁸³

¹ Sch'il retgav na cuvra betg l'import da las pretensiuns, fa l'uffizi da scussiun immediatamain ina impegnaziun posteriura e liquidescha ils objects uschè svelt sco pussaivel. Ina dumonda speziala d'in creditur n'è betg necessaria, e l'uffizi n'è betg lià als termins ordinaris.

² Sch'en il fratemp è vegnida realisada in'autra impegnaziun, na vegnan ils dretgs che resultan da quai betg tangads da l'impegnaziun posteriura.

³ Las disposiziuns davart la participaziun a l'impegnaziun (art. 110 e 111) èn applitgablas.

²⁸³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

3. Plan da collocaziun e glista da repartiziun

a. Rangaziun dals crediturs

Art. 146²⁸⁴

¹ Sche tut ils crediturs na pon betg vegnir satisfatgs, fa l'uffizi da scussiun il plan per la rangaziun dals crediturs (plan da collocaziun) e la glista da repartiziun.

² Ils crediturs survegnan quel rang, ch'els occupassan tenor l'artitgel 219 en il concurs dal debitur. Empè da la decleraziun da concurs è decisiv il mument da la dumonda da cuntinuaziun.

²⁸⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

b. Exposiziun

Art. 147²⁸⁵

Il plan da collocaziun e la glista da repartiziun vegnan exponids tar l'uffizi da scussiun. Quel communitgescha quai als participads e trametta a mintga creditur in extract che concerna sias pretensiuns.

²⁸⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

c. Contestaziun tras plant

Art. 148

¹ Sch'in creditur vul contestar la pretensiun u il rang d'in auter creditur, sto el purtar plant da collocaziun cunter quel tar la dretgira dal lieu da scussiun entaifer 20 dis suenter avair retschavì l'extract.²⁸⁶

² ...²⁸⁷

³ Sche la dretgira approvescha il plant, attribuescha ella a l'accusader la part dal retgav da liquidaziun che tutga a l'accusà, uschenavant che quai è necessari per cuvrir sia perdita cumprovada sin la glista da repartiziun ed ils custs da process. In eventual surpli resta a l'accusà.²⁸⁸

²⁸⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁸⁷ Abolì tras la cifra II 17 da l'agiunta 1 dal Cudesch da procedura civila dals 19 da dec. 2008, cun effect dapi il 1. da schan. 2011 (AS 2010 1739; BBl 2006 7221).

²⁸⁸ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

4. Attest da perdita

a. Emissiun ed effect

Art. 149

¹ Mintga creditur ch'è sa participà a l'impegnaziun survegn in attest da perdita per l'import betg cuvrì da sia pretensiun. Il debitur survegn ina copia da l'attest da perdita.²⁸⁹

^1bis L'uffizi da scussiun emetta l'attest da perdita uschespert che la summa da la perdita è fixada.²⁹⁰

² L'attest da perdita vala sco renconuschientscha dal debit en il senn da l'artitgel 82 e conceda al creditur ils dretgs menziunads en ils artitgels 271 cifra 5 e 285.

³ Il creditur po cuntinuar cun la scussiun durant 6 mais suenter la consegna da l'attest da perdita, sch'i na dat betg in nov avis da pajament.

⁴ Il debitur na sto betg pajar tschains per la pretensiun documentada tras l'attest da perdita. Cundebiturs, garants ed autras persunas cun dretg da prender regress che ston pajar tschains empè dal debitur, na pon betg intimar el da rembursar ils tschains.

⁵ ...²⁹¹

²⁸⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁹⁰ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁹¹ Abolì tras la cifra I da la LF dals 16 da dec. 1994, cun effect dapi il 1. da schan. 1997 (AS 1995 1227; BBl 1991 III 1).

b. Surannaziun ed annullaziun

Art. 149a²⁹²

¹ La pretensiun documentada tras l'attest da perdita surannescha 20 onns suenter l'emissiun da l'attest da perdita; ma envers ils ertavels dal debitur surannescha ella il pli tard 1 onn suenter l'avertura da la successiun d'ierta.

² Il debitur po amortisar la pretensiun da tut temp cun la pajar a l'uffizi da scussiun che ha emess l'attest da perdita. L'uffizi transmetta l'import al creditur u al depona eventualmain tar il post da deposits.

³ Suenter l'amortisaziun vegn l'inscripziun da l'attest da perdita stritgada en ils registers. Sin dumonda vegn l'extincziun attestada al debitur.

²⁹² Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

5. Consegna dal document da pretensiun

Art. 150

¹ Sche la pretensiun d'in creditur è cuvrida cumplettamain, sto il creditur quittar il document da pretensiun ed al consegnar al funcziunari da scussiun per mauns dal debitur.²⁹³

² Sche la pretensiun è cuvrida mo parzialmain, tegna il creditur enavos il document; l'uffizi da scussiun sto attestar u sto laschar attestar da l'autoritad cumpetenta sin quel document, per tge import che la pretensiun è anc valaivla.

³ En connex cun liquidaziuns da bains immobigliars procura l'uffizi da scussiun per las extincziuns e per las midadas necessarias da servituts, da chargias funsilas, da dretgs da pegns immobigliars e da dretgs persunals prenotads en il register funsil.²⁹⁴

²⁹³ Versiun tenor l'art. 58 dal titel final dal CCS, en vigur dapi il 1. da schan. 1912 (AS 24 233 art. 60 tit. fin. CCS; BBl 1904 IV 1, 1907 VI 367).

²⁹⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

Quart titel: Scussiun sin liquidaziun dal pegn

A. Dumonda da scussiun

Art. 151²⁹⁵

¹ Tgi che introducescha la scussiun per ina pretensiun ch'è garantida tras pegn (art. 37), sto designar - ultra da las indicaziuns enumeradas en l'artitgel 67 - il bain impegnà en la dumonda da scussiun. Plinavant ston eventualmain vegnir inditgads en la dumonda:

a.: il num dal terz che ha constituì il pegn u che ha acquistà il bain impegnà sco proprietad;
b.²⁹⁶: la liquidaziun dal bain immobigliar impegnà sco abitaziun da famiglia (art. 169 CCS²⁹⁷) u sco abitaziun cuminaivla (art. 14 da la Lescha da partenadi dals 18 da zercladur 2004²⁹⁸) dal debitur u dal terz.

² In creditur che dumonda ina scussiun sin basa d'in pegn manual, al qual in terz ha in dretg da pegn posteriur (art. 886 CCS), sto infurmar il terz davart l'introducziun da la scussiun.

²⁹⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

²⁹⁶ Versiun tenor la cifra 16 da l'agiunta da la LF da partenadi dals 18 da zer. 2004, en vigur dapi il 1. da schan. 2007 (AS 2005 5685; BBl 2003 1288).

²⁹⁷ SR 210

²⁹⁸ SR 211.231

B. Avis da pajament

1. Cuntegn. Avis als locataris ed als fittadins

Art. 152

¹ Suenter avair retschavì la dumonda da scussiun relascha l'uffizi da scussiun in avis da pajament tenor l'artitgel 69, dentant cun las suandantas particularitads:²⁹⁹

1.: Il termin da pajament che sto vegnir fixà per il debitur importa 1 mais, sch'i sa tracta d'in pegn manual; 6 mais, sch'i sa tracta d'in pegn immobigliar.
2.: La smanatscha è quella ch'il pegn vegn liquidà, sch'il debitur ni ademplescha l'avis da pajament ni fa opposiziun.

² Sch'i dat contracts da locaziun u da fittanza sin il bain immobigliar e sch'il creditur da pegn stumant pretenda d'extender la garanzia ipotecara sin las pretensiuns dals tschains da locaziun u da fittanza (art. 806 CCS³⁰⁰), communitgescha l'uffizi da scussiun als locataris u als fittadins l'introducziun da la scussiun ed als envida da pajar ils tschains da locaziun u da fittanza a l'uffizi da scussiun.³⁰¹

²⁹⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³⁰⁰ SR 210

³⁰¹ Integrà tras l'art. 58 dal titel final dal CCS (AS 24 233 art. 60 tit. fin. CCS; BBl 1904 IV 1, 1907 VI 367). Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Emissiun Situaziun dal terz proprietari dal pegn

Art. 153

¹ L'avis da pajament vegn emess tenor l'artitgel 70.

² L'uffizi da scussiun trametta in avis da pajament er a las suandantas persunas:

a.: al terz che ha constituì il pegn u che ha acquistà il bain impegnà sco proprietad;
b.³⁰²: al conjugal, al partenari registrà dal debitur u dal terz, sch'il bain immobigliar impegnà serva sco abitaziun da famiglia (art. 169 CCS³⁰³) u sco abitaziun cuminaivla (art. 14 da la Lescha da partenadi dals 18 da zercladur 2004³⁰⁴).

Il terz ed il conjugal pon far opposiziun sco il debitur.³⁰⁵

^2bis Las persunas numnadas en l'alinea 2 pon far opposiziun sco il debitur.³⁰⁶

³ Sch'il terz ha introducì la procedura da substituir las ipotecas (art. 828 ed 829 CCS), po il bain immobigliar mo vegnir liquidà, sch'il creditur stumant cumprova a l'uffizi da scussiun - suenter la fin da questa procedura - ch'el posseda anc in dretg da pegn vi dal bain immobigliar per la pretensiun ch'è vegnida messa en scussiun.³⁰⁷

⁴ Dal rest vegnan applitgadas las disposiziuns dals artitgels 71-86 concernent l'avis da pajament e l'opposiziun.³⁰⁸

³⁰² Versiun tenor la cifra 16 da l'agiunta da la LF da partenadi dals 18 da zer. 2004, en vigur dapi il 1. da schan. 2007 (AS 2005 5685; BBl 2003 1288).

³⁰³ SR 210

³⁰⁴ SR 211.231

³⁰⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³⁰⁶ Integrà tras la cifra 16 da l'agiunta da la LF da partenadi dals 18 da zer. 2004, en vigur dapi il 1. da schan. 2007 (AS 2005 5685; BBl 2003 1288).

³⁰⁷ Integrà tras l'art. 58 dal titel final dal CCS (AS 24 233 art. 60 tit. fin. CCS; BBl 1904 IV 1, 1907 VI 367). Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³⁰⁸ Oriundamain al. 3.

C. Opposiziun. Revocaziun da l'avis als locataris ed als fittadins

Art. 153a³⁰⁹

¹ Sch'i vegn fatg opposiziun, po il creditur dumandar l'avertura da dretg u purtar plant sin renconuschientscha da la pretensiun u sin constataziun dal dretg da pegn entaifer 10 dis suenter la communicaziun da l'opposiziun.

² Sch'il creditur vegn refusà en la procedura d'avertura da dretg, po el purtar plant entaifer 10 dis suenter la communicaziun da la decisiun³¹⁰.

³ Sch'el n'observa betg quests termins, vegn revocà l'avis als locataris ed als fittadins.

³⁰⁹ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³¹⁰ Expressiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221). Questa midada è vegnida resguardada en l'entir decret.

D. Termins da liquidaziun

Art. 154

¹ Il creditur po pretender la liquidaziun d'in pegn manual il pli baud 1 mais ed il pli tard 1 onn, la liquidaziun d'in pegn immobigliar il pli baud 6 mais ed il pli tard 2 onns suenter la consegna da l'avis da pajament. Sch'igl è vegnì fatg opposiziun, èn quests termins suspendids tranter l'introducziun e la fin d'ina procedura giudiziala che resulta qua tras.³¹¹

² La scussiun extingua, sche la dumonda da liquidaziun n'è betg vegnida fatga entaifer il termin legal u sch'ella è vegnida retratga e betg renovada entaifer quel termin.

³¹¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

E. Procedura da liquidaziun

1. Introducziun

Art. 155

¹ Sch'il creditur ha fatg la dumonda da liquidaziun, èn applitgabels tenor il senn ils artitgels 97 alinea 1, 102 alinea 3, 103 e 106-109 per il pegn.³¹²

² L'uffizi da scussiun infurmescha il debitur entaifer 3 dis davart la dumonda da liquidaziun.

³¹² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Execuziun

Art. 156³¹³

¹ Per la liquidaziun valan ils artitgels 122-143b. Ma las cundiziuns d'ingiant (art. 135) fixeschan che quella part dal pretsch d'agiudicaziun ch'il creditur da pegn stumant survegn, stoppia vegnir pajada en daners, sch'ils participads na fixeschan betg insatge auter. Plinavant fixeschan els che la chargia sin il bain immobigliar, ch'existiva a favur dals stumants, vegnia stritgada en il register funsil.

² Ils titels da proprietad u da possess dads a pegn manual vegnan reducids - en cas d'ina liquidaziun separada - a l'import dal retgav.

³¹³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

3. Repartiziun

Art. 157

¹ Cun il retgav dal pegn vegnan pajads en emprima lingia ils custs per l'administraziun, per la liquidaziun e per la repartiziun.³¹⁴

² Il retgav net vegn pajà als crediturs fin a la summa da lur pretensiuns, inclusiv il tschains fin il mument da l'ultima liquidaziun dals custs da scussiun.³¹⁵

³ Sche tut ils crediturs da pegn na pon betg vegnir satisfatgs, fixescha il funcziunari da scussiun - resguardond l'artitgel 219 alineas 2 e 3 - la rangaziun dals crediturs e lur parts.

⁴ Ils artitgels 147, 148 e150 vegnan applitgads tenor il senn.

³¹⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³¹⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

4. Attest d'insuffizienza da pegn

Art. 158

¹ Sch'il pegn n'ha betg pudì vegnir liquidà pervia d'offertas insuffizientas (art. 126 e 127) u sch'il retgav na cuvra betg la pretensiun, emetta l'uffizi da scussiun in attest d'insuffizienza da pegn al creditur da pegn stumant.³¹⁶

² Suenter la consegna da quest document po il creditur cuntinuar cun la scussiun - tut tenor la persuna dal debitur - sin via da l'impegnaziun u dal concurs, nun ch'i sa tractia d'ina brev da rendita (art. 33a tit. fin. CCS³¹⁷) u d'ina autra chargia funsila. Sch'el dumonda la scussiun entaifer 1 mais, na dovri betg in nov avis da pajament.³¹⁸

³ L'attest d'insuffizienza da pegn vala sco renconuschientscha dal debit en il senn da l'artitgel 82.³¹⁹

³¹⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³¹⁷ SR 210

³¹⁸ Versiun tenor la cifra II 4 da la LF dals 11 da dec. 2009 (brev ipotecara registrada ed ulteriuras midadas dal dretg real), en vigur dapi il 1. da schan. 2012 (AS 2011 4637; BBl 2007 5283).

³¹⁹ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

Tschintgavel titel: Scussiun sin concurs

I. Scussiun ordinaria sin concurs

A. Smanatscha da concurs

1. Mument

Art. 159³²⁰

Sch'il debitur è suttamess a la scussiun sin concurs, al smanatscha l'uffizi da scussiun, suenter avair retschavì la dumonda da cuntinuaziun, immediatamain il concurs.

³²⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Cuntegn

Art. 160

¹ La smanatscha da concurs cuntegna:

1.: las indicaziuns da la dumonda da scussiun;
2.: la data da l'avis da pajament;
3.³²¹: l'avis ch'il creditur possia dumandar il concurs suenter la scadenza da 20 dis;
4.³²²: la communicaziun ch'il debitur, che vul contestar l'admissibladad da la scussiun sin concurs, possia far recurs entaifer 10 dis tar l'autoritad da surveglianza (art. 17).

² A medem temp vegni fatg endament al debitur ch'el haja il dretg da proponer in contract d'accumodament.

³²¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³²² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

3. Consegna

Art. 161

¹ La consegna da la smanatscha da concurs sa drizza tenor l'artitgel 72.³²³

² Ina copia da la smanatscha da concurs vegn tramessa al creditur, uschespert che quella è vegnida consegnada al debitur.

³ ...³²⁴

³²³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³²⁴ Abolì tras la cifra I da la LF dals 16 da dec. 1994, cun effect dapi il 1. da schan. 1997 (AS 1995 1227; BBl 1991 III 1).

B. Register dals bains

1. Ordinaziun

Art. 162

Sin dumonda dal creditur sto la dretgira ch'è responsabla per la decleraziun da concurs (dretgira da concurs) ordinar ch'i vegnian inventarisadas tut las parts da la facultad dal debitur (register dals bains), sche quai para necessari ad ella.

2. Execuziun

Art. 163

¹ L'uffizi da scussiun fa il register dals bains. El dastga cumenzar cun la registraziun pir, cura che la smanatscha da concurs è consegnada; exceptads èn ils cas tenor ils artitgels 83 alinea 1 e 183.³²⁵

² Ils artitgels 90-92 vegnan applitgads correspundentamain.

³²⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

3. Effects

a. Obligaziuns dal debitur

Art. 164³²⁶

¹ Sut smanatscha da chasti (art. 169 CP³²⁷) è il debitur obligà da procurar ch'ils bains da facultad registrads vegnian mantegnids u remplazzads tras bains equivalents; da quests bains dastga el però duvrar tant, sco quai ch'igl è necessari tenor l'appreziar dal funcziunari da scussiun per sia subsistenza e per la subsistenza da sia famiglia.

² Il funcziunari da scussiun renda expressivamain attent il debitur a sias obligaziuns ed a las consequenzas penalas.

³²⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³²⁷ SR 311.0

b. Durada

Art. 165

¹ L'obligaziun dal debitur che resulta dal register dals bains vegn abolida dal funcziunari da scussiun, sche tut ils crediturs stumants dattan lur consentiment.

² Ella extingua d'uffizi 4 mais suenter ch'il register è vegnì fatg.³²⁸

³²⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

C. Dumonda da concurs

1. Termin

Art. 166

¹ 20 dis suenter la consegna da la smanatscha da concurs po il creditur far la dumonda da concurs tar la dretgira da concurs, preschentond la smanatscha da concurs e l'avis da pajament.

² Quest dretg extingua 15 mais suenter la consegna da l'avis da pajament. Sch'igl è vegnì fatg opposiziun, è quest termin suspendì tranter l'introducziun e la liquidaziun d'ina procedura giudiziala che resulta qua tras.³²⁹

³²⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Retratga

Art. 167

Sch'il creditur retira sia dumonda da concurs, na po el betg renovar la dumonda avant la scadenza dad 1 mais.

3. Tractativa da concurs

Art. 168

Cura che la dumonda da concurs è fatga, vegn la tractativa giudiziala communitgada a las partidas almain 3 dis ordavant. Ellas pon cumparair persunalmain davant dretgira u sa laschar represchentar.

4. Responsabladad per ils custs dal concurs

Art. 169

¹ Tgi che fa la dumonda da concurs, è responsabel per ils custs che resultan fin e cun la suspensiun dal concurs per mancanza d'activas (art. 230) u fin al clom da quints (art. 232).³³⁰

² La dretgira po pretender dal creditur in pajament anticipà correspundent dals custs.

³³⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

5. Ordinaziuns preventivas

Art. 170

Immediatamain suenter che la dumonda da concurs è fatga, po la dretgira ordinar las mesiras preventivas ch'èn necessarias per defender ils dretgs dals crediturs.

D. Decisiun da la dretgira da concurs

1. Decleraziun da concurs

Art. 171³³¹

La dretgira decida senza retard, er en absenza da las partidas. Ella declera il concurs, cun excepziun dals cas tenor ils artitgels 172-173a.

³³¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Refusa da la dumonda da concurs

Art. 172

La dretgira refusa la dumonda da concurs:

1.: sche l'autoritad da surveglianza ha abolì la smanatscha da concurs;
2.³³²: sch'igl è vegnì admess al debitur da restabilir in termin (art. 33 al. 4) u da far in'opposiziun posteriura (art. 77);
3.: sch'il debitur cumprova a maun da documents ch'il debit, inclusiv ils tschains ed ils custs, saja pajà u ch'il creditur l'haja concedì in moratori.

³³² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

3. Sistida da la decisiun

a. Pervia da suspensiun da la scussiun u per motivs da nullitad

Art. 173

¹ Sche la suspensiun da la scussiun è vegnida disponida tras l'autoritad da surveglianza en consequenza d'in recurs u tras la dretgira tenor ils artitgels 85 u 85a alinea 2, sistescha la dretgira la decisiun davart il concurs.³³³

² Sche la dretgira è sezza da l'avis ch'i saja vegnida decretada ina disposiziun nunvalaivla (art. 22 al. 1) en la procedura precedenta, sistescha ella medemamain la decisiun e surdat il cas a l'autoritad da surveglianza.³³⁴

³ Il conclus da l'autoritad da surveglianza vegn communitgà a la dretgira da concurs. Sin quai vegn prendida la sentenzia giudiziala.

³³³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³³⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

b. Pervia da l'inoltraziun d'ina dumonda da moratori d'accumodament u da moratori extraordinari ubain d'uffizi

Art. 173a³³⁵

¹ Sch'il debitur u in creditur ha inoltrà ina dumonda da moratori d'accumodament u da moratori extraordinari, po la dretgira sistir la decisiun davart il concurs.³³⁶

² La dretgira po er sistir d'uffizi la decisiun davart il concurs, sch'i dat indizis per ina sanaziun immediata u per la conclusiun d'in contract d'accumodament; ella surdat las actas a la dretgira d'accumodament.³³⁷

³ ...³³⁸

³³⁵ Integrà tras l'art. 12 da la LF dals 28 da sett. 1949 (AS 1950 I 57; BBl 1948 I 1218). Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³³⁶ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

³³⁷ Versiun tenor la cifra 4 da l'agiunta da la LF dals 19 da zer. 2020 (dretg d'aczias), en vigur dapi il 1. da schan. 2023 (AS 2020 4005; 2022 109; BBl 2017 399).

³³⁸ Abolì tras la cifra I da la LF dals 21 da zer. 2013, cun effect dapi il 1. da schan. 2014 (AS 2013 4111; BBl 2010 6455).

3^bis. Cumpetenza da l'Autoritad federala per la surveglianza dals martgads da finanzas

Art. 173b³³⁹

¹ Sche la dumonda da concurs pertutga in debitur ch'è suttamess a l'Autoritad federala per la surveglianza dals martgads da finanzas (FINMA) tenor las leschas davart ils martgads da finanzas che figureschan en l'artitgel 1 da la Lescha dals 22 da zercladur 2007³⁴⁰ davart la surveglianza dals martgads da finanzas, surdat la dretgira da concurs las actas a la FINMA. Quella proceda tenor las reglas da las leschas spezialas.

² A la cumpetenza da concurs da la FINMA èn suttamess mo debiturs che han la permissiun necessaria da la FINMA.³⁴¹

³³⁹ Integrà tras la cifra II 1 da la LF dals 3 d'oct. 2003 (AS 2004 2767; BBl 2002 8060). Versiun tenor la cifra II 5 da l'agiunta da la LF dals 15 da zer. 2018 davart ils instituts da finanzas, en vigur dapi il 1. da schan. 2020 (AS 2018 5247, 2019 4631; BBl 2015 8901).

³⁴⁰ SR 956.1

³⁴¹ Integrà tras la cifra 3 da l'agiunta da la LF dals 17 da dec. 2021 (insolvenza e garanzia dals deposits), en vigur dapi il 1. da schan. 2023 (AS 2022 732; BBl 2020 6359).

4. Recurs

Art. 174³⁴²

¹ Cunter la decisiun da la dretgira da concurs poi vegnir fatg recurs entaifer 10 dis tenor il CPC³⁴³. Las partidas pon far valair novs fatgs, sche quels èn capitads avant la decisiun da l'emprima instanza.

² L'instanza da recurs po abolir la decleraziun da concurs, sch'il debitur renda vardaivel ch'el saja solvent e sch'el cumprova a maun da documents che - en il fratemp:

1.: il debit, inclusiv ils tschains ed ils custs, è pajà;
2.: la summa debitada è depositada tar la dretgira superiura per mauns dal creditur; u
3.: il creditur desista da la realisaziun dal concurs.

³ Sche l'instanza da recurs conceda in effect suspensiv al recurs, prenda ella a medem temp las mesiras preventivas ch'èn necessarias per proteger ils crediturs.

³⁴² Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

³⁴³ SR 272

E. Mument da la decleraziun da concurs

Art. 175

¹ Il concurs vala sco avert a partir dal mument ch'el è vegnì declerà.

² La dretgira remartga quest mument en la sentenzia da concurs.

F. Communicaziun da las decisiuns giudizialas

Art. 176³⁴⁴

¹ La dretgira communitgescha immediatamain a l'uffizi da scussiun, a l'uffizi da concurs, a l'uffizi dal register da commerzi ed a l'uffizi dal register funsil:

1.: la decleraziun da concurs;
2.: la revocaziun dal concurs;
3.: la fin dal concurs;
4.: disposiziuns, tras las qualas ella conceda in effect suspensiv ad in med legal;
5.: ordinaziuns preventivas.

² Il concurs sto vegnir remartgà en il register funsil il pli tard 2 dis suenter la decleraziun.³⁴⁵

³⁴⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³⁴⁵ Versiun tenor la cifra I da la LF dals 19 da mars 2004 (menziun dal concurs en il register funsil), en vigur dapi il 1. da schan. 2005 (AS 2004 4033; BBl 2003 6501 6509).

II. Scussiun sin cambialas

A. Premissas

Art. 177

¹ Per pretensiuns che derivan d'ina cambiala u d'in schec, er per talas ch'èn garantidas tras pegn, po vegnir pretendida tar l'uffizi da scussiun la scussiun sin cambialas, uschenavant ch'il debitur è suttamess a la scussiun sin concurs.

² La cambiala u il schec sto vegnir surdà a l'uffizi da scussiun.

B. Avis da pajament

Art. 178

¹ Sche las premissas da la scussiun sin cambialas èn ademplidas, trametta l'uffizi da scussiun immediatamain in avis da pajament al debitur.

² L'avis da pajament cuntegna:

1.: las indicaziuns da la dumonda da scussiun;
2.³⁴⁶: il cumond da pajar al creditur entaifer 5 dis la pretensiun inclusiv ils custs da scussiun;
3.³⁴⁷: la communicaziun ch'il debitur po far opposiziun (art. 179) u recurrer tar l'autoritad da surveglianza pervia da violaziun da la lescha (art. 17 e 20);
4.³⁴⁸: l'infurmaziun ch'il creditur po far la dumonda da concurs, sch'il debitur n'ademplescha betg l'avis da pajament, cumbain ch'el n'ha betg fatg opposiziun u sche sia opposiziun è vegnida annullada (art. 188).

³ Ils artitgels 70 e 72 èn applitgabels.

³⁴⁶ Versiun tenor l'art. 15 cifra 4 da las disposiziuns finalas e transitoricas dals titels XXIV-XXXIII DO, en vigur dapi il 1. da fan. 1937 (AS 53 185; BBl 1928 I 205, 1932 I 217).

³⁴⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³⁴⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

C. Opposiziun

1. Termin e furma

Art. 179³⁴⁹

¹ Entaifer 5 dis suenter la consegna da l'avis da pajament po il debitur far opposiziun en scrit tar l'uffizi da scussiun; quai cun mussar ch'ina da las premissas tenor l'artitgel 182 è ademplida. Sin dumonda attesta l'uffizi da scussiun gratuitamain ch'el haja fatg opposiziun.

² Tras la motivaziun ch'il debitur fa valair en l'opposiziun na desista el betg d'ulteriuras objecziuns tenor l'artitgel 182.

³ L'artitgel 33 alinea 4 n'è betg applitgabel.

³⁴⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Communicaziun al creditur

Art. 180

¹ Il cuntegn da l'opposiziun vegn communitgà al stumant sin l'exemplar da l'avis da pajament ch'è destinà per el; sch'i n'è betg vegnì fatg opposiziun, vegn er quai nudà sin ses exemplar.

3. Transmissiun a la dretgira

Art. 181³⁵⁰

L'uffizi da scussiun transmetta immediatamain l'opposiziun a la dretgira dal lieu da scussiun. Quella citescha las partidas davant dretgira e decida, er en lur absenza, entaifer 10 dis suenter avair survegnì l'opposiziun.

³⁵⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

4. Admissiun

Art. 182

La dretgira admetta l'opposiziun:

1.: sch'i vegn cumprovà a maun da documents ch'il debit saja vegnì pajà al titular da la cambiala u dal schec u che quest titular haja relaschà il debit u concedì in moratori;
2.: sch'ina falsificaziun dal titel vegn rendida vardaivla;
3.: sch'ina objecziun che resulta dal dretg da cambialas para dad esser motivada;
4.³⁵¹: sch'ina autra objecziun admissibla tenor l'artitgel 1007 DO³⁵² vegn fatga valair e sche questa objecziun para vardaivla; en quest cas sto la summa da pretensiun dentant vegnir depositada en daners u en vaglias u i sto vegnir prestada ina garanzia equivalenta.

³⁵¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³⁵² SR 220

5. Refusa. Mesiras preventivas

Art. 183

¹ Sche la dretgira refusa l'admissiun da l'opposiziun, po ella ordinar mesiras preventivas, en spezial ch'i vegnia fatg in register dals bains tenor ils artitgels 162-165.

² En cas da basegn po la dretgira er pretender ch'il creditur prestia ina garanzia.³⁵³

³⁵³ Versiun tenor l'art. 15 cifra 6 da las disposiziuns finalas e transitoricas dals titels XXIV-XXXIII DO, en vigur dapi il 1. da fan. 1937 (AS 53 185; BBl 1928 I 205, 1932 I 217).

6. Communicaziun da la decisiun. Termin per purtar plant en cas da deposit

Art. 184

¹ La decisiun davart l'admissiun da l'opposiziun vegn communitgada immediatamain a las partidas.³⁵⁴

² Sche l'opposiziun è vegnida admessa mo cunter il deposit da la summa dispitaivla, vegn il creditur supplitgà da purtar plant sin pajament entaifer 10 dis. Sch'il creditur na fa betg quai, vegn restituì il deposit.

³⁵⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

7. Meds legals

Art. 185³⁵⁵

Cunter la decisiun davart l'admissiun da l'opposiziun poi vegnir fatg recurs entaifer 5 dis tenor il CPC³⁵⁶.

³⁵⁵ Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

³⁵⁶ SR 272

8. Effects da l'opposiziun admessa

Art. 186

Sche l'opposiziun è admessa, vegn suspendida la scussiun; per far valair ses dretg sto il creditur prender la via da la procedura ordinaria.

D. Plant da restituziun

Art. 187

Tgi che ha pajà in nundebit en consequenza da l'omissiun u da la refusa d'ina opposiziun, ha il dretg da pretender enavos la summa a norma da l'artitgel 86.

E. Dumonda da concurs

Art. 188

¹ Sch'il debitur n'ademplescha betg l'avis da pajament, malgrà ch'el n'ha betg fatg opposiziun u malgrà che l'opposiziun è vegnida annullada, po il creditur far la dumonda da concurs cun preschentar il titel da pretensiun, l'avis da pajament ed eventualmain la decisiun giudiziala.

² Quest dretg extingua 1 mais suenter la consegna da l'avis da pajament. Sch'il debitur ha fatg opposiziun, na vegn il temp tranter l'inoltraziun e la decisiun davart l'admissiun da l'opposiziun sco er, en cas che l'opposiziun vegn admessa, il temp tranter l'inoltraziun e la liquidaziun giudiziala dal plant, betg quintà.

F. Decisiun da la dretgira da concurs

Art. 189³⁵⁷

¹ La dretgira communitgescha a las partidas il lieu, il di e las uras da la tractativa davart la dumonda da concurs. Ella decida, er en absenza da las partidas, entaifer 10 dis suenter l'inoltraziun da la dumonda.

² Ils artitgels 169, 170, 172 cifra 3, 173, 173a, 175 e 176 èn applitgabels.

³⁵⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

III. Decleraziun da concurs senza scussiun precedenta

A. Sin dumonda d'in creditur

Art. 190

¹ In creditur po pretender che la dretgira decleria il concurs senza scussiun precedenta:

1.: cunter mintga debitur che ha ina dimora nunenconuschenta, ch'è fugì per mitschar da sias obligaziuns, che ha commess u emprova da commetter acts fraudulents per dischavantatg dals crediturs u che ha zuppentà parts da sia facultad en cas d'ina scussiun sin impegnaziun;
2.: cunter in debitur ch'è suttamess a la scussiun sin concurs e che ha suspendì ses pajaments;
3.³⁵⁸: ...

² Sch'il debitur abita en Svizra u ha in represchentant en Svizra, vegn el cità entaifer in curt termin davant dretgira e vegn interrogà.

³⁵⁸ Abolì tras la cifra I da la LF dals 21 da zer. 2013, cun effect dapi il 1. da schan. 2014 (AS 2013 4111; BBl 2010 6455).

B. Sin dumonda dal debitur

Art. 191³⁵⁹

¹ Il debitur po pretender sez la decleraziun da concurs cun declerar a la dretgira ch'el saja insolvent.

² Sch'i na dat nagina speranza per ina rectificaziun dals debits tenor ils artitgels 333 ss., declera il derschader il concurs.

³⁵⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

C. D'uffizi

Art. 192³⁶⁰

Il concurs vegn declerà d'uffizi senza scussiun precedenta, sche la lescha prevesa quai.

³⁶⁰ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

D. Cunter ina ierta refusada u insolventa

Art. 193³⁶¹

¹ L'autoritad cumpetenta infurmescha la dretgira da concurs, sche:

1.: tut ils ertavels han refusà l'ierta u ina refusa sto vegnir supponida (art. 566 ss. ed art. 573 CCS³⁶²);
2.: i sa mussa ch'ina ierta, per la quala la liquidaziun uffiziala è vegnida pretendida u ordinada, è insolventa (art. 597 CCS).

² En quests cas ordinescha la dretgira la liquidaziun tras l'uffizi da concurs.

³ Er in creditur u in ertavel po pretender la liquidaziun tras l'uffizi da concurs.

³⁶¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³⁶² SR 210

E. Procedura

Art. 194³⁶³

¹ Ils artitgels 169, 170 e 173a-176 èn applitgabels per ils concurs declerads senza scussiun precedenta. En cas d'ina decleraziun da concurs tenor l'artitgel 192 n'è l'artitgel 169 dentant betg applitgabel.

² La communicaziun a l'uffizi dal register da commerzi (art. 176) n'ha betg lieu, sch'il debitur n'è betg suttamess a la scussiun sin concurs.

³⁶³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

IV. Revocaziun dal concurs

A. En general

Art. 195

¹ La dretgira da concurs revochescha il concurs e restituescha al debitur il dretg da disponer da sia facultad, sche:

1.: el cumprova che tut las pretensiuns èn pajadas;
2.: el preschenta ina decleraziun en scrit da tut ils crediturs ch'els retirian lur inoltraziuns da concurs; u
3.: in contract d'accumodament è reussì.³⁶⁴

² La revocaziun dal concurs po vegnir disponida a partir da la scadenza dal termin d'inoltraziun fin a la terminaziun da la procedura.

³ La revocaziun dal concurs vegn communitgada publicamain.

³⁶⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

B. En cas d'ina ierta refusada

Art. 196³⁶⁵

La liquidaziun d'ina ierta refusada tras l'uffizi da concurs vegn ultra da quai suspendida, sch'ina persuna cun dretg d'ierta declera - avant la terminaziun da la procedura - ch'ella acceptia l'ierta e presta ina garanzia suffizienta per il pajament dals debits.

³⁶⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

Sisavel titel: Dretg da concurs

I. Effects dal concurs sin la facultad dal debitur

A. Massa da concurs

1. En general

Art. 197

¹ L'entira facultad impegnabla che appartegna al debitur il mument da la decleraziun da concurs furma, independentamain dal lieu nua ch'ella sa chatta, in'unica massa (massa da concurs) che serva a la satisfacziun cuminaivla dals crediturs.³⁶⁶

² Facultad che pervegn al debitur³⁶⁷ avant la fin da la procedura da concurs, appartegna medemamain a la massa da concurs.

³⁶⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³⁶⁷ Designaziun tenor la cifra I da la LF dals 16 da dec. 1994, en vigur dapi il 1 da schan. 1997 (AS 1995 1227; BBl 1991 III 1). Questa midada è resguardada en l'entir decret.

2. Bains impegnads

Art. 198

Bains da facultad ch'èn engrevgiads tras dretgs da pegn vegnan attribuids a la massa da concurs, cun resalva dal dretg da preferenza dals crediturs da pegn.

3. Valurs da facultad impegnadas e sequestradas

Art. 199

¹ Bains da facultad impegnads che n'èn betg anc vegnids liquidads il mument da la decleraziun da concurs, ed objects sequestrads vegnan attribuids a la massa da concurs.

² Sch'ils termins per la participaziun a l'impegnaziun (art. 110 e 111) èn scadids, vegnan ils imports en daner blut impegnads, ils imports consegnads en cas da l'impegnaziun da pretensiuns e da salaris sco er il retgav da bains da facultad gia liquidads dentant repartids tenor ils artitgels 144-150; in surpli vegn attribuì a la massa da concurs.³⁶⁸

³⁶⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

4. Pretensiuns contestablas

Art. 200

A la massa da concurs appartegna plinavant tut quai ch'è object dal plant da contestaziun a norma dals artitgels 214 e 285-292.

5. Titels al possessur ed a l'ordra

Art. 201

Sch'il debitur posseda in titel al possessur u in titel a l'ordra ch'è vegnì surdà u indossà ad el mo per incassar u per cuvrir in tschert pajament futur, po la persuna che ha surdà u indossà il titel pretender la restituziun da tal.

6. Retgav da chaussas estras

Art. 202

Sch'il debitur ha vendì ina chaussa estra e n'ha betg anc survegnì il pretsch da cumpra cur ch'il concurs vegn declerà, po il proprietari precedent pretender - cunter indemnisaziun da quai ch'il debitur po dumandar per la chaussa - la cessiun da la pretensiun envers il cumprader u la restituziun dal pretsch che l'administraziun dal concurs ha incassà en il fratemp.

7. Dretg dal vendider da prender enavos la chaussa

Art. 203

¹ Sch'ina chaussa ch'il debitur ha cumprà e betg anc pajà, è vegnida tramessa ad el, ma n'è betg anc entrada en ses possess il mument da la decleraziun da concurs, po il vendider pretender la restituziun da la chaussa, nun che l'administraziun dal concurs paja il pretsch da cumpra.

² Il dretg da prender enavos la chaussa è dentant exclus, sche la chaussa è vegnida vendida u dada en pegn ad in terz da buna fai sin basa d'ina brev da vitgira, d'in connossament u d'ina quittanza da chargia avant la communicaziun publica dal concurs.

B. Incapacitad dal debitur da disponer

Art. 204

¹ Acts giuridics ch'il debitur fa suenter la decleraziun da concurs areguard bains da facultad che appartegnan a la massa da concurs, èn nunvalaivels envers ils crediturs da concurs.

² Sch'il debitur ha dentant pajà avant la communicaziun publica dal concurs, il mument da la scadenza, in'atgna cambiala emessa dad el u ina cambiala tratga sin el, è quest pajament valaivel, sch'il titular da la cambiala n'aveva nagina enconuschientscha da la decleraziun da concurs e sch'el avess pudì exercitar cun success il regress da cambialas cunter terzs en cas da nunpajament.

C. Pajaments al debitur

Art. 205

¹ Suenter la decleraziun da concurs na pon pretensiuns che appartegnan a la massa da concurs betg pli vegnir eliminadas tras in pajament al debitur; in tal pajament ha in effect liberant envers ils crediturs da concurs mo uschenavant ch'il prestà è vegnì attribuì a la massa da concurs.

² Sch'il pajament è dentant vegnì fatg avant la communicaziun publica dal concurs, è il prestader liberà da l'obligaziun, premess ch'el n'aveva betg enconuschientscha da la decleraziun da concurs.

D. Scussiuns cunter il debitur

Art. 206³⁶⁹

¹ Tut las scussiuns pendentas cunter il debitur èn abolidas, e sin pretensiuns ch'èn resultadas avant la decleraziun da concurs na pon vegnir introducidas naginas novas scussiuns durant la procedura da concurs. Exceptadas èn scussiuns sin liquidaziun da pegns che appartegnan a terzs.

² Scussiuns sin pretensiuns ch'èn resultadas suenter la decleraziun da concurs vegnan cuntinuadas durant la procedura da concurs tras impegnaziun u tras liquidaziun dal pegn.

³ Durant la procedura da concurs na po il debitur dumandar nagina ulteriura decleraziun da concurs pervia d'insolvenza (art. 191).

³⁶⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

E. Suspensiun da process civils e da proceduras administrativas

Art. 207³⁷⁰

¹ Cun excepziun da cas urgents vegnan suspendidas proceduras civilas, en las qualas il debitur è partida e las qualas tangheschan il stadi da la massa da concurs. En la procedura da concurs ordinaria pon ellas vegnir cuntinuadas il pli baud 10 dis suenter la segunda radunanza dals crediturs ed en la procedura da concurs summarica il pli baud 20 dis suenter l'exposiziun dal plan da collocaziun.

² Sut las medemas premissas pon vegnir suspendidas proceduras administrativas.

³ Durant la suspensiun na curran ils termins da surannaziun e da scadenza betg.

⁴ Questa disposiziun n'è betg applitgabla per plants d'indemnisaziun pervia da violaziuns da l'onur e pervia da blessuras corporalas u per process da dretg da famiglia.

³⁷⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

II. Effect dal concurs sin ils dretgs dals crediturs

A. Pajament dals debits

Art. 208

¹ La decleraziun da concurs chaschuna envers la massa da concurs che tut ils debits dal debitur ston vegnir pajads, cun excepziun da quels ch'èn garantids tras pegn sin ses bains immobigliars. Ultra da la pretensiun principala po il creditur far valair ils tschains fin al di da la decleraziun ed ils custs da scussiun.³⁷¹

² Da pretensiuns senza tschains betg anc scadidas vegn deducì in tschains intermediar (discont) da 5 pertschient.

³⁷¹ Versiun tenor l'art. 58 dal titel final dal CCS, en vigur dapi il 1. da schan. 1912 (AS 24 233 art. 60 tit. fin. CCS; BBl 1904 IV 1, 1907 VI 367).

B. Curs dals tschains

Art. 209³⁷²

¹ Tras la decleraziun da concurs chala il curs dals tschains envers il debitur.

² Per pretensiuns garantidas tras pegn curra il tschains dentant vinavant fin a la liquidaziun, uschenavant ch'il retgav dal pegn surpassa l'import da la pretensiun inclusiv il tschains ch'è resultà fin a la decleraziun da concurs.

³⁷² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

C. Pretensiuns suttamessas a cundiziuns

Art. 210³⁷³

¹ Pretensiuns suttamessas a cundiziuns suspensivas vegnan admessas en il concurs per l'entir import; il creditur n'ha dentant betg il dretg da retrair sia part da la massa da concurs, avant che la cundiziun n'è betg ademplida.

² Per pretensiuns sin rentas vitalizias vala l'artitgel 518 alinea 3 DO³⁷⁴.

³⁷³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³⁷⁴ SR 220

D. Transfurmaziun da pretensiuns

Art. 211

¹ Pretensiuns che n'han betg per object in pajament en daners vegnan transfurmadas en pretensiuns en daners da valur correspundenta.

² L'administraziun dal concurs ha dentant il dretg d'ademplir empè dal debitur contracts bilaterals che n'èn betg ademplids u ch'èn ademplids mo per part il mument da la decleraziun da concurs. Il partenari da contract po pretender garanzias per l'adempliment.³⁷⁵

^2bis Il dretg da l'administraziun dal concurs tenor l'alinea 2 è dentant exclus en cas da contracts da termin fix (art. 108 cifra 3 DO³⁷⁶) sco er en cas da fatschentas da termins da finanzas, da swaps e d'opziuns, sche la valur da las prestaziuns contractualas è determinabla il mument da la decleraziun da concurs sin basa da pretschs da martgà u da bursa. L'administraziun dal concurs ed il partenari da contract han mintgamai il dretg da far valair la differenza tranter la valur fixada da las prestaziuns contractualas e la valur da martgà il mument da la decleraziun da concurs.³⁷⁷

³ Resalvadas restan las disposiziuns d'autras leschas federalas davart la dissoluziun da relaziuns contractualas en il concurs sco er las disposiziuns davart la resalva da proprietad (art. 715 e 716 CCS³⁷⁸).³⁷⁹

³⁷⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³⁷⁶ SR 220

³⁷⁷ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³⁷⁸ SR 210

³⁷⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

D^bis. Relaziuns da debit constantas

Art. 211a³⁸⁰

¹ Pretensiuns or da relaziuns da debit constantas pon vegnir fatgas valair a partir da la decleraziun da concurs sco pretensiuns dal concurs fin maximalmain al proxim termin da disditga pussaivel u fin a la fin da la durada dal contract fix. Il creditur sto sa laschar metter a quint eventuals avantatgs ch'el ha survegnì durant quest temp.

² Uschenavant che la massa da concurs ha profità da las prestaziuns or da la relaziun da debit constanta, valan las cuntrapretensiuns correspundentas ch'èn resultadas suenter la decleraziun da concurs, sco obligaziuns da la massa.

³ Resalvada resta la cuntinuaziun d'ina relaziun contractuala tras il debitur persunalmain.

³⁸⁰ Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

E. Dretg da retratga dal vendider

Art. 212

In vendider che ha consegnà al debitur la chaussa vendida avant la decleraziun da concurs, na po betg pli sa retrair dal contract e pretender enavos la chaussa consegnada, er sch'el è sa resalvà expressivamain quest dretg.

F. Scuntrada

1. Admissibladad

Art. 213

¹ In creditur po scuntrar sia pretensiun cun ina pretensiun ch'il debitur ha envers el.

² La scuntrada è dentant exclusa:

1.³⁸¹: sch'in debitur dal concursit daventa ses creditur pir suenter la decleraziun da concurs, nun ch'el haja ademplì in'obligaziun resultada avant u liberà ina chaussa impegnada per il debit dal debitur, vi da la quala el ha in dretg da proprietad u in dretg real limità (art. 110 cifra 1 DO³⁸²);
2.: sch'in creditur dal debitur daventa ses debitur u debitur da la massa da concurs pir suenter la decleraziun da concurs;
3.³⁸³: ...

³ La scuntrada cun pretensiuns or da titels al possessur è admissibla, sche ed uschenavant ch'il creditur cumprova ch'el las haja acquistadas da buna fai avant la decleraziun da concurs.³⁸⁴

⁴ En il concurs d'ina societad commanditara, d'ina societad anonima, d'ina societad acziunara commanditara, d'ina societad cun responsabladad limitada u d'ina associaziun na pon imports betg pajads entiramain da la summa commanditara u dal chapital da la societad sco er contribuziuns statutaricas a l'associaziun betg vegnir scuntrads.³⁸⁵ ³⁸⁶

³⁸¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

³⁸² SR 220

³⁸³ Abolì tras l'art. 13 da la LF dals 28 da sett. 1949, cun effect dapi il 1. da favr. 1950 (AS 1950 I 57; BBl 1948 I 1218).

³⁸⁴ Integrà tras l'art. 13 da la LF dals 28 da sett. 1949, en vigur dapi il 1. da favr. 1950 (AS 1950 I 57; BBl 1948 I 1218).

³⁸⁵ Oriundamain al. 3.

³⁸⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Contestabladad

Art. 214

La scuntrada è contestabla, sch'in debitur dal concursit³⁸⁷ ha acquistà - avant la decleraziun da concurs, dentant en enconuschientscha da l'insolvenza dal concursit - ina pretensiun per procurar tras la scuntrada in avantatg per sasez u per in auter sin donn e custs da la massa da concurs.

³⁸⁷ Designaziun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1). Questa midada è resguardada en l'entir decret.

G. Cunobligaziuns dal debitur

1. Garanzias

Art. 215

¹ Pretensiuns or da garanzias dal debitur pon vegnir fatgas valair en il concurs, er sch'ellas n'èn betg anc da pajar.

² Per l'import ch'ella ha pajà survegn la massa da concurs ils dretgs dal creditur envers il debitur principal ed envers ils congarants (art. 507 DO³⁸⁸). Sch'il concurs vegn dentant declerà er cunter il debitur principal u cunter in congarant, vegnan applitgads ils artitgels 216 e 217.³⁸⁹

³⁸⁸ SR 220

³⁸⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Concurs cunter plirs cunobligads a medem temp

Art. 216

¹ Sch'il concurs vegn declerà a medem temp cunter plirs cunobligads, po il creditur far valair en mintga concurs sia entira pretensiun.

² Sche las repartiziuns or da las differentas massas da concurs surpassan l'import da l'entira pretensiun, croda il surpli enavos a las massas a norma dals dretgs da regress ch'existan tranter ils cunobligads.

³ Uschè ditg che l'import total da las repartiziuns na cuntanscha betg l'entir import da la pretensiun, n'han las massas nagin regress in vers l'auter per ils pajaments parzials prestads.

3. Pajaments parzials da cunobligads

Art. 217

¹ Sch'in creditur è vegnì satisfatg parzialmain per sia pretensiun tras in cunobligà dal debitur, vegn tuttina surpiglià l'entir import da la pretensiun en il concurs dal debitur, independentamain dal fatg, sch'il cunobligà ha il dretg da regress envers il debitur u betg.

² Il dretg d'inoltrar la pretensiun en il concurs han il creditur ed il cunobligà.

³ La part da la massa da concurs che tutga a la pretensiun pervegn al creditur, fin che quel è satisfatg cumplainamain. Dal surpli survegn in cunobligà che ha il dretg da regress l'import ch'el survegniss, sch'el faschess valair sez il dretg da regress. Il rest stat tar la massa.

4. Concurs da societads collectivas e commanditaras e da lur participants

Art. 218

¹ Sch'il concurs è vegnì declerà a medem temp cunter ina societad collectiva e cunter in participant da tala, pon ils crediturs da la societad far valair en il concurs dal participant mo il rest da lur pretensiuns che n'è betg vegnì pajà en il concurs da la societad. Areguard il pajament da quest debit restant tras ils singuls associads valan las disposiziuns dals artitgels 216 e 217.

² Sch'il concurs è vegnì declerà cunter in participant, dentant betg a medem temp cunter la societad, pon ils crediturs da la societad far valair en il concurs dal participant l'entir import da lur pretensiuns. La massa da concurs survegn ils dretgs da regress concedids tras l'artitgel 215 a la massa da concurs d'in garant.

³ Ils alineas 1 e 2 valan tenor il senn per participants cun responsabladad illimitada d'ina societad commanditara.³⁹⁰

³⁹⁰ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

H. Rangaziun dals crediturs

Art. 219

¹ Las pretensiuns garantidas tras pegn vegnan pajadas sco emprim cun il retgav da la liquidaziun dals pegns.

² Sche la medema pretensiun è garantida tras plirs pegns, vegn l'import dals retgavs da quests pegns duvrà proporziunalmain per pajar la pretensiun.

³ La rangaziun dals crediturs ipotecars e la dimensiun da la garanzia tras pegn per ils tschains e per autras pretensiuns accessoricas sa drizzan tenor las prescripziuns davart il pegn immobigliar.³⁹¹

⁴ Las pretensiuns betg garantidas tras pegn sco er l'import betg cuvrì da las pretensiuns garantidas tras pegn vegnan pajads en la suandanta rangaziun or dal retgav da tut l'ulteriura massa da concurs:

Emprima classa

a.³⁹²: Las pretensiuns da lavurants or da la relaziun da lavur che n'èn betg resultadas u stadas da pajar pli baud che 6 mais avant la decleraziun da concurs, dentant sin il pli fin a l'import dal gudogn annual assicurà maximalmain tenor l'assicuranza obligatorica cunter accidents.
a^bis.³⁹³: Las restituziuns che lavurants pon pretender concernent cauziuns.
a^ter.³⁹⁴: Las pretensiuns da lavurants or da plans socials che n'èn betg resultadas u stadas da pajar pli baud che 6 mais avant la decleraziun da concurs.
b.: Las pretensiuns dals assicurads tenor la Lescha federala dals 20 da mars 1981³⁹⁵ davart l'assicuranza d'accidents, las pretensiuns or dal provediment professiunal betg obligatoric e las pretensiuns d'instituziuns da provediment per il persunal envers ils patruns affiliads.
c.³⁹⁶: Las pretensiuns da mantegniment e da sustegn tenor il dretg da famiglia sco er las contribuziuns da mantegniment tenor la Lescha da partenadi dals 18 da zercladur 2004³⁹⁷ ch'èn resultadas ils ultims 6 mais avant la decleraziun da concurs e che ston vegnir pajadas cun daners.

Segunda classa³⁹⁸

a.: Las pretensiuns da persunas, da las qualas la facultad era affidada al debitur en virtid da la tgira genituriala, per tut ils debits ch'il debitur ha fatg envers ellas en questa funcziun. Quest dretg da preferenza vala mo, sch'il concurs è vegnì declerà durant l'administraziun genituriala u entaifer 1 onn suenter la fin da tala.
b.: Las pretensiuns da contribuziuns tenor la Lescha federala dals 20 da december 1946³⁹⁹ davart l'assicuranza per vegls e survivents, tenor la Lescha federala dals 19 da zercladur 1959⁴⁰⁰ davart l'assicuranza d'invaliditad, tenor la Lescha federala dals 20 da mars 1981 davart l'assicuranza d'accidents, tenor la Lescha dals 25 da settember 1952⁴⁰¹ davart l'urden da cumpensaziun dal gudogn e tenor la Lescha dals 25 da zercladur 1982⁴⁰² davart l'assicuranza cunter la dischoccupaziun.
c.: Las pretensiuns da premias e da participaziuns als custs da l'assicuranza sociala da malsauns.
d.: Las contribuziuns a la cassa da cumpensaziun per famiglias.
e.⁴⁰³: ...
f.⁴⁰⁴: Ils apports tenor l'artitgel 37a da la Lescha da bancas dals 8 da november 1934⁴⁰⁵.

Terza classa

Tut las ulteriuras pretensiuns.⁴⁰⁶

⁵ Per ils termins fixads en l'emprima ed en la segunda classa na vegn il suandant betg quintà:

1.: la durada d'in procedura d'accumodament che preceda la decleraziun da concurs;
2.: la durada d'in process davart la pretensiun;
3.: en cas da la liquidaziun d'ina ierta tras l'uffizi da concurs, il temp tranter il di da la mort e l'ordinaziun da la liquidaziun.⁴⁰⁷

³⁹¹ Versiun tenor l'art. 58 dal titel final dal CCS, en vigur dapi il 1. da schan. 1912 (AS 24 233 art. 60 tit. fin. CCS; BBl 1904 IV 1, 1907 VI 367).

³⁹² Versiun tenor la cifra I da la LF dals 18 da zer. 2010, en vigur dapi il 1. da dec. 2010 (AS 2010 4921; BBl 2009 7979 7989). Guardar er la disposiziun transitorica da questa midada a la fin da quest text.

³⁹³ Integrà tras la cifra I da la LF dals 18 da zer. 2010, en vigur dapi il 1. da dec. 2010 (AS 2010 4921; BBl 2009 7979 7989). Guardar er la disposiziun transitorica da questa midada a la fin da quest text.

³⁹⁴ Integrà tras la cifra I da la LF dals 18 da zer. 2010, en vigur dapi il 1. da dec. 2010 (AS 2010 4921; BBl 2009 7979 7989). Guardar er la disposiziun transitorica da questa midada a la fin da quest text.

³⁹⁵ SR 832.20

³⁹⁶ Versiun tenor la cifra 16 da l'agiunta da la LF da partenadi dals 18 da zer. 2004, en vigur dapi il 1. da schan. 2007 (AS 2005 5685; BBl 2003 1288).

³⁹⁷ SR 211.231

³⁹⁸ Versiun tenor la cifra I da la LF dals 24 da mars 2000, en vigur dapi il 1. da schan. 2001 (AS 2000 2531; BBl 1999 9126 9547).

³⁹⁹ SR 831.10

⁴⁰⁰ SR 831.20

⁴⁰¹ SR 834.1

⁴⁰² SR 837.0

⁴⁰³ Integrà tras l'art. 111 cifra 2 da la LF dals 12 da zer. 2009 davart la taglia sin la plivalur (AS 2009 5203; BBl 2008 6885). Abolì tras la cifra I da la LF dals 21 da zer. 2013, cun effect dapi il 1. da schan. 2014 (AS 2013 4111; BBl 2010 6455).

⁴⁰⁴ Integrà tras la cifra 2 da l'agiunta da la LF dals 18 da mars 2011 (garanzia dals deposits), en vigur dapi il 1. da sett. 2011 (AS 2011 3919; BBl 2010 3993).

⁴⁰⁵ SR 952.0

⁴⁰⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴⁰⁷ Integrà tras la cifra I da la LF dals 16 da dec. 1994 (AS 1995 1227; BBl 1991 III 1). Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

I. Relaziun tranter las classas

Art. 220

¹ Ils crediturs da la medema classa han ils medems dretgs tranter els.

² Ils crediturs d'ina classa suandanta han pir lura il dretg dal retgav, cur ch'ils crediturs da la classa precedenta èn vegnids satisfatgs.

Settavel titel: Procedura da concurs

I. Constataziun da la massa da concurs e determinaziun da la procedura⁴⁰⁸

⁴⁰⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

A. Inventarisaziun

Art. 221

¹ Immediatamain suenter che l'uffizi da concurs ha survegnì la sentenzia da concurs, inventarisescha el la facultad che appartegna a la massa da concurs e prenda las mesiras necessarias per segirar questa facultad.

² ...⁴⁰⁹

⁴⁰⁹ Abolì tras la cifra I da la LF dals 16 da dec. 1994, cun effect dapi il 1. da schan. 1997 (AS 1995 1227; BBl 1991 III 1).

B. Obligaziun d'infurmaziun e da consegna

Art. 222⁴¹⁰

¹ Sut smanatscha da chasti (art. 163 cifra 1 e 323 cifra 4 CP⁴¹¹) è il debitur obligà d'inditgar e da metter a disposiziun a l'uffizi da concurs tut ses bains da facultad.

² Sch'il debitur è mort u fugì, han tut las persunas creschidas che han vivì cun el en ina chasada cuminaivla las medemas obligaziuns sut smanatscha da chasti (art. 324 cifra 1 CP).

³ Las persunas obligadas tenor ils alineas 1 e 2 ston avrir ils locals e las mobiglias, sch'il funcziunari pretenda quai. En cas da basegn po il funcziunari clamar la polizia.

⁴ Terzs che tegnan en salv bains da facultad dal debitur u tar ils quals il debitur ha dabuns, han - sut smanatscha da chasti (art. 324 cifra 5 CP) - la medema obligaziun da dar infurmaziuns e da metter a disposiziun objects sco il debitur.

⁵ Las autoritads han la medema obligaziun da dar infurmaziuns sco il debitur.

⁶ L'uffizi da concurs renda expressivamain attent las persunas pertutgadas a lur obligaziuns ed a las consequenzas penalas.

⁴¹⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴¹¹ SR 311.0

C. Mesiras da segirada

Art. 223

¹ L'uffizi da concurs sto serrar immediatamain e sigillar magasins, deposits, lavuratoris, negozis e.u.v., sche quels na pon betg vegnir administrads cun la surveglianza suffizienta fin a l'emprima radunanza dals crediturs.

² L'uffizi da concurs prenda en salv daner blut, vaglias, cudeschs da fatschenta e da tegnairchasa sco er ulteriurs documents d'impurtanza.

³ Tut ils ulteriurs bains da facultad duain esser sigillads, uschè ditg ch'els n'èn betg inventarisads; suenter l'inventarisaziun pon ils bains da facultad vegnir sigillads da nov, sche l'uffizi da concurs è da l'avis che quai saja necessari.

⁴ L'uffizi da concurs procura per la conservaziun dals objects che sa chattan ordaifer las localitads utilisadas dal debitur.

D. Bains necessaris

Art. 224

Las parts da la facultad designadas en l'artitgel 92 vegnan laschadas a la disposiziun dal debitur, ma vegnan tuttina inventarisadas.

E. Dretgs da terzs

1. Sin bains movibels

Art. 225

Chaussas che vegnan designadas sco proprietad da terzs u che terzs fan valair sco lur proprietad, ston medemamain vegnir inventarisadas cun remartgar questa circumstanza en l'inventari.

2. Sin bains immobigliars

Art. 226⁴¹²

Ils dretgs da terzs sin bains immobigliars dal debitur, ch'èn inscrits en il register funsil, vegnan remartgads d'uffizi en l'inventari.

⁴¹² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

F. Stimaziun

Art. 227

En l'inventari vegn inditgada la valur da stimaziun da mintga bain da facultad.

G. Decleraziun dal debitur davart l'inventari

Art. 228

¹ L'inventari vegn preschentà al debitur cun la supplica da declerar, sch'el saja cumplet e correct.

² La decleraziun dal debitur vegn inscritta en l'inventari, ed el sto suttascriver la decleraziun.

H. Cooperaziun e mantegniment dal debitur

Art. 229

¹ Sut smanatscha da chasti (art. 323 cifra 5 CP⁴¹³) è il debitur obligà da star a disposiziun a l'administraziun dal concurs durant la procedura da concurs; da questa obligaziun po el vegnir dispensà mo tras ina permissiun speziala. Sche necessari vegn el manà al lieu cun agid da la polizia. L'administraziun dal concurs al renda explicitamain attent a quest fatg ed a las consequenzas penalas.⁴¹⁴

² L'administraziun dal concurs po conceder al debitur ina contribuziun da mantegniment commensurada, en spezial sch'ella oblighescha il debitur da star a sia disposiziun.

³ L'administraziun dal concurs decida, sut tge cundiziuns e quant ditg ch'il debitur e sia famiglia dastgan restar en l'abitaziun actuala, sche quella appartegna a la massa da concurs.⁴¹⁵

⁴¹³ SR 311.0

⁴¹⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴¹⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

I. Suspensiun da la procedura da concurs per mancanza d'activas

1. En general

Art. 230

¹ Sche la massa da concurs na basta previsiblamain betg per cuvrir ils custs d'ina procedura summarica, dispona la dretgira da concurs, sin proposta da l'uffizi da concurs, la suspensiun da la procedura da concurs.⁴¹⁶

² L'uffizi da concurs communitgescha publicamain la suspensiun. En la publicaziun renda el attent che la procedura vegnia serrada, sch'in creditur na pretendia betg entaifer 10 dis la realisaziun da la procedura da concurs e sch'el na prestia betg la garanzia fixada per la part dals custs betg cuvrida tras la massa da concurs.⁴¹⁷

³ Suenter la suspensiun da la procedura da concurs po il debitur er vegnir stumà durant 2 onns sin impegnaziun.⁴¹⁸

⁴ Las scussiuns introducidas avant la decleraziun da concurs revivan puspè suenter la suspensiun dal concurs. Il temp tranter la decleraziun e la suspensiun dal concurs na vegn betg quintà per ils termins da questa lescha.⁴¹⁹

⁴¹⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴¹⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴¹⁸ Integrà tras l'art. 15 da la LF dals 28 da sett. 1949, en vigur dapi il 1. da favr. 1950 (AS 1950 I 57; BBl 1948 I 1218).

⁴¹⁹ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. En cas d'ina ierta refusada e da persunas giuridicas

Art. 230a⁴²⁰

¹ Sche la liquidaziun d'ina ierta refusada tras l'uffizi da concurs vegn suspendida per mancanza d'activas, pon ils ertavels pretender che las activas che appartegnan al relasch vegnian cedidas a la cuminanza d'ertavels u a singuls ertavels, sch'els sa decleran persunalmain responsabels per il pajament da las pretensiuns garantidas tras pegn immobigliar e dals custs da liquidaziun betg cuvrids. Sch'ils ertavels na fan betg diever da quest dretg, po quest dretg vegnir exercità dals crediturs e, sch'er els restan inactivs, da terzs che fan valair in interess.

² Sche valurs impegnadas sa chattan en la massa da concurs d'ina persuna giuridica e sch'il concurs è vegnì suspendì per mancanza d'activas, po mintga creditur da pegn tuttina pretender da l'uffizi da concurs la liquidaziun da ses pegn. L'uffizi fixescha in termin per quest intent.

³ Sch'i n'ha betg lieu ina cessiun tenor l'alinea 1 e sch'ils crediturs na pretendan betg la liquidaziun da lur pegns, vegnan las activas - suenter la deducziun dals custs - transferidas al stadi cun las chargias, dentant senza las obligaziuns persunalas, premess che l'autoritad chantunala cumpetenta na refusia betg il transferiment.

⁴ Sche l'autoritad chantunala cumpetenta refusa il transferiment, liquidescha l'uffizi da concurs las activas.

⁴²⁰ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

K. Procedura da concurs summarica

Art. 231⁴²¹

¹ L'uffizi da concurs dumonda la dretgira da concurs da realisar la procedura summarica, sch'el constatescha che:

1.: ils custs da la procedura da concurs ordinaria na pon previsiblamain betg vegnir cuvrids cun il retgav da las valurs da facultad inventarisadas; u
2.: las relaziuns èn simplas.

² Sche la dretgira è dal medem avis sco l'uffizi da concurs, vegn realisada la procedura da concurs summarica, nun ch'in creditur pretendia - avant la repartiziun dal retgav - la procedura ordinaria e prestia ina garanzia suffizienta per ils custs che n'èn probablamain betg cuvrids.

³ La procedura da concurs summarica vegn realisada tenor las prescripziuns davart la procedura ordinaria, cun resalva da las suandantas excepziuns:

1.: Radunanzas dals crediturs na vegnan per regla betg convocadas. Sch'ina audiziun dals crediturs para dentant giavischabla pervia da circumstanzas spezialas, po l'uffizi da concurs envidar ils crediturs ad ina radunanza u procurar per in conclus dals crediturs sin via circulara.
2.: Suenter la scadenza dal termin d'inoltraziun (art. 232 al. 2 cifra 2) exequescha l'uffizi da concurs la liquidaziun, e quai cun resguardar l'artitgel 256 alineas 2-4 e cun tegnair quint uschè bain sco pussaivel dals interess dals crediturs. Bains immobigliars dastga el liquidar pir, cura che la glista da las chargias è fatga.
3.: L'uffizi da concurs designescha ils bains necessaris en l'inventari ed expona quel ensemen cun il plan da collocaziun.
4.: La glista da repartiziun na sto betg vegnir exponida.

⁴²¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

II. Clom da quints⁴²²

⁴²² Oriundamain avant l'art. 231.

A. Communicaziun publica

Art. 232

¹ L'uffizi da concurs communitgescha publicamain la decleraziun da concurs, uschè spert ch'igl è decidì, sche quel ha lieu en la procedura ordinaria u en la procedura summarica.⁴²³

² La communicaziun cuntegna:

1.: la designaziun dal debitur e da ses domicil sco er la data da la decleraziun da concurs;
2.⁴²⁴: l'appel als crediturs dal debitur ed a tut tgi che ha pretensiuns sin bains da facultad ch'èn en possess dal debitur d'inoltrar a l'uffizi da concurs, entaifer 1 mais suenter la communicaziun, lur pretensiuns u lur dretgs inclusiv ils meds da cumprova (certificats da debit, extracts da cudeschs e.u.v);
3.⁴²⁵: l'appel als debiturs dal concursit da s'annunziar entaifer il medem termin tar l'uffizi da concurs sco er il renviament a las consequenzas penalas en cas d'omissiun (art. 324 cifra 2 CP⁴²⁶);
4.⁴²⁷: l'appel a persunas che possedan chaussas dal debitur sco crediturs da pegn u per auters motivs, da metter a disposiziun questas chaussas a l'uffizi da concurs entaifer il medem termin, sco er il renviament a las consequenzas penalas en cas d'omissiun (art. 324 cifra 3 CP) e l'infurmaziun ch'il dretg da preferenza extinguia, sche l'annunzia vegn tralaschada nungiustifitgadamain;
5.⁴²⁸: l'invitaziun ad in'emprima radunanza dals crediturs che sto avair lieu il pli tard 20 dis suenter la communicaziun publica ed a la quala er cundebiturs e garants dal debitur sco er auters obligads envers il debitur pon assister;
6.⁴²⁹: l'infurmaziun che l'uffizi da concurs saja il lieu da consegna per ils participads che abitan a l'exteriur, nun ch'els designeschian in auter lieu da consegna en Svizra.

⁴²³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴²⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴²⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴²⁶ SR 311.0

⁴²⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴²⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴²⁹ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

B. Communicaziun separada als crediturs

Art. 233⁴³⁰

A tut ils crediturs, dals quals il num ed il domicil èn enconuschents, trametta l'uffizi da concurs in exemplar da la communicaziun cun ina brev betg recumandada.

⁴³⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

C. Cas spezials

Art. 234⁴³¹

Sch'igl ha gia gì lieu in clom da quints avant la liquidaziun d'ina ierta refusada u en ina procedura d'accumodament avant il concurs, fixescha l'uffizi da concurs in termin d'inoltraziun da 10 dis ed inditgescha en la communicaziun ch'ils crediturs gia annunziads na stoppian betg far ina nova inoltraziun.

⁴³¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1). La rectificaziun da la Cumissiun da redacziun da l'AF dals 14 da mars 2017, publitgada ils 28 da mars 2017, concerna mo il text talian (AS 2017 2165).

III. Administraziun

A. Emprima radunanza dals crediturs

1. Constituziun ed abilitad da decider

Art. 235

¹ En l'emprima radunanza dals crediturs maina in funcziunari da concurs las tractativas e furma il biro cun dus crediturs ch'el ha designà.

² Il biro decida davart l'admissiun da persunas che vulan sa participar a las tractativas senza esser vegnidas envidadas spezialmain.

³ La radunanza è abla da decider, sche almain in quart dals crediturs enconuschents èn preschents u represchentads. Sche quatter crediturs u damain èn preschents u represchentads, è la radunanza abla da decider, sch'els represchentan almain la mesadad dals crediturs enconuschents.

⁴ La radunanza decida cun la maioritad absoluta dals crediturs votants. En cas da paritad da las vuschs decida il parsura. Sche la calculaziun da las vuschs vegn contestada, decida il biro.⁴³²

⁴³² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Inabilitad da decider

Art. 236⁴³³

Sche la radunanza n'è betg abla da decider, constatescha l'uffizi da concurs quest fatg. El orientescha ils crediturs preschents davart il stadi da la massa ed administrescha quella fin a la segunda radunanza dals crediturs.

⁴³³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

3. Cumpetenzas

a. Nominaziun da l'administraziun dal concurs e da la cumissiun dals crediturs

Art. 237

¹ Sche la radunanza dals crediturs è abla da decider, la dat l'uffizi da concurs in rapport davart l'inventarisaziun e davart il stadi da la massa.

² La radunanza decida, sch'ella vul nominar - sco administraziun dal concurs - l'uffizi da concurs ubain ina u pliras persunas ch'ella sto eleger.

³ En tuts dus cas po la radunanza eleger or da ses ravugl ina cumissiun dals crediturs; sche la radunanza na decida betg autramain, ha questa cumissiun las suandantas incumbensas:⁴³⁴

1.: survegliar la gestiun da l'administraziun dal concurs, giuditgar las dumondas che quella suttametta e s'opponer cunter tut las mesiras che cuntrafan als interess dals crediturs;
2.: autorisar la cuntinuaziun dal commerzi u dal mastergn dal concursit e fixar las cundiziuns respectivas;
3.: approvar quints, autorisar da manar process sco er concluder enclegientschas e contracts da cumpromiss;
4.: s'opponer a pretensiuns dal concurs che l'administraziun ha admess;
5.: ordinar repartiziuns provisoricas als crediturs en il decurs da la procedura da concurs.

⁴³⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

b. Decisiuns davart dumondas urgentas

Art. 238

¹ La radunanza dals crediturs po prender decisiuns davart dumondas che ston vegnir liquidadas senza retard, en spezial davart la cuntinuaziun dal commerzi u dal mastergn dal concursit, davart la dumonda, sche lavuratoris, magasins u negozis dal concursit duain restar averts, davart la cuntinuaziun da process pendents e davart venditas sin basa privata⁴³⁵.

² Sch'il concursit propona in contract d'accumodament, po la radunanza dals crediturs suspender la liquidaziun.

⁴³⁵ Designaziun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1). Questa midada è resguardada en l'entir decret.

4. Recurs

Art. 239

¹ Cunter las decisiuns da la radunanza dals crediturs poi vegnir fatg recurs entaifer 5 dis tar l'autoritad da surveglianza.⁴³⁶

² L'autoritad da surveglianza decida entaifer in curt termin, suenter ch'ella ha tadlà l'uffizi da concurs ed - en cas ch'ella resguarda quai sco cunvegnent - il recurrent e quels crediturs che giavischan da vegnir interrogads.

⁴³⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

B. Administraziun dal concurs

1. Incumbensas en general

Art. 240

L'administraziun dal concurs sto procurar per tut las fatschentas che appartegnan al mantegniment ed a la liquidaziun da la massa; ella represchenta la massa davant dretgira.

2. Posiziun da l'administraziun speziala da concurs

Art. 241⁴³⁷

Ils artitgels 8-11, 13, 14 alinea 2 cifras 1, 2 e 4 sco er ils artitgels 17-19, 34 e 35 valan er per l'administraziun speziala da concurs.

⁴³⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

3. Pretensiun da terzs e da la massa da concurs

Art. 242⁴³⁸

¹ L'administraziun dal concurs pronunzia ina disposiziun davart la restituziun da chaussas che vegnan pretendidas d'in terz.

² Sche l'administraziun dal concurs è da l'avis che la pretensiun saja nunmotivada, fixescha ella in termin da 20 dis per il terz, entaifer il qual el po purtar plant davant il derschader dal lieu da concurs. Sch'el n'observa betg quest termin, scada il dretg.

³ Sche la massa pretenda che chaussas moviblas ch'èn en possess u en cumpossess d'in terz, u che bains immobigliars ch'èn inscrits en il register funsil sin il num d'in terz, sajan proprietad dal debitur, sto ella purtar plant cunter il terz.

⁴³⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

3a. Consegna da valurs da facultad criptograficas

Art. 242a⁴³⁹

¹ L'administraziun dal concurs pronunzia ina disposiziun davart la consegna da valurs da facultad criptograficas, da las qualas il concursit ha la cumpetenza da disponer il mument da la decleraziun da concurs e las qualas vegnan pretendidas d'in terz.

² La pretensiun è motivada, sch'il concursit è s'obligà da tegnair a disposiziun las valurs da facultad criptograficas da tut temp per il terz e sche questas valurs:

a.: èn attribuidas individualmain al terz; u
b.: èn attribuidas ad ina cuminanza ed igl è determinà cleramain, tge part da la facultad cuminaivla che tutga al terz.

³ Sche l'administraziun dal concurs è da l'avis che la pretensiun saja nunmotivada, fixescha ella in termin da 20 dis per il terz, entaifer il qual el po purtar plant davant la dretgira dal lieu da concurs. Sch'el n'observa betg quest termin, scada il dretg.

⁴ Ils custs per la consegna ston vegnir surpigliads da quel che pretenda la consegna. L'administraziun dal concurs po pretender in pajament anticipà correspundent.

⁴³⁹ Integrà tras la cifra I 2 da la LF dals 25 da sett. 2020 davart l'adattaziun dal dretg federal als svilups da la tecnologia dals registers electronics distribuids, en vigur dapi il 1. d'avust 2021 (AS 2021 33, 399; BBl 2020 233).

3b. Access a datas e consegna da datas

Art. 242b⁴⁴⁰

¹ Mintga terz che cumprova in dretg legal u contractual sin datas, da las qualas la massa da concurs ha la cumpetenza da disponer, po pretender - tut tenor il tip dal dretg - ch'el survegnia access a questas datas u che la massa da concurs consegnia las datas or da sia cumpetenza da disponer.

² Sche l'administraziun dal concurs è da l'avis che la pretensiun saja nunmotivada, fixescha ella in termin da 20 dis per il terz, entaifer il qual el po purtar plant davant la dretgira dal lieu da concurs. Fin ch'ina decisiun legalmain valaivla da la dretgira n'è betg avant maun, na dastgan las datas betg vegnir destruidas u utilisadas.

³ Ils custs per l'access a las datas u per la consegna da las datas ston vegnir surpigliads da quel che pretenda l'access. L'administraziun dal concurs po pretender in pajament anticipà correspundent.

⁴ Resalvà resta il dretg da dar infurmaziuns tenor las disposiziuns davart la protecziun da datas da la Confederaziun u dals chantuns.

⁴⁴⁰ Integrà tras la cifra I 2 da la LF dals 25 da sett. 2020 davart l'adattaziun dal dretg federal als svilups da la tecnologia dals registers electronics distribuids, en vigur dapi il 1. d'avust 2021 (AS 2021 33, 399; BBl 2020 233).

4. Pretensiun dals debits. Vendita sfurzada

Art. 243

¹ Dabuns incontestads da la massa ch'èn da pajar vegnan incassads da l'administraziun dal concurs, sche necessari sin via da la scussiun.

² L'administraziun dal concurs liquidescha senza retard objects che perdan svelt valur, che dovran in mantegniment custus u che chaschunan custs sproporziunads per tegnair en salv. Plinavant po ella ordinar che vaglias ed auters objects che han in pretsch da bursa u da martgà vegnian liquidads immediatamain.⁴⁴¹

³ Las autras parts da la massa vegnan liquidadas suenter la segunda radunanza dals crediturs.

⁴⁴¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

IV. Verificaziun da las pretensiuns dal concurs. Collocaziun dals crediturs

A. Examinaziun da las pretensiuns inoltradas

Art. 244

Suenter la scadenza dal termin d'inoltraziun examinescha l'administraziun dal concurs las pretensiuns inoltradas e fa las verificaziuns necessarias. Per mintga inoltraziun da concurs dumonda ella la decleraziun dal concursit.

B. Decisiun

Art. 245

L'administraziun dal concurs decida davart la renconuschientscha da las pretensiuns. En quest connex n'è ella betg liada tras la decleraziun dal concursit.

C. Inscripziuns d'uffizi

Art. 246⁴⁴²

Las pretensiuns che resultan dal register funsil vegnan integradas en las pretensiuns dal concurs ensemen cun il tschains current, er sch'ellas n'èn betg vegnidas inoltradas.

⁴⁴² Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

D. Plan da collocaziun

1. Elavuraziun

Art. 247⁴⁴³

¹ Entaifer 60 dis suenter la scadenza dal termin d'inoltraziun fa l'administraziun dal concurs il plan per la rangaziun dals crediturs (plan da collocaziun, art. 219 e 220).

² Sch'in bain immobigliar appartegna a la massa, fa l'administraziun dal concurs entaifer il medem termin ina glista da las chargias ch'engrevgeschan il bain immobigliar (dretgs da pegn, servituts, chargias funsilas e dretgs persunals prenotads). La glista da las chargias è ina part integrala dal plan da collocaziun.

³ Sch'igl è vegnida nominada ina cumissiun dals crediturs, la suttametta l'administraziun dal concurs il plan da collocaziun e la glista da las chargias per l'approvaziun; la cumissiun po modifitgar la glista entaifer 10 dis.

⁴ L'autoritad da surveglianza po, sche necessari, prolungar ils termins da quest artitgel.

⁴⁴³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Pretensiuns refusadas

Art. 248

En il plan da collocaziun vegnan er remartgadas las pretensiuns refusadas, inditgond il motiv da refusa.

3. Exposiziun e communicaziuns separadas

Art. 249

¹ Il plan da collocaziun vegn exponì tar l'uffizi da concurs per l'invista.

² L'administraziun dal concurs communitgescha publicamain l'exposiziun⁴⁴⁴.

³ Ils crediturs, dals quals la pretensiun è vegnida refusada dal tuttafatg u per part u ils quals n'han betg survegnì il rang pretendì, survegnan ina communicaziun separada da l'exposiziun dal plan da collocaziun e da la refusa da lur pretensiuns.

⁴⁴⁴ Designaziun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1). Questa midada è resguardada en l'entir decret.

4. Plant da collocaziun

Art. 250⁴⁴⁵

¹ In creditur che vul contestar il plan da collocaziun, perquai che sia pretensiun è vegnida refusada dal tuttafatg u per part u perquai ch'el n'ha betg survegnì il rang pretendì, sto purtar plant cunter la massa tar il derschader dal lieu da concurs entaifer 20 dis suenter l'exposiziun publica dal plan da collocaziun.

² Sch'el vul contestar l'admissiun d'in auter creditur u da ses rang, sto el purtar plant cunter quest creditur. Sch'il derschader approvescha il plant, serva l'import, per il qual la part da l'accusà vi da la massa da concurs vegn reducida, a satisfar l'accusader fin a la cuvrida cumplaina da sia pretensiun, inclusiv ils custs da process. In surpli vegn repartì tenor il plan da collocaziun rectifitgà.

³ ...⁴⁴⁶

⁴⁴⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴⁴⁶ Abolì tras la cifra II 17 da l'agiunta 1 dal Cudesch da procedura civila dals 19 da dec. 2008, cun effect dapi il 1. da schan. 2011 (AS 2010 1739; BBl 2006 7221).

5. Inoltraziuns retardadas

Art. 251

¹ Inoltraziuns retardadas èn admessas fin a la fin da la procedura da concurs.

² Il creditur sto surpigliar tut ils custs chaschunads tras il retard e po vegnir obligà da prestar in pajament anticipà correspundent.

³ Da repartiziuns provisoricas ch'èn vegnidas fatgas avant sia annunzia, n'ha el nagin dretg.

⁴ Sche l'administraziun dal concurs è da l'avis che l'inoltraziun retardada saja motivada, mida ella il plan da collocaziun e communitgescha publicamain la midada.

⁵ L'artitgel 250 è applitgabel.

V. Liquidaziun da la massa da concurs

A. Segunda radunanza dals crediturs

1. Invitaziun

Art. 252

¹ Suenter l'exposiziun dal plan da collocaziun envida l'administraziun dal concurs ils crediturs, dals quals las pretensiuns n'èn betg gia vegnidas refusadas cun vigur legala, ad ina segunda radunanza. L'invitaziun sto vegnir tramessa almain 20 dis avant la radunanza.⁴⁴⁷

² Sch'i duai vegnir decidì davart in contract d'accumodament en questa radunanza, vegn quai menziunà en l'invitaziun.⁴⁴⁸

³ In commember da l'administraziun dal concurs presidiescha la radunanza. L'artitgel 235 alineas 3 e 4 vegn applitgà correspundentamain.

⁴⁴⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴⁴⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Cumpetenzas

Art. 253

¹ L'administraziun dal concurs suttametta a la radunanza dals crediturs in rapport detaglià davart l'andament da l'administraziun sco er davart il stadi da las activas e da las passivas.

² La radunanza decida, sch'ella conferma l'administraziun dal concurs ed eventualmain la cumissiun dals crediturs, ed ordinescha senza restricziuns tut ils ulteriurs pass per realisar il concurs.

3. Inabilitad da decider

Art. 254⁴⁴⁹

Sche la radunanza n'è betg abla da decider, constatescha l'administraziun dal concurs quest fatg ed orientescha ils crediturs preschents davart il stadi da la massa. L'administraziun actuala dal concurs e la cumissiun dals crediturs restan en uffizi fin a la fin da la procedura.

⁴⁴⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

B. Ulteriuras radunanzas dals crediturs

Art. 255⁴⁵⁰

Ulteriuras radunanzas dals crediturs vegnan convocadas, sch'in quart dals crediturs u la cumissiun dals crediturs pretenda quai u sche l'administraziun dal concurs è da l'avis che quai saja necessari.

⁴⁵⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

C. Conclus circular

Art. 255a⁴⁵¹

¹ En cas urgents u sch'ina radunanza dals crediturs n'è betg stada abla da decider, po l'administraziun dal concurs suttametter als crediturs propostas sin via circulara. Ina proposta è acceptada, sche la maioritad dals crediturs l'approvescha explicitamain u taciturnamain entaifer il termin fixà.

² Sche betg tut ils crediturs n'èn enconuschents a l'administraziun dal concurs, po ella ultra da quai communitgar publicamain sias propostas.

⁴⁵¹ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

D. Modas da liquidaziun

Art. 256

¹ Ils bains da facultad che appartegnan a la massa vegnan - sin ordinaziun da l'administraziun dal concurs - ingiantads publicamain u, sch'ils crediturs concludan quai, vendids sin basa privata.

² Bains da facultad impegnads dastgan vegnir liquidads mo tras in ingiant public, nun ch'ils crediturs da pegn decidian autramain.

³ Bains da facultad d'ina valur considerabla e bains immobigliars dastgan mo vegnir vendids sin basa privata, sch'ils crediturs han survegnì precedentamain la pussaivladad da far offertas pli autas.⁴⁵²

⁴ Pretensiuns contestablas tenor ils artitgels 286-288 na dastgan betg vegnir ingiantadas ed er betg alienadas en autra moda.⁴⁵³

⁴⁵² Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴⁵³ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

E. Ingiant

1. Communicaziun publica

Art. 257

¹ Il lieu, il di e las uras da l'ingiant vegnan communitgads publicamain.

² Sch'i ston vegnir liquidads bains immobigliars, ha la communicaziun lieu almain 1 mais avant il di da l'ingiant, cun inditgar a partir da tge di che las cundiziuns d'ingiant vegnan exponidas tar l'uffizi da concurs per l'invista.

³ Als crediturs ipotecars vegn tramess in exemplar separà da la communicaziun, inclusiv l'indicaziun da la valur da stimaziun.

2. Agiudicaziun

Art. 258⁴⁵⁴

¹ L'object da liquidaziun vegn agiuditgà suenter trais appels al meglier offerent.

² Per la liquidaziun d'in bain immobigliar vala l'artitgel 142 alineas 1 e 3. Ultra da quai pon ils crediturs concluder ch'i vegnia fixada in'offerta minimala per l'emprim ingiant.⁴⁵⁵

⁴⁵⁴ Versiun tenor l'art. 16 da la LF dals 28 da sett. 1949, en vigur dapi il 1. da favr. 1950 (AS 1950 I 57; BBl 1948 I 1218).

⁴⁵⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

3. Cundiziuns d'ingiant

Art. 259⁴⁵⁶

Per las cundiziuns d'ingiant valan ils artitgels 128, 129, 132a, 134-137 e 143 tenor il senn. Las funcziuns da l'uffizi da scussiun vegnan surpigliadas da l'administraziun dal concurs.

⁴⁵⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

F. Cessiun da dretgs

Art. 260

¹ Sche la totalitad dals crediturs desista da far valair pretensiuns da la massa, po mintga creditur pretender la cessiun da quests dretgs.

² Suenter la deducziun dals custs serva il retgav a cuvrir las pretensiuns da quels crediturs, als quals ils dretgs èn vegnids cedids, en la successiun da lur rang. Il surpli è d'attribuir a la massa.

³ Sche la totalitad dals crediturs desista da far valair pretensiuns da la massa e sch'er nagins crediturs pretendan la cessiun, pon talas pretensiuns vegnir liquidadas tenor l'artitgel 256.⁴⁵⁷

⁴⁵⁷ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

VI. Repartiziun

A. Glista da repartiziun e quint final

Art. 261

Suenter ch'il retgav da l'entira massa da concurs è entrà e suenter ch'il plan da collocaziun ha survegnì forza legala, fa l'administraziun dal concurs la glista da repartiziun ed il quint final.

B. Custs da procedura

Art. 262⁴⁵⁸

¹ Tut ils custs per la decleraziun e per la realisaziun dal concurs sco er per l'inventarisaziun dals bains vegnan cuvrids sco emprim.

² Dal retgav da bains impegnads vegnan cuvrids mo ils custs da l'inventarisaziun, da l'administraziun e da la liquidaziun.

⁴⁵⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

C. Exposiziun da la glista da repartiziun e dal quint final

Art. 263

¹ La glista da repartiziun ed il quint final vegnan exponids durant 10 dis tar l'uffizi da concurs.

² L'exposiziun vegn communitgada a mintga creditur ensemen cun in extract che pertutga sia part.

D. Repartiziun

Art. 264

¹ Immediatamain suenter la scadenza dal termin d'exposiziun fa l'administraziun dal concurs la repartiziun.

² Las disposiziuns da l'artitgel 150 vegnan applitgadas correspundentamain.

³ Las parts che pervegnan a pretensiuns suttamessas a cundiziuns suspensivas u a cundiziuns cun in temp da scadenza intschert vegnan depositadas tar l'institut da deposits.

E. Attest da perdita

1. Cuntegn ed effects

Art. 265

¹ Tar la repartiziun survegn mintga creditur in attest da perdita per l'import betg pajà per sia pretensiun. Quest attest inditgescha, sch'il concursit ha renconuschì u contestà la pretensiun. En l'emprim cas vala l'attest da perdita sco renconuschientscha dal debit en il senn da l'artitgel 82.

² L'attest da perdita autorisescha da dumandar la sequestraziun ed ha ils effects giuridics designads en ils artitgels 149 alinea 4 e 149a. Sin basa da l'attest da perdita po ina nova scussiun dentant vegnir introducida mo, sch'il debitur ha acquistà nova facultad. Sco nova facultad valan er valurs, dals quals il debitur dispona economicamain.⁴⁵⁹

³ ...⁴⁶⁰

⁴⁵⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴⁶⁰ Abolì tras la cifra I da la LF dals 16 da dec. 1994, cun effect dapi il 1. da schan. 1997 (AS 1995 1227; BBl 1991 III 1).

2. Constataziun da la nova facultad

Art. 265a⁴⁶¹

¹ Sch'il debitur fa opposiziun cun la motivaziun ch'el n'haja betg acquistà nova facultad, suttametta l'uffizi da scussiun l'opposiziun al derschader dal lieu da scussiun. Quel decida suenter avair tadlà las partidas; cunter la decisiun n'èn admissibels nagins meds legals.⁴⁶²

² Il derschader admetta l'opposiziun, sch'il debitur preschenta sias relaziuns d'entrada e da facultad e renda vardaivel ch'el n'haja betg acquistà nova facultad.

³ Sch'il derschader n'admetta betg l'opposiziun, determinescha el la dimensiun da la nova facultad (art. 265 al. 2). Valurs da facultad da terzs, da las qualas il debitur dispona economicamain, pon vegnir decleradas dal derschader sco impegnablas, sch'il dretg dal terz è vegnì constituì dal debitur cun l'intenziun renconuschibla per il terz d'impedir l'acquist da nova facultad.

⁴ Entaifer 20 dis suenter la communicaziun da la decisiun davart l'opposiziun pon il debitur ed il creditur purtar plant sin contestaziun u sin constataziun da la nova facultad tar il derschader dal lieu da scussiun.⁴⁶³

⁴⁶¹ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴⁶² Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

⁴⁶³ Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

3. Exclusiun da la decleraziun da concurs sin dumonda dal debitur

Art. 265b⁴⁶⁴

Sch'il debitur s'oppona ad ina scussiun cun contestar d'avair acquistà nova facultad, na po el betg dumandar sez la decleraziun da concurs (art. 191) durant questa scussiun.

⁴⁶⁴ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

F. Repartiziuns provisoricas

Art. 266

¹ Repartiziuns provisoricas pon vegnir fatgas a partir dal mument ch'il termin per contestar il plan da collocaziun è scadì.

² L'artitgel 263 vala tenor il senn.⁴⁶⁵

⁴⁶⁵ Integrà tras la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

G. Pretensiuns betg inoltradas

Art. 267

Las pretensiuns da quels crediturs che n'èn betg sa participads al concurs, èn suttamessas a las medemas restricziuns sco las pretensiuns, per las qualas igl è vegnì emess in attest da perdita.

VII. Terminaziun da la procedura da concurs

A. Rapport final e decisiun da la dretgira da concurs

Art. 268

¹ Suenter la repartiziun suttametta l'administraziun dal concurs in rapport final a la dretgira da concurs.

² Sche la dretgira è da l'avis che la procedura da concurs saja vegnida realisada cumplettamain, pronunzia ella la terminaziun da tala.

³ Sche la gestiun da l'administraziun chaschuna remartgas da vart da la dretgira, infurmescha ella l'autoritad da surveglianza.

⁴ L'uffizi da concurs communitgescha publicamain la terminaziun da la procedura da concurs.

B. Valurs da facultad scuvridas posteriuramain

Art. 269

¹ Sch'i vegnan scuvrids - suenter la terminaziun da la procedura da concurs - bains da facultad che appartegnevan a la massa, ma che n'èn betg vegnids attribuids a tala, prenda l'uffizi da concurs en possess quels, fa senza ulteriuras formalitads la liquidaziun e reparta il retgav sin ils crediturs perdents tenor lur rangaziun.

² Da medema maniera proceda l'uffizi da concurs cun imports depositads che daventan disponibels u che n'èn betg vegnids retratgs entaifer 10 onns.⁴⁶⁶

³ Sch'i sa tracta d'ina pretensiun dubitaivla, infurmescha l'uffizi da concurs ils crediturs da concurs tras ina communicaziun publica u tras ina brev; las disposiziuns da l'artitgel 260 vegnan applitgadas correspundentamain.

⁴⁶⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

C. Termin per la realisaziun dal concurs

Art. 270

¹ La procedura da concurs duai vegnir terminada entaifer 1 onn suenter la decleraziun da concurs.⁴⁶⁷

² En cas da basegn po quest termin vegnir prolungà da l'autoritad da surveglianza.

⁴⁶⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

Otgavel titel: Sequestraziun

A. Motivs da sequestraziun

Art. 271

¹ Per ina pretensiun che sto vegnir pajada, ma che n'è betg garantida tras pegn, po il creditur dumandar la sequestraziun da bains da facultad dal debitur che sa chattan en Svizra:⁴⁶⁸

1.: sch'il debitur n'ha betg in domicil fix;
2.: sch'il debitur lascha svanir bains da facultad, fugia u prenda mesiras per fugir cun l'intenziun da mitschar da sias obligaziuns;
3.: sch'il debitur è en viadi u appartegna a las persunas che visitan fieras e martgads, per pretensiuns che ston tenor lur natira vegnir pajadas immediatamain;
4.⁴⁶⁹: sch'il debitur n'abita betg en Svizra, sch'i n'èn avant nagins auters motivs da sequestraziun, ma sche la pretensiun ha in connex suffizient cun la Svizra u sa basa sin ina renconuschientscha dal debit en il senn da l'artitgel 82 alinea 1;
5.⁴⁷⁰: sch'il creditur posseda in attest da perdita provisoric u definitiv cunter il debitur;
6.⁴⁷¹: sch'il creditur posseda in titel definitiv per introducir la procedura da dretg cunter il debitur.

² En ils cas tenor las cifras 1 e 2 po la sequestraziun vegnir pretendida er per ina pretensiun betg scadida; envers il debitur chaschuna la sequestraziun che la pretensiun sto vegnir pajada.

³ En ils cas tenor l'alinea 1 cifra 6 che concernan decisiuns estras che ston vegnir exequidas tenor la Convenziun dals 30 d'october 2007⁴⁷² davart la cumpetenza giudiziala, la renconuschientscha e l'execuziun da decisiuns en chaussas civilas e commerzialas, decida la dretgira er davart lur executabilitad.⁴⁷³

⁴⁶⁸ Versiun tenor l'art. 3 cifra 2 dal COF dals 11 da dec. 2009 (approvaziun e realisaziun da la Convenziun da Lugano), en vigur dapi il 1. da schan. 2011 (AS 2010 5601; BBl 2009 1777).

⁴⁶⁹ Versiun tenor l'art. 3 cifra 2 dal COF dals 11 da dec. 2009 (approvaziun e realisaziun da la Convenziun da Lugano), en vigur dapi il 1. da schan. 2011 (AS 2010 5601; BBl 2009 1777).

⁴⁷⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴⁷¹ Integrà tras l'art. 3 cifra 2 dal COF dals 11 da dec. 2009 (approvaziun e realisaziun da la Convenziun da Lugano), en vigur dapi il 1. da schan. 2011 (AS 2010 5601; BBl 2009 1777).

⁴⁷² SR 0.275.12

⁴⁷³ Versiun tenor l'art. 3 cifra 2 dal COF dals 11 da dec. 2009 (approvaziun e realisaziun da la Convenziun da Lugano), en vigur dapi il 1. da schan. 2011 (AS 2010 5601; BBl 2009 1777).

B. Admissiun da la sequestraziun

Art. 272⁴⁷⁴

¹ La sequestraziun vegn admessa da la dretgira al lieu da scussiun u al lieu, nua ch'ils bains da facultad sa chattan, sch'il creditur renda vardaivel che:⁴⁷⁵

1.: sia pretensiun existia;
2.: i saja avant maun in motiv da sequestraziun;
3.: i sajan avant maun bains da facultad che appartegnan al debitur.

² Sch'il creditur abita a l'exteriur e na designescha betg in lieu da consegna en Svizra, è l'uffizi da scussiun il lieu da consegna.

⁴⁷⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴⁷⁵ Versiun tenor l'art. 3 cifra 2 dal COF dals 11 da dec. 2009 (approvaziun e realisaziun da la Convenziun da Lugano), en vigur dapi il 1. da schan. 2011 (AS 2010 5601; BBl 2009 1777).

C. Responsabladad per in donn da sequestraziun

Art. 273⁴⁷⁶

¹ Il creditur è responsabel tant envers il debitur sco er envers terzs per il donn che resulta d'ina sequestraziun nungiustifitgada. Il derschader al po obligar da prestar ina garanzia.

² Il plant sin indemnisaziun dal donn po vegnir inoltrà er al derschader dal lieu da sequestraziun.

⁴⁷⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

D. Cumond da sequestraziun

Art. 274

¹ La dretgira incarichescha il funcziunari da scussiun u in auter funcziunari u emploià cun l'execuziun da la sequestraziun ed al trametta il cumond da sequestraziun.⁴⁷⁷

² Il cumond da sequestraziun cuntegna:

1.: il num ed il domicil dal creditur, da ses eventual mandatari e dal debitur;
2.: l'indicaziun da la pretensiun, per la quala la sequestraziun vegn concedida;
3.: l'indicaziun dal motiv da sequestraziun;
4.: l'indicaziun dals objects che duain vegnir sequestrads;
5.: la menziun da l'obligaziun dal creditur da star bun per donns ed eventualmain l'indicaziun da la garanzia ch'el sto prestar.

⁴⁷⁷ Versiun tenor l'art. 3 cifra 2 dal COF dals 11 da dec. 2009 (approvaziun e realisaziun da la Convenziun da Lugano), en vigur dapi il 1. da schan. 2011 (AS 2010 5601; BBl 2009 1777).

E. Execuziun da la sequestraziun

Art. 275⁴⁷⁸

Ils artitgels 91-109 davart l'impegnaziun valan tenor il senn per l'execuziun da la sequestraziun.

⁴⁷⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

F. Document da sequestraziun

Art. 276

¹ Il funcziunari u l'emploià ch'è incaricà cun l'execuziun redigia il document da sequestraziun, attestond la realisaziun da la sequestraziun sin il cumond da sequestraziun ed inditgond ils objects sequestrads e lur stimaziun, e trametta il document immediatamain a l'uffizi da scussiun.

² L'uffizi da scussiun trametta immediatamain ina copia dal document da sequestraziun al creditur ed al debitur ed infurmescha terzs, sche lur dretgs èn pertutgads da la sequestraziun.⁴⁷⁹

⁴⁷⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

G. Garanzia prestada dal debitur

Art. 277

Ils objects sequestrads vegnan laschads a la disposiziun dal debitur, sch'el presta ina garanzia ch'ils objects sequestrads u, empè da quels, auters bains da facultad da la medema valur sajan avant maun en cas d'ina impegnaziun u d'ina decleraziun da concurs. La garanzia sto vegnir prestada tras in deposit, tras ina garanzia solidarica u tras in'autra garanzia equivalenta.⁴⁸⁰

⁴⁸⁰ Versiun da la frasa tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

H. Opposiziun al cumond da sequestraziun

Art. 278⁴⁸¹

¹ Tgi ch'è pertutgà en ses dretgs tras ina sequestraziun, po far protesta tar la dretgira entaifer 10 dis suenter ch'el ha survegnì enconuschientscha da l'ordinaziun da la sequestraziun.

² La dretgira dat als participads la pussaivladad da prender posiziun e decida alura senza retard.

³ La decisiun da protesta po vegnir contestada cun recurs tenor il CPC⁴⁸². Davant l'instanza da recurs pon las partidas far valair novs fatgs.

⁴ Protestas e recurs n'impedeschan betg l'effect da la sequestraziun.

⁴⁸¹ Versiun tenor l'art. 3 cifra 2 dal COF dals 11 da dec. 2009 (approvaziun e realisaziun da la Convenziun da Lugano), en vigur dapi il 1. da schan. 2011 (AS 2010 5601; BBl 2009 1777).

⁴⁸² SR 272

I. Prosecuziun da la sequestraziun

Art. 279⁴⁸³

¹ Sch'il creditur n'ha betg gia introducì ina scussiun u inoltrà in plant avant l'admissiun da la sequestraziun, sto el far quai entaifer 10 dis suenter la consegna dal document da sequestraziun.

² Sch'il debitur fa opposiziun, sto il creditur pretender l'avertura da dretg u inoltrar in plant sin renconuschientscha da sia pretensiun, e quai entaifer 10 dis, suenter ch'el ha survegnì la copia da l'avis da pajament dal debitur. Sch'il creditur vegn refusà en la procedura d'avertura da dretg, sto el inoltrar il plant entaifer 10 dis suenter la communicaziun da la decisiun⁴⁸⁴.⁴⁸⁵

³ Sch'il debitur n'ha betg fatg opposiziun, sto il creditur far la dumonda da cuntinuaziun, e quai entaifer 20 dis, suenter ch'el ha survegnì la copia da l'avis da pajament dal debitur. Sche l'opposiziun vegn annullada posteriuramain, cumenza il termin a currer cura che l'opposiziun vegn annullada cun vigur legala. Tut tenor la persuna dal debitur vegn la scussiun cuntinuada sin via da l'impegnaziun u dal concurs.⁴⁸⁶

⁴ Sch'il creditur ha purtà plant davant dretgira per sia pretensiun senza scussiun precedenta, sto el introducir la scussiun entaifer 10 dis suenter la communicaziun da la decisiun.

⁵ Ils termins da quest artitgel na curran betg:

1.: durant la procedura da protesta e durant la procedura da recurs cunter la decisiun da protesta;
2.: durant la procedura da decleranza d'executabilitad tenor la Convenziun dals 30 d'october 2007⁴⁸⁷ davart la cumpetenza giudiziala, la renconuschientscha e l'execuziun da decisiuns en chaussas civilas e commerzialas e durant la procedura da recurs cunter la decisiun davart la decleranza d'executabilitad.⁴⁸⁸

⁴⁸³ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴⁸⁴ Rectifitgà da la Cumissiun da redacziun da l'AF (art. 58 al. 1 LParl; SR 171.10).

⁴⁸⁵ Versiun tenor l'art. 3 cifra 2 dal COF dals 11 da dec. 2009 (approvaziun e realisaziun da la Convenziun da Lugano), en vigur dapi il 1. da schan. 2011 (AS 2010 5601; BBl 2009 1777).

⁴⁸⁶ Versiun tenor l'art. 3 cifra 2 dal COF dals 11 da dec. 2009 (approvaziun e realisaziun da la Convenziun da Lugano), en vigur dapi il 1. da schan. 2011 (AS 2010 5601; BBl 2009 1777).

⁴⁸⁷ SR 0.275.12

⁴⁸⁸ Integrà tras l'art. 3 cifra 2 dal COF dals 11 da dec. 2009 (approvaziun e realisaziun da la Convenziun da Lugano), en vigur dapi il 1. da schan. 2011 (AS 2010 5601; BBl 2009 1777).

K. Scrudada

Art. 280⁴⁸⁹

La sequestraziun scroda:

1.: sch'il creditur n'observa betg ils termins tenor l'artitgel 279;
2.: sch'il creditur retira u lascha extinguer il plant u la scussiun; u
3.: sche la dretgira refusa definitivamain il plant dal creditur.

⁴⁸⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

L. Participaziun provisorica a l'impegnaziun

Art. 281

¹ Sch'ils objects sequestrads vegnan impegnads d'in auter creditur suenter l'emissiun dal cumond da sequestraziun, avant ch'il creditur da la sequestraziun po far sez la dumonda d'impegnaziun, prenda quel, d'uffizi, part provisoricamain da l'impegnaziun.

² Il creditur po prelevar or dal retgav dals objects sequestrads ils custs che resultan da la sequestraziun.

³ Dal rest na constituescha la sequestraziun nagin dretg da preferenza.

Novavel titel:
Disposiziuns spezialas per la locaziun e per la fittanza

Art. 282⁴⁹⁰

⁴⁹⁰ Abolì tras la cifra II art. 3 da la LF dals 15 da dec. 1989 davart la midada dal DO (locaziun e fittanza), cun effect dapi il 1. da fan. 1990 (AS 1990 802, disposiziuns finalas dals titels VIII ed VIII^bis; BBl 1985 I 1389).

Glista da las retenziuns

Art. 283

¹ Er sche la scussiun n'è betg vegnida introducida, pon locaturs ed affittaders da locals da fatschenta dumandar l'agid da l'uffizi da scussiun per defender provisoricamain lur dretg da retenziun (art. 268 ss. e 299c DO⁴⁹¹).⁴⁹²

² Sch'in privel resulta dal retard, po vegnir dumandà l'agid da la polizia u da l'autoritad communala.

³ L'uffizi da scussiun fa ina glista dals objects ch'èn suttamess al dretg da retenziun e fixescha per il creditur in termin per inoltrar la scussiun sin liquidaziun dal pegn.

⁴⁹¹ SR 220

⁴⁹² Rectifitgà tenor la cifra II art. 3 da la LF dals 15 da dec. 1989 davart la midada dal DO (locaziun e fittanza), en vigur dapi il 1. da fan. 1990 (AS 1990 802; BBl 1985 I 1389, disposiziuns finalas dals titels VIII ed VIII^bis).

Reintegraziun da bains

Art. 284

Objects ch'èn vegnids manads davent dascusamain u cun forza pon vegnir purtads enavos cun agid da la polizia en ils locals affittads entaifer 10 dis suenter ch'els èn vegnids manads davent. Ils dretgs da terzs da buna fai restan resalvads. Davart cas dispitaivels decida il derschader.⁴⁹³

⁴⁹³ Versiun da la terza frasa tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

Novavel titel^bis:⁴⁹⁴
Disposiziuns spezialas en cas da relaziuns da trust

⁴⁹⁴ Integrà tras l'art. 3 dal COF dals 20 da dec. 2006 davart l'approvaziun da la convenziun da Den Haag concernent la lescha applitgabla per trusts e lur renconuschientscha, en vigur dapi il 1. da fan. 2007 (AS 2007 2849; BBl 2006 551).

A. Scussiun per debits d'ina facultad d'in trust

Art. 284a

¹ Sche la facultad d'in trust stat buna per il debit en il senn dal chapitel 9a da la Lescha federala dals 18 da december 1987⁴⁹⁵ davart il dretg internaziunal privat (LDIP), sto la scussiun vegnir drizzada cunter in trustee sco represchentant dal trust.

² Il lieu da scussiun è la sedia dal trust tenor l'artitgel 21 alinea 3 LDIP. Sch'il lieu designà da l'administraziun na sa chatta betg en Svizra, sto il trust vegnir stumà a quel lieu, nua ch'el vegn effectivamain administrà.

³ La scussiun vegn cuntinuada sin concurs. Il concurs è limità a la facultad dal trust.

⁴⁹⁵ SR 291

B. Concurs d'in trustee

Art. 284b

En cas d'in concurs d'in trustee vegn la facultad dal trust separada da la massa da concurs, suenter che las pretensiuns dal trustee envers la facultad dal trust èn vegnidas deducidas.

Dieschavel titel: Contestaziun⁴⁹⁶

⁴⁹⁶ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

A. Princips⁴⁹⁷

⁴⁹⁷ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

Art. 285

¹ Cun la contestaziun duain vegnir suttamessas a l'execuziun sfurzada valurs da facultad, da las qualas ella è vegnida privada tras in act giuridic tenor ils artitgels 286-288.⁴⁹⁸

² Il dretg da far la contestaziun ha:⁴⁹⁹

1.⁵⁰⁰: mintga creditur che ha survegnì in attest da perdita provisoric u definitiv suenter l'impegnaziun;
2.: l'administraziun da concurs u, a norma dals artitgels 260 e 269 alinea 3, mintga singul creditur da concurs.

³ Ils acts giuridics che han gì lieu durant in moratori d'accumodament na pon betg vegnir contestads, premess ch'els sajan vegnids approvads d'ina dretgira d'accumodament⁵⁰¹ u d'ina cumissiun dals crediturs (art. 295a).⁵⁰²

⁴ Betg contestablas n'èn plinavant autras obligaziuns ch'èn vegnidas surpigliadas durant il moratori cun il consentiment dal cumissari.⁵⁰³

⁴⁹⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁴⁹⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁵⁰⁰ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁵⁰¹ Expressiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455). Questa midada è vegnida resguardada en l'entir decret.

⁵⁰² Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

⁵⁰³ Integrà tras la cifra 4 da l'agiunta da la LF dals 19 da zer. 2020 (dretg d'aczias), en vigur dapi il 1. da schan. 2023 (AS 2020 4005; 2022 109; BBl 2017 399).

B. Differents cas

1. Contestaziun da donaziuns

Art. 286

¹ Tut las donaziuns e tut las disposiziuns gratuitas - cun excepziun da regals occasiunals usitads - ch'il debitur ha fatg durant l'ultim onn avant l'impegnaziun u avant la decleraziun da concurs èn contestablas.⁵⁰⁴

² Il medem status giuridic sco donaziuns han:

1.: acts giuridics, tar ils quals il debitur ha acceptà ina cuntraprestaziun che stat en ina disproporziun cun sia atgna prestaziun;
2.⁵⁰⁵: acts giuridics, tras ils quals il debitur ha acquistà per sai u per in terz ina renta vitalizia, in vitalizi, ina giudida u in dretg d'abitar.

³ Sch'in act a favur d'ina persuna da confidenza dal debitur vegn contestà, porta quella la chargia da cumprova che la prestaziun e la cuntraprestaziun na stettian betg en ina disproporziun ina cun l'autra. Sco persunas da confidenza valan er societads d'in concern.⁵⁰⁶

⁵⁰⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁵⁰⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁵⁰⁶ Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

2. Contestaziun da l'insolvenza

Art. 287

¹ Ils suandants acts giuridics èn contestabels, sch'il debitur als ha fatg entaifer l'ultim onn avant l'impegnaziun u avant la decleraziun da concurs e sch'el è gia stà insolvent il mument che quests acts giuridics èn vegnids fatgs:⁵⁰⁷

1.⁵⁰⁸: la constituziun da garanzias per obligaziuns ch'existivan gia e las qualas il debitur n'era betg obligà gia pli baud da las garantir;
2.: l'amortisaziun d'in debit en daners en autra moda che cun daners bluts u cun auters meds da pajament usitads;
3.: il pajament d'in debit betg scadì.

² La contestaziun è però exclusa, sch'il benefiziari cumprova ch'el n'haja betg enconuschì e ch'el n'haja er betg stuì enconuscher l'insolvenza dal debitur.⁵⁰⁹

³ La contestaziun è exclusa en spezial, sche vaglias, vaglias contabilisadas ed auters instruments finanzials negoziads sin in martgà represchentativ èn vegnids constituids sco garanzias ed il debitur è gia pli baud:

1.: s'obligà d'augmentar la garanzia, sche la valur da la garanzia u sche l'import da l'obligaziun garantida sa mida; u
2.: sa laschà conceder il dretg da remplazzar ina garanzia tras ina garanzia da la medema valur.⁵¹⁰

⁵⁰⁷ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁵⁰⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁵⁰⁹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁵¹⁰ Integrà tras la cifra 4 da l'agiunta da la LF dals 3 d'oct. 2008 davart las vaglias contabilisadas, en vigur dapi il 1. da schan. 2010 (AS 2009 3577; BBl 2006 9315).

3. Contestaziun da l'intenziun

Art. 288⁵¹¹

¹ Contestabels èn la finala tut ils acts giuridics ch'il debitur ha fatg entaifer ils ultims 5 onns avant l'impegnaziun u avant la decleraziun da concurs cun l'intenziun percurschibla per l'autra part da dischavantagiar ses crediturs u da benefiziar singuls crediturs a disfavur dals auters.

² Sch'in act a favur d'ina persuna da confidenza dal debitur vegn contestà, porta quella la chargia da cumprova ch'ella n'haja betg pudì percorscher l'intenziun da chaschunar in dischavantatg. Sco persunas da confidenza valan er societads d'in concern.⁵¹²

⁵¹¹ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

⁵¹² Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

4. Calculaziun dals termins

Art. 288a⁵¹³

Per ils termins dals artitgels 286-288 na vegnan betg quintads:

1.: la durada d'in moratori d'accumodament che preceda la decleraziun da concurs;
2.: en cas da la liquidaziun d'ina ierta tras l'uffizi da concurs, il temp tranter il di da la mort e l'ordinaziun da la liquidaziun;
3.: la durada da la scussiun che preceda la decleraziun da concurs.

⁵¹³ Integrà tras la cifra I da la LF dals 16 da dec. 1994 (AS 1995 1227; BBl 1991 III 1). Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

C. Plant da contestaziun

1. Dretgira cumpetenta

Art. 289⁵¹⁴

Il plant da contestaziun sto vegnir inoltrà al derschader al domicil da l'accusà. Sche l'accusà n'ha nagin domicil en Svizra, po il plant vegnir inoltrà al derschader al lieu da l'impegnaziun u dal concurs.

⁵¹⁴ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

2. Legitimaziun passiva

Art. 290⁵¹⁵

Il plant da contestaziun sa drizza cunter las persunas che han fatg ils acts giuridics contestabels cun il debitur u ch'èn vegnids benefiziads dad el en moda contestabla, sco er cunter lur ertavels u cunter auters successurs universals e cunter terzs da mala fai. Ils dretgs da terzs da buna fai na vegnan betg pertutgads dal plant da contestaziun.

⁵¹⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

D. Effects

Art. 291

¹ Tgi che ha acquistà facultad dal debitur tras in act giuridic contestabel, è obligà da restituir questa facultad. La cuntraprestaziun sto vegnir restituida, uschenavant ch'ella sa chatta anc en ils mauns dal debitur u uschenavant che quel è enritgì tras tala. Ultra da quai po in dretg vegnir fatg valair mo sco pretensiun envers il debitur.

² Il creditur che ha restituì quai ch'è vegnì pajà ad el tras in act giuridic contestabel, entrà puspè en ses dretgs.

³ Il retschavider da buna fai d'ina donaziun è obligà da restituir mo quella part da l'import, a partir da la quala el è vegnì enritgì.

E. Surannaziun

Art. 292⁵¹⁶

¹ Il dretg da contestar surannescha:

1.: sche 3 onns èn passads dapi la consegna da l'attest da perdita suenter l'impegnaziun (art. 285 al. 2 cifra 1);
2.: sche 3 onns èn passads dapi la decleraziun da concurs (art. 285 al. 2 cifra 2);
3.: sche 3 onns èn passads dapi la conferma dal contract d'accumodament cun cessiun da facultad.

² En cas da la renconuschientscha d'in decret da concurs da l'exteriur na vegn betg quintà il temp tranter la dumonda da renconuschientscha e la publicaziun tenor l'artitgel 169 LDIP⁵¹⁷.

⁵¹⁶ Versiun tenor la cifra III da la LF dals 15 da zer. 2018 (revisiun dal dretg da surannaziun), en vigur dapi il 1. da schan. 2020 (AS 2018 5343; BBl 2014 235).

⁵¹⁷ SR 291

Indeschavel titel:⁵¹⁸ Procedura d'accumodament

⁵¹⁸ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

I. Moratori d'accumodament

A. Introducziun

Art. 293⁵¹⁹

La procedura d'accumodament vegn introducida tras:

a.: ina dumonda dal debitur cun las suandantas agiuntas: ina bilantscha actuala, in quint economic ed ina planisaziun da la liquiditad u documents correspundents che mussan la situaziun actuala e futura da la facultad, dal retgav u da las entradas dal debitur, sco er in plan da sanaziun provisoric;
b.: ina dumonda d'in creditur che avess il dretg da far ina dumonda da concurs;
c.: ina surdada da las actas tenor l'artitgel 173a alinea 2.

⁵¹⁹ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

B. Moratori provisoric

1. Concessiun

Art. 293a⁵²⁰

¹ La dretgira d'accumodament conceda immediatamain in moratori provisoric e prenda d'uffizi ulteriuras mesiras ch'èn necessarias per mantegnair la facultad dal debitur. Sin dumonda po il moratori provisoric vegnir prolungà da la dretgira d'accumodament.

² La durada dal moratori provisoric na dastga betg surpassar 4 mais. Sin dumonda dal cumissari u - sch'in tal n'è betg vegnì nominà - sin dumonda dal debitur po il moratori provisoric vegnir prolungà en cas motivads per maximalmain 4 mais.⁵²¹

³ Sch'i n'exista apparentamain nagina perspectiva sin sanaziun u sin conferma d'in concordat, declera la dretgira d'accumodament d'uffizi il concurs.

⁵²⁰ Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

⁵²¹ Versiun tenor la cifra 4 da l'agiunta da la LF dals 19 da zer. 2020 (dretg d'aczias), en vigur dapi ils 20 d'oct. 2020 (AS 2020 4005, 4145; BBl 2017 399).

2. Cumissari provisoric

Art. 293b⁵²²

¹ Per examinar pli detagliadamain la perspectiva sin sanaziun u sin conferma d'in contract d'accumodament installescha la dretgira d'accumodament in u plirs cumissaris provisorics. L'artitgel 295 vala tenor il senn.

² En cas motivads poi vegnir desistì d'installar in cumissari.

⁵²² Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

3. Effects dal moratori provisoric

Art. 293c⁵²³

¹ Il moratori provisoric ha ils medems effects sco in moratori definitiv.

² En cas motivads poi vegnir renunzià a la communicaziun publica fin ch'il moratori provisoric è terminà, premess che la protecziun da terzs è garantida ed igl è avant maun ina dumonda correspundenta. En in tal cas:

a.: na vegn betg fatga la communicaziun als uffizis;
b.: po vegnir introducida, dentant betg cuntinuada ina scussiun cunter il debitur;
c.: entra la consequenza giuridica da l'artitgel 297 alinea 4 mo e pir alura, sch'il moratori provisoric vegn communitgà al cessiunari;
d.: sto vegnir installà in cumissari provisoric.

⁵²³ Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

4. Meds legals

Art. 293d⁵²⁴

La concessiun dal moratori provisoric e l'installaziun dal cumissari provisoric n'èn betg contestablas.

⁵²⁴ Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

C. Moratori definitiv

1. Tractativa e decisiun

Art. 294⁵²⁵

¹ Sch'i sa mussa durant il moratori provisoric ch'i existan perspectivas sin sanaziun u sin conferma d'in contract d'accumodament, conceda la dretgira d'accumodament il moratori definitivamain per ulteriurs 4 fin 6 mais; ella decida d'uffizi avant la scadenza dal moratori provisoric.

² Il debitur ed eventualmain il creditur proponent ston vegnir envidads ordavant ad ina tractativa. Il cumissari provisoric rapporta a bucca u en scrit. La dretgira po tadlar ulteriurs crediturs.

³ Sch'i n'exista nagina perspectiva sin sanaziun u sin conferma d'in contract d'accumodament, declera la dretgira d'uffizi il concurs.

⁵²⁵ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

2. Cumissari

Art. 295⁵²⁶

¹ La dretgira d'accumodament nominescha in u plirs cumissaris.

² Il cumissari ha en spezial las suandantas incumbensas:

a.: el concepescha il contract d'accumodament, sche quai è necessari;
b.: el surveglia las acziuns dal debitur;
c.: el ademplescha las incumbensas numnadas en ils artitgels 298-302 e 304;
d.: el redigia sin ordinaziun da la dretgira d'accumodament rapports intermediars ed orientescha ils crediturs davart l'andament dal moratori.

³ La dretgira d'accumodament po attribuir ulteriuras incumbensas al cumissari.

⁴ Per la gestiun dal cumissari èn ils artitgels 8, 8a, 10, 11, 14, 17-19, 34 e 35 applitgabels tenor il senn.⁵²⁷

⁵²⁶ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

⁵²⁷ Integrà tras la cifra 4 da l'agiunta da la LF dals 19 da zer. 2020 (dretg d'aczias), en vigur dapi il 1. da schan. 2023 (AS 2020 4005; 2022 109; BBl 2017 399).

3. Cumissiun dals crediturs

Art. 295a⁵²⁸

¹ Nua che las circumstanzas pretendan quai, installescha la dretgira d'accumodament ina cumissiun dals crediturs; en quella ston differentas categorias da crediturs esser represchentadas adequatamain.

² La cumissiun dals crediturs surveglia il cumissari; ella po dar recumandaziuns ad el e vegn orientada dad el regularmain davart il stadi da la procedura.

³ Empè da la dretgira d'accumodament dat la cumissiun dals crediturs l'autorisaziun per fatschentas tenor l'artitgel 298 alinea 2.

⁵²⁸ Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

4. Prolungaziun dal moratori

Art. 295b⁵²⁹

¹ Sin dumonda dal cumissari po il moratori vegnir prolungà a 12 mais, en cas spezialmain cumplexs a maximalmain 24 mais.

² En cas d'ina prolungaziun sur 12 mais ora sto il cumissari convocar ina radunanza dals crediturs che sto avair lieu avant la scadenza dal 9. mais dapi la concessiun dal moratori definitiv. L'artitgel 301 vala tenor il senn.

³ Il cumissari orientescha ils crediturs davart il stadi da la procedura e davart ils motivs da la prolungaziun. Ils crediturs pon installar da nov u revocar ina cumissiun dals crediturs e singuls commembers sco er nominar in nov cumissari. L'artitgel 302 alinea 2 vala tenor il senn.

⁵²⁹ Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

5. Meds legals

Art. 295c⁵³⁰

¹ Il debitur ed ils crediturs pon contestar la decisiun da la dretgira d'accumodament cun in recurs tenor il CPC⁵³¹.

² Al recurs cunter la concessiun dal moratori d'accumodament na po vegnir concedì nagin effect suspensiv.

⁵³⁰ Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

⁵³¹ SR 272

6. Communicaziun publica

Art. 296⁵³²

La concessiun dal moratori vegn publitgada da la dretgira d'accumodament e communitgada immediatamain a l'uffizi da scussiun, a l'uffizi dal register da commerzi ed a l'uffizi dal register funsil. Il moratori d'accumodament sto vegnir remartgà en il register funsil il pli tard 2 dis suenter la concessiun.

⁵³² Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

7. Aboliziun

Art. 296a⁵³³

¹ Sche la sanaziun gartegia avant ch'il moratori è scadì, abolescha la dretgira d'accumodament d'uffizi il moratori d'accumodament. L'artitgel 296 vala tenor il senn.

² Il debitur ed eventualmain il creditur proponent ston vegnir envidads ad ina tractativa. Il cumissari fa in rapport a bucca u en scrit. La dretgira po tadlar ulteriurs crediturs.

³ La decisiun davart l'aboliziun po vegnir contestada cun in recurs tenor il CPC⁵³⁴.

⁵³³ Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

⁵³⁴ SR 272

8. Decleraziun da concurs

Art. 296b⁵³⁵

Avant la scadenza dal moratori vegn declerà d'uffizi il concurs, sche:

a.: quai è necessari per mantegnair la facultad dal debitur;
b.: i n'exista apparentamain nagina perspectiva pli sin sanaziun u sin conferma d'in contract d'accumodament; u
c.: il debitur cuntrafa a l'artitgel 298 u a las directivas dal cumissari.

⁵³⁵ Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

D. Effects dal moratori

1. Sin ils dretgs dals crediturs

Art. 297⁵³⁶

¹ Durant il moratori na dastga ni vegnir introducida ni cuntinuada ina scussiun cunter il debitur. Exceptada è la scussiun sin liquidaziun dal pegn per pretensiuns garantidas tras pegn immobigliar; la liquidaziun dal pegn immobigliar resta percunter exclusa.

² Per bains da facultad impegnads vala l'artitgel 199 alinea 2 tenor il senn.

³ Per pretensiuns d'accumodament èn exclusas la sequestraziun ed autras mesiras da segirada.

⁴ Sche la cessiun d'ina pretensiun futura è vegnida concludida avant la concessiun dal moratori d'accumodament, na sviluppa questa cessiun nagin effect, sche la pretensiun nascha pir suenter la concessiun dal moratori d'accumodament.

⁵ Cun excepziun da cas urgents vegnan sistidas proceduras civilas e proceduras administrativas che concernan pretensiuns d'accumodament.

⁶ Termins da surannaziun e da scadenza vegnan suspendids.

⁷ Cun conceder il moratori chala envers il debitur il curs dals tschains per tut las pretensiuns betg garantidas tras pegn, nun ch'il contract d'accumodament fixeschia insatge auter.

⁸ Per la scuntrada valan ils artitgels 213 e 214. La decleraziun da concurs vegn remplazzada tras la concessiun dal moratori.

⁹ L'artitgel 211 alinea 1 vala tenor il senn, sche ed uschespert ch'il cumissari communitgescha a la part contractanta la transfurmaziun da la pretensiun.

⁵³⁶ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

2. Sin relaziuns da debit constantas dal debitur

Art. 297a⁵³⁷

Il debitur po - cun il consentiment dal cumissari - disdir da tut temp sin tge termin ch'i saja ina relaziun da debit constanta cun indemnisar la cuntrapartida, sche l'intent da la sanaziun vegniss impedì uschiglio; l'indemnisaziun vala sco pretensiun d'accumodament. Resalvadas restan las disposiziuns spezialas davart la schliaziun da contracts da lavur.

⁵³⁷ Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

3. Sin la cumpetenza da disponer dal debitur

Art. 298⁵³⁸

¹ Il debitur po cuntinuar cun sias activitads commerzialas sut la surveglianza dal cumissari. La dretgira d'accumodament po però ordinar che tschertas acziuns dastgan vegnir exequidas cun vigur legala mo en cooperaziun cun il cumissari, u autorisar il cumissari da surpigliar la gestiun empè dal debitur.

² Senza l'autorisaziun da la dretgira d'accumodament u da la cumissiun dals crediturs na pon betg pli vegnir vendidas u engrevgiadas en moda legalmain valaivla parts da la facultad d'investiziun, constituids pegns, surpigliadas garanzias u prendidas disposiziuns gratuitas durant il moratori.

³ Resalvadas restan ils dretgs da terzs da buna fai.

⁴ Sch'il debitur cuntrafa a questa disposiziun u a las directivas dal cumissari, po la dretgira d'accumodament - sin denunzia dal cumissari - privar il debitur da l'autorisaziun da disponer da sia facultad u declerar d'uffizi il concurs.

⁵³⁸ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

E. Procedura da moratori⁵³⁹

⁵³⁹ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

1. Inventari e stimaziun dal pegn⁵⁴⁰

⁵⁴⁰ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

Art. 299

¹ Immediatamain suenter sia nominaziun fa il cumissari in inventari da tut las parts da la facultad dal debitur e stima quellas.

² Il cumissari suttametta als crediturs la disposiziun davart la stimaziun dal pegn per prender invista; el la communitgescha en scrit als crediturs da pegn ed al debitur avant la radunanza dals crediturs.

³ Mintga participà po pretender entaifer 10 dis, pajond ordavant ils custs, ina nova stimaziun dal pegn tar la dretgira d'accumodament. Sch'in creditur ha pretendì ina nova stimaziun, po el dumandar dal debitur l'indemnisaziun dals custs mo, sche l'anteriura stimaziun è vegnida midada considerablamain.

2. Clom da quints

Art. 300

¹ Il cumissari envida cun ina communicaziun publica (art. 35 e 296) ils crediturs d'inoltrar lur pretensiuns entaifer 1 mais, cun la smanatscha ch'els n'hajan betg il dretg da votar tar las tractativas davart il contract d'accumodament, sch'els tralaschan l'inoltraziun. A mintga creditur, dal qual il num ed il domicil èn enconuschents, trametta il cumissari in exemplar da la communicaziun cun ina brev betg recumandada.⁵⁴¹

² Il cumissari dumonda la decleraziun dal debitur davart las pretensiuns inoltradas.

⁵⁴¹ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

3. Convocaziun da la radunanza dals crediturs

Art. 301

¹ Uschespert ch'il sboz dal contract d'accumodament è fatg, convochescha il cumissari cun ina communicaziun publica ina radunanza dals crediturs cun render attent ch'i possia vegnir prendì invista da las actas durant 20 dis avant la radunanza. La communicaziun sto vegnir publitgada almain 1 mais avant la radunanza.

² A mintga creditur, dal qual il num ed il domicil èn enconuschents, trametta il cumissari in exemplar da la communicaziun cun ina brev betg recumandada.⁵⁴²

⁵⁴² Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

Art. 301a-301d

Abolì

F. Radunanza dals crediturs⁵⁴³

⁵⁴³ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

Art. 302

¹ En la radunanza dals crediturs maina il cumissari las tractativas; el relata davart la situaziun da la facultad, dal retgav u da las entradas dal debitur.

² Il debitur duai esser preschent a la radunanza per dar ad ella tut las infurmaziuns che vegnan giavischadas dad el.

³ Il sboz dal contract d'accumodament vegn suttamess als crediturs reunids per al approvar cun lur suttascripziun.

⁴ Abolì

G. Dretgs envers cunobligads⁵⁴⁴

⁵⁴⁴ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

Art. 303

¹ In creditur che n'ha betg approvà il contract d'accumodament, mantegna tut ils dretgs envers cundebiturs, garants ed auters obligads envers il debitur (art. 216).

² In creditur che ha approvà il contract d'accumodament, mantegna ses dretgs envers las persunas numnadas, premess ch'el haja communitgà ad ellas almain 10 dis avant la radunanza dals crediturs il lieu, nua ch'ella ha lieu, ed il temp e sch'el ha offrì ad ellas da ceder sias pretensiuns cunter pajament (art. 114, 147, 501 DO⁵⁴⁵).

³ Il creditur po er, senza pregiuditgar ses dretgs, autorisar cundebiturs, garants ed auters obligads envers il debitur, da decider empè dad el davart la participaziun al contract d'accumodament.

⁵⁴⁵ SR 220

H. Rapport dal cumissari; communicaziun publica da la tractativa davant la dretgira d'accumodament⁵⁴⁶

⁵⁴⁶ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

Art. 304

¹ Avant la scadenza dal moratori suttametta il cumissari tut las actas a la dretgira d'accumodament. En ses rapport orientescha el davart approvaziuns ch'èn gia vegnidas dadas e recumonda da confermar u da refusar il contract d'accumodament.

² La dretgira d'accumodament prenda sia decisiun en moda speditiva.

³ Il lieu ed il temp da la tractativa vegnan communitgads publicamain. En quest connex ston ils crediturs vegnir rendids attent ch'els possian far lur objecziuns cunter il contract d'accumodament en la tractativa.

II. Disposiziuns generalas davart il contract d'accumodament

A. Acceptaziun tras ils crediturs

Art. 305

¹ Il contract d'accumodament è acceptà, sch'el è vegnì approvà fin a la decisiun da conferma:

a.: da la maioritad dals crediturs che represchentan il medem mument almain dus terzs da la summa totala da las pretensiuns; u
b.: d'in quart dals crediturs che represchentan almain trais quarts da la summa totala da las pretensiuns.⁵⁴⁷

² Ils crediturs privilegiads, il conjugal, il partenari registrà dal debitur na vegnan quintads ni per lur persuna ni per lur pretensiun. Pretensiuns garantidas tras pegn vegnan quintadas mo per quella summa che n'è betg cuvrida tenor la stimaziun dal cumissari.⁵⁴⁸

³ La dretgira d'accumodament decida, sche e per tge import che pretensiuns suttamessas a cundiziuns e talas cun in temp da scadenza intschert sco er pretensiuns contestadas ston er vegnir quintadas. La decisiun giudiziala davart la validitad giuridica da las pretensiuns na vegn betg pregiuditgada uschia.⁵⁴⁹

⁵⁴⁷ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

⁵⁴⁸ Versiun tenor la cifra 16 da l'agiunta da la LF da partenadi dals 18 da zer. 2004, en vigur dapi il 1. da schan. 2007 (AS 2005 5685; BBl 2003 1288).

⁵⁴⁹ BS 3 3

B. Decisiun da conferma

1. Premissas

Art. 306⁵⁵⁰

¹ Il contract d'accumodament vegn confermà sut las suandantas premissas:

1.: La valur da las prestaziuns offridas sto star en la dretga relaziun cun las pussaivladads dal debitur; tar il giudicament da talas po la dretgira d'accumodament er resguardar aspectativas giudizialas dal debitur.
2.: La satisfacziun cumplaina dals crediturs privilegiads annunziads sco er l'adempliment da las obligaziuns surpigliadas cun il consentiment dal cumissari durant il moratori ston esser garantids suffizientamain, uschenavant che singuls crediturs na renunzian betg explicitamain a la garanzia da lur pretensiuns; l'artitgel 305 alinea 3 vala tenor il senn.
3.: En cas d'in contract d'accumodament ordinari (art. 314 al. 1) ston ils titulars da participaziuns pajar ina contribuziun da sanaziun commensurada.

² Sin dumonda u d'uffizi po la dretgira d'accumodament cumplettar ina regulaziun insuffizienta.

⁵⁵⁰ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

2. Suspensiun da la liquidaziun da pegns immobigliars

Art. 306a

¹ Sin dumonda dal debitur po la dretgira d'accumodament suspender la liquidaziun d'in bain immobigliar che stat bun sco pegn per ina pretensiun ch'è naschida avant l'introducziun da la procedura d'accumodament per maximalmain 1 onn suenter la conferma dal contract d'accumodament, premess che betg dapli che in tschains annual dal debit da pegn è debità. Il debitur sto dentant render vardaivel ch'el dovria il bain immobigliar per manar sia fatschenta e ch'el vegnia periclità en sia existenza economica, sch'il bain immobigliar vegnia liquidà.

² Avant la tractativa davart la conferma dal contract d'accumodament (art. 304) ston ils crediturs da pegn pertutgads survegnir la pussaivladad da prender posiziun en scrit; els ston vegnir envidads persunalmain a la radunanza dals crediturs (art. 302) ed a la tractativa davant la dretgira d'accumodament.

³ La suspensiun da la liquidaziun scada tras lescha, sch'il debitur venda il pegn da libra veglia, sch'el fa concurs u sch'el mora.

⁴ La dretgira d'accumodament revochescha la suspensiun da la liquidaziun sin dumonda d'in creditur pertutgà e suenter avair tadlà il debitur, sch'il creditur renda vardaivel che:

1.: il debitur ha obtegnì la suspensiun faschond indicaziuns nunvardaivlas envers la dretgira d'accumodament; u
2.: il debitur ha acquistà nova facultad u novas entradas, cun las qualas el po pajar il debit, per il qual el vegn stumà, senza periclitar sia existenza economica; u
3.: l'existenza economica dal debitur na vegn betg pli periclitada da la liquidaziun dal pegn immobigliar.

3. Recurs

Art. 307⁵⁵¹

¹ La decisiun davart il contract d'accumodament po vegnir contestada cun in recurs tenor il CPC⁵⁵².

² Il recurs ha in effect suspensiv, nun che l'instanza da recurs disponia insatge auter.

⁵⁵¹ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

⁵⁵² SR 272

4. Communicaziun e publicaziun

Art. 308⁵⁵³

¹ La decisiun davart il contract d'accumodament vegn, uschespert ch'ella è executabla:

a.: communitgada immediatamain a l'uffizi da scussiun, a l'uffizi da concurs ed a l'uffizi dal register funsil e, sch'il debitur è inscrit en il register da commerzi, immediatamain er a l'uffizi dal register da commerzi;
b.: communitgada publicamain.

² Cun l'executabilitad da la decisiun scadan ils effects dal moratori.

⁵⁵³ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

C. Effects

1. Refusa

Art. 309⁵⁵⁴

Sch'il contract d'accumodament vegn refusà, declera la dretgira d'accumodament d'uffizi il concurs.

⁵⁵⁴ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

2. Conferma

a. Obligaziun per ils crediturs

Art. 310⁵⁵⁵

¹ Il contract d'accumodament confermà è liant per tut ils crediturs, dals quals las pretensiuns èn naschidas avant la concessiun dal moratori u dapi lura senza il consentiment dal cumissari (pretensiuns d'accumodament). Exceptads da quai èn las pretensiuns garantidas tras pegn immobigliar, uschenavant ch'ellas èn cuvridas tras quest pegn.

² Las obligaziuns ch'èn vegnidas surpigliadas durant il moratori cun il consentiment dal cumissari, obligheschan la massa en in contract d'accumodament cun cessiun da facultad u en in concurs che suonda. Il medem vala per cuntrapretensiuns or d'ina relaziun da debit constanta, uschenavant ch'il debitur ha fatg diever en quest connex da prestaziuns cun il consentiment dal cumissari.

⁵⁵⁵ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

b. Scadenza da las scussiuns

Art. 311

Cun la conferma dal contract d'accumodament scadan tut las scussiuns ch'èn vegnidas introducidas cunter il debitur avant il moratori, cun excepziun da talas sin liquidaziun dal pegn; l'artitgel 199 alinea 2 vala tenor il senn.

c. Nunvalaivladad d'empermischuns fatgas ordaifer il contract d'accumodament

Art. 312

Mintga empermischun, cun la quala il debitur garantescha ad in creditur dapli che quai ch'el ha il dretg da survegnir tenor contract d'accumodament, è nunvalaivla (art. 20 DO⁵⁵⁶).

⁵⁵⁶ SR 220

D. Revocaziun dal contract d'accumodament

Art. 313

¹ Mintga creditur po pretender tar la dretgira d'accumodament ch'in contract d'accumodament, ch'è vegnì obtegnì en moda malonesta, vegnia revocà (art. 20, 28, 29 DO⁵⁵⁷).

² Ils artitgels 307-309 vegnan applitgads tenor il senn.

⁵⁵⁷ SR 220

III. Contract d'accumodament ordinari

A. Cuntegn

Art. 314

¹ En il contract d'accumodament stoi vegnir inditgà, quant enavant ch'ils crediturs renunzian a lur pretensiuns e co che las obligaziuns dal debitur vegnan ademplidas ed eventualmain garantidas.

^1bis La dividenda d'accumodament po consister dal tuttafatg u per part da dretgs da participaziun u da commembranza vi dal debitur u vi d'ina societad da salvament.⁵⁵⁸

² A l'anteriur cumissari u ad in terz pon vegnir surdadas cumpetenzas da surveglianza, da gestiun e da liquidaziun per realisar e per garantir l'adempliment dal contract d'accumodament.

⁵⁵⁸ Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

B. Pretensiuns contestadas

Art. 315

¹ Cun confermar il contract d'accumodament fixescha la dretgira d'accumodament per ils crediturs cun pretensiuns contestadas in termin da 20 dis per inoltrar il plant al lieu da la procedura d'accumodament, e quai cun smanatschar che la garanzia da la dividenda giaja a perder, sche l'inoltraziun vegnia tralaschada.

² Sin ordinaziun da la dretgira d'accumodament sto il debitur depositar tar l'institut da deposits ils imports per pajar las pretensiuns contestadas fin ch'il process è terminà.

C. Aboliziun dal contract d'accumodament envers in creditur

Art. 316

¹ Sch'il contract d'accumodament na vegn betg ademplì envers in creditur, po quel pretender tar la dretgira d'accumodament ch'il contract d'accumodament vegnia annullà per sia pretensiun, senza perder ses dretgs che resultan dal contract d'accumodament.

² L'artitgel 307 vegn applitgà tenor il senn.

IV. Contract d'accumodament cun cessiun da facultad

A. Noziun

Art. 317

¹ Cun il contract d'accumodament cun cessiun da facultad po vegnir concedì als crediturs il dretg da disponer da la facultad dal debitur u po questa facultad vegnir cedida dal tuttafatg u per part ad in terz.

² Ils crediturs fan diever da lur dretgs tras ils liquidaturs e tras la cumissiun dals crediturs. Quels vegnan elegids da la radunanza che tracta il contract d'accumodament. Ils cumissaris pon esser liquidaturs.

B. Cuntegn

Art. 318

¹ Il contract d'accumodament cuntegna disposiziuns davart:

1.: la renunzia dals crediturs a l'import pretendì che n'è betg cuvrì tar la liquidaziun u tras il retgav or da la cessiun da la facultad u ina reglamentaziun precisa dals dretgs reservads en quest connex;
2.: la designaziun dals liquidaturs ed il dumber da commembers da la cumissiun dals crediturs sco er la cunfinaziun da las cumpetenzas da tals;
3.: la moda e maniera da la liquidaziun, uschenavant ch'ella n'è betg reglada en la lescha, sco er la moda e la garanzia da la realisaziun da questa cessiun, uschenavant che la facultad vegn cedida ad in terz;
4.: ils organs da publicaziun ch'èn - ultra dals fegls uffizials - destinads per ils crediturs.⁵⁵⁹

^1bis La dividenda d'accumodament po consister dal tuttafatg u per part da dretgs da participaziun u da commembranza vi dal debitur u vi d'ina societad da salvament.⁵⁶⁰

² Sch'i na vegn betg includida tut la facultad dal debitur en la procedura, ston las parts pertutgadas vegnir determinadas precisamain en il contract d'accumodament.

⁵⁵⁹ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

⁵⁶⁰ Integrà tras la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

C. Effects da la conferma

Art. 319

¹ Cura che la conferma dal contract d'accumodament cun cessiun da facultad è executabla, extinguan il dretg dal debitur da disponer da ses bains sco er il dretg da suttascripziun da las persunas che han gì quest dretg fin lura.⁵⁶¹

² Sch'il debitur è inscrit en il register da commerzi, sto vegnir agiuntada a sia firma la remartga «en liquidaziun d'accumodament». La massa po vegnir stumada sut questa firma per obligaziuns che n'èn betg pertutgadas dal contract d'accumodament.

³ Ils liquidaturs ston exequir tut las fatschentas ch'èn necessarias per mantegnair e per liquidar la massa sco er per transferir eventualmain la facultad cedida.

⁴ Ils liquidaturs represchentan la massa davant dretgira. L'artitgel 242 vala tenor il senn.

⁵⁶¹ Versiun tenor la cifra 4 da l'agiunta da la LF dals 19 da zer. 2020 (dretg d'aczias), en vigur dapi il 1. da schan. 2023 (AS 2020 4005; 2022 109; BBl 2017 399).

D. Posiziun dals liquidaturs

Art. 320

¹ Ils liquidaturs suttastattan a la surveglianza ed a la controlla da la cumissiun dals crediturs.

² Cunter las ordinaziuns dals liquidaturs concernent la liquidaziun da las activas poi vegnir fatg protesta tar la cumissiun dals crediturs entaifer 10 dis dapi la cogniziun, cunter las disposiziuns respectivas da la cumissiun dals crediturs tar l'autoritad da surveglianza.

³ Per la gestiun dals liquidaturs valan dal rest ils artitgels 8-11, 14, 34 e 35 tenor il senn.

E. Determinaziun dals crediturs autorisads da sa participar

Art. 321

¹ Per determinar ils crediturs che sa participeschan a la repartiziun dal retgav da la liquidaziun e per fixar lur rang fan ils liquidaturs - senza in ulteriur clom da quints - in plan da collocaziun che sa basa sin ils cudeschs da fatschenta dal debitur e sin las inoltraziuns succedidas e che vegn suttamess als crediturs per prender invista.

² Ils artitgels 244-251 valan tenor il senn.

F. Liquidaziun

1. En general

Art. 322

¹ Las activas vegnan per regla liquidadas en moda singula u en bloc, e quai tras incassament u tras vendita da las pretensiuns, tras vendita sin basa privata u tras ingiant public da las ulteriuras valurs da facultad.

² Ils liquidaturs determineschan - cun il consentiment da la cumissiun dals crediturs - la moda ed il termin da la liquidaziun.

2. Bains immobigliars impegnads

Art. 323

Cun excepziun dals cas, en ils quals la facultad e vegnida cedida ad in terz, pon bains immobigliars ch'èn engrevgiads tras dretgs da pegn vegnir vendids en moda privata mo cun il consentiment dals crediturs da pegn, dals quals las pretensiuns n'èn betg cuvridas dal pretsch da cumpra. Cas cuntrari ston ils bains immobigliars vegnir liquidads cun in ingiant public (art. 134-137, 142, 143, 257 e 258). Il plan da collocaziun (art. 321) è decisiv per l'existenza e per il grad da las chargias ch'engrevgeschan ils bains immobigliars (servituts, chargias funsilas, pegns immobigliars e dretgs persunals prenotads).

3. Pegns manuals

Art. 324

¹ Ils crediturs da pegn cun dretgs da pegns manuals n'èn betg obligads da surdar lur pegn als liquidaturs. Premess ch'in moratori cuntegnì en il contract d'accumodament na s'opponia betg a quai, han els il dretg da liquidar ils pegns manuals tras scussiun sin liquidaziun dal pegn il mument che als para dad esser bun u, sch'els èn stads autorisads tras il contract da pegn da far quai, da liquidar quels sin basa privata u a la bursa.

² Sch'igl è però en l'interess da la massa ch'in pegn vegnia liquidà, pon ils liquidaturs fixar per il creditur da pegn in termin d'almain 6 mais, entaifer il qual el sto liquidar il pegn. Els al intimeschan il medem mument d'als conceder il pegn, sch'il termin per liquidar il pegn è passà senza ch'il pegn saja vegnì liquidà, ed al rendan attent a las consequenzas penalas (art. 324 cifra 4 CP⁵⁶²) sco er al fatg che ses dretg da preferenza extinguia, sch'el na consegna betg il pegn senza giustifitgar quai.

⁵⁶² SR 311.0

4. Cessiun da pretensiuns als crediturs

Art. 325

Sch'ils liquidaturs e la cumissiun dals crediturs renunzian da far valair in dretg contestà u difficil d'incassar che fa part da la facultad da massa, sco en spezial in dretg da contestaziun u in plant da responsabladad cunter organs u cunter emploiads dal debitur, ston els infurmar ils crediturs en chaussa en ina circulara u cun ina communicaziun publica ed offrir ad els la cessiun da la pretensiun, per che quels al possian far valair sin agen quint tenor l'artitgel 260.

G. Repartiziun

1. Glista da repartiziun

Art. 326

Avant mintga pajament a quint, er sch'el è mo provisoric, ston ils liquidaturs consegnar als crediturs in extract da la glista da repartiziun ed exponer quella durant 10 dis. Durant il temp d'exposiziun poi vegnir fatg recurs cunter la glista da repartiziun tar l'autoritad da surveglianza.

2. Pretensiuns en cas da sperditas da pegn

Art. 327

¹ Ils crediturs da pegn, dals quals ils pegns èn gia vegnids liquidads il mument che la glista da repartiziun provisorica vegn exponida, sa participeschan ad ina repartiziun provisorica per l'import da la sperdita da pegn effectiva. L'autezza da questa repartiziun provisorica vegn fixada dals liquidaturs. Lur disposiziun po vegnir contestada mo cun in recurs tenor l'artitgel 326.

² Sch'il pegn n'è betg anc liquidà cura che la glista da repartiziun provisorica vegn exponida, sto il creditur da pegn vegnir resguardà cun la pretensiun da sperdita presumtiva ch'il cumissari ha constatà en sia stimaziun. Sch'il creditur da pegn cumprova ch'il retgav dal pegn è pli pitschen che la stimaziun, ha el il dretg da survegnir ina dividenda correspundenta ed in pajament a quint.

³ Uschenavant ch'il retgav dal pegn ed ils pajaments a quint gia retratgs per la sperdita stimada chaschunan ina surcuvrida, è il creditur da pegn obligà da restituir quai ch'el ha survegnì da memia.

3. Quint final

Art. 328

Il medem mument cun la glista da repartiziun definitiva sto er vegnir exponì in quint final che cuntegna er in quint dals custs.

4. Deposit

Art. 329

¹ Imports che na vegnan betg retratgs entaifer il termin fixà dals liquidaturs, ston vegnir depositads tar l'institut da deposits.

² Imports che n'èn betg vegnids retratgs entaifer 10 onns ston vegnir repartids da l'uffizi da concurs; l'artitgel 269 è applitgabel tenor il senn.

H. Rapport da gestiun

Art. 330

¹ Suenter che la procedura è terminada redigian ils liquidaturs in rapport final. Quel sto vegnir suttamess a la cumissiun dals crediturs per l'approvaziun, inoltrà a la dretgira d'accumodament e preschentà als crediturs per prender invista.

² Sch'ina liquidaziun dura dapli che 1 onn, èn ils liquidaturs obligads da far per la fin da mintga onn chalendar in status davart la facultad liquidada e davart la facultad anc betg liquidada sco er da rediger in rapport davart lur activitad. Il status ed il rapport ston vegnir inoltrads durant ils emprims 2 mais da l'onn suandant a la dretgira d'accumodament, e quai tras intermediaziun da la cumissiun dals crediturs, e preschentads als crediturs per prender invista.

I. Contestaziun d'acts giuridics

Art. 331

¹ Ils acts giuridics ch'il debitur ha fatg avant la conferma dal contract d'accumodament pon vegnir contestads tenor ils princips dals artitgels 285-292.

² Per calcular ils termins tenor ils artitgels 286-288 è decisiva la concessiun dal moratori d'accumodament empè da l'impegnaziun u da la decleraziun da concurs.⁵⁶³

³ Uschenavant che pretensiuns contestablas da la massa chaschunan ina refusa cumplaina u parziala da pretensiuns, èn ils liquidaturs autorisads ed obligads da far valair il dretg sin via da l'objecziun.

⁵⁶³ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

V. Contract d'accumodament en la procedura da concurs

Art. 332

¹ Il debitur u in creditur po proponer in contract d'accumodament. L'administraziun da concurs giuditgescha la proposta per mauns da la radunanza dals crediturs. Quest contract d'accumodament vegn tractà il pli baud en la segunda radunanza dals crediturs.⁵⁶⁴

² Ils artitgels 302-307 e 310-331 valan tenor il senn. Il cumissari vegn però remplazzà tras l'administraziun da concurs. La liquidaziun vegn suspendida fin che la dretgira d'accumodament ha decidì davart la conferma dal contract d'accumodament.

³ La decisiun davart il contract d'accumodament vegn communitgada a l'administraziun da concurs. Sch'il contract d'accumodament vegn confermà, dumonda l'administraziun da concurs la dretgira da concurs da revocar il concurs.

⁵⁶⁴ Versiun tenor la cifra I da la LF dals 21 da zer. 2013, en vigur dapi il 1. da schan. 2014 (AS 2013 4111; BBl 2010 6455).

VI. Rectificaziun dals debits en enclegientscha tras tractativas privatas

1. Dumonda dal debitur

Art. 333

¹ In debitur, cunter il qual i n'è betg vegnida fatga ina scussiun sin concurs, po dumandar la dretgira d'accumodament ch'i vegnia fatga ina rectificaziun dals debits en enclegientscha tras tractativas privatas.

² Il debitur sto preschentar en sia dumonda ses debits sco er sias relaziuns d'entrada e da facultad.

2. Moratori. Nominaziun d'in cumissari

Art. 334

¹ Sch'ina rectificaziun dals debits cun ils crediturs na para betg d'esser exclusa da bel principi e sch'ils custs da la procedura èn garantids, conceda la dretgira d'accumodament al debitur in moratori da maximalmain 3 mais e nominescha in cumissari.

² Sin dumonda dal cumissari po il moratori vegnir prolungà a maximalmain 6 mais. El po vegnir revocà anticipadamain, sch'ina rectificaziun dals debits en enclegientscha na po apparentamain betg vegnir cuntanschida.

³ Durant il moratori po il debitur vegnir stumà mo per contribuziuns periodicas da mantegniment e da sustegn sin basa dal dretg da famiglia. Ils termins tenor ils artitgels 88, 93 alinea 2, 116 e 154 vegnan suspendids.

⁴ La decisiun da la dretgira d'accumodament vegn communitgada als crediturs; l'artitgel 295c vala tenor il senn.⁵⁶⁵

⁵⁶⁵ Versiun tenor la cifra 4 da l'agiunta da la LF dals 19 da zer. 2020 (dretg d'aczias), en vigur dapi il 1. da schan. 2023 (AS 2020 4005; 2022 109; BBl 2017 399).

3. Incumbensas dal cumissari

Art. 335

¹ Il cumissari sustegna il debitur tar l'elavuraziun d'ina proposta da rectificaziun. En quella po il debitur offrir a ses crediturs en spezial ina dividenda u als dumandar in moratori da las pretensiuns u autras facilitaziuns da pajament u da tschains.

² Il cumissari maina tractativas cun ils crediturs davart la proposta da rectificaziun dal debitur.

³ La dretgira d'accumodament po incumbensar il cumissari da survegliar il debitur tar l'adempliment da la cunvegna.

4. Relaziun tar il moratori d'accumodament

Art. 336

En ina procedura d'accumodament suandanta vegn la durada dal moratori tenor ils artitgels 333 ss. quintada tar la durada dal moratori d'accumodament.

Dudeschavel titel:⁵⁶⁶ Moratori extraordinari

⁵⁶⁶ Integrà tras la cifra IV da la LF dals 3 d'avr. 1924 (AS 40 391; BBl 1921 I 507). Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

A. Applitgabladad

Art. 337

En cas da relaziuns extraordinarias, en spezial en cas d'ina crisa economica duraivla, pon las disposiziuns da quest titel vegnir decleradas sco applitgablas da la regenza chantunala cun il consentiment da la Confederaziun per ils debiturs d'in tschert territori, che han subì donns pervia da questas relaziuns, e per ina tscherta durada.

B. Concessiun

1. Premissas

Art. 338

¹ In debitur ch'è - senza sia culpa - inabel d'ademplir sias obligaziuns pervia da las relaziuns menziunadas en l'artitgel 337, po pretender da la dretgira d'accumodament in moratori extraordinari da maximalmain 6 mais, sch'igl exista la perspectiva ch'el vegn a pudair satisfar cumplainamain ses crediturs suenter la scadenza da quest moratori.

² Per quest intent sto il debitur cumprovar cun ina dumonda a la dretgira d'accumodament sia situaziun da facultad ed inoltrar ina glista da ses crediturs; plinavant sto el dar tut las infurmaziuns pretendidas da la dretgira d'accumodament e preschentar ils ulteriurs documents che vegnan anc dumandads dad el.

³ Sch'i vegn fatga ina scussiun sin concurs cunter il debitur, sto el ultra da quai agiuntar a la dumonda ina bilantscha e ses cudeschs da fatschenta.

⁴ Suenter l'inoltraziun da la dumonda po la dretgira d'accumodament suspender las scussiuns pendentas cun ina disposiziun provisorica, cun excepziun da las pretensiuns designadas en l'artitgel 342. Ella decida, sche e quant enavant ch'il temp da la suspensiun vegn quintà tar il moratori extraordinari.

2. Decisiun

Art. 339

¹ La dretgira d'accumodament fa las retschertgas ch'èn eventualmain anc necessarias ed ordinescha alura, sche la dumonda na sa mussa betg senz'auter sco nunmotivada, ina tractativa, a la quala vegnan envidads tut ils crediturs tras ina communicaziun publica; sche necessari ston vegnir consultads experts.

² Sche la glista dals crediturs inoltrada dal debitur cuntegna mo in dumber relativamain pitschen da crediturs e sche la dretgira d'accumodament resguarda questa glista sco fidaivla, po ella desister d'ina communicaziun publica e citar ils crediturs, ils garants ed ils cundebiturs cun ina communicaziun persunala.

³ Ils crediturs pon prender invista da las actas avant la tractativa e far lur objecziuns cunter la dumonda er en scrit.

⁴ La dretgira d'accumodament prenda sia decisiun en moda speditiva. En la concessiun dal moratori po ella adossar al debitur da prestar in u plirs pajaments a quint.

3. Recurs⁵⁶⁷

⁵⁶⁷ Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

Art. 340

¹ Il debitur e mintga creditur pon contestar la decisiun cun in recurs tenor il CPC⁵⁶⁸.⁵⁶⁹

² A la tractativa ston vegnir envidads il debitur e quels crediturs ch'èn stads preschents u represchentads a la tractativa d'emprima instanza.

³ In moratori extraordinari concedì da la dretgira d'accumodament vala fin a la decisiun definitiva da l'instanza da recurs.⁵⁷⁰

⁵⁶⁸ SR 272

⁵⁶⁹ Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

⁵⁷⁰ Versiun tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

4. Mesiras da segirezza

Art. 341

¹ Il pli tard cun conceder il moratori extraordinari ordinescha la dretgira d'accumodament ch'i vegnia fatg in register dals bains. Per quel valan ils artitgels 163 e 164 tenor il senn. La dretgira d'accumodament po prender ulteriuras disposiziuns per defender ils dretgs dals crediturs.

² Cun conceder il moratori, po ella incumbensar in cumissari da survegliar la gestiun dal debitur.

5. Communicaziun da la decisiun

Art. 342

La concessiun dal moratori vegn communitgada a l'uffizi da scussiun e, sch'i vegn fatga ina scussiun sin concurs cunter il debitur, a la dretgira da concurs. Ella vegn communitgada publicamain, uschespert ch'ella è entrada en vigur.

C. Effects dal moratori extraordinari

1. Sin scussiuns e termins

Art. 343

¹ Entant ch'il moratori dura pon scussiuns cunter il debitur vegnir introducidas e cuntinuadas fin a l'impegnaziun u fin a la smanatscha da concurs. Salaris sequestrads ston vegnir incassads er durant il moratori. Il medem vala per tschains da locaziun e da fittanza, sche la garanzia ipotecara s'extenda sin quests tschains sin basa d'ina scussiun sin liquidaziun dal pegn ch'è vegnida introducida avant u durant il moratori. Percunter na dastga vegnir dada nagina suatientscha ad ina dumonda da liquidaziun u ad ina dumonda da concurs.

² Ils termins dals artitgels 116, 154, 166, 188, 219, 286, 287 e 288 sa prolungheschan per la durada dal moratori. Er la garanzia dal pegn ipotecar per ils tschains dal debit ipotecar (art. 818 al. 1 cifra 3 CCS⁵⁷¹) sa prolunghescha per la durada dal moratori.

⁵⁷¹ SR 210

2. Sin la cumpetenza da disponer dal debitur

a. En general

Art. 344

Il debitur è autorisà da cuntinuar cun ses affars; ma durant il moratori na dastga el far nagins acts giuridics, tras ils quals interess giustifitgads dals crediturs vegnan pregiuditgads u singuls crediturs vegnan benefiziads a disfavur d'auters.

b. Tras disposiziun da la dretgira d'accumodament

Art. 345

¹ La dretgira d'accumodament po disponer en la concessiun dal moratori che bains immobigliars dastgan vegnir vendids u engrevgiads, che pegns dastgan vegnir constituids, che garanzias dastgan vegnir acceptadas, che disposiziuns gratuitas dastgan vegnir realisadas e che pajaments sin debits, ch'èn resultads avant il moratori, dastgan vegnir liquidads cun vigur legala mo cun il consentiment dal cumissari u, sch'in tal n'è betg vegnì installà, da la dretgira d'accumodament. Quest consentiment n'è però betg necessari per pajar debits da la segunda classa tenor l'artitgel 219 alinea 4 sco er per pajaments a quint tenor l'artitgel 339 alinea 4.

² Sche la dretgira d'accumodament agiunta questa resalva a la concessiun dal moratori, sto ella vegnir integrada en la communicaziun publica, ed il moratori sto vegnir inscrit en il register funsil sco restricziun dal dretg da disponer.

3. Pretensiuns betg pertutgadas

Art. 346

¹ Il moratori na pertutga betg pretensiuns sut 100 francs e pretensiuns da l'emprima classa (art. 219 al. 4).

² Ma per questas pretensiuns èsi pussaivel da far durant il temp dal moratori er cunter il debitur, ch'è suttamess a la scussiun sin concurs, mo la scussiun sin impegnaziun u sin liquidaziun dal pegn.

D. Prolungaziun

Art. 347

¹ Entaifer il termin tenor l'artitgel 337 po la dretgira d'accumodament prolungar sin dumonda dal debitur il moratori concedì ad el per maximalmain 4 mais, sch'ils motivs, ch'èn stads la basa per sia concessiun, duran anc vinavant senza sia culpa.

² Per quest intent sto il debitur inoltrar a la dretgira d'accumodament cun la dumonda ina cumplettaziun da la glista dals crediturs e, sch'i vegn fatga ina scussiun sin concurs cunter el, ina nova bilantscha.

³ La dretgira d'accumodament infurmescha ils crediturs davart la dumonda da prolungaziun cun ina communicaziun publica ed als fixescha in termin, entaifer il qual els pon inoltrar en scrit objecziuns cunter la dumonda. Sch'in cumissari è vegnì nominà, sto el vegnir envidà da far in rapport.

⁴ Suenter che quest termin è scadì, prenda la dretgira d'accumodament sia decisiun. Cunter quella poi vegnir fatg recurs sco cunter il moratori extraordinari, ed ella sto vegnir communitgada uffizialmain da medema maniera sco quel.

⁵ La dretgira d'accumodament chantunala superiura decida sin basa da las actas.

E. Revocaziun

Art. 348

¹ Il moratori sto vegnir revocà da la dretgira d'accumodament sin dumonda d'in creditur u dal cumissari:

1.: sch'il debitur na presta betg punctualmain ils pajaments a quint imponids ad el;
2.: sch'el cuntrafa a las directivas dal cumissari u pregiuditgescha interess giustifitgads dals crediturs u benefiziescha singuls crediturs a disfavur d'auters;
3.: sch'in creditur cumprova che las indicaziuns ch'il debitur ha fatg envers la dretgira d'accumodament èn faussas u ch'el è en cas d'ademplir tut sias obligaziuns.

² Davart questa dumonda sto il debitur vegnir interrogà a bucca u en scrit. Suenter che la dretgira d'accumodament ha fatg las retschertgas ch'èn eventualmain anc necessarias, decida ella sin basa da las actas, il medem fa l'instanza da recurs en cas d'in recurs.⁵⁷² La revocaziun dal moratori vegn communitgada publicamain da medema maniera sco la concessiun.

³ Sch'il moratori tenor las cifras 2 u 3 vegn revocà, na po vegnir concedì ni in moratori d'accumodament ni in ulteriur moratori extraordinari.

⁵⁷² Versiun da la segunda frasa tenor la cifra II 17 da l'agiunta 1 dal Cudesch da procedura civila dals 19 da dec. 2008, en vigur dapi il 1. da schan. 2011 (AS 2010 1739; BBl 2006 7221).

F. Relaziun tar il moratori d'accumodament

Art. 349

¹ Sch'il debitur vul proponer in contract d'accumodament durant il moratori extraordinari, sto il sboz dal contract d'accumodament vegnir inoltrà ensemen cun tut las actas e cun l'expertisa dal cumissari avant la scadenza dal moratori.

² Suenter la scadenza dal moratori extraordinari na po il debitur pretender durant in mez onn ni in moratori d'accumodament ni in ulteriur moratori extraordinari.

³ Il debitur, che ha retratg la dumonda per in moratori extraordinari u dal qual la dumonda è vegnida refusada, na po pretender pli nagin moratori extraordinari avant ch'in mez onn è passà.

Art. 350⁵⁷³

⁵⁷³ Abolì tras la cifra I da la LF dals 21 da zer. 2013, cun effect dapi il 1. da schan. 2014 (AS 2013 4111; BBl 2010 6455).

Tredeschavel titel:⁵⁷⁴ ⁵⁷⁵ Disposiziuns finalas

⁵⁷⁴ Numeraziun tenor la cifra V da la LF dals 3 d'avr. 1924, en vigur dapi il 1. da schan. 1925 (AS 40 391; BBl 1921 I 507).

⁵⁷⁵ Versiun tenor la cifra I da la LF dals 16 da dec. 1994, en vigur dapi il 1. da schan. 1997 (AS 1995 1227; BBl 1991 III 1).

A. Entrada en vigur

Art. 351

¹ Questa lescha entra en vigur il 1. da schaner 1892.

² L'artitgel 333 entra en vigur cun la publicaziun da la lescha en la Collecziun uffiziala da las leschas federalas.

³ Cun l'entrada en vigur da questa lescha vegnan abolidas tut las prescripziuns che cuntrafan ad ella, tant da leschas e d'ordinaziuns federalas sco er chantunalas e da concordats federals sco er chantunals, uschenavant ch'i na vegn betg disponì insatge auter tras ils artitgels suandants.

B. Communicaziun

Art. 352

Il Cussegl federal vegn incumbensà da publitgar questa lescha sin basa da las disposiziuns da la Lescha federala dals 17 da zercladur 1874⁵⁷⁶ concernent la votaziun dal pievel davart leschas federalas e davart conclus federals.

⁵⁷⁶ [BS 1 173; AS 1962 789 art. 11 al. 3. AS 1978 688 art. 89 lit. b]

⁵⁸¹ Rectifitgà da la Cumissiun da redacziun da l'AF (art. 58 al. 1 LParl; SR 171.10).

⁵⁸² AS 2006 1205; BBl 2001 4202

Lescha federala davart la scussiun ed il concurs

(LSC)1

Lescha federala
davart la scussiun ed il concurs

(LSC)^¹