1
Rumantsch è ina lingua naziunala, ma ina lingua parzialmain uffiziala da la Confe- deraziun, numnadamain en la correspundenza cun persunas da lingua rumantscha.
La translaziun d'in decret federal serva a l'infurmaziun, n'ha dentant nagina validitad legala. Lescha federala davart l'Assamblea federala (Lescha dal parlament, LParl) dals 13 da december 2002 (versiun dals 26 da november 2018) L'Assamblea federala da la Confederaziun svizra, sa basond sin l'artitgel 164 alinea 1 litera g da la Constituziun federala1, suenter avair prendì invista dal rapport da la Cumissiun d'instituziuns politicas dal Cussegl naziunal dal 1. da mars 20012 e da la posiziun dal Cussegl federal dals 22 d'avust 20013, concluda: 1. titel
Disposiziuns generalas
Art. 1
Object Questa lescha regla: a. ils dretgs e las obligaziuns dals commembers4 da l'Assamblea federala; b. las incumbensas e l'organisaziun da l'Assamblea federala; c. la procedura en l'Assamblea federala; d. las relaziuns tranter l'Assamblea federala ed il Cussegl federal; e. las relaziuns tranter l'Assamblea federala ed ils tribunals da la Confederaziun.
AS 2003 3543 1 SR
101
2 BBl
2001 3467
3 BBl
2001 5428
4
Per princip vegnan duvradas en quest text sulettamain las furmas masculinas per designar funcziuns uffizialas. Questa furma grammaticalmain neutrala includa sa chapescha tant persunas femininas sco er persunas masculinas che pon occupar questas funcziuns.
171.10
Assamblea federala
2
171.10
Art. 2
Reuniun da las chombras 1
Il Cussegl naziunal ed il Cussegl dals chantuns sa radunan regularmain a sessiuns ordinarias.
2
Mintga chombra po decider da sa radunar a sessiuns extraordinarias, sche las sessiuns ordinarias na bastan betg per tractar tut las fatschentas.
3
In quart dals commembers d'ina chombra u il Cussegl federal pon pretender che las chombras u l'Assamblea federala plenara vegnian convocadas ad ina sessiun extraordinaria per tractar ils suandants objects: a. sbozs dal Cussegl federal u d'ina cumissiun da l'Assamblea federala per decrets da l'Assamblea federala; b. moziuns da cuntegn identic inoltradas en tuttas duas chombras; c. elecziuns; d. decleraziuns dal Cussegl federal u sbozs da decleraziun dal Cussegl naziunal e dal Cussegl dals chantuns da cuntegn identic inoltrads en tuttas duas chombras.5
4
Ad ina sessiun ordinaria u extraordinaria sa radunan tuttas duas chombras per regla durant las medemas emnas dal chalender.6
Art. 3
Sarament ed empermischun 1
Avant ch'entrar en uffizi presta mintga commember da l'Assamblea federala il sarament u l'empermischun solenna.
2
Las persunas elegidas da l'Assamblea federala prestan lur sarament u lur empermischun solenna davant l'Assamblea federala plenara suenter lur elecziun, nun che la lescha disponia insatge auter.
3
Tgi che refusa da prestar il sarament u l'empermischun solenna, desista da ses uffizi.
4
Il sarament ha la suandanta formulaziun: «Jau engir davant Dieu il tutpussant d'observar la Constituziun e las leschas e d'ademplir conscienziusamain las obligaziuns da mes uffizi.» 5 L'empermischun solenna ha la suandanta formulaziun: «Jau empermet d'observar la Constituziun e las leschas e d'ademplir conscienziusamain las obligaziuns da mes uffizi.»
5
Versiun tenor la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
6
Integrà tras la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
Lescha dal parlament 3
171.10
Art. 4
Publicitad 1 Las sesidas da las chombras e da l'Assamblea federala plenara èn publicas. Las tractativas vegnan publitgadas cumplettamain en il Bulletin uffizial da l'Assamblea federala. Ils detagls da la publicaziun vegnan reglads tras in'ordinaziun da l'Assamblea federala.
2
Per proteger interess da segirezza impurtants u per garantir la protecziun da la persunalitad po vegnir pretendida ina tractativa secreta. Ina tala dumonda po vegnir fatga:
a. d'in sisavel dals commembers d'ina chombra respectivamain da l'Assamblea federala plenara;
b. da la maioritad d'ina cumissiun; c. dal Cussegl federal.
3
La deliberaziun davart la dumonda d'ina tractativa secreta è sezza er secreta.
4
Mintga persuna che sa participescha a tractativas secretas sto tegnair dascus il cuntegn da talas.
Art. 5
Infurmaziun 1 Las chombras e lur organs infurmeschan a temp ed en moda cumplessiva davart lur activitad, nun che quai cuntrafetschia ad interess publics u privats predominants.
2
La transmissiun da tun e da maletgs or da las salas da sesida sco er l'accreditaziun da collavuraturs da las medias vegnan regladas tras ordinaziuns da l'Assamblea federala u tras reglaments da las chombras.
2. titel
Commembers da l'Assamblea federala 1. chapitel Dretgs ed obligaziuns
Art. 6
Dretgs da procedura
1
Ils commembers da l'Assamblea federala (parlamentaris) han il dretg d'inoltrar iniziativas parlamentaras ed intervenziuns e da proponer candidats per las elecziuns.
2
Els pon far propostas davart objects pendents e davart la procedura.
3
Il dretg da prender il pled ed il temp da discurrer pon vegnir restrenschids tras reglaments da las chombras.
4
Davart ina iniziativa parlamentara, ina moziun u in postulat ch'è vegnì contestà dastgi mo vegnir votà, sche l'autur ha survegnì la chaschun da preschentar a bucca
Assamblea federala
4
171.10
ses arguments. Il dretg da prender il pled ha plinavant almain quel che ha proponì sco emprim da refusar l'intervenziun.7
Art. 7
Dretgs d'infurmaziun
1
Ils parlamentaris han il dretg da vegnir infurmads dal Cussegl federal e da l'administraziun federala davart mintga fatschenta da la Confederaziun e da prender invista dals documents, sche quai è necessari per exequir il mandat parlamentar.
2
Il singul parlamentari n'ha nagin dretg da survegnir infurmaziuns: a. da las proceduras da cunrapport e da las tractativas da las sesidas dal Cussegl federal;
b. ch'èn classifitgadas sco confidenzialas u secretas en l'interess da la protecziun dal stadi u dals servetschs d'infurmaziun u che pon chaschunar in donn als interess da la Svizra en ils mauns da persunas betg autorisadas;
c. che duain restar confidenzialas per motivs da la protecziun da la persunalitad.8
3
Sch'in parlamentari ed il Cussegl federal na vegnan betg perina pervia da la dimensiun dals dretgs d'infurmaziun, po il parlamentari appellar il presidi da la chombra, a
la quala el appartegna. Il presidi intermediescha tranter il parlamentari ed il Cussegl federal.
4
Il presidi da la chombra decida definitivamain, sch'il parlamentari ed il Cussegl federal n'èn betg perina, schebain las infurmaziuns èn necessarias per exequir il mandat parlamentar.
5
Sch'il Cussegl federal ed il parlamentari n'èn betg perina, schebain il parlamentari ha il dretg da survegnir infurmaziuns tenor l'alinea 2, e sche l'intermediaziun dal presidi da la chombra n'ha betg success, po il Cussegl federal er suttametter al parlamentari in rapport empè da dar invista als documents.
6
Per preparar l'intermediaziun po il presidi da la chombra prender invista dals documents dal Cussegl federal e da l'administraziun federala senza restricziuns.
Art. 8
Secret d'uffizi
Ils parlamentaris èn suttamess al secret d'uffizi, sch'els han - a basa da lur activitad uffiziala - enconuschientscha da fatgs che ston restar secrets u èn confidenzials per proteger interess publics u privats predominants, en spezial per garantir la protecziun da la persunalitad u per prender resguard d'ina procedura pendenta.
7
Integrà tras la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
8
Versiun tenor la cifra I da la LF dals 17 da zer. 2011 (precisaziun dals dretgs da survegnir infurmaziuns da las cumissiuns da surveglianza), en vigur dapi il 1. da nov. 2011 (AS 2011 4537; BBl 2011 1817 1839).
Lescha dal parlament 5
171.10
Art. 9
Entradas ed indemnisaziuns Per lur activitad parlamentara survegnan ils parlamentaris da la Confederaziun ina indemnisaziun sco er ina contribuziun per cuvrir ils custs che resultan da lur activitad parlamentara. Ils detagls vegnan reglads en la Lescha dals 18 da mars 19889 davart las resursas dal parlament.
Art. 10
Obligaziun da sa participar a las sesidas Ils parlamentaris èn obligads da sa participar a las sesidas da las chombras e da las cumissiuns.
Art. 11
Obligaziuns da transparenza 1
Cur ch'el entra en uffizi ed al cumenzament da mintga onn infurmescha mintga parlamentari en scrit il biro davart: a. sias activitads professiunalas; b. sias activitads en gremis directivs e da surveglianza, en cussegls consultativs ed en gremis sumegliants da corporaziuns, d'instituziuns e da fundaziuns svizras ed estras da dretg privat e public; c. sias activitads da cussegliaziun u d'expert per servetschs federals; d. sias activitads permanentas da direcziun u da cussegliaziun per gruppas d'interess svizras ed estras; e. sia cooperaziun en cumissiuns ed en auters organs da la Confederaziun.
2
Ils Servetschs dal parlament cumpileschan in register public cun las indicaziuns dals parlamentaris.
3
Parlamentaris che han in interess persunal direct vi d'in object da la tractativa, rendan attent a quests interess, cur ch'els s'expriman en la chombra u en ina cumissiun.
4
Il secret professiunal en il senn dal Cudesch penal10 resta resalvà.
a11 Recusaziun
1
Exequind la surveglianza suprema tenor l'artitgel 26 prendan ils commembers da cumissiuns e da delegaziuns recusaziun, sch'els han in interess persunal direct vi d'in object da la tractativa u sche lur imparzialitad pudess esser messa en dumonda per auters motivs. Nagin motiv da recusaziun n'è la defensiun d'interess politics, en spezial da communitads, da partidas u da federaziuns.
9 SR
171.21
10 SR
311.0
11 Integrà tras la cifra I da la LF dals 17 da zer. 2011 (precisaziun dals dretgs da survegnir infurmaziuns da las cumissiuns da surveglianza), en vigur dapi il 1. da nov. 2011 (AS 2011 4537; BBl 2011 1817 1839).
Assamblea federala
6
171.10
2
En cas dispitaivels decida la cumissiun u la delegaziun pertutgada definitivamain davart la recusaziun, suenter avair laschà vegnir a pled il commember pertutgà.
Art. 12
Independenza envers stadis esters Als parlamentaris èsi scumandà d'exequir funcziuns uffizialas per stadis esters sco er da surpigliar titels ed onurificaziuns d'autoritads estras.
Art. 13
Mesiras disciplinaras
1
Sch'in parlamentari cuntrafa, malgrà ch'el è vegnì admonì, repetidamain a las prescripziuns disciplinaras e processualas da las chombras, po il president: a. privar
il
parlamentari dal pled; u b. excluder il parlamentari per maximalmain il rest da la sesida.
2
Sch'in parlamentari cuntrafa grevamain a las prescripziuns disciplinaras e processualas u sch'el violescha il secret d'uffizi, po il biro da la chombra cumpetenta:
a. pronunziar ina reprimanda cunter il parlamentari; u b. excluder il parlamentari fin a 6 mais da sias cumissiuns.
3
Davart protestas dal parlamentari pertutgà decida la chombra.
2. chapitel Regulaziuns d'incumpatibilitad
Art. 14
Incumpatibilitads Betg appartegnair a l'Assamblea federala na dastgan: a. las persunas ch'ella ha elegì u confermà; b. ils derschaders dals tribunals da la Confederaziun che n'èn betg vegnids elegids da l'Assamblea federala; c.12 il persunal da l'administraziun federala centrala e decentrala, dals Servetschs dal parlament, dals tribunals da la Confederaziun, dal secretariat da l'Autoritad da surveglianza da la Procura publica federala, da la Procura publica federala sco er ils commembers da las cumissiuns extraparlamentaras cun cumpetenzas da decider, nun che las leschas spezialas disponian insatge auter;
d. ils commembers da la direcziun da l'armada; e. ils commembers dals organs directivs d'organisaziuns u da persunas da dretg public u privat che n'appartegnan betg a l'administraziun federala e che adempleschan incumbensas administrativas, en las qualas la Confederaziun ha ina posiziun predominanta; 12 Versiun tenor la cifra II 2 da l'agiunta da la LF dals 19 da mars 2010 davart l'organisaziun da las autoritads penalas, en vigur dapi il 1. da schan. 2011 (AS 2010 3267;
BBl 2008 8125).
Lescha dal parlament 7
171.10
f.
persunas che represchentan la Confederaziun en organisaziuns u en persunas da dretg public u privat che n'appartegnan betg a l'administraziun federala e che adempleschan incumbensas administrativas, en las qualas la Confederaziun ha ina posiziun predominanta.
Art. 15
Proceder 1 Sch'i resulta ina incumpatibilitad tenor l'artitgel 14 litera a, declera la persuna pertutgada per tgenin dals dus uffizis ch'ella sa decida.
2
Sch'i resulta ina incumpatibilitad tenor l'artitgel 14 literas b-f, vegn la persuna pertutgada exclusa da l'Assamblea federala 6 mais suenter la constataziun da l'incumpatibilitad, sch'ella n'ha betg renunzià fin lura a l'autra funcziun.
3. chapitel
Immunitad e garanzia da pudair sa participar a las sessiuns
Art. 16
Immunitad absoluta
Ils parlamentaris na pon betg vegnir fatgs giuridicamain responsabels per lur remartgas en las chombras ed en lur organs.
Art. 17
13 Immunitad relativa
1
Cunter in parlamentari po vegnir introducida ina procedura penala pervia d'in malfatg che stat en in connex direct cun sia posiziun u cun sia activitad uffiziala sulettamain cun l'autorisaziun da las cumissiuns cumpetentas da tuttas duas chombras. Il
reglament da gestiun da mintga chombra designescha la cumissiun cumpetenta.
2
Sche quai para dad esser giustifitgà tenor las circumstanzas dal cas, pon las cumissiuns cumpetentas surdar a las autoritads penalas da la Confederaziun la persecuziun ed il giudicament d'in malfatg ch'è suttamess a la giurisdicziun chantunala.
3
L'Assamblea federala plenara po eleger in procuratur public federal extraordinari.
3bis
En accord vicendaivel pon ils presidents da las cumissiuns cumpetentas returnar a l'autoritad da persecuziun penala las dumondas d'abolir l'immunitad ch'èn motivadas insuffizientamain, per las laschar rectifitgar.14 4 Sch'ina dumonda è evidentamain nunsustegnibla, pon ils presidents da las cumissiuns cumpetentas liquidar directamain la dumonda en accord vicendaivel. Els infurmeschan ordavant las cumissiuns en chaussa. Sche la maioritad d'ina cumissiun
13 Versiun tenor la cifra I da la LF dals 17 da zer. 2011 (dumondas d'abolir l'immunitad), en vigur dapi ils 5 da dec. 2011 (AS 2011 4627; BBl 2010 7345 7385).
14 Integrà tras la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
Assamblea federala
8
171.10
pretenda che la dumonda vegnia deliberada, vegn tractada la dumonda en la procedura normala tenor l'artitgel 17a.15
a16 Immunitad relativa: procedura 1
La dumonda d'abolir l'immunitad vegn tractada l'emprim da la cumissiun cumpetenta da la chombra, a la quala il parlamentari inculpà appartegna.
2
Sch'i dat differenzas tranter las decisiuns da las duas cumissiuns areguard l'entrada sin la dumonda u areguard l'aboliziun da l'immunitad, ha lieu ina procedura d'eliminaziun da las differenzas tranter las cumissiuns. La segunda refusa da vart d'ina cumissiun è definitiva.
3
Las cumissiuns èn ablas da decider, sche la maioritad da lur commembers è preschenta. L'abilitad da decider sto vegnir constatada explicitamain.
4
Las cumissiuns laschan vegnir a pled il parlamentari inculpà. Quel na dastga ni vegnir represchentà ni vegnir accumpagnà.
5
La decisiun da las cumissiuns è definitiva.
6
Cur ch'ina cumissiun ha communitgà sia decisiun al parlamentari pertutgà, infurmescha ella immediatamain la publicitad. A medem temp orientescha ella ils com-
members da tuttas duas chombras tras ina communicaziun en scrit.
7
Sch'il parlamentari inculpà è commember d'ina da las cumissiuns cumpetentas, prenda el recusaziun.
Art. 18
Aboliziun dal secret da posta e da telecommunicaziun sco er ulteriuras mesiras d'inquisiziun 1
Per abolir il secret da posta e da telecommunicaziun en il senn da l'artitgel 321ter dal Cudesch penal17 dovri in'autorisaziun dals presidis da las chombras: a. sch'i duain vegnir persequitads malfatgs d'in parlamentari; b. sch'i duain vegnir ordinadas mesiras envers in parlamentari per survegliar ina terza persuna, cun la quala il parlamentari stat en relaziun a basa da ses uffizi.
2
L'alinea 1 vegn applitgà tenor il senn er per quels cas, en ils quals autras mesiras d'investigaziun u d'inquisiziun penala èn necessarias cunter in parlamentari per far in emprim scleriment dals fatgs u per segirar las cumprovas.
3
Uschespert che las mesiras permessas dals presidis da las chombras èn realisadas, sto vegnir dumandada - per la persecuziun penala - l'autorisaziun da las cumissiuns 15 Versiun tenor la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
16 Integrà tras la cifra I da la LF dals 17 da zer. 2011 (dumondas d'abolir l'immunitad), en vigur dapi ils 5 da dec. 2011 (AS 2011 4627; BBl 2010 7345 7385).
17 SR
311.0
Lescha dal parlament 9
171.10
cumpetentas da tuttas duas chombras tenor l'artitgel 17, nun che la procedura vegnia messa ad acta.18 4 In'arrestaziun è inadmissibla senza questa autorisaziun.19
Art. 19
Procedura d'autorisaziun da vart dals presidis da las chombras 1
Ils presidis da las chombras decidan en ina tractativa cuminaivla e secreta. Per conceder l'autorisaziun tenor l'artitgel 18 dovri il consentiment d'almain tschintg commembers.
2
L'autorisaziun per abolir il secret da posta e da telecommunicaziun po vegnir concedida pir, cur che l'autoritad cumpetenta ha approvà l'ordinaziun da la surveglianza tenor l'artitgel 7 da la Lescha federala dals 6 d'october 200020 davart la surveglianza
da la posta e da la telecommunicaziun.
Art. 20
Garanzia da pudair sa participar a las sessiuns 1
Durant la sessiun po ina procedura penala cunter in parlamentari vegnir introducida pervia da crims u pervia da delicts che na stattan betg en in connex direct cun sia posiziun u cun sia activitad uffiziala mo cun ses consentiment en scrit u cun l'autorisaziun da la cumissiun cumpetenta da sia chombra. Il reglament da gestiun da mintga chombra designescha la cumissiun cumpetenta.21 2 Resalvada resta l'arrestaziun preventiva dal parlamentari pervia da privel da fugia u, sch'el vegn tschiffà en flagranti, durant ch'el commetta in crim. Per ina tala arrestaziun sto l'autoritad che ha ordinà l'arrestaziun dumandar entaifer 24 uras directamain l'autorisaziun da la cumissiun cumpetenta da la chombra, a la quala il parlamentari arrestà appartegna, nun ch'il parlamentari dettia en scrit ses consentiment a l'arrestaziun.22 3
Sch'ina procedura penala pervia dals malfatgs numnads en ils alineas 1 e 2 è gia introducida cunter in parlamentari al cumenzament da la sessiun, ha quest parlamentari il dretg da dumandar la cumissiun cumpetenta da sia chombra, sch'ella suspendia l'arrest gia ordinà u citaziuns ad audienzas. Questa dumonda n'ha betg in effect suspensiv.23 4
En cas d'in chasti d'empraschunament, ch'è vegnì pronunzià tras ina sentenzia valaivla, na po il parlamentari betg sa referir al dretg da sa participar a la sessiun, 18 Versiun tenor la cifra I da la LF dals 17 da zer. 2011 (dumondas d'abolir l'immunitad), en vigur dapi ils 5 da dec. 2011 (AS 2011 4627; BBl 2010 7345 7385).
19 Versiun tenor la cifra I da la LF dals 17 da zer. 2011 (dumondas d'abolir l'immunitad), en vigur dapi ils 5 da dec. 2011 (AS 2011 4627; BBl 2010 7345 7385).
20 SR
780.1
21 Versiun tenor la cifra I da la LF dals 17 da zer. 2011 (dumondas d'abolir l'immunitad), en vigur dapi ils 5 da dec. 2011 (AS 2011 4627; BBl 2010 7345 7385).
22 Versiun tenor la cifra I da la LF dals 17 da zer. 2011 (dumondas d'abolir l'immunitad), en vigur dapi ils 5 da dec. 2011 (AS 2011 4627; BBl 2010 7345 7385).
23 Versiun tenor la cifra I da la LF dals 17 da zer. 2011 (dumondas d'abolir l'immunitad), en vigur dapi ils 5 da dec. 2011 (AS 2011 4627; BBl 2010 7345 7385).
Assamblea federala
10
171.10
sche l'execuziun da la sentenzia è vegnida ordinada gia avant il cumenzament da la sessiun.
Art. 21
Dischaccord davart la necessitad da l'autorisaziun Sch'igl è dispitaivel, schebain in'autorisaziun tenor ils artitgels 17-20 è necessaria, decida l'organ ch'è cumpetent per l'autorisaziun.
4. chapitel24 Responsabladad per donns
a 1 La responsabladad patrimoniala dal parlamentari per sia activitad uffiziala sa drizza tenor la Lescha da responsabladad dals 14 da mars 195825.
2
Davart la responsabladad dal parlamentari tenor ils artitgels 7 ed 8 da la Lescha da responsabladad dals 14 da mars 1958 decida la Delegaziun administrativa.
3
Il parlamentari po far recurs cunter la decisiun da la Delegaziun administrativa tar il Tribunal federal.
3. titel
Incumbensas da l'Assamblea federala
Art. 22
Legislaziun 1 Tut las disposiziuns legislativas impurtantas vegnan fixadas da l'Assamblea federala en furma d'ina lescha federala.
2
Ella po fixar ulteriuras disposiziuns legislativas en furma d'ina lescha federala utant enavant ch'ella è autorisada tras la Constituziun federala u tras ina lescha da far
quai - en furma d'ina ordinaziun da l'Assamblea federala.
3
Sche las cumissiuns cumpetentas da l'Assamblea federala pretendan quai, las consultescha il Cussegl federal avant che decretar disposiziuns legislativas, premess che l'urgenza da l'ordinaziun permettia quai.
4
Sco legislativas valan disposiziuns che decreteschan obligaziuns, surdattan dretgs u fixeschan cumpetenzas, e quai en moda directamain lianta e generalmain abstracta.
Art. 23
Midadas da la Constituziun federala L'Assamblea federala suttametta las midadas da la Constituziun federala a la votaziun dal pievel e dals chantuns, e quai en furma d'in conclus federal.
24 Integrà tras la cifra I da la LF dals 3 d'oct. 2008 (Dretg parlamentar. Differentas midadas), en vigur dapi ils 2 da mars 2009 (AS 2009 725; BBl 2008 1869 3177).
25 SR
170.32
Lescha dal parlament 11
171.10
Art. 24
Cooperaziun a la politica exteriura 1
L'Assamblea federala persequitescha il svilup internaziunal e cooperescha a la furmaziun da la voluntad davart dumondas da princip e davart decisiuns impurtantas da la politica exteriura.
2
Ella approvescha ils contracts internaziunals, nun ch'il Cussegl federal saja autorisà da concluder autonomamain tals contracts a basa d'ina lescha federala u a basa d'in contract internaziunal approvà da l'Assamblea federala.
3
Ella approvescha ils contracts internaziunals ch'èn suttamess al referendum, e quai en furma d'in conclus federal. Auters contracts internaziunals approvescha ella en furma d'in conclus federal simpel.
4
Ella cooperescha a radunanzas parlamentaras internaziunalas e tgira las relaziuns cun parlaments esters.
Art. 25
Finanzas 1 L'Assamblea federala fixescha ils custs e las expensas d'investiziun en il preventiv ed en ses supplements.26 Ella concluda e renovescha eventualmain credits d'impegn e limitas d'expensas cun agid dal preventiv e da ses supplements u cun agid da conclus spezials. Ella approvescha il quint statal.
2
Per quest intent tscherna ella la furma d'in conclus federal simpel.
3
En conclus da credit fixescha ella l'intent e l'autezza dals credits. En quests conclus po ella plinavant fixar pli detagliadamain las cundiziuns generalas da l'utilisaziun dals credits, l'urari per la realisaziun dal project e la rapportaziun tras il Cussegl
federal.27
Art. 26
Surveglianza suprema
1
L'Assamblea federala exequescha la surveglianza suprema da la gestiun dal Cussegl federal e da l'administraziun federala, dals tribunals da la Confederaziun, da l'Autoritad da surveglianza da la Procura publica federala, da la Procura publica federala e d'auters gremis che adempleschan incumbensas federalas.28 2
Ella exequescha la surveglianza suprema da las finanzas en il sectur da l'artitgel 8 da la Lescha dals 28 da zercladur 196729 davart la Controlla da finanzas.
26 Versiun tenor l'art. 65 cifra 1 da la Lescha da finanzas dals 7 d'oct. 2005, en vigur dapi il 1. da matg 2006 (AS 2006 1275; BBl 2005 5).
27 Integrà tras l'art. 65 cifra 1 da la Lescha da finanzas dals 7 d'oct. 2005, en vigur dapi il 1. da matg 2006 (AS 2006 1275; BBl 2005 5).
28 Versiun tenor la cifra II 2 da l'agiunta da la LF dals 19 da mars 2010 davart l'organisaziun da las autoritads penalas, en vigur dapi il 1. da schan. 2011 (AS 2010 3267;
BBl 2008 8125).
29 SR
614.0
Assamblea federala
12
171.10
3
L'Assamblea federala exequescha la surveglianza suprema tenor ils suandants criteris:
a. legalitad; b. regularitad; c. opportunitad; d. efficacitad; e. rentabilitad.
4
La surveglianza suprema na cumpiglia betg la cumpetenza d'abolir u da midar decisiuns. La controlla dal cuntegn da decisiuns giudizialas e da decisiuns da la Procura publica federala è exclusa.30
Art. 27
Controllas d'efficacitad
Ils organs da l'Assamblea federala designads da la lescha procuran ch'i vegnia controllada l'efficacitad da las mesiras da la Confederaziun. Per quest intent pon els:
a. pretender ch'il Cussegl federal laschia far controllas d'efficacitad; b. examinar las controllas d'efficacitad che vegnan fatgas per incumbensa dal Cussegl federal;
c. surdar sezs l'incumbensa da far controllas d'efficacitad.
Art. 28
Decisiuns da princip e planisaziuns 1
L'Assamblea federala cooperescha: a. a planisaziuns impurtantas da l'activitad dal stadi; b. a la determinaziun da las finamiras strategicas per unitads daventadas autonomas tenor l'artitgel 8 alinea 5 da la Lescha dals 21 da mars 199731 davart
l'organisaziun da la regenza e da l'administraziun.32 1bis
Ella cooperescha:
a. laschond s'infurmar a maun da rapports dal Cussegl federal davart sias activitads tenor l'alinea 1 u prendend enconuschientscha da tals rapports;
b. incumbensond il Cussegl federal: 1. da far ina planisaziun u da midar ils puncts centrals d'ina planisaziun, u 30 Versiun da la segunda frasa tenor la cifra II 2 da l'agiunta da la LF dals 19 da mars 2010 davart l'organisaziun da las autoritads penalas, en vigur dapi il 1. da schan. 2011 (AS 2010 3267; BBl 2008 8125).
31 SR
172.010
32 Versiun tenor la cifra I 1 da la LF dals 17 da dec. 2010 davart la participaziun da l'Assamblea federala a la determinaziun da l'orientaziun strategica da las unitads daventadas
autonomas, en vigur dapi il 1. da schan. 2012 (AS 2011 5859; BBl 2010 3377 3413).
Lescha dal parlament 13
171.10
2. da determinar finamiras strategicas per las unitads daventadas autonomas u da midar questas finamiras;
c. prendend conclus da princip u conclus da planisaziun.33 2
Conclus da princip e conclus da planisaziun èn decisiuns preliminaras che fixeschan las finamiras che duain vegnir cuntanschidas, ils princips ed ils criteris che duain vegnir observads e las mesiras che duain vegnir planisadas.
3
Ils conclus da princip ed ils conclus da planisaziun vegnan prendids en furma d'in conclus federal simpel. Sch'els èn da gronda impurtanza, po vegnir tschernida la furma d'in conclus federal.
4
Sch'il Cussegl federal divergescha d'incumbensas u da conclus da princip e da conclus da planisaziun, sto el motivar quai.
Art. 29
Acts singuls
1
L'Assamblea federala decretescha acts singuls che n'èn betg suttamess al referendum, e quai en furma d'in conclus federal simpel.
2
Ils acts singuls da l'Assamblea federala che n'han betg ina basa legala necessaria en la Constituziun federala u en ina lescha federala vegnan suttamess al referendum en furma d'in conclus federal.
Art. 30
Ulteriuras incumbensas
L'Assamblea federala ademplescha las ulteriuras incumbensas che la vegnan attribuidas da la Constituziun federala e da la legislaziun federala.
4. titel
Organisaziun da l'Assamblea federala 1. chapitel Disposiziuns generalas
Art. 31
Organs Ils organs da l'Assamblea federala èn: a. il Cussegl naziunal; b. il Cussegl dals chantuns; c. l'Assamblea federala plenara; d. ils presidis;
e. ils
biros;
33 Integrà tras la cifra I 1 da la LF dals 17 da dec. 2010 davart la participaziun da l'Assamblea federala a la determinaziun da l'orientaziun strategica da las unitads daventadas autonomas, en vigur dapi il 1. da schan. 2012 (AS 2011 5859; BBl 2010 3377 3413).
Assamblea federala
14
171.10
f.
la Conferenza da coordinaziun e la Delegaziun administrativa; g. las cumissiuns e lur sutcumissiuns sco er lur delegaziuns; h. las fracziuns.
Art. 32
Sedia da l'Assamblea federala 1
L'Assamblea federala sa raduna a Berna.
2
Tras in conclus federal simpel po ella decider da sa radunar excepziunalmain en in auter lieu.
Art. 33
Convocaziun 1 Il Cussegl naziunal ed il Cussegl dals chantuns vegnan convocads da lur biros.
2
L'Assamblea federala plenara vegn convocada da la Conferenza da coordinaziun.
3
Il president dal Cussegl naziunal u - sche quel è impedì - il president dal Cussegl dals chantuns è obligà da convocar las chombras, sche la segirezza da las autoritads federalas è periclitada u sch'il Cussegl federal n'è betg en cas d'agir.
2. chapitel Cussegl naziunal e Cussegl dals chantuns
Art. 34
Presidis Il presidi da mintga chombra sa cumpona dal president sco er da l'emprim e dal segund vicepresident.
Art. 35
Biros da las chombras 1
Mintga chombra nominescha in biro per sia direcziun e per ulteriuras fatschentas internas.
2
Il biro da mintga chombra sa cumpona dal presidi da questa chombra e d'ulteriurs commembers designads tras ils reglaments da gestiun.
3
Ils dretgs e las obligaziuns che questa lescha attribuescha a las cumissiuns valan er per ils biros.
Art. 36
Reglaments da gestiun Mintga chombra fixescha in reglament da gestiun cun las disposiziuns executivas davart sia organisaziun e davart sias proceduras.
Art. 37
Conferenza da
coordinaziun
1
Il biro dal Cussegl naziunal ed il biro dal Cussegl dals chantuns furman la Conferenza da coordinaziun.
2
La Conferenza da coordinaziun ha las suandantas incumbensas:
Lescha dal parlament 15
171.10
a.34 ella fixescha, durant tge emnas dal chalender che las sessiuns ordinarias ed extraordinarias han lieu; b. ella procura per la correspundenza tranter las duas chombras sco er per la correspundenza tranter quellas ed il Cussegl federal; c. ella po decretar directivas davart l'attribuziun dals meds persunals e finanzials als organs da l'Assamblea federala;
d. ella elegia il secretari general da l'Assamblea federala. L'elecziun sto vegnir confermada da l'Assamblea federala plenara; e. ella approvescha la furmaziun da novas fracziuns tenor ils criteris da l'artitgel 61.
3
Il Cussegl federal po sa participar a las sesidas cun vusch consultativa.
4
Las decisiuns da la Conferenza da coordinaziun ston vegnir approvadas dals biros dal Cussegl naziunal e dal Cussegl dals chantuns. L'elecziun tenor l'alinea 2 litera d ha lieu cun la maioritad absoluta dals commembers ch'elegian.
5
…35
Art. 38
Delegaziun administrativa
1
La Delegaziun administrativa sa cumpona da mintgamai trais commembers dals biros da tuttas duas chombras ch'èn vegnids elegids da la Conferenza da coordinaziun. La Delegaziun administrativa designescha in da ses commembers sco delegà.
Ella sa constituescha sezza.
2
La direcziun suprema da l'administraziun dal parlament è chaussa da la Delegaziun administrativa.
3
La Delegaziun administrativa decida cun la maioritad dals commembers votants.
3. chapitel Assamblea federala plenara
Art. 39
Biro da l'Assamblea federala plenara 1
Il biro da l'Assamblea federala plenara sa cumpona dals presidis da las duas chombras.
2
Presidià vegn il biro dal president dal Cussegl naziunal u, sche quel è impedì, dal president dal Cussegl dals chantuns.
3
Il biro prepara las sesidas da l'Assamblea federala plenara.
34 Versiun tenor la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
35 Abolì tras la cifra I da la LF dals 15 da zer. 2018, cun effect dapi ils 26 da nov. 2018 (AS 2018 3461; BBl 2017 6797 6865).
Assamblea federala
16
171.10
4
El po nominar cumissiuns da l'Assamblea federala plenara. Quellas sa cumponan da dudesch commembers dal Cussegl naziunal e da tschintg commembers dal Cussegl dals chantuns.
Art. 40
Cumissiun da grazia e da conflicts da cumpetenza 1
La Cumissiun da grazia e da conflicts da cumpetenza predeliberescha dumondas da grazia e decisiuns davart conflicts da cumpetenza tranter las autoritads federalas supremas.
2
Sco ses president elegia ella alternantamain in commember dal Cussegl naziunal u dal Cussegl dals chantuns.
3
Ella transmetta las dumondas da grazia al Cussegl federal per laschar suttametter in rapport ed ina proposta.
4
Ella po prender invista da la dumonda sco er da las actas d'inquisiziun, da dretgira e d'execuziun.
a36 Cumissiun giudiziala
1
La Cumissiun giudiziala è cumpetenta per preparar l'elecziun e la decretada d'uffizi:
a. da derschaders dals tribunals da la Confederaziun; b. da commembers da l'Autoritad da surveglianza da la Procura publica federala;
c. dal procuratur public federal e dals suppleants dal procuratur public federal.37
2
Ella publitgescha plazzas libras da derschaders e plazzas dal procuratur public federal e dals suppleants dal procuratur public federal. Sche la lescha permetta pensums parzials, sto il grad d'occupaziun vegnir inditgà en la publicaziun.38 3
La Cumissiun giudiziala suttametta a l'Assamblea federala plenara sias propostas electoralas e sias propostas da decretada d'uffizi.
4
Ella fixescha ils detagls da la relaziun da lavur dals derschaders sco er dal procuratur public federal e dals suppleants dal procuratur public federal.39 5
Mintga fracziun ha il dretg d'almain in sez en la cumissiun.
36 Integrà tras la cifra II da la LF dals 13 da dec. 2002, en vigur dapi il 1. d'avust 2003 (AS 2003 2119; BBl 2001 4202, 2002 1181).
37 Versiun tenor la cifra II 2 da l'agiunta da la LF dals 19 da mars 2010 davart l'organisaziun da las autoritads penalas, en vigur dapi il 1. da schan. 2011 (AS 2010 3267;
BBl 2008 8125).
38 Versiun tenor la cifra II 2 da l'agiunta da la LF dals 19 da mars 2010 davart l'organisaziun da las autoritads penalas, en vigur dapi il 1. da schan. 2011 (AS 2010 3267;
BBl 2008 8125).
39 Versiun tenor la cifra II 2 da l'agiunta da la LF dals 19 da mars 2010 davart l'organisaziun da las autoritads penalas, en vigur dapi il 1. da schan. 2011 (AS 2010 3267;
BBl 2008 8125).
Lescha dal parlament 17
171.10
6
Las Cumissiuns da gestiun e la Delegaziun da finanzas communitgeschan a la Cumissiun giudiziala constataziuns che mettan seriusamain en dumonda la qualificaziun professiunala u persunala da derschaders, dal procuratur public federal u dals suppleants dal procuratur public federal.40
Art. 41
Procedura en l'Assamblea federala plenara 1
Tant enavant che questa lescha na dispona nagut auter, valan - tenor il senn - las disposiziuns dal reglament da gestiun er per la procedura en l'Assamblea federala plenara.
2
Ils dumbravuschs ed ils dumbravuschs suppleants da las duas chombras erueschan ils resultats da las elecziuns e da las votaziuns.
3
Sch'il reglament da gestiun dal Cussegl naziunal n'è betg applitgabel, po l'Assamblea federala plenara decretar in agen reglament.
4. chapitel Cumissiuns 1. part Disposiziuns generalas
Art. 42
Cumissiuns permanentas e cumissiuns spezialas 1
Mintga chombra nominescha da ses commembers per las cumissiuns permanentas previsas da la lescha e dal reglament da gestiun.
2
En cas excepziunals pon las chombras nominar cumissiuns spezialas.
Art. 43
Nominaziun da las cumissiuns 1
Ils commembers da las cumissiuns sco er lur presidis (president e vicepresident) vegnan elegids dal biro respectiv.
2
Ils presidis da cumissiuns cuminaivlas da las duas chombras e da cumissiuns da l'Assamblea federala plenara vegnan elegids da la Conferenza da coordinaziun, nun che la lescha disponia insatge auter. Il president ed il vicepresident na dastgan betg appartegnair a la medema chombra.
2bis
La Conferenza da coordinaziun procura ch'ils presidents da las Cumissiuns da gestiun da las duas chombras n'appartegnian betg a la medema fracziun.41 3 La cumposiziun da las cumissiuns e l'attribuziun da lur presidis sa drizzan tenor la fermezza da las fracziuns en la chombra respectiva. Sche pussaivel vegnan las linguas uffizialas e las regiuns dal pajais resguardadas adequatamain.
40 Versiun tenor la cifra II 2 da l'agiunta da la LF dals 19 da mars 2010 davart l'organisaziun da las autoritads penalas, en vigur dapi il 1. da schan. 2011 (AS 2010 3267;
BBl 2008 8125).
41 Integrà tras la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
Assamblea federala
18
171.10
4
La durada da la perioda d'uffizi dals commembers da las cumissiuns permanentas è fixada en ils reglaments da gestiun.
Art. 44
Incumbensas 1 En il rom da las cumpetenzas che la lescha u ils reglaments da gestiun las han attribuidas han las cumissiuns las suandantas incumbensas:
a. ellas predelibereschan per mauns da la chombra las fatschentas ch'èn vegnidas attribuidas ad ellas;
b. ellas tractan e decidan davart las fatschentas che la lescha las ha attribuidas per la deliberaziun definitiva; c. ellas persequiteschan ils svilups socials e politics en lur champs da cumpetenza;
d. ellas elavuran propostas entaifer lur champs da cumpetenza; e.42 ellas procuran per la controlla da l'efficacitad en lur champs da cumpetenza.
Ellas suttamettan propostas correspundentas als organs cumpetents da l'Assamblea federala u surdattan incumbensas correspundentas al Cussegl federal; f.
ellas resguardan ils resultats da controllas da l'efficacitad.
2
Las cumissiuns rapportan a lur chombra davart las fatschentas ch'èn vegnidas attribuidas ad ellas e suttamettan ina proposta.
Art. 45
Dretgs generals
1
Per ademplir lur incumbensas pon las cumissiuns: a. inoltrar iniziativas parlamentaras, intervenziuns e propostas e preschentar rapports;
b. consultar experts externs; c. laschar vegnir a pled represchentants dals chantuns e da circuls interessads; d. far inspecziuns.
2
Las cumissiuns pon nominar atgnas sutcumissiuns. Quellas suttamettan a la cumissiun rapports e propostas. Pliras cumissiuns pon nominar sutcumissiuns cuminaivlas.
Art. 46
Procedura en las cumissiuns 1
En las cumissiuns valan las reglas da procedura da lur chombra, nun che la lescha u il reglament da gestiun disponia insatge auter.
2
Las decisiuns da cumissiuns cuminaivlas da las duas chombras ston vegnir approvadas da la maioritad dals commembers votants da mintga chombra, nun che la
lescha disponia insatge auter.
42 Versiun tenor la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
Lescha dal parlament 19
171.10
3
Per regla ston las persunas che lavuran tar la Confederaziun suttametter a las cumissiuns ils documents en scrit e las preschentaziuns visualas en duas linguas uffizialas.
Als experts externs sco er als represchentants dals chantuns e da circuls interessads vegni fatg attent en las invitaziuns a las sesidas da las cumissiuns, ch'els duessan sche pussaivel tegnair quint da la plurilinguitad da la cumissiun.43
Art. 47
Confidenzialitad 1 Las tractativas da las cumissiuns èn confidenzialas; en spezial na vegni betg communitgà, co ch'ils singuls participants han prendì posiziun u han votà.
2
Las cumissiuns pon decider da far audiziuns publicas.
Art. 48
Infurmaziun da la populaziun Las cumissiuns infurmeschan la populaziun davart ils resultats da lur tractativas.
Art. 49
Coordinaziun tranter las cumissiuns 1
Las cumissiuns da mintga chombra coordineschan lur activitad tranter ellas sco er tranter las cumissiuns da l'autra chombra che tractan dumondas identicas u sumegliantas.
2
Las cumissiuns pon procurar infurmaziuns u sclerir ina dumonda en sesidas cuminaivlas ubain delegar questas incumbensas ad ina cumissiun.
3
Las Cumissiuns da gestiun e las Cumissiuns da finanzas pon predeliberar cuminaivlamain il rapport da gestiun ed il quint.
4
En cas che fatschentas cumpiglian plirs secturs, pon las autras cumissiuns suttametter rapports a las cumissiuns predeliberantas.
5
…44
2. part
Cumissiuns da finanzas
Art. 50
Incumbensas da las Cumissiuns da finanzas 1
Las Cumissiuns da finanzas s'occupan da la gestiun da las finanzas da la Confederaziun; ellas predelibereschan la planisaziun finanziala, il preventiv e ses supplements sco er il quint statal. Ellas exequeschan la surveglianza suprema da tut las
finanzas tenor l'artitgel 26 alinea 2, nun che la lescha disponia insatge auter.
43 Integrà tras la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
44 Abolì tras la cifra I da la LF dals 3 d'oct. 2008, cun effect dapi ils 2 da mars 2009 (AS 2009 725; BBl 2008 1869 3177).
Assamblea federala
20
171.10
2
Tar sbozs da decrets impurtants ord vista da la politica da finanzas pon ellas suttametter rapports a las cumissiuns predeliberantas. Ellas pon vegnir consultadas en connex cun tals decrets per il cunrapport u per la predeliberaziun.45 3
Las Cumissiuns da finanzas ston vegnir envidadas da preschentar in cunrapport davart ils sbozs per credits d'impegn e per limitas d'expensas che na vegnan betg suttamess a lur predeliberaziun. Per defender lur propostas en las chombras valan per ellas ils medems dretgs sco per las cumissiuns predeliberantas.46
Art. 51
Delegaziun da
finanzas
1
Las Cumissiuns da finanzas elegian tranter lur commembers mintgamai trais commembers e per mintga commember in substitut permanent en la Delegaziun da finanzas. La delegaziun sa constituescha sezza.47 2
La Delegaziun da finanzas examinescha e surveglia tut las finanzas da la Confederaziun.
3
Las relaziuns tranter la Delegaziun da finanzas e la Controlla federala da finanzas sa drizzan tenor ils artitgels 14, 15 e 18 da la Lescha federala dals 28 da zercladur 196748 davart la Controlla federala da finanzas.
4
La Delegaziun da finanzas suttametta a las Cumissiuns da finanzas in rapport ed ina proposta.
5
Ella po s'occupar d'ulteriurs objects da tractativa e communitgar sias constataziuns a las Cumissiuns da finanzas u ad autras cumissiuns.
6
Ella decida cun la maioritad dals commembers votants.
3. part
Cumissiuns da gestiun
Art. 52
Incumbensas da las Cumissiuns da gestiun 1
Las Cumissiuns da gestiun exequeschan la surveglianza suprema da la gestiun tenor l'artitgel 26 alineas 1, 3 e 4.
2
Ellas exequeschan lur activitad da controlla principalmain tenor ils criteris da la legalitad, da l'opportunitad e da l'efficacitad.
45 Versiun tenor la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
46 Integrà tras la cifra 1 da l'agiunta da la LF dals 26 da sett. 2014 (nov model da gestiun per l'administraziun federala), en vigur dapi il 1. da fan. 2015 (AS 2015 1583; BBl 2014 767).
47 Versiun tenor la cifra I 2 da la LF dals 17 da dec. 2010 davart il mantegniment da la democrazia, dal stadi da dretg e da l'abilitad d'agir en situaziuns extraordinarias, en vigur dapi il 1. da matg 2011 (AS 2011 1381; BBl 2010 1563 2803).
48 SR
614.0
Lescha dal parlament 21
171.10
Art. 53
Delegaziun da las Cumissiuns da gestiun 1
Las Cumissiuns da gestiun elegian tranter lur commembers mintgamai trais commembers en la Delegaziun da las Cumissiuns da gestiun (DelCG). La delegaziun sa constituescha sezza.
2
La delegaziun surveglia l'activitad en il sectur da la protecziun dal stadi e dals servetschs d'infurmaziun e controllescha l'agir statal en secturs ch'èn secrets, causa ch'i avess consequenzas gravantas per ils interess da la Svizra, sch'els vegnissan enconuschents a persunas betg autorisadas.49 3 Ella surpiglia ulteriuras incumbensas spezialas che la vegnan attribuidas d'ina Cumissiun da gestiun.
3bis
Il Cussegl federal infurmescha la delegaziun entaifer maximalmain 24 uras suenter avair prendì ina decisiun che ha l'intent da mantegnair ils interess da la Svizra u la segirezza interna u externa.50 4
La delegaziun suttametta a las Cumissiuns da gestiun in rapport ed ina proposta.51 5
Ella decida cun la maioritad dals commembers votants.
4. part
Rapport a la chombra52
Art. 54
53
Art. 55
…54
Ina giada ad onn rapportan las Cumissiuns da finanzas e las Cumissiuns da gestiun a lur chombra davart ils resultats principals da lur lavur.
49 Versiun tenor la cifra I da la LF dals 17 da zer. 2011 (precisaziun dals dretgs da survegnir infurmaziuns da las cumissiuns da surveglianza), en vigur dapi il 1. da nov. 2011 (AS 2011 4537; BBl 2011 1817 1839).
50 Integrà tras la cifra I 2 da la LF dals 17 da dec. 2010 davart il mantegniment da la democrazia, dal stadi da dretg e da l'abilitad d'agir en situaziuns extraordinarias, en vigur dapi il 1. da matg 2011 (AS 2011 1381; BBl 2010 1563 2803).
51 Versiun tenor la cifra I 2 da la LF dals 17 da dec. 2010 davart il mantegniment da la democrazia, dal stadi da dretg e da l'abilitad d'agir en situaziuns extraordinarias, en vigur dapi il 1. da matg 2011 (AS 2011 1381; BBl 2010 1563 2803).
52 Versiun tenor la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
53 Abolì tras la cifra I da la LF dals 3 d'oct. 2008, cun effect dapi ils 2 da mars 2009 (AS 2009 725; BBl 2008 1869 3177).
54 Abolì tras la cifra I da la LF dals 3 d'oct. 2008, cun effect dapi ils 2 da mars 2009 (AS 2009 725; BBl 2008 1869 3177).
Assamblea federala
22
171.10
5. part
Cumissiun da redacziun
Art. 56
Cumposiziun ed
organisaziun
1
La Cumissiun da redacziun è ina cumissiun cuminaivla da las duas chombras.
2
Ella sa cumpona da trais sutcumissiuns - ina per mintga lingua uffiziala da la Confederaziun.
3
La cumissiun sa constituescha sezza.
4
Ella decida cun la maioritad dals commembers votants.
Art. 57
Incumbensas e procedura 1
La Cumissiun da redacziun verifitgescha ils texts dals decrets e fixescha la versiun definitiva per la votaziun finala.
1bis
Ella è ultra da quai responsabla per rectificaziuns redacziunalas en decrets che n'èn betg suttamess a la votaziun finala.55 2 Ella procura ch'ils texts sajan formulads en moda chapaivla e concisa. Ella controllescha ch'ils texts exprimian la voluntad da l'Assamblea federala e guarda che las versiuns da las trais linguas uffizialas correspundian ina a l'autra.
3
La Cumissiun da redacziun na dastga far naginas midadas materialas. Sch'ella constatescha largias materialas, intschertezzas u cuntradicziuns, infurmescha ella ils presidents da las chombras.
Art. 58
Rectificaziuns suenter la votaziun finala 1
Sch'i vegnan constatads sbagls formals u formulaziuns che n'expriman betg il resultat da las tractativas parlamentaras en in decret suenter la votaziun finala, ordinescha la Cumissiun da redacziun las rectificaziuns necessarias fin a la publicaziun en la Collecziun uffiziala da las leschas federalas. Questas correcturas ston vegnir inditgadas.
2
Suenter la publicaziun d'in decret en la Collecziun uffiziala da las leschas federalas po la Cumissiun da redacziun ordinar la rectificaziun da sbagls evidents e midadas da natira legislativa tecnica. Questas correcturas ston vegnir inditgadas.
3
Rectificaziuns impurtantas vegnan communitgadas als commembers da l'Assamblea federala.
Art. 59
Disposiziuns executivas
In'ordinaziun da l'Assamblea federala regla ils detagls da la cumposiziun e da las incumbensas da la Cumissiun da redacziun sco er da la procedura da verificaziun 55 Integrà tras la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
Lescha dal parlament 23
171.10
dals sbozs da decrets avant la votaziun finala e da la rectificaziun da decrets suenter la votaziun finala e suenter la publicaziun.
6. part
Delegaziuns ad assambleas internaziunalas e delegaziuns per las relaziuns cun auters stadis
Art. 60
In'ordinaziun da l'Assamblea federala regla l'organisaziun, las incumbensas e la procedura da delegaziuns che represchentan l'Assamblea federala en radunanzas parlamentaras internaziunalas u en las relaziuns bilateralas cun parlaments d'auters stadis.
5. chapitel Fracziuns
Art. 61
Constituziun 1 Las fracziuns sa cumponan dals parlamentaris da la medema partida.
2
Parlamentaris senza partida e commembers da differentas partidas pon furmar ina fracziun, sch'els han ina direcziun politica sumeglianta.
3
Ina fracziun po vegnir furmada, sche almain tschintg commembers d'ina da las duas chombras sa participeschan a quella.
4
Las fracziuns annunzian al secretari general da l'Assamblea federala lur constituziun, ils commembers, la suprastanza ed il secretari.
Art. 62
Incumbensas e dretgs
1
Las fracziuns predelibereschan las fatschentas da las chombras.
2
Ellas han il dretg d'inoltrar iniziativas parlamentaras, intervenziuns e propostas e da proponer candidats per las elecziuns.
3
Ils reglaments da gestiun pon prevair ulteriurs dretgs per las fracziuns.
4
Las fracziuns pon installar secretariats. Quels survegnan ils medems documents sco ils parlamentaris ed èn suttamess al secret d'uffizi tenor l'artitgel 8.
5
Las fracziuns survegnan ina contribuziun per cuvrir ils custs da lur secretariats. Ils detagls vegnan reglads en la Lescha dals 18 da mars 198856 davart las resursas dal parlament.
56 SR
171.21
Assamblea federala
24
171.10
6. chapitel Gruppas parlamentaras
Art. 63
1 Ils parlamentaris che s'interessan per in tschert sectur pon s'unir a gruppas parlamentaras. Las gruppas ston esser avertas a tut ils parlamentaris.
2
Las gruppas annunzian lur constituziun e lur commembers als Servetschs dal parlament. Quels mainan in register public da las gruppas parlamentaras.
3
Las gruppas parlamentaras survegnan sche pussaivel sustegn administrativ per lur lavur e stanzas da sesidas.
4
Ellas na pon betg sa preschentar en num da l'Assamblea federala.
7. chapitel Administraziun dal parlament
Art. 64
Incumbensas dals Servetschs dal parlament 1
Ils Servetschs dal parlament sustegnan l'Assamblea federala per ch'ella possia ademplir sias incumbensas.
2
Els:
a. planiseschan ed organiseschan las sessiuns e las sesidas da las cumissiuns; b. liquideschan las lavurs da secretariat, las translaziuns e la protocollaziun da las decisiuns e da las tractativas da las chombras, da l'Assamblea federala plenara e da las cumissiuns; c. mainan ina documentaziun e porschan servetschs en il sectur da la documentaziun e da las tecnologias d'infurmaziun;
cbis.57 mainan sistems d'infurmaziun ch'èn destinads a l'evaluaziun da datas per ademplir las incumbensas da l'Assamblea federala, da lur organs e dals parlamentaris; questa elavuraziun da datas po cumpigliar er datas persunalas spezialmain sensiblas; in'ordinaziun da l'Assamblea federala fixescha las funtaunas duvradas per quest intent e regla las autorisaziuns d'access sco er la communicaziun da questas datas; d. cusseglian ils parlamentaris, en spezial ils presidis da las chombras e da las cumissiuns, en dumondas materialas e da procedura; e. infurmeschan la populaziun davart l'Assamblea federala e davart sias activitads;
f.
sustegnan l'Assamblea federala en la tgira da sias relaziuns internaziunalas; 57 Integrà tras la cifra I da la LF dals 16 da mars 2018 (purschidas modernas d'infurmaziun e da documentaziun dal parlament), en vigur dapi ils 26 da nov. 2018 (AS 2018 3547; BBl 2017 6877 6889).
Lescha dal parlament 25
171.10
g. liquideschan tut las ulteriuras incumbensas da l'administraziun dal parlament, cun resalva da las cumpetenzas d'organs da las chombras.
Art. 65
Direcziun dals Servetschs dal parlament 1
Ils Servetschs dal parlament èn suttamess a la surveglianza da la Delegaziun administrativa. 2
Il secretari general da l'Assamblea federala maina ils Servetschs dal parlament.
3
Sch'ils posts dals Servetschs dal parlament lavuran per organs da l'Assamblea federala, fan els quai tenor las directivas da quels organs.
Art. 66
Engaschament dal persunal dals Servetschs dal parlament Tras in'ordinaziun da l'Assamblea federala vegnan ils organs da l'Assamblea federala sco er il secretari general da l'Assamblea federala autorisads d'engaschar il persunal dals Servetschs dal parlament.
Art. 67
Dretgs d'infurmaziun
Ils posts dals Servetschs dal parlament han ils medems dretgs d'infurmaziun sco ils organs da l'Assamblea federala, per ils quals els lavuran.
Art. 68
Consultaziun da
l'administraziun federala 1
Ils organs da l'Assamblea federala e - per lur incumbensa - ils Servetschs dal parlament pon consultar posts da servetsch da l'administraziun federala per ademplir lur incumbensas.
2
La consultaziun ha lieu en accord cun il departament cumpetent u cun la Chanzlia federala.
3
En cas da differenzas decida la Delegaziun administrativa suenter avair tadlà l'avis da Cussegl federal.
Art. 69
Dretg da disponer da las localitads ed access a la Chasa federala 1
Il dretg da disponer da las salas da las chombras vegn exequì dals presidents da las chombras; il dretg da disponer da las ulteriuras localitads da l'Assamblea federala e dals Servetschs dal parlament vegn exequì da la Delegaziun administrativa.
2
Mintga parlamentari po laschar emetter ina carta d'access per mintgamai duas persunas che giavischan - per ina tscherta durada - access a las parts betg publicas da la Chasa federala. Questas persunas e lur funcziuns ston vegnir inscrittas en in register accessibel publicamain.
Art. 70
Disposiziuns executivas
1
L'Assamblea federala decretescha las disposiziuns executivas legislativas davart l'administraziun dal parlament en furma d'ordinaziuns da l'Assamblea federala.
Assamblea federala
26
171.10
2
Las disposiziuns executivas legislativas ch'èn vegnidas decretadas dal Cussegl federal u da posts da servetsch subordinads a quel e che valan per l'administraziun federala, vegnan applitgadas er en il sectur da l'administraziun dal parlament, nun ch'ina ordinaziun da l'Assamblea federala disponia insatge auter.
3
Las cumpetenzas che talas disposiziuns executivas attribueschan al Cussegl federal u a posts da servetsch subordinads a quel, vegnan exequidas da la Delegaziun administrativa ubain dal secretari general da l'Assamblea federala.
5. titel
Procedura en l'Assamblea federala 1. chapitel Disposiziuns generalas da procedura
Art. 71
Objects da
tractativa
Objects da tractativa da l'Assamblea federala èn en spezial: a. sbozs da sias cumissiuns u dal Cussegl federal per decrets da l'Assamblea federala;
b. iniziativas ed intervenziuns parlamentaras inoltradas da ses commembers, da sias fracziuns e da sias cumissiuns sco er iniziativas dals chantuns; c. rapports da sias cumissiuns u dal Cussegl federal; d. propostas per elecziuns e per confermar elecziuns; e. dumondas da ses commembers, da sias fracziuns, da sias cumissiuns u dal Cussegl federal davart la procedura; f.
decleraziuns da las chombras u dal Cussegl federal; g. petiziuns ed instanzas; h. recurs, dumondas e protestas.
Art. 72
Inoltraziun d'objects da tractativa 1
Objects da tractativa ch'èn vegnids inoltrads da parlamentaris u d'organs da las chombras èn pendents en la chombra a partir dal mument ch'els vegnan inoltrads al secretariat da la chombra.
2
Iniziativas dal pievel e dumondas dals chantuns per approvar lur constituziuns èn pendentas en las chombras a partir dal mument ch'ellas vegnan inoltradas a la Chanzlia federala.
3
Ils ulteriurs objects da tractativa èn pendents en tuttas duas chombras a partir dal mument ch'els vegnan inoltrads a l'Assamblea federala.
Art. 73
Retratga d'objects da tractativa 1
Objects da tractativa pon vegnir retratgs da lur auturs fin ch'ina chombra ha prendì in emprim conclus davart l'object respectiv.
Lescha dal parlament 27
171.10
2
Ina iniziativa parlamentara u ina iniziativa dals chantuns na po betg pli vegnir retratga, sche la cumissiun predeliberanta l'ha gia acceptada.
3
Objects da tractativa ch'èn vegnids inoltrads dal Cussegl federal na po quel betg retrair.
Art. 74
Procedura en cas da sbozs per decrets 1
Mintga chombra tracta l'emprim in sboz per in decret e decida, sch'ella vul entrar en materia (debatta d'entrar en materia).
2
Sch'ella decida d'entrar en materia, tracta ella lura artitgel per artitgel il sboz per il decret (tractativa detagliada).
3
I sto vegnir entrà en materia obligatoricamain tar iniziativas dal pievel, preventivs, rapports da gestiun, quints, protestas cunter contracts dals chantuns tranter els u cun l'exteriur, per l'approvaziun da constituziuns chantunalas, tar la planisaziun da la legislatura sco er tar il plan da finanzas.58 4 Suenter che l'emprima tractativa detagliada è terminada ha lieu en la chombra ina votaziun generala. Sch'igl è obligatoric d'entrar en materia, n'ha lieu nagina votaziun generala, auter ch'en cas da preventivs u da quints.
5
Sche la chombra refusa il sboz per in decret en la votaziun generala, correspunda quai ad ina decisiun da betg entrar en materia. Sche la chombra refusa preventivs u quints en la votaziun generala, decida ella da refusar e da renviar quels al Cussegl federal.
6
Sch'igl è vegnì decidì d'entrar en in sboz per in decret, po quel vegnir stritgà sin proposta da la cumissiun predeliberanta u dal Cussegl federal, en cas ch'el è daventà obsolet.59
Art. 75
Refusaziun 1 Ina chombra po refusar per mauns dal Cussegl federal u da la cumissiun predeliberanta in sboz per in decret, en il qual ella è entrada, u in auter object da tractativa, cun l'incumbensa d'examinaziun u da far midadas.
2
Singulas parts u disposiziuns po ella er refusar pli tard en la tractativa.
3
Propostas da refusaziun ston declerar, tge che duai vegnir examinà, midà u cumplettà.
58 Versiun tenor la cifra 1 da l'agiunta da la LF dals 26 da sett. 2014 (nov model da gestiun per l'administraziun federala), en vigur dapi il 1. da schan. 2016 (AS 2015 1583; BBl 2014 767).
59 Integrà tras la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
Assamblea federala
28
171.10
Art. 76
Propostas 1 Mintga parlamentari po inoltrar a la chombra ed a la cumissiun predeliberanta propostas concernent in object da tractativa pendent. El po dumandar la cumissiun cumpetenta d'inoltrar ina iniziativa parlamentara u ina intervenziun da la cumissiun.
1bis
In sboz per in decret po mo vegnir inoltrà en furma d'ina proposta, sche: a. in sboz per in decret pendent duai vegnir dividì en plirs sbozs; b. ina cuntraproposta davart la medema dumonda constituziunala duai vegnir opponida ad ina iniziativa dal pievel (art. 101).60 2
Propostas che pertutgan la procedura (propostas davart l'urden) ston per regla vegnir tractadas immediatamain.
3
Cun ina proposta davart l'urden poi vegnir pretendì da revegnir ad in conclus, uschè ditg ch'ina chombra n'ha betg terminà sia deliberaziun davart in object da tractativa.61 3bis
Ina proposta davart l'urden che pretenda da revegnir a la decisiun d'entrar en materia, è inadmissibla.62 3ter Ina proposta davart l'urden che pretenda da repeter ina votaziun, cun la quala la chombra ha terminà sia deliberaziun d'in object da tractativa, dastga vegnir inoltrada mo directamain suenter la votaziun.63 4 Propostas ch'èn vegnidas refusadas d'ina maioritad da la cumissiun pon vegnir inoltradas sco propostas da minoritad.
Art. 77
Clausula d'urgenza
1
En cas d'in sboz per ina lescha federala che duai vegnir declerada sco urgenta na suttastat la clausula d'urgenza betg a la votaziun generala.
2
Davart la clausula d'urgenza vegni decidì pir suenter l'eliminaziun da las differenzas.
3
Sche la clausula d'urgenza vegn refusada, rectifitgescha la Cumissiun da redacziun il text da las disposiziuns davart il referendum e davart l'entrada en vigur, suenter avair consultà ils presidents da las cumissiuns predeliberantas.64 60 Integrà tras la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
61 Versiun tenor la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
62 Integrà tras la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
63 Integrà tras la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
64 Versiun tenor la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
Lescha dal parlament 29
171.10
Art. 78
Procedura da votaziun 1
Sin dumonda sto vegnir votà separadamain davart dumondas da votaziun divisiblas.
2
Sch'i dat tar in object da votaziun duas propostas che sa refereschan a la medema part dal text u ch'excludan ina l'autra, ston quellas vegnir opponidas ina a l'autra en la votaziun.
3
Sch'i n'è betg pussaivel d'opponer las propostas ina a l'autra en la votaziun, stoi vegnir votà davart mintga proposta en ina votaziun separada.
4
Davart propostas incontestadas na vegni betg votà.
5
Las vuschs ston adina vegnir dumbradas en cas da: a. votaziuns
generalas;
b. votaziuns davart ina proposta da reconciliaziun; c. votaziuns davart disposiziuns che dovran il consentiment da la maioritad dals commembers da mintgina da las duas chombras (art. 159 al. 3 Cst.); d. votaziuns
finalas.65
Art. 79
Votaziun eventuala
1
Sch'i dat tar il medem object da votaziun dapli che duas propostas, ston quellas vegnir opponidas successivamain ina a l'autra en votaziuns eventualas, fin ch'i restan duas propostas per ina votaziun.
2
La successiun da votar davart las propostas sto vegnir concepida uschia, ch'ins cumenza cun las propostas che divergeschan il pli pauc areguard il cuntegn e cuntinuescha pass per pass fin a quellas che divergeschan il pli fitg.
3
Sch'ins na po betg fixar ina successiun clera tenor ils criteris da l'alinea 2, vegnan opponidas ina a l'autra en votaziuns eventualas l'emprim las propostas dals parlamentaris, alura las propostas da las minoritads da la cumissiun e la finala la proposta dal Cussegl federal. Il resultat da l'ultima votaziun vegn opponì a la proposta da la maioritad da la cumissiun.
4
L'urden da votaziun na po betg vegnir midà tras ina proposta eventuala.66
Art. 80
Vusch dal president
1
Il president da la chombra na votescha betg. En cas da paritad da las vuschs ha el la decisiun da tagl.
65 Integrà tras la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
66 Integrà tras la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
Assamblea federala
30
171.10
2
Sch'i dovra il consentiment da la maioritad dals commembers da mintga chombra, votescha er il president.
Art. 81
Votaziun finala
1
Ina votaziun finala ha lieu davart: a. leschas
federalas;
b. ordinaziuns da l'Assamblea federala; c. conclus federals che suttastattan al referendum obligatoric u facultativ.67 1bis
La votaziun finala ha lieu, uschespert che las chombras han prendì conclus concordants davart il sboz per in decret ed approvà il text rectifitgà da la Cumissiun da redacziun. La votaziun finala en las duas chombras ha lieu il medem di.68 2
Sche tuttas duas chombras approveschan il sboz per in decret, è il decret da l'Assamblea federala valaivel.
3
Sch'ina chombra refusa u sche tuttas duas chombras refusan il sboz per in decret, n'è il decret betg valaivel.
Art. 82
Publicaziun dal cumportament da votaziun Ils reglaments da las duas chombras reglan en tge cas ch'il resultat da la votaziun vegn publitgà en furma d'ina glista da nums.
2. chapitel Procedura tranter las chombras 1. part Cooperaziun da las chombras
Art. 83
Conclus concordants da las chombras 1
Per conclus da l'Assamblea federala dovri la concordanza da tuttas duas chombras.
2
Nagin conclus concordant na dovri per petiziuns e per rapports che vegnan suttamess per enconuschientscha.
Art. 84
Determinaziun da la chombra prioritara 1
Ils objects da tractativa che ston vegnir tractads separadamain da tuttas duas chombras vegnan attribuids ad ina da las chombras per l'emprima tractativa (chombra prioritara).
2
Ils presidents da las chombras sa cunvegnan davart l'attribuziun. Sch'i na dat nagina cunvegnientscha, decida la sort.
67 Versiun tenor la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
68 Integrà tras la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
Lescha dal parlament 31
171.10
Art. 85
Successiun temporala dal tractament en las chombras 1
Sbozs per midar la Constituziun federala e per leschas federalas betg urgentas na vegnan per regla betg tractads per l'emprima giada da tuttas duas chombras en la medema sessiun.
2
Sin dumonda dal Cussegl federal u da la cumissiun po la Conferenza da coordinaziun decider ch'in object da tractativa tenor l'alinea 1 vegn tractà l'emprima giada excepziunalmain en tuttas duas chombras en la medema sessiun.
Art. 86
Transmissiun dals objects da tractativa a l'autra chombra 1
Objects da tractativa che ston vegnir tractads da tuttas duas chombras vegnan transmess a l'autra chombra, sche la chombra prioritara ha prendì ina decisiun.
2
La chombra prioritara dastga reprender la tractativa pir, cura che l'autra chombra ha prendì ina decisiun.
3
Sch'i vegnan suttamess a l'Assamblea federala en ina missiva u en in rapport sbozs per plirs decrets, pon quels vegnir transmess a l'autra chombra in suenter l'auter suenter la votaziun generala respectiva.
4
In conclus federal davart ina cuntraproposta tar ina iniziativa dal pievel sto vegnir transmess a l'autra chombra ensemen cun il conclus federal davart l'iniziativa dal pievel correspundenta.69
Art. 87
Refusaziun e suspensiun da la procedura 1
Sch'ina chombra refusa in object da tractativa cumplettamain per mauns dal Cussegl federal, vegn il conclus da refusaziun transmess a l'autra chombra.
2
Sche l'autra chombra n'accepta betg il conclus da refusaziun, vegn effectuada la refusaziun, sche la chombra prioritara insista sin il conclus.
3
La medema procedura vala er, sch'ina chombra concluda da suspender da tractar in object da tractativa per probablamain passa 1 onn (suspensiun).
Art. 88
Divisiun da la tractativa d'in sboz per in decret 1
Excepziunalmain po in sboz per in decret voluminus vegnir dividì tras in conclus concordant da tuttas duas chombras e transmess en parts a l'autra chombra gia avant la votaziun generala.
2
Ils parlamentaris pon far propostas da revegnir a disposiziuns da l'entir sboz da decret fin a la votaziun generala.
3
Sch'ils conclus da las duas chombras divergeschan in da l'auter areguard la divisiun dal sboz da decret e sche la chombra che ha refusà la divisiun conferma ses 69 Integrà tras la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
Assamblea federala
32
171.10
conclus, vegn il project transmess a l'autra chombra pir suenter che la votaziun generala ha gì lieu.
2. part
Differenzas tranter las chombras
Art. 89
Procedura en cas da differenzas 1
Sch'igl existan differenzas tranter las chombras suenter la tractativa dal sboz per in decret, vegnan ils conclus divergents d'ina chombra transmess per la tractativa a l'autra chombra, fin che las chombras sa cunvegnan.
2
Suenter l'emprima tractativa en mintga chombra sa restrenscha l'ulteriura tractativa exclusivamain a las dumondas divergentas.
3
Ina chombra po mo revegnir ad autras dumondas, sche quai è necessari pervia da novs conclus u sche las cumissiuns predeliberantas da las duas chombras fan ensemen ina proposta da revegnir.
Art. 90
70
Art. 91
Nominaziun d'ina conferenza da conciliaziun 1
Sch'i existan suenter trais tractativas detagliadas en mintga chombra anc adina differenzas, vegn nominada ina conferenza da conciliaziun. Quella sto tschertgar in cumpromiss.
2
Las cumissiuns predeliberantas delegheschan mintgamai 13 commembers a la conferenza da conciliaziun. Sche la cumissiun predeliberanta d'ina chombra dumbra main che 13 commembers, sto ella vegnir cumplettada a quest dumber. La cumposiziun da las delegaziuns da mintga cumissiun sa drizza tenor l'artitgel 43 alinea 3.
3
Il president da la cumissiun da la chombra prioritara presidiescha la conferenza. La substituziun dal president e dals commembers da la conferenza da conciliaziun sa drizza tenor las disposiziuns correspundentas cuntegnidas en ils reglaments da gestiun.71 70 Versiun tenor la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
71 Integrà la segunda frasa tras la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
Lescha dal parlament 33
171.10
Art. 92
Procedura da decisiun en la conferenza da conciliaziun 1
La conferenza da conciliaziun è abla da decider, sche la maioritad dals commembers da mintga delegaziun è preschenta. L'abilitad da decider sto vegnir constatada explicitamain.
2
La conferenza da conciliaziun decida cun la maioritad da ses commembers votants.
Il president sa participescha a la votaziun. En cas da paritad da las vuschs prenda el la decisiun da tagl.
3
La conferenza da conciliaziun fa ina proposta da conciliaziun che eliminescha tut las differenzas restadas en ina giada.
Art. 93
Tractament da la proposta da conciliaziun en las chombras 1
L'emprim vegn la proposta da conciliaziun examinada da la chombra prioritara.
Sche quella approvescha cumplainamain la proposta da conciliaziun, vegn la proposta transmessa a l'autra chombra.
2
Sch'ina da las chombras refusa la proposta da conciliaziun, vegn stritgà il sboz per in decret.
Art. 94
Eliminaziun da differenzas en connex cun il preventiv e cun credits posteriurs
Sch'ina proposta da conciliaziun per il conclus federal davart il preventiv da la Confederaziun u davart in supplement vegn refusada, vala il conclus da la terza tractativa che prevesa l'import pli bass sco approvà.
a72 Eliminaziun da differenzas en connex cun la planisaziun da la legislatura e cun il plan da finanzas73 1
En cas dal conclus federal davart la planisaziun da la legislatura vegn nominada la conferenza da conciliaziun, sch'i dat divergenzas suenter l'emprima tractativa en las chombras.
2
En cas da conclus federals davart la planisaziun da la legislatura e davart il plan da finanzas fa la conferenza da conciliaziun ina proposta da conciliaziun tar mintga differenza. Davart mintga proposta vegni votà separadamain.74 3 Sch'ina proposta vegn refusada, vegn la disposiziun respectiva stritgada.
72 Integrà tenor la cifra I da la LF dals 22 da zer. 2007 (planisaziun da la legislatura), en vigur dapi il 1. da dec. 2007 (AS 2007 5231; BBl 2006 1837 1857).
73 Versiun tenor la cifra 1 da l'agiunta da la LF dals 26 da sett. 2014 (nov model da gestiun per l'administraziun federala), en vigur dapi il 1. da schan. 2016 (AS 2015 1583; BBl 2014 767).
74 Versiun tenor la cifra 1 da l'agiunta da la LF dals 26 da sett. 2014 (nov model da gestiun per l'administraziun federala), en vigur dapi il 1. da schan. 2016 (AS 2015 1583; BBl 2014 767).
Assamblea federala
34
171.10
Art. 95
Eliminaziun da differenzas en cas spezials Sche las divergenzas tranter ils conclus da las duas chombras sa refereschan a l'object da tractativa sco unitad, è la segunda refusa d'ina chombra definitiva. Quai vala cunzunt per: a. entrar en in sboz per in decret; b. acceptar in sboz per in decret en ina votaziun generala; c. approvar in contract internaziunal; d. approvar ina constituziun chantunala; e. prender posiziun tar ina iniziativa dal pievel en furma d'ina proposta generala;
f. la
clausula
d'urgenza;
g.75 decider, sch'ina iniziativa dals chantuns duai vegnir acceptada; h. approvar ordinaziuns
dal Cussegl federal; i.76 … j.
mantegnair in object da tractativa che vegn proponì da stritgar.
3. chapitel Procedura tar iniziativas dal pievel 1. part Iniziativa dal pievel per ina revisiun totala da la Constituziun federala
Art. 96
Sch'ina iniziativa dal pievel declerada sco valaivla pretenda ina revisiun totala da la Constituziun federala, suttametta l'Assamblea federala l'iniziativa a la votaziun dal pievel.
2. part
Iniziativa dal pievel per ina revisiun parziala da la Constituziun federala a. Disposiziuns cuminaivlas
Art. 97
Missiva e sboz dal conclus dal Cussegl federal 1
Il Cussegl federal suttametta a l'Assamblea federala: 75 Versiun tenor la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
76 Abolì tras la cifra I da la LF dals 17 da zer. 2011 (dumondas d'abolir l'immunitad), cun effect dapi ils 5 da dec. 2011 (AS 2011 4627; BBl 2010 7345 7385).
Lescha dal parlament 35
171.10
a. il pli tard 1 onn suenter l'inoltraziun da l'iniziativa dal pievel valaivla ina missiva ed in sboz per in conclus federal uschia che l'Assamblea po prender posiziun; b. il pli tard 1 onn suenter ch'il pievel u l'Assamblea federala ha approvà ina iniziativa en furma d'ina proposta generala ina missiva ed in sboz per in conclus federal davart ina revisiun parziala da la Constituziun federala.
2
Sch'il Cussegl federal concluda d'elavurar il sboz per in conclus federal concernent ina cuntraproposta u il sboz per in decret ch'è collià stretgamain cun l'iniziativa dal pievel, vegn il termin prolungà a 18 mais.77 3
Sch'il Cussegl federal na suttametta betg a l'Assamblea federala entaifer il termin previs sia missiva cun il sboz per in conclus federal, po ina cumissiun cumpetenta elavurar il sboz necessari per in decret.78
Art. 98
Valaivladad d'iniziativas dal pievel 1
L'Assamblea federala declera sco per part u dal tuttafatg nunvalaivla ina iniziativa dal pievel, sch'ella constatescha che las pretensiuns da l'artitgel 139 alinea 3 da la Constituziun federala n'èn betg ademplidas.
2
Sche las decisiuns da las duas chombras divergeschan areguard la valaivladad d'ina l'iniziativa dal pievel u da parts da quella e sche la chombra che ha affirmà la valaivladad da l'iniziativa conferma sia decisiun, èn l'iniziativa dal pievel respectivamain las parts dispitaivlas valaivlas.
3
Sche la proposta da reconciliaziun concernent la recumandaziun per la votaziun vegn refusada, vegn stritgada - en divergenza da l'artitgel 93 alinea 2 - mo la disposiziun respectiva.79
Art. 99
Scumond da midar il text d'ina iniziativa dal pievel 1
Il text da tut las parts valaivlas d'ina iniziativa dal pievel sto vegnir suttamess a la votaziun dal pievel en sia formulaziun originala.
2
Resalvada resta la cumpetenza da la Cumissiun da redacziun da rectifitgar sbagls da translaziun evidents e da far las adattaziuns formalas necessarias per pudair integrar la midada constituziunala proponida en la Constituziun. La cumissiun dat al comité d'iniziativa la pussaivladad da prender posiziun.80 77 Versiun tenor la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
78 Versiun tenor la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
79 Integrà tras la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
80 Integrà tras la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
Assamblea federala
36
171.10
b. Iniziativa dal pievel en furma d'in sboz elavurà
Art. 100
Recumandaziun per la votaziun Entaifer 30 mais suenter ch'ina iniziativa dal pievel è vegnida inoltrada en furma d'in sboz elavurà decida l'Assamblea federala, sch'ella recumonda al pievel ed als chantuns d'acceptar u da refusar l'iniziativa.
Art. 101
81 Cuntraproposta 1 Ensemen cun l'iniziativa dal pievel po l'Assamblea federala suttametter a la votaziun dal pievel e dals chantuns ina cuntraproposta davart la medema dumonda constituziunala.
2
Il conclus federal davart la cuntraproposta da l'Assamblea federala vegn tractà en tuttas duas chombras avant che quellas decidan davart la recumandaziun per la votaziun che duai figurar en il conclus federal davart l'iniziativa dal pievel.
3
La votaziun finala davart il conclus federal concernent la cuntraproposta ha lieu il pli tard 8 dis avant la finiziun da quella sessiun che ha lieu avant ch'il termin per tractar l'iniziativa dal pievel scada. Sch'ina chombra refusa quest conclus federal en la votaziun finala, propona la conferenza da conciliaziun la recumandaziun per la votaziun che duai figurar en il conclus federal davart l'iniziativa dal pievel. Ina cuntraproposta n'è betg pli admessa.
Art. 102
82
Sche l'Assamblea federala suttametta a la votaziun dal pievel e dals chantuns ultra da l'iniziativa dal pievel ina cuntraproposta, po ella: a. recumandar da refusar l'iniziativa dal pievel e d'acceptar la cuntraproposta; u
b. recumandar d'acceptar tuts dus projects.
2
Sch'ella recumonda d'acceptar tuts dus projects, recumonda ella en la dumonda decisiva al pievel d'acceptar la cuntraproposta.
c. Iniziativa en furma d'ina proposta generala
Art. 103
Posiziun e votaziun dal pievel 1
Entaifer 2 onns suenter ch'ina iniziativa dal pievel è vegnida inoltrada en furma d'ina proposta generala decida l'Assamblea federala, sch'ella accepta l'iniziativa.
81 Versiun tenor la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
82 Versiun tenor la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
Lescha dal parlament 37
171.10
2
Sche l'Assamblea federala refusa l'iniziativa dal pievel, suttametta ella quella a la votaziun dal pievel.
Art. 104
Elavuraziun d'ina midada constituziunala tras l'Assamblea federala 1
Sche l'Assamblea federala va d'accord cun l'iniziativa dal pievel u sch'il pievel accepta quella, elavura l'Assamblea federala entaifer 2 onns ina revisiun parziala da la Constituziun federala.
2
L'Assamblea federala resguarda tar l'elavuraziun il cuntegn e las finamiras da l'iniziativa dal pievel.
3
Sche las duas chombras na pon betg sa cunvegnir areguard il sboz tar l'elavuraziun da la revisiun parziala u sch'ina da las duas chombras refusa il sboz, ston vegnir suttamess a la votaziun dal pievel e dals chantuns sco variantas ils conclus da las chombras ch'èn resultads en l'ultima tractativa.
d. Prolungaziun e scadenza da termins
Art. 105
Prolungaziun dal termin 1
Sch'ina chombra decida davart ina cuntraproposta u davart il sboz per in decret ch'è collià stretgamain cun l'iniziativa dal pievel, po l'Assamblea federala prolungar il termin da tractament per 1 onn.
1bis
…83
2
Sche las decisiuns da las duas chombras davart la prolungaziun dal termin na correspundan betg ina a l'autra, na vegn il termin betg prolungà.
Art. 106
Scadenza dal
termin
Sch'i na dat betg in conclus concordant da las duas chombras entaifer il termin legal, ordinescha il Cussegl federal la votaziun dal pievel.
83 Integrà tras la cifra II da la LF dals 25 da sett. 2009 (retratga cundiziunada d'ina iniziativa dal pievel) (AS 2010 271; BBl 2009 3591 3609). Abolì tras la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), cun effect dapi ils 25 da nov. 2013 (AS 2013 3687; BBl 2011 6793 6829).
Assamblea federala
38
171.10
4. chapitel Procedura tar iniziativas parlamentaras
Art. 107
84
1
Tras ina iniziativa parlamentara poi vegnir proponì ch'ina cumissiun elavuria in sboz per in decret da l'Assamblea federala.
2
L'iniziativa parlamentara sto vegnir motivada. La motivaziun sto cuntegnair en spezial las finamiras dal decret.
3
Tras ina iniziativa parlamentara po ina cumissiun suttametter a sia chombra in sboz per in decret.
Art. 108
Inadmissibladad L'iniziativa parlamentara d'in parlamentari u d'ina fracziun è inadmissibla, sche la dumonda po vegnir inoltrada sco proposta tar il sboz per in decret pendent en l'Assamblea federala. Davart excepziuns decida il biro da la chombra.
Art. 109
Procedura da l'examinaziun preliminara 1
Iniziativas parlamentaras d'in parlamentari u d'ina fracziun sco er propostas per elavurar ina iniziativa da la cumissiun che vegnan inoltradas a tala ston vegnir suttamessas ad in'examinaziun preliminara.
2
La cumissiun cumpetenta da la chombra, a la quala l'iniziativa è vegnida inoltrada, decida il pli tard 1 onn suenter l'attribuziun da l'iniziativa, sch'ella vul acceptar l'iniziativa u sch'ella propona a la chombra da refusar quella. Sche la chombra accepta la proposta da la cumissiun, è l'iniziativa liquidada.85 3 Il conclus d'acceptar ina iniziativa u d'elavurar ina iniziativa da la cumissiun sto vegnir approvà da la cumissiun cumpetenta da l'autra chombra. Questa cumissiun envida la cumissiun da la chombra prioritara da nominar ina delegaziun che la preschenta il conclus. Sche la segunda cumissiun n'accepta betg il conclus, vegn l'iniziativa mo acceptada sche tuttas duas chombras l'acceptan. Sche la segunda chombra n'accepta betg l'iniziativa, è quella refusada definitivamain.86 3bis La cumissiun da l'autra chombra e - per mancanza d'ina decisiun concordantalas cumissiuns cumpetentas da las chombras prendan lur decisiun tenor l'alinea 3 u
84 Versiun tenor la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
85 Versiun tenor la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829). Guardar er la disp. trans. da questa midada a la fin da questa lescha.
86 Integrà la quarta frasa tras la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
Lescha dal parlament 39
171.10
fan lur proposta a lur chombra mintgamai il pli tard 1 onn suenter ch'ina cumissiun u ina chombra ha prendì in conclus davart l'iniziativa.87 4 Sche quel che ha inoltrà ina iniziativa u la proposta d'elavurar ina iniziativa n'è betg commember da la cumissiun, po el prender part cun vusch consultativa a las sesidas da la cumissiun da l'atgna chombra durant l'examinaziun preliminara.88 5 Sche l'autur d'ina iniziativa sorta da la chombra e sche nagin auter parlamentari na surpiglia l'iniziativa durant l'emprima emna da la proxima sessiun, vegn l'iniziativa stritgada senza conclus da la chombra, nun che la cumissiun haja gia acceptà l'iniziativa.89
Art. 110
Object da l'examinaziun preliminara 1
Ina iniziativa u ina proposta per elavurar ina iniziativa vegn acceptada, sch'il basegn da regulaziun vegn da princip approvà e sche la furma da l'iniziativa parlamentara vegn giuditgada sco cunvegnenta.
2
La furma da l'iniziativa parlamentara sto vegnir giuditgada sco cunvegnenta cunzunt, sche:
a. l'iniziativa propona in sboz per in decret en il sectur dal dretg parlamentar; b. l'elavuraziun d'in sboz per in decret ch'è vegnida pretendida da moziuns inoltradas n'è betg vegnida fatga a temp; u c.90 in sboz per in decret po probablamain vegnir elavurà pli svelt sin questa via che tras ina moziun.
3
La cumissiun examinescha, co ch'ella po elavurar in sboz da decret a temp ed en moda adequata cun ils meds che la stattan a disposiziun.
Art. 111
Elavuraziun d'in sboz per in decret 1
Sch'ina iniziativa vegn acceptada, elavura la cumissiun cumpetenta da la chombra, a la quala l'iniziativa è vegnida inoltrada, entaifer 2 onns in sboz.
2
Sche quel che ha inoltrà ina iniziativa u la proposta d'elavurar ina iniziativa n'è betg commember da la cumissiun, po el prender part cun vusch consultativa a las sesidas da la cumissiun da l'atgna chombra durant l'elavuraziun dal sboz.91 87 Integrà tras la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829). Guardar er la disp. trans. da questa midada a la fin da questa lescha.
88 Versiun tenor la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
89 Integrà tras la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
90 La rectificaziun da la Cumissiun da redacziun da l'Assamblea federala dals 17 da favr. 2016, publitgada il 1. da mars 2016, concerna mo il text talian (AS 2016 657).
91 Versiun tenor la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
Assamblea federala
40
171.10
3
Il rapport ch'explitga il sboz per in decret da l'Assamblea federala correspunda a las pretensiuns d'ina missiva dal Cussegl federal (art. 141).
Art. 112
Collavuraziun cun il Cussegl federal e cun l'administraziun federala 1
La cumissiun po consultar il departament cumpetent per survegnir tut las infurmaziuns giuridicas e materialas ch'èn necessarias per elavurar il sboz per in decret.
2
Ella dat en consultaziun il sboz preliminar inclusiv il rapport explicativ tenor las disposiziuns da la Lescha federala dals 18 da mars 200592 davart la procedura da consultaziun.93 3 Il rapport ed il sboz per in decret, ch'ella suttametta a la chombra, suttametta ella a medem temp er al Cussegl federal per laschar prender posiziun e fixescha in termin adequat per quest intent; exceptadas èn disposiziuns davart l'organisaziun u la procedura da l'Assamblea federala che n'èn betg fixadas en la lescha e che na concernan betg directamain il Cussegl federal.94 4 Sch'il Cussegl federal propona ina midada, tracta la cumissiun la posiziun dal Cussegl federal avant che la tractativa dal sboz per in decret ha lieu en la chombra prioritara.
Art. 113
Prolungaziun da termins e stritgada 1
Sche la cumissiun na preschenta betg ses sboz per in decret entaifer 2 onns, decida la chombra sin proposta da la cumissiun u dal biro, sch'il termin vegn prolungà u sche l'iniziativa vegn stritgada.
2
La cumissiun po proponer a la chombra da stritgar l'iniziativa, sche: a. ella è ademplida tras in auter sboz per in decret; u b. l'incumbensa a la cumissiun na duai betg vegnir mantegnida.
Art. 114
Tractament dal sboz per in decret en las chombras 1
Sche la chombra accepta en la votaziun generala il sboz per in decret elavurà da sia cumissiun, vegn l'iniziativa tramessa a l'autra chombra e vegn tractada vinavant tenor la procedura ordinaria per sbozs da decrets.95 92 SR
172.061
93 Versiun tenor l'art. 12 cifra 1 da la Lescha federala dals 18 da mars 2005 davart la procedura da consultaziun, en vigur dapi il 1. da sett. 2005 (AS 2005 4099; BBl 2004 533).
94 Versiun tenor la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
95 Versiun tenor la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
Lescha dal parlament 41
171.10
1bis
Sche la chombra n'entra betg en il sboz per in decret elavurà da sia cumissiun u sch'ella refusa il sboz en la votaziun generala, è l'iniziativa liquidada.96 2 En la cumissiun da la segunda chombra vegn il sboz da la chombra prioritara preschentà d'in commember da quella cumissiun che l'ha elavurà.
5. chapitel Procedura tar iniziativas dals chantuns
Art. 115
97
1
Tras ina iniziativa dals chantuns po mintga chantun proponer ch'ina cumissiun elavuria in sboz per in decret da l'Assamblea federala.
2
L'iniziativa dals chantuns sto vegnir motivada. La motivaziun sto cuntegnair en spezial las finamiras dal decret.
Art. 116
Procedura da l'examinaziun preliminara 1
Iniziativas dals chantuns èn suttamessas ad in'examinaziun preliminara.
2
Per l'examinaziun preliminara vala l'artitgel 110 tenor il senn.
3
Il conclus d'acceptar ina iniziativa sto vegnir approvà da las cumissiuns cumpetentas da tuttas duas chombras. Sch'ina cumissiun refusa il conclus, decida la chombra entira. Sche la chombra refusa il conclus, vegn l'iniziativa surdada a l'autra chom-
bra. La segunda refusa da vart d'ina chombra è definitiva.
3bis
Per las cumissiuns valan ils termins tenor l'artitgel 109 alineas 2 e 3bis.98 4
Durant l'examinaziun preliminara lascha la cumissiun da la chombra prioritara vegnir a pled ina represchentanza dal chantun.
Art. 117
Elavuraziun d'in sboz per in decret 1
Tenor l'artitgel 84 vegn ina iniziativa acceptada suttamessa anc ina giada ad ina da las chombras per l'emprim tractament.
2
Per l'ulteriura procedura valan ils artitgels 111-114 tenor il senn. L'annullaziun d'ina iniziativa sto vegnir approvada da l'autra chombra. Sche la chombra prioritara decida da betg entrar en il sboz da la cumissiun u sch'ella refusa il sboz en la votaziun generala, vala quai sco annullaziun.
96 Integrà tras la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
97 Versiun tenor la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
98 Integrà tras la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829). Guardar er la disp. trans. da questa midada a la fin da questa lescha.
Assamblea federala
42
171.10
6. chapitel Procedura tar intervenziuns parlamentaras 1. part Disposiziuns generalas
Art. 118
Tips d'intervenziuns parlamentaras 1
Intervenziuns parlamentaras èn: a. la
moziun;
b. il
postulat;
c. l'interpellaziun; d. la dumonda.
2
Ellas sa drizzan per regla al Cussegl federal.
3
Ellas sa drizzan al biro da la chombra, a la quala ellas èn vegnidas inoltradas, sch'ellas sa refereschan al sectur dal dretg parlamentar.
4
Ellas sa drizzan als tribunals da la Confederaziun, sch'ellas sa refereschan a lur gestiun u a lur finanzas; moziuns èn exclusas.
4bis
Ellas sa drizzan a l'Autoritad da surveglianza da la Procura publica federala, sch'ellas sa refereschan a la gestiun u a las finanzas da la Procura publica federala u da sia autoritad da surveglianza; moziuns èn exclusas.99 5 Per las intervenziuns als biros da las chombras ed als tribunals da la Confederaziun valan ils artitgels 120-125 tenor il senn.100
Art. 119
Disposiziuns generalas per la procedura tar intervenziuns 1
Intervenziuns pon vegnir inoltradas da la maioritad d'ina cumissiun ubain durant la sessiun d'ina fracziun u d'in parlamentari.
2
Sch'il cuntegn d'ina intervenziun po vegnir dividì, po vegnir debattà e votà separadamain davart ils singuls puncts.
3
Il text d'ina intervenziun inoltrada na po betg pli vegnir midà; resalvà resta l'artitgel 121 alinea 3 litera b.101 4
…102
99 Integrà tras la cifra I da la LF dals 21 da zer. 2013 (meglieraziuns da l'organisaziun e da las proceduras dal parlament), en vigur dapi ils 25 da nov. 2013 (AS 2013 3687; BBl 2011 6793 6829).
100 La rectificaziun da la Cumissiun da redacziun da l'Assamblea federala dal 15 da favr. 2018, publitgada il 27 da favr. 2018, concerna mo il text franzos (AS 2018 935).
101 Versiun tenor la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
102 Abolì tras la cifra I da la LF dals 3 d'oct. 2008, cun effect dapi ils 2 da mars 2009 (AS 2009 725; BBl 2008 1869 3177).
Lescha dal parlament 43
171.10
5
L'intervenziun d'in parlamentari u d'ina fracziun vegn annullada senza ina decisiun da la chombra, sche:
a. la chombra n'ha betg tractà definitivamain l'intervenziun entaifer 2 onns suenter ch'ella è vegnida inoltrada; u b. l'autur sorta da la chombra e nagin auter parlamentari na surpiglia l'intervenziun en l'emprima emna da la proxima sessiun.103
6
…104
2. part
Moziun
Art. 120
Object 1 La moziun incumbensescha il Cussegl federal da preschentar in sboz per in decret da l'Assamblea federala u da prender ina mesira.
2
Sch'il Cussegl federal è cumpetent da prender la mesira, prenda el quella u suttametta a l'Assamblea federala il sboz per in decret che realisescha la moziun.
3
Ina moziun è inadmissibla, sch'ella vul prender influenza sin ina disposiziun administrativa che sto vegnir decretada en ina procedura definida da la lescha u sin ina
decisiun da recurs.
Art. 121
105 Tractament en las chombras
1
Il Cussegl federal propona d'acceptar u da refusar la moziun, e quai per regla il pli tard il cumenzament da la proxima sessiun ordinaria suenter l'inoltraziun. Sch'ina moziun vegn inoltrada d'ina cumissiun damain che 1 mais avant che la proxima sessiun ordinaria cumenza, formulescha il Cussegl federal sia proposta il pli tard il cumenzament da la surproxima sessiun.
2
Sch'ina chombra refusa ina moziun, è quella liquidada. Sche la chombra, nua che la moziun è vegnida inoltrada, accepta quella, vegn ella transferida a l'autra chombra.
3
Ina moziun ch'è vegnida acceptada en la chombra prioritara po la segunda chombra: a. acceptar u refusar definitivamain; b. midar sin proposta da la maioritad da la cumissiun predeliberanta u dal Cussegl federal.
4
En la segunda tractativa po la chombra prioritara acceptar las midadas che la segunda chombra ha fatg, u refusar definitivamain la moziun.
103 Versiun tenor la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
104 Abolì tras la cifra I da la LF dals 3 d'oct. 2008, cun effect dapi ils 2 da mars 2009 (AS 2009 725; BBl 2008 1869 3177).
105 Versiun tenor la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
Assamblea federala
44
171.10
5
Ina moziun ch'è vegnida acceptada da la chombra prioritara è acceptada definitivamain, senza il consentiment da la segunda chombra, sche:
a. ella sa referescha a dumondas da l'organisaziun e da la procedura da la chombra, nua ch'ella è vegnida inoltrada; u b. ella è vegnida inoltrada d'ina cumissiun ed ina moziun identica d'ina cumissiun è vegnida acceptada da l'autra chombra.
Art. 122
106
Sch'ina moziun è pendenta per passa 2 onns, infurmescha il Cussegl federal ina giada l'onn l'Assamblea federala davart las lavurs fatgas fin ussa e davart las mesiras ch'el vul prender per ademplir l'incumbensa. Quest rapport vegn adressà a las cumissiuns cumpetentas.
2
Ina cumissiun u il Cussegl federal propona d'annullar ina moziun, sche la finamira da la moziun è ademplida. La proposta sa drizza a tuttas duas chombras, nun che la moziun sa refereschia a dumondas da l'organisaziun e da la procedura d'ina singula chombra.
3
L'annullaziun po er vegnir proponida, sche l'incumbensa n'è anc betg ademplida, ma na duai betg vegnir mantegnida. La proposta vegn motivada: a. tras ina rapport spezial davart la moziun annullabla; u b. tras ina missiva davart in sboz per in decret da l'Assamblea federala ch'è collià materialmain cun la moziun.
4
Sche las decisiuns da las duas chombras davart la proposta d'annullaziun sa divergeschan, vegn applitgada l'eliminaziun da differenzas tenor l'artitgel 95.
5
Sche la proposta d'annullaziun vegn refusada da tuttas duas chombras, sto il Cussegl federal ademplir l'incumbensa da la moziun entaifer 1 onn u entaifer il termin legal che las duas chombras han fixà, refusond la proposta.
6
Sch'il Cussegl federal n'observa betg il termin, decidan las duas chombras en la proxima sessiun ordinaria sin proposta da las cumissiuns cumpetentas davart ina nova prolungaziun dal termin u davart l'annullaziun.
3. part
Postulat
Art. 123
Object Il postulat incumbensescha il Cussegl federal d'examinar u da rapportar, sch'i stoppia vegnir preschentà in sboz per in decret da l'Assamblea federala u sch'i stoppia vegnir prendida ina mesira. I po er vegnir dumandà in rapport davart in auter object.
106 Versiun tenor la cifra I da la LF dals 5 d'oct. 2007 (effect liant da la moziun), en vigur dapi ils 26 da matg 2008 (AS 2008 2113; BBl 2007 1457 2149). Guardar er la disp. trans.
da questa midada a la fin da questa lescha.
Lescha dal parlament 45
171.10
Art. 124
Procedura 1 Il Cussegl federal propona d'acceptar u da refusar il postulat, e quai per regla il pli tard il cumenzament da la proxima sessiun ordinaria suenter l'inoltraziun. Sch'in postulat vegn inoltrà d'ina cumissiun damain che 1 mais avant che la proxima sessiun ordinaria cumenza, formulescha il Cussegl federal sia proposta il pli tard il cumenzament da la surproxima sessiun.107 2 Il postulat è acceptà, sch'ina chombra l'approvescha.
3
Il Cussegl federal ademplescha in postulat, sch'el infurmescha en in rapport separà, en in rapport da gestiun u en ina missiva davart in sboz per in decret da l'Assamblea federala.
4
Sch'in postulat è pendent per passa 2 onns, infurmescha il Cussegl federal ina giada l'onn l'Assamblea federala davart las lavurs fatgas fin ussa e davart las mesiras ch'el vul prender per ademplir l'incumbensa. Quest rapport vegn adressà a las cumissiuns cumpetentas.
5
Sin proposta motivada dal Cussegl federal u d'ina cumissiun vegn il postulat annullà, sch'el è ademplì u na duai betg vegnir mantegnì. L'annullaziun d'in postulat
sto vegnir approvada da la chombra che l'ha acceptà.
4. part
Interpellaziun e dumonda
Art. 125
1 Cun ina interpellaziun u cun ina dumonda vegn il Cussegl federal supplitgà d'infurmar davart fatschentas da la Confederaziun.
2
Il Cussegl federal respunda per regla fin a la proxima sessiun.
3
Ina interpellaziun u ina dumonda po vegnir declerada sco urgenta.
4
Ina interpellaziun è liquidada, sche la discussiun che l'interpellant ha pretendì ha gì lieu en la chombra u sche la chombra ha refusà la discussiun.
5
Ina dumonda na vegn betg tractada en la chombra. Ella è liquidada tras la resposta dal Cussegl federal.
107 Versiun tenor la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
Assamblea federala
46
171.10
7. chapitel Procedura tar petiziuns ed instanzas 1. part Petiziuns108
Art. 126
109 Disposiziuns generalas
1
La cumissiun cumpetenta da mintga chombra decida, sch'ella vul acceptar la petiziun u sch'ella propona a la chombra da refusar quella.
2
Sche la petiziun po vegnir preschentada en furma d'ina proposta relativa ad in object da tractativa pendent, infurmescha la cumissiun la chombra davart la petiziun cur ch'ella tracta quest object. La cumissiun fa ina proposta per l'object da tractativa u desista da far quai. La petiziun vegn annullada senza in conclus da la chombra, cur che l'object da tractativa è liquidà.
3
Suenter ch'il tractament d'ina petiziun è terminà infurmeschan ils Servetschs dal parlament ils petents, co ch'igl è vegnì tegnì quint da la finamira da lur petiziun. 4 Ils presidents da las cumissiuns predeliberantas da tuttas duas chombras pon respunder directamain ad ina petiziun, sche: a. la finamira da quella na po betg vegnir cuntanschida cun ina iniziativa parlamentara, cun ina intervenziun u cun ina proposta; b. il cuntegn da quella è evidentamain fauss, da caracter querulant u offendent.
Art. 127
110
Art. 128
111
La cumissiun incumbensescha sia chombra da refusar la petiziun, sch'ella: a. refusa la finamira da la petiziun; b. constatescha che la finamira da la petiziun vegn gia sustegnida d'ina autra autoritad cumpetenta; c. resguarda la finamira da la petiziun sco ademplida.
2
Sche la chombra accepta la petiziun cunter la proposta da la cumissiun, refusa ella la petiziun per mauns da la cumissiun cun l'incumbensa da surpigliar la finamira da la petiziun en ina iniziativa parlamentara u en ina intervenziun.
108 Integrà tras la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
109 Versiun tenor la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
110 Versiun tenor la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
111 Versiun tenor la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
Lescha dal parlament 47
171.10
2. part
Instanzas112
Art. 129
Ina instanza davart la gestiun e davart il cumportament finanzial dal Cussegl federal, da l'administraziun federala, dals tribunals da la Confederaziun e d'auters purtaders d'incumbensas federalas vegn attribuida a las Cumissiuns da gestiun u da finanzas per ch'ella vegnia respundida directamain.
8. chapitel113 Procedura tar protestas cunter contracts dals chantuns tranter els u cun l'exteriur
a 1 Sch'il Cussegl federal protesta cunter in contract dals chantuns tranter els u cun l'exteriur, suttametta el a l'Assamblea federala il sboz per in conclus federal simpel pertutgant l'approvaziun dal contract.
2
Sch'in chantun protesta, suttametta la cumissiun cumpetenta da la chombra prioritara a quella il sboz per in conclus federal simpel pertutgant l'approvaziun dal contract.
6. titel
Elecziuns, conferma d'elecziuns e constataziun da l'inabilitad d'uffizi114 1. chapitel Disposiziuns generalas per las elecziuns
Art. 130
Princips 1 La votaziun tar elecziuns en l'Assamblea federala è secreta.
2
Elegidas èn quellas persunas, da las qualas il num stat sin dapli che la mesadad dals cedels electorals valaivels. 3 Per eruir la maioritad absoluta na vegnan betg resguardads ils cedels electorals vids ed ils cedels electorals nunvalaivels.
4
Sch'il dumber dals candidats che cuntanschan la maioritad absoluta è pli grond ch'il dumber dals sezs libers, vegnan exclusas quellas persunas che han survegnì las pli paucas vuschs.
112 Integrà tras la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
113 Integrà tras la cifra II da la LF dals 7 d'oct. 2005, en vigur dapi il 1. da zer. 2006 (AS 2006 1265; BBl 2004 7103).
114 Versiun tenor la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
Assamblea federala
48
171.10
Art. 131
Nunvalaivladad e vuschs stritgadas 1
Cedels electorals che cuntegnan remartgas offendentas u ch'èn marcads cun segns evidents èn nunvalaivels.
2
Las vuschs per persunas che n'èn betg elegiblas, ch'èn gia elegidas u ch'èn exclusas da l'elecziun sco er per persunas che na pon betg vegnir identifitgadas cleramain vegnan stritgadas.
3
Sch'il num d'in candidat è scrit dapli che ina giada sin in cedel electoral, vegnan stritgadas las repetiziuns.
4
Sch'in cedel electoral cuntegna dapli nums che mandats avant maun, vegnan ils nums ch'èn da memia stritgads cumenzond a la fin da la glista.
5
Sch'il dumber dals cedels electorals entrads è pli grond ch'il dumber dals cedels electorals distribuids, n'è l'elecziun betg valaivla e sto vegnir repetida.
2. chapitel Elecziuns en il Cussegl federal
Art. 132
Renovaziun totala
1
Ils commembers dal Cussegl federal vegnan elegids da l'Assamblea federala plenara en la sessiun suenter la renovaziun totala dal Cussegl naziunal.
2
Ils sezs vegnan occupads in per in ed in suenter l'auter, en la successiun da la vegliadetgna d'uffizi dals titulars vertents. Ils sezs per ils quals candideschan commembers dal Cussegl federal en uffizi vegnan occupads l'emprim.
3
En ils emprims dus scrutinis pon vegnir elegidas tut las persunas elegiblas. A partir dal terz scrutini n'èn admessas pli naginas ulteriuras candidaturas.
4
Da l'elecziun vegn exclus: a. a partir dal segund scrutini: tgi che ha survegnì damain che 10 vuschs; e b. a partir dal terz scrutini: tgi che ha survegnì il dumber da vuschs il pli pitschen, nun che dapli ch'ina persuna haja survegnì quest dumber da vuschs.
Art. 133
Occupaziun da posts vacants 1
Posts vacants vegnan per regla occupads en la sessiun suenter l'entrada da la brev da demissiun, l'extrada nunprevisa u la constataziun da l'inabilitad d'uffizi.115 2 Il commember nov elegì entra en uffizi il pli tard 2 mais suenter sia elecziun.
3
Sche plirs posts vacants ston vegnir occupads, è decisiva per la successiun la vegliadetgna d'uffizi dals titulars precedents.
115 Versiun tenor la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
Lescha dal parlament 49
171.10
Art. 134
Elecziun dal presidi dal Cussegl federal L'Assamblea federala elegia tranter ils commembers dal Cussegl federal il president da la Confederaziun ed il vicepresident dal Cussegl federal; els vegnan elegids in suenter l'auter e per la durada d'in onn.
3. chapitel Elecziuns en ils tribunals da la Confederaziun
Art. 135
Renovaziun totala
1
Elecziuns en ils tribunals da la Confederaziun vegnan realisadas avant il cumenzament da la nova perioda d'uffizi separadamain per ils differents tribunals e separadamain per ils derschaders sco er per ils derschaders suppleants.
2
La renovaziun ha lieu ubain tras la reelecziun dals commembers che sa mettan puspè a disposiziun u, en cas ch'in post è vacant u ch'in commember na vegn betg reelegì, tras in'elecziun cumplementara.
Art. 136
Reelecziun 1 Sco cedel electoral serva ina glista dals nums dals commembers che sa mettan puspè a disposiziun, en la successiun da lur vegliadetgna d'uffizi.
2
Ils electurs pon stritgar singuls candidats. Nums supplementars na vegnan betg resguardads. Cedels electorals, sin ils quals tut ils nums èn vegnids stritgads, restan valaivels e vegnan resguardads per calcular la maioritad absoluta.
3
I dat mo in scrutini. Candidats che na cuntanschan betg la maioritad absoluta pon candidar per l'elecziun cumplementara.
Art. 137
Elecziun cumplementara
1
Elecziuns cumplementaras han lieu, sch'igl ha dà ina vacanza ubain sch'in commember n'è betg vegnì reelegì.
2
Sch'i na vegnan betg annunziads al biro da l'Assamblea federala plenara fin il di avant l'elecziun dapli candidats che sezs libers e sch'i na vegnan libers nagins sezs tar la reelecziun dals commembers vertents, serva sco cedel electoral ina glista cun ils nums dals candidats en successiun alfabetica, cas cuntrari ina glista vida cun uschè bleras lingias sco sezs che ston vegnir occupads.
3
En ils emprims dus scrutinis pon vegnir elegidas tut las persunas elegiblas. Davent dal terz scrutini n'èn admessas pli naginas ulteriuras candidaturas.
4
Da l'elecziun vegn exclus: a. a partir dal segund scrutini: tgi che ha survegnì damain che 10 vuschs; e b. a partir dal terz scrutini, sch'igl èn avant maun dapli candidaturas che sezs libers: tgi che ha survegnì il dumber da vuschs il pli pitschen, nun che dapli ch'ina persuna haja survegnì quest dumber da vuschs.
Assamblea federala
50
171.10
Art. 138
Elecziun dals presidis dals tribunals da la Confederaziun L'Assamblea federala elegia il president ed il vicepresident d'in tribunal federal per 2 onns. Els vegnan elegids il medem mument sin dus cedels electorals divers.
4. chapitel Ulteriuras elecziuns
Art. 139
L'Assamblea federala fa ulteriuras elecziuns ch'èn previsas da la Constituziun u d'ina lescha, e quai tenor las reglas per las elecziuns en il Cussegl federal.
5. chapitel Conferma d'elecziuns
Art. 140
1 L'Assamblea federala conferma las elecziuns, sco pretendì da la lescha.
2
Ina cumissiun da l'Assamblea federala plenara giuditgescha l'elecziun, cun excepziun da l'elecziun dal secretari general da l'Assamblea federala. Per quest intent po la cumissiun laschar vegnir a pled la persuna che duai vegnir confermada ed ina represchentanza da l'organ electoral. La cumissiun propona a l'Assamblea federala
plenara da confermar u da betg confermar l'elecziun.
3
En ina votaziun per scrutini decida l'Assamblea federala plenara cun la maioritad dals commembers votants da confermar u da betg confermar l'elecziun. Sch'ella refusa l'elecziun, sto l'organ electoral far ina nova elecziun.
6. chapitel116 Constataziun da l'inabilitad d'exequir l'uffizi da commembers dal Cussegl federal u dal chancelier federal
a 1 L'Assamblea federala decida davart dumondas da constatar l'inabilitad d'exequir l'uffizi da commembers dal Cussegl federal u dal chancelier federal.
2
Il dretg da far questa dumonda han il biro da l'Assamblea federala plenara ed il Cussegl federal.
3
L'inabilitad d'exequir l'uffizi sto vegnir supponida, sche las suandantas premissas èn ademplidas:
116 Integrà tras la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
Lescha dal parlament 51
171.10
a. la persuna respectiva n'è evidentamain betg pli en cas d'exequir ses uffizi pervia da gronds problems da sanadad u pervia d'intervenziuns che l'impedeschan da turnar a sia plazza da lavur; b. quest stadi vegn probablamain a durar ditg; c. la persuna respectiva n'ha betg declerà legalmain e valaivlamain sia demissiun entaifer in termin adequat.
4
L'Assamblea federala plenara decida il pli tard en la sessiun che ha lieu suenter che la dumonda è vegnida inoltrada. 5 Da la constataziun da l'inabilitad d'exequir l'uffizi resulta in sez vacant.
7. titel
Relaziun tranter l'Assamblea federala ed il Cussegl federal 1. chapitel Projects dal Cussegl federal
Art. 141
Missivas tar sbozs per in decret 1
Il Cussegl federal suttametta a l'Assamblea federala ses sbozs per decrets ensemen cun ina missiva.
2
En la missiva motivescha el il sboz per in decret e commentescha sche necessari las singulas disposiziuns. Ultra da quai explitga el en spezial ils suandants puncts, sch'igl è pussaivel da far indicaziuns substanzialas: a. la basa legala, las consequenzas per ils dretgs fundamentals, la cumpatibilitad cun il dretg surordinà e la relaziun cun il dretg europeic;
abis.117 l'utilisaziun da la libertad d'agir da la Svizra, sch'i vegn surpiglià dretg internaziunal;
ater.118 l'observaziun dal princip da la subsidiaritad tar l'attribuziun e tar l'adempliment d'incumbensas statalas e las consequenzas ch'il sboz per in decret
ha per las vischnancas, per las citads, per las aglomeraziuns urbanas e per ils territoris da muntogna; aquater.119 l'examinaziun d'ina limitaziun temporala da la valaivladad dal sboz per in decret;
b. las cumpetenzas ch'il sboz da lescha prevesa da delegar; c. las opiniuns e las alternativas discutadas en la procedura preparlamentara e la posiziun dal Cussegl federal en chaussa; 117 Integrà tras la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
118 Integrà tras la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
119 Integrà tras la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
Assamblea federala
52
171.10
d. la realisaziun planisada dal decret, l'evaluaziun previsa da questa realisaziun e las pussaivladads da realisar il decret ch'èn vegnidas examinadas avant la procedura legislativa; e. la
concordanza
d'incumbensas e da dumondas finanzialas; f.120 las consequenzas persunalas e finanzialas ch'il sboz per in decret e sia execuziun han per la Confederaziun, per ils chantuns e per las vischnancas sco er la moda e maniera da cuvrir ils custs e la relaziun dals custs e dal niz;
g.121 las consequenzas per l'economia, per la societad, per l'ambient e per generaziuns futuras;
gbis.122 il mantegniment da l'atgna responsabladad e da la libertad d'agir da las persunas privatas ch'èn pertutgadas d'ina regulaziun; gter.123 las consequenzas per il basegn da tecnologias d'infurmaziun e da communicaziun ed ils custs che resultan qua tras;
h.124 la relaziun dal sboz per in decret cun la planisaziun da la legislatura e cun il plan da finanzas;
i.
las consequenzas per l'egualitad tranter dunna ed um; j.125 las consequenzas ch'il sboz per in decret ha per ils Svizzers a l'exteriur.
Art. 142
Preventiv, supplements e quint dal stadi 1
Il Cussegl federal suttametta a l'Assamblea federala: a.126 il sboz per il preventiv da la Confederaziun; b. ils sbozs per ils supplements ordinaris e per ils credits supplementars: 2 mais avant il cumenzament da la sessiun, en la quala els duain vegnir tractads; c. il quint dal stadi: mintga onn 2 mais avant il cumenzament da la sessiun, en la quala el duai vegnir tractà.
2
El integrescha ils sbozs per il preventiv sco er ils quints da l'Assamblea federala, dals tribunals da la Confederaziun, da la Controlla federala da finanzas, da la Pro120 Versiun tenor la cifra I da la LF dals 15 da zer. 2018, en vigur dapi ils 26 da nov. 2018
(AS 2018 3461; BBl 2017 6797 6865).
121 Versiun tenor la cifra I da la LF dals 3 d'october 2008 (Dretg parlamentar. Differentas midadas), en vigur dapi ils 2 da mars 2009 (AS 2009 725; BBl 2008 1869 3177).
122 Integrà tras la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
123 Integrà tras la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
124 Versiun tenor la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
125 Integrà tras la cifra I da la LF dals 15 da zer. 2018, en vigur dapi ils 26 da nov. 2018 (AS 2018 3461; BBl 2017 6797 6865).
126 Versiun tenor l'art. 65 cifra 1 da la Lescha da finanzas dals 7 d'oct. 2005, en vigur dapi il 1. da matg 2006 (AS 2006 1275; BBl 2005 5).
Lescha dal parlament 53
171.10
cura publica federala e da l'Autoritad da surveglianza da la Procura publica federala senza midadas en ses sboz per il preventiv ed en il quint da la Confederaziun.127 3 Il Tribunal federal represchenta ils sbozs per ils preventivs ed ils quints dals tribunals da la Confederaziun davant l'Assamblea federala. Per l'Assamblea federala surpiglia questa incumbensa la Delegaziun administrativa da l'Assamblea federala, per
la Controlla federala da finanzas la Delegaziun da finanzas, per l'Autoritad da surveglianza da la Procura publica federala e per la Procura publica federala l'Autoritad da surveglianza da la Procura publica federala.128 4 Il Cussegl federal lascha far calculaziuns approximativas davart il resultat annual previsibel, e quai mintgamai per ils 30 da zercladur e per ils 30 da settember. El orientescha las Cumissiuns da finanzas en chaussa.129
Art. 143
130
1
Il plan da finanzas cumpiglia ils 3 onns che suondan l'onn dal preventiv.
2
La structura ed il cuntegn dal plan da finanzas collian la planisaziun da las incumbensas cun la planisaziun da las finanzas (plan d'incumbensas e da finanzas integrà).
3
Il Cussegl federal suttametta a l'Assamblea federala il plan da finanzas, ensemen cun il sboz dal preventiv, en furma d'in conclus federal simpel per laschar prender enconuschientscha da tal.
4
L'Assamblea federala po cumplettar il conclus federal simpel cun incumbensas che han l'intent da midar il plan da finanzas.
5
Il Cussegl federal ademplescha per regla questas incumbensas cun il sboz dal preventiv per l'onn che suonda l'onn proxim.
Art. 144
Finamiras annualas dal Cussegl federal e rapport da gestiun 1
Fin al cumenzament da l'ultima sessiun ordinaria da l'onn communitgescha il Cussegl federal sias finamiras per l'onn proxim. Questas finamiras èn coordinadas cun la planisaziun da la legislatura.
2
Il Cussegl federal suttametta a l'Assamblea federala ils rapports davart sia gestiun durant l'onn precedent, e quai 2 mais avant il cumenzament da la sessiun, en la quala els duain vegnir tractads.
127 Versiun tenor la cifra II 2 da l'agiunta da la LF dals 19 da mars 2010 davart l'organisaziun da las autoritads penalas, en vigur dapi il 1. da schan. 2011 (AS 2010 3267;
BBl 2008 8125).
128 Versiun tenor la cifra II 2 da l'agiunta da la LF dals 19 da mars 2010 davart l'organisaziun da las autoritads penalas, en vigur dapi il 1. da schan. 2011 (AS 2010 3267;
BBl 2008 8125).
129 Integrà tras l'art. 65 cifra 1 da la Lescha da finanzas dals 7 d'oct. 2005, en vigur dapi il 1. da matg 2006 (AS 2006 1275; BBl 2005 5).
130 Versiun tenor la cifra 1 da l'agiunta da la LF dals 26 da sett. 2014 (nov model da gestiun per l'administraziun federala), en vigur dapi il 1. da schan. 2016 (AS 2015 1583; BBl 2014 767).
Assamblea federala
54
171.10
3
Il rapport da gestiun dal Cussegl federal orientescha davart ils puncts centrals da sia activitad durant l'onn da gestiun. El infurmescha, quant enavant che las finamiras annualas decisivas per l'onn da gestiun èn vegnidas cuntanschidas sco er quant enavant che la planisaziun da la legislatura e dal program legislativ è vegnida realisada, ed el orientescha davart il stadi dals indicaturs relevants per giuditgar la situaziun generala e per controllar, sche las finamiras èn vegnidas cuntanschidas. Divergenzas
e projects betg planisads ston vegnir motivads.131
Art. 145
Tractament dal rapport da gestiun 1
Il president da la Confederaziun represchenta il rapport da gestiun dal Cussegl federal en las chombras, nun ch'ils reglaments da las chombras prevesian insatge auter.132 2 L'Assamblea federala approvescha quest rapport en furma d'in conclus federal simpel.
Art. 146
133
Il cumenzament da la perioda da legislatura suttametta il Cussegl federal a l'Assamblea federala ina missiva davart la planisaziun da la legislatura ed il sboz per in conclus federal simpel davart la planisaziun da la legislatura.
2
Il conclus federal simpel definescha las directivas politicas e las finamiras da la planisaziun da la legislatura; per mintga finamira inditgescha el ils decrets planisads da l'Assamblea federala sco er ulteriuras mesiras necessarias per cuntanscher las finamiras.
3
En la missiva davart la planisaziun da la legislatura vegnan attribuids indicaturs a las finamiras; quels permettan da controllar, sche las finamiras èn vegnidas cuntanschidas. La missiva cuntegna er in'analisa da la situaziun a basa dals indicaturs.
Plinavant furnescha ella in survista da tut ils sbozs per decrets ch'il Cussegl federal prevesa da suttametter a l'Assamblea federala durant la perioda da legislatura (program legislativ).
4
En la missiva vegn preschentà il plan da finanzas da la legislatura. Quel fixescha il basegn finanzial per la perioda da legislatura e mussa, co che quest basegn finanzial duai vegnir cuvrì. Las finamiras e las mesiras da la planisaziun da la legislatura ed il plan da finanzas da la legislatura vegnan coordinads in cun l'auter areguard la materia ed areguard il temp.
131 Versiun tenor la cifra I da la LF dals 22 da zer. 2007 (planisaziun da la legislatura), en vigur dapi il 1. da dec. 2007 (AS 2007 5231; BBl 2006 1837 1857).
132 Versiun tenor la cifra I da la LF dals 3 d'oct. 2008 (rapport da gestiun dal Cussegl federal), en vigur dapi il 1. da mars 2009 (AS 2009 697; BBl 2008 1095 1105).
133 Versiun tenor la cifra I da la LF dals 22 da zer. 2007 (planisaziun da la legislatura), en vigur dapi il 1. da dec. 2007 (AS 2007 5231; BBl 2006 1837 1857).
Lescha dal parlament 55
171.10
Art. 147
134
Las duas chombras tractan la planisaziun da la legislatura en duas sessiuns consecutivas.
2
Ils reglaments da las chombras pon prevair che: a. la chombra decidia- mo davart las propostas u davart las propostas da minoritad da la cumissiun predeliberanta en las tractativas davart la planisaziun
da la legislatura; e b. autras propostas stoppian vegnir preschentadas a questa cumissiun avant ch'ella cumenza la tractativa detagliada dal conclus federal.
Art. 148
Ulteriuras planisaziuns ed auters rapports 1
Ultra da las planisaziuns e dals rapports prescrits da la lescha po il Cussegl federal suttametter a l'Assamblea federala ulteriuras planisaziuns ed auters rapports per l'infurmaziun e per prender enconuschientscha.
2
El po preschentar a l'Assamblea federala las finamiras u las conclusiuns da planisaziuns u da rapports impurtants en furma d'in sboz per in conclus federal simpel u per in conclus federal.
3
Il Cussegl federal suttametta a l'Assamblea federala periodicamain in rapport davart la politica exteriura da la Svizra.
3bis
El rapporta periodicamain a l'Assamblea federala davart la realisaziun da las finamiras strategicas ch'èn vegnidas fixadas per las unitads autonomas en il senn da l'artitgel 8 alinea 5 da la Lescha dals 21 da mars 1997135 davart l'organisaziun da la regenza e da l'administraziun.136 4 L'Assamblea federala po prender conclus da princip e conclus da planisaziun davart ulteriuras planisaziuns impurtantas e davart auters rapports impurtants en la furma d'in conclus federal simpel u d'in conclus federal.
Art. 149
Consegna da missivas e da rapports dal Cussegl federal 1
Il Cussegl federal trametta missivas e rapports als Servetschs dal parlament il pli tard 14 dis avant la sesida da la cumissiun predeliberanta.
2
Ils Servetschs dal parlament tramettan vinavant als parlamentaris ils documents ch'il Cussegl federal e che l'administraziun federala han drizzà a l'Assamblea federala u a sias cumissiuns.
134 Versiun tenor la cifra I da la LF dals 22 da zer. 2007 (planisaziun da la legislatura), en vigur dapi il 1. da dec. 2007 (AS 2007 5231; BBl 2006 1837 1857).
135 SR
172.010
136 Integrà tras la cifra I 1 da la LF dals 17 da dec. 2010 davart la participaziun da l'Assamblea federala tar la direcziun da las unitads daventadas autonomas, en vigur dapi il
1. da schan. 2012 (AS 2011 5859; BBl 2010 3377 3413).
Assamblea federala
56
171.10
2. chapitel Relaziuns tranter las cumissiuns ed il Cussegl federal
Art. 150
Dretgs d'infurmaziun generals 1
Per pudair ademplir lur incumbensas han las cumissiuns e lur sutcumissiuns il dretg da:
a. envidar il Cussegl federal a sesidas per survegnir dad el infurmaziuns e pretender dad el rapports;
b. survegnir dal Cussegl federal documents per prender invista; c. interrogar cun il consentiment dal Cussegl federal persunas che lavuran tar la Confederaziun.
2
Ellas n'han nagin dretg da survegnir infurmaziuns: a. da las proceduras da cunrapport e da las tractativas da las sesidas dal Cussegl federal;
b. ch'èn classifitgadas sco secretas en l'interess da la protecziun dal stadi u dals servetschs d'infurmaziun, ubain che pudessan chaschunar in grev donn als interess da la Svizra en ils mauns da persunas betg autorisadas.137 3
Ellas prendan tut las mesiras adattadas per garantir la protecziun dal secret. Ellas pon prevair en spezial che infurmaziuns, che suttastattan al secret d'uffizi tenor l'artitgel 8, vegnan communitgadas mo ad ina sutcumissiun.
4
Sch'ina cumissiun ed il Cussegl federal na vegnan betg perina pervia da la dimensiun dals dretgs d'infurmaziun, po la cumissiun appellar il presidi da sia chombra. Il presidi intermediescha tranter la cumissiun ed il Cussegl federal.
5
Il presidi decida definitivamain, sche la cumissiun ed il Cussegl federal n'èn betg perina, schebain las infurmaziuns servan a la cumissiun per ademplir las incumbensas tenor l'alinea 1.
6
Sch'il Cussegl federal e la cumissiun n'èn betg perina, schebain ella ha il dretg da survegnir infurmaziuns tenor l'alinea 2, e sche l'intermediaziun dal presidi da la chombra n'ha betg success, po il Cussegl federal er suttametter a la cumissiun in rapport empè da dar invista als documents.
7
Per preparar l'intermediaziun po il presidi da la chombra prender invista senza restricziuns dals documents dal Cussegl federal e da l'administraziun federala.
137 Versiun tenor la cifra I da la LF dals 17 da zer. 2011 (precisaziun dals dretgs da las cumissiuns da surveglianza da survegnir infurmaziuns), en vigur dapi il 1. da nov. 2011 (AS 2011 4537; BBl 2011 1817 1839).
Lescha dal parlament 57
171.10
Art. 151
Consultaziun per decretar ordinaziuns 1
La cumissiun responsabla po pretender ch'il sboz d'ina ordinaziun impurtanta dal Cussegl federal vegnia suttamess ad ella per consultaziun.
2
Sch'ina ordinaziun sto vegnir midada u decretada directamain suenter ina decisiun da l'Assamblea federala, decida la cumissiun a chaschun da la votaziun generala davart il sboz dal decret, sch'ella vul vegnir consultada u betg.
3
Il Cussegl federal infurmescha l'Assamblea federala davart la preparaziun d'ordinaziuns.
Art. 152
Infurmaziun e consultaziun en il sectur da la politica exteriura 1
La cumissiun cumpetenta per la politica exteriura ed il Cussegl federal tgiran il contact vicendaivel ed il barat d'opiniuns.
2
Il Cussegl federal infurmescha regularmain, ad ura ed en moda cumplessiva ils presidis da las Chombras federalas e las cumissiuns cumpetentas per la politica exteriura davart svilups impurtants en la politica exteriura. Las cumissiuns cumpetentas per la politica exteriura transmettan questas infurmaziuns ad autras cumissiuns cumpetentas.
3
Il Cussegl federal consultescha las cumissiuns cumpetentas per la politica exteriura en cas da projects essenzials, davart midadas planisadas da la rait da represchentanzas diplomaticas e consularas da la Svizra a l'exteriur sco er davart la strategia e las directivas tar il mandat per tractativas internaziunalas impurtantas avant che fixar u midar quest mandat. El infurmescha questas cumissiuns davart il stadi da la realisaziun da quests projects e davart la cuntinuaziun da las tractativas.138 3bis Il Cussegl federal consultescha las cumissiuns cumpetentas avant che applitgar provisoricamain in contract internaziunal che l'Assamblea federala sto approvar.
Sche las cumissiuns cumpetentas da tuttas duas chombras èn cunter il contract, desista il Cussegl federal da l'applicaziun provisorica.139 4 En cas urgents consultescha il Cussegl federal ils presidents da las cumissiuns cumpetentas per la politica exteriura. Quels infurmeschan immediatamain lur cumissiuns.
5
Las cumissiuns cumpetentas per la politica exteriura u autras cumissiuns cumpetentas pon pretender dal Cussegl federal ch'el las infurmeschia u ch'el las consul-
teschia.
138 Versiun tenor la cifra III 1 da l'agiunta da la LF dals 26 da sett. 2014 davart ils Svizzers a l'exteriur, en vigur dapi il 1. da nov. 2015 (AS 2015 3857; BBl 2014 1915 2617).
139 Integrà tras la cifra I 2 da la LF dals 8 d'oct. 2004 davart l'applicaziun provisorica da contracts internaziunals (AS 2005 1245; BBl 2004 761 1017). Versiun tenor la cifra I 2 da la LF dals 26 da sett. 2014 davart la cumpetenza da concluder contracts internaziunals d'ina relevanza limitada e davart l'applicaziun provisorica da contracts internaziunals, en vigur dapi il 1. da matg 2015 (AS 2015 969; BBl 2012 7465).
Assamblea federala
58
171.10
Art. 153
140
Las Cumissiuns da surveglianza han - ultra dal dretg da survegnir infurmaziuns tenor l'artitgel 150 - er il dretg da communitgar directamain cun tut las autoritads, cun tut ils uffizis e cun tut ils auters gremis ch'adempleschan incumbensas federalas e da survegnir dad els tenor l'artitgel 156 infurmaziuns e documents necessaris per lur lavur. Il scleriment da singuls fatgs pon ellas surdar a lur secretariat.
2
Da persunas e d'uffizis ordaifer l'administraziun federala pon ellas dumandar infurmaziuns e documents, sche quai è necessari per ademplir la surveglianza suprema.
Sche persunas ordaifer l'administraziun federala han lavurà avant per la Confederaziun, po vegnir applitgà l'artitgel 156. Il dretg da refusar da dar perditga tenor l'artitgel 42 da la Lescha federala dals 4 da december 1947141 davart la procedura civila è applitgabla tenor il senn.
3
A basa d'ina disposiziun dal president da la cumissiun pon ellas citar - applitgond tenor il senn ils artitgels 49, 50 e 201-209 dal Cudesch da procedura penala svizzer142 - persunas ch'èn obligadas da dar infurmaziuns ed ellas han il dretg da las laschar manar davant la cumissiun tras organs da la Polizia federala e chantunala, en cas ch'ellas na cumparan betg senza inditgar in motiv. 4
Cunter las disposiziuns davart la citaziun e davart la preschentaziun po vegnir protestà entaifer 10 dis tar il president da la chombra, a la quala appartegna il president da la cumissiun che ha decretà la disposiziun. La protesta n'ha betg in effect suspen-
siv. Sch'il president da la chombra constatescha che la disposiziun è illegala u sproporziunada, po el conceder ina indemnisaziun al protestader. La decisiun da protesta è definitiva.
5
Avant che las Cumissiuns da surveglianza interrogheschan in commember dal Cussegl federal infurmeschan ellas quest commember davart il tema da l'interrogaziun.
Avant ch'ellas interrogheschan persunas ch'èn suttamessas u ch'èn stadas suttamessas al Cussegl federal, orienteschan ellas il Cussegl federal. Sch'il Cussegl federal pretenda quai, al laschan ellas vegnir a pled avant che las persunas furneschan infurmaziuns u documents ad ellas.
6
Las Cumissiuns da surveglianza decidan definitivamain davart l'execuziun da lur dretg da survegnir infurmaziuns. Ellas n'han nagin dretg da survegnir invista: a. dals protocols da las sesidas dal Cussegl federal; b. dals documents ch'èn classifitgads sco secrets en l'interess da la protecziun dal stadi u dals servetschs d'infurmaziun u che pon chaschunar in grev donn als interess da la Svizra en ils mauns da persunas betg autorisadas.
140 Versiun tenor la cifra I da la LF dals 17 da zer. 2011 (precisaziun dals dretgs da las cumissiuns da surveglianza da survegnir infurmaziuns), en vigur dapi il 1. da nov. 2011 (AS 2011 4537; BBl 2011 1817 1839).
141 SR
273
142 SR
312.0
Lescha dal parlament 59
171.10
7
Las Cumissiuns da surveglianza prendan las mesiras adattadas per proteger il secret tenor l'artitgel 150 alinea 3. Per quest intent sco er per il cas che lur dretg da survegnir infurmaziuns per pudair ademplir la surveglianza suprema na bastan betg, pon ellas incumbensar lur delegaziuns da sclerir ina dumonda concreta. Per lur sectur da cumpetenza fixeschan ellas directivas per proteger il secret. En quellas limiteschan ellas cunzunt l'access a cunrapports.
Art. 154
Dretg da las delegaziuns da las Cumissiuns da surveglianza da survegnir infurmaziuns 1
A las delegaziuns da las Cumissiuns da surveglianza na dastgan vegnir refusadas naginas infurmaziuns.
2
Per ademplir lur incumbensas han las delegaziuns da las Cumissiuns da surveglianza - ultra dals dretgs da survegnir infurmaziuns tenor ils artitgels 150 e 153 - il dretg:
a. da
survegnir:
1. ils protocols da las sesidas dal Cussegl federal, 2. ils documents ch'èn classifitgads sco secrets en l'interess da la protecziun dal stadi u dals servetschs d'infurmaziun u che pon chaschunar in grev donn als interess da la Svizra en ils mauns da persunas betg auto-
risadas;
b. d'interrogar persunas sco perditgas; per citar questas persunas e per las manar davant la delegaziun vala l'artitgel 153 alineas 3 e 4 tenor il senn.143 3
La Delegaziun da finanzas e la Delegaziun da las Cumissiuns da gestiun survegnan adina tut ils conclus dal Cussegl federal inclusiv las dumondas ed ils cunrapports.
Ellas fixeschan ensemen ils detagls da la consegna, dal prender invista e da l'archivaziun.144
a145 Consequenzas da las examinaziuns da la Delegaziun da las Cumissiuns da gestiun per autras proceduras ed auters scleriments 1
Examinaziuns disciplinaras u administrativas da la Confederaziun che pertutgan fatgs u persunas, ch'èn l'object d'ina examinaziun da la Delegaziun da las Cumissiuns da gestiun, dastgan vegnir cumenzadas u cuntinuadas mo cun l'autorisaziun da questa delegaziun.
2
La Delegaziun da las Cumissiuns da gestiun decida davart l'autorisaziun suenter avair laschà vegnir a pled il Cussegl federal.
143 Versiun tenor la cifra I da la LF dals 17 da zer. 2011 (precisaziun dals dretgs da las cumissiuns da surveglianza da survegnir infurmaziuns), en vigur dapi il 1. da nov. 2011 (AS 2011 4537; BBl 2011 1817 1839).
144 Versiun tenor la cifra I da la LF dals 17 da zer. 2011 (precisaziun dals dretgs da las cumissiuns da surveglianza da survegnir infurmaziuns), en vigur dapi il 1. da nov. 2011 (AS 2011 4537; BBl 2011 1817 1839).
145 Integrà tras la cifra I da la LF dals 17 da dec. 2004, en vigur dapi il 1. da matg 2005 (AS 2005 4793; BBl 2004 1469 1477).
Assamblea federala
60
171.10
3
Sch'igl è dispitaivel, sche l'autorisaziun è necessaria u betg, è necessaria l'approvaziun da dus terzs da tut ils commembers da la Delegaziun da las Cumissiuns da gestiun.
4
In'examinaziun da la Delegaziun da las Cumissiuns da gestiun n'impedescha betg la realisaziun da proceduras da dretg civil e da dretg administrativ sco er d'examinaziuns preliminaras e da proceduras giudizialas en chaussas penalas.
Art. 155
Audiziun ed interrogaziun da perditgas tras las delegaziuns da las Cumissiuns da surveglianza 1
Avant mintga interrogaziun stoi vegnir constatà, sch'ina persuna sto s'exprimer sco persuna che dat infurmaziuns u sco perditga.
2
L'interrogaziun formala da perditgas vegn ordinada pir, sch'in fatg na po betg vegnir sclerì suffizientamain en autra moda. Mintga persuna è obligada da dar perditga.
3
Ina persuna, cunter la quala sa drizza in'examinaziun dal tuttafatg u per gronda part, dastga vegnir interrogada mo sco persuna che dat infurmaziuns.
4
Perditgas ston vegnir rendidas attentas a l'obligaziuns da dar perditga e da dir la vardad, las persunas che dattan infurmaziuns a lur dretg da refusar da far deposiziuns. Resalvà resta il dretg da refusar da dar perditga tenor l'artitgel 42 alinea 1 da la Lescha federala dals 4 da december 1947146 davart la procedura civila.
5
Per la protocollaziun vegn l'interrogaziun da persunas registrada sin in portatun. Ils protocols vegnan suttamess a las persunas interrogadas per als suttascriver.
6
Per la procedura e per ils dretgs da las persunas pertutgadas èn applitgabels ils artitgels 166-171.
Art. 156
Status da persunas che lavuran tar la Confederaziun 1
Las persunas che lavuran tar la Confederaziun èn obligadas da dar infurmaziuns en moda cumpletta e vardaivla sco er da numnar tut ils documents utils.
2
Il dretg da refusar da dar perditga tenor l'artitgel 42 alinea 1 da la Lescha federala dals 4 da december 1947147 davart la procedura civila è applitgabla tenor il senn.
3
Per las persunas che lavuran tar la Confederaziun na dastgi dar nagin dischavantatg, sch'ellas èn s'exprimidas en moda vardaivla davant ina cumissiun. Pervia da deposiziuns fatgas davant ina cumissiun dastga vegnir averta ina procedura cunter
questas persunas mo suenter avair tadlà la cumissiun respectiva.
4
Persunas che lavuran tar la Confederaziun tenor questa lescha èn il persunal federal sco er las persunas incaricadas directamain cun incumbensas da dretg public da la Confederaziun. Il tip da la relaziun cun la Confederaziun n'è betg decisiv.
146 SR
273
147 SR
273
Lescha dal parlament 61
171.10
Art. 157
Posiziun da l'autoritad pertutgada L'autoritad pertutgada survegn la pussaivladad da prender posiziun avant ch'ina Cumissiun da surveglianza u sia delegaziun fa in rapport davart mancanzas en la gestiun u en la gestiun da las finanzas.
Art. 158
Recumandaziun a l'autoritad responsabla 1
En il sectur da la surveglianza suprema po ina Cumissiun u delegaziun da surveglianza drizzar recumandaziuns a l'autoritad responsabla.
2
Questa autoritad infurmescha la Cumissiun u delegaziun da surveglianza davart la realisaziun da la recumandaziun.
3
La recumandaziun e la posiziun da l'autoritad responsabla vegnan publitgadas, sche nagins interess degns da vegnir protegids na s'opponan a quai.
3. chapitel
Represchentanza dal Cussegl federal en l'Assamblea federala
Art. 159
Participaziun dal Cussegl federal a las tractativas da las chombras 1
A las tractativas da las chombras sa participescha per regla il schef da quel departament ch'è cumpetent per l'object da la tractativa.
2
Ils commembers dal Cussegl federal pon laschar s'accumpagnar da persunas che lavuran tar la Confederaziun ubain d'experts. Sin dumonda dal commember dal Cussegl federal po vegnir dà il pled a questas persunas excepziunalmain en fatschentas che pretendan enconuschientschas tecnicas spezialas.
Art. 160
Participaziun dal Cussegl federal a las sesidas da las cumissiuns 1
En connex cun la deliberaziun d'objects da tractativa ch'il Cussegl federal ha proponì e tar ils quals el ha prendì posiziun, sa participescha per regla in commember dal Cussegl federal a las sesidas da las cumissiuns.
2
En accord cun il president da la cumissiun pon ils commembers dal Cussegl federal laschar sa represchentar da persunas che lavuran tar la Confederaziun.
3
Ils commembers dal Cussegl federal e lur represchentants han il dretg da laschar s'accumpagnar d'experts.
Art. 161
Participaziun dal chancelier federal Il chancelier federal represchenta las fatschentas da la Chanzlia federala en las chombras ed en las cumissiuns.
Assamblea federala
62
171.10
8. titel
Relaziun da l'Assamblea federala cun ils tribunals da la Confederaziun e cun l'Autoritad da surveglianza da la Procura publica federala148
Art. 162
1 Per la relaziun uffiziala tranter l'Assamblea federala ed ils tribunals da la Confederaziun èn applitgablas tenor il senn las suandantas disposiziuns davart la relaziun
tranter l'Assamblea federala ed il Cussegl federal: a. preventiv e quint dal stadi (art. 142 al. 1); b. rapport da gestiun (art. 144 al. 2 e 145 al. 2); c. relaziuns tranter las cumissiuns ed il Cussegl federal (7. titel, 2. chapitel); d. Cumissiun parlamentara
d'inquisiziun (9. titel).
2
Il Tribunal federal designescha in commember che represchenta en las chombras ed en lur cumissiuns ils sbozs dals preventivs, ils quints ed ils rapports da gestiun dals tribunals da la Confederaziun sco er lur posiziuns tar intervenziuns che sa refereschan a lur gestiun u a lur cumportament finanzial.
3
En las cumissiuns po il commember dal Tribunal federal laschar s'accumpagnar u laschar sa represchentar en accord cun il president da la cumissiun da persunas che lavuran tar la Confederaziun.
4
Las cumissiuns dattan als tribunals da la Confederaziun l'occasiun da prender posiziun, sche sbozs per decrets ch'ellas predelibereschan pertutgan las cumpetenzas,
l'organisaziun u l'administraziun dals tribunals da la Confederaziun.
5
Ils alineas 1-4 valan tenor il senn per l'Autoritad da surveglianza da la Procura publica federala.149
9. titel
Cumissiun parlamentara d'inquisiziun
Art. 163
Incumbensa ed installaziun 1
En il rom da la surveglianza suprema po l'Assamblea federala installar, per sclerir eveniments da gronda impurtanza, ina Cumissiun parlamentara d'inquisiziun (CPI) cuminaivla da tuttas duas chombras per eruir ils fatgs e per procurar ulteriuras infurmaziuns necessarias.
148 Versiun tenor la cifra II 2 da l'agiunta da la LF dals 19 da mars 2010 davart l'organisaziun da las autoritads penalas, en vigur dapi il 1. da schan. 2011 (AS 2010 3267;
BBl 2008 8125).
149 Integrà tras la cifra II 2 da l'agiunta da la LF dals 19 da mars 2010 davart l'organisaziun da las autoritads penalas, en vigur dapi il 1. da schan. 2011 (AS 2010 3267;
BBl 2008 8125).
Lescha dal parlament 63
171.10
2
Ina tala cumissiun vegn installada cun in conclus federal simpel, suenter avair tadlà il Cussegl federal. En quel vegnan fixads l'incumbensa ed ils meds finanzials da la cumissiun.
Art. 164
Organisaziun 1 Ina Cumissiun parlamentara d'inquisiziun sa cumpona da tuttina blers parlamentaris da mintga chombra.
2
Per eleger ils commembers ed il presidi vala l'artitgel 43 alineas 1-3 e per prender las decisiuns vala l'artitgel 92 alineas 1 e 2 tenor il senn.
3
La Cumissiun parlamentara d'inquisiziun ha in agen secretariat. Il persunal necessari vegn mess a disposiziun dals Servetschs dal parlament. La cumissiun po enga-
schar ulteriur persunal a basa da contracts da lavur tenor il Dretg d'obligaziuns.
Art. 165
Procedura 1 Tenor sia incarica e tenor questa lescha prenda la Cumissiun d'inquisiziun las mesiras proceduralas necessarias per sias retschertgas.
2
Las autoritads federalas e chantunalas ston prestar agid uffizial ed assistenza giudiziala a la Cumissiun d'inquisiziun.
3
Ils andaments procedurals essenzials vegnan protocollads.
Art. 166
Dretgs da survegnir infurmaziuns 1
Per ademplir sia incarica fixada en il conclus federal ha la Cumissiun d'inquisiziun ils medems dretgs da survegnir infurmaziuns sco las delegaziuns da las Cumissiuns da surveglianza (art. 150 e 153-156).
2
Per registrar las cumprovas po la Cumissiun d'inquisiziun engaschar en il cas singul incumbensads d'inquisiziun. Ils incumbensads d'inquisiziun lavuran tenor l'incumbensa e tenor las directivas da la cumissiun.
3
Il dretg d'interrogar perditgas na po la Cumissiun d'inquisiziun betg delegar als incumbensads d'inquisiziun.
4
Las persunas che vegnan interrogadas d'incumbensads d'inquisiziun han il dretg da refusar da far deposiziuns sco er da consegnar documents. En quest cas vegnan las persunas interrogadas da la Cumissiun d'inquisiziun.
5
Per registrar las cumprovas vegnan applitgads tenor il senn ils artitgels 42-48 e 51-54 da la Lescha federala dals 4 da december 1947150 davart la procedura civila, uschenavant che questa lescha na dispona nagut auter.
150 SR
273
Assamblea federala
64
171.10
Art. 167
Status dal Cussegl federal 1
Il Cussegl federal ha il dretg d'esser preschent tar interrogaziuns da persunas che dattan infurmaziuns e da perditgas sco er da tschentar dumondas cumplementaras e da prender invista dals documents consegnads e da las expertisas e dals protocols d'interrogaziuns da la Cumissiun d'inquisiziun.
2
El po s'exprimer davart il resultat da l'inquisiziun davant la Cumissiun d'inquisiziun ed en in rapport a l'Assamblea federala.
3
Il Cussegl federal designescha in da ses commembers che al represchenta en la Cumissiun d'inquisiziun. Quel po incumbensar ina persuna da colliaziun adattada per defender ils dretgs dal Cussegl federal tenor l'alinea 1.
Art. 168
Dretgs da las persunas pertutgadas 1
La Cumissiun d'inquisiziun constatescha tge persunas ch'èn pertutgadas directamain en lur interess da l'inquisiziun ed infurmescha questas persunas immediatamain en chaussa. Ellas possedan il dretg numnà en l'artitgel 167 alinea 1, tant enavant ch'ellas èn pertutgadas.
2
La Cumissiun d'inquisiziun po restrenscher il dretg da la persuna pertutgada d'esser preschenta tar interrogaziuns e da survegnir invista da las actas u privar ella da quests dretgs, sche l'interess da l'inquisiziun currenta ubain sche la protecziun d'autras persunas pretenda quai. En quest cas communitgescha ella a bucca u en scrit a la persuna pertutgada il cuntegn essenzial e dat ad ella l'occasiun da s'exprimer en chaussa e da designar ulteriurs meds da cumprova.
3
Ils meds da cumprova che n'èn betg vegnids rendids enconuschents a la persuna pertutgada na dastgan betg vegnir duvrads cunter ella.
4
La Cumissiun d'inquisiziun po permetter a persunas pertutgadas sch'ellas pretendan quai da sa laschar assister d'in advocat per tut la procedura ubain per singulas sesidas, sche quai para dad esser necessari per proteger ils interess giustifitgads da las persunas pertutgadas. L'advocat po mo far propostas da cumprova e tschentar
dumondas cumplementaras.
5
Cur che las retschertgas èn terminadas ed avant che preschentar il rapport a las chombras survegnan las persunas, cunter las qualas èn vegnidas fatgas renfatschas, invista da las parts dal sboz dal rapport che las pertutgan. Ellas survegnan l'occasiun da s'exprimer en chaussa davant la Cumissiun d'inquisiziun a bucca u en scrit entaifer in termin adequat.
6
Las posiziuns exprimidas a bucca u en scrit ston vegnir integradas en il rapport tenor il senn.
Art. 169
Obligaziun da discreziun 1
Tut las persunas che sa participeschan a las sesidas ed a las interrogaziuns èn suttamessas a l'obligaziun da discreziun entant ch'il rapport a l'Assamblea federala n'è betg anc publitgà. Las persunas interrogadas n'han en spezial betg il dretg, da far indicaziuns envers lur superiurs davart las dumondas ch'èn vegnidas tschentadas e
davart ils documents ch'èn vegnids dumandads.
Lescha dal parlament 65
171.10
2
Suenter la preschentaziun dal rapport valan las disposiziuns generalas davart il caracter confidenzial da las sesidas da las cumissiuns.
3
Davart las dumondas da prender invista da las actas durant il termin da protecziun tenor ils artitgels 9-12 da la Lescha d'archivaziun dals 26 da zercladur 1998151 decidan il president ed il vicepresident da la Cumissiun d'inquisiziun ubain - sche quels na fan betg pli part da la chombra - il president ed il vicepresident da la Delegaziun da las Cumissiuns da gestiun.
Art. 170
Faussa perditga, faussa expertisa 1
Tgi che fa en la procedura davant la Cumissiun d'inquisiziun sco perditga ina faussa deposiziun, tgi che dat sco expert in fauss resultat u fa ina faussa expertisa, vegn chastià tenor l'artitgel 307 dal Cudesch penal152.
2
Tgi che refusa senza motiv legal da far ina deposiziun u da consegnar documents, vegn chastià tenor l'artitgel 292 dal Cudesch penal.
3
Ils acts chastiabels, inclusiv la violaziun da l'obligaziun da discreziun tenor l'artitgel 169 alinea 1, suttastattan a la giurisdicziun federala.
Art. 171
Effect sin autras proceduras e scleriments 1
Sche l'Assamblea federala ha decidì d'installar ina Cumissiun d'inquisiziun, na dastgan autras cumissiuns betg pli far ulteriurs scleriments che concernan ils eveniments numnads en l'incumbensa da la Cumissiun d'inquisiziun.
2
L'installaziun d'ina Cumissiun d'inquisiziun n'impedescha betg la realisaziun da proceduras da dretg civil e da dretg administrativ sco er d'examinaziuns preliminaras e da proceduras giudizialas en chaussas penalas.
3
Examinaziuns disciplinaras153 u administrativas da la Confederaziun che pertutgan fatgs u persunas, ch'èn u ch'èn stads l'object da l'inquisiziun parlamentara, dastgan vegnir cumenzadas mo cun l'autorisaziun da la Cumissiun d'inquisiziun. Proceduras currentas ston vegnir interruttas fin che la Cumissiun d'inquisiziun permetta ch'ellas vegnian cuntinuadas.
4
Sch'igl è dispitaivel, sch'i dovra in'autorisaziun u betg, decida la Cumissiun d'inquisiziun en chaussa. Sche la Cumissiun d'inquisiziun è abolida, decidan il president ed il vicepresident da la Delegaziun da las Cumissiuns da gestiun.
151 SR
152.1
152 SR
311.0
153 Expressiun tenor la cifra I da la LF dals 17 da dec. 2004, en vigur dapi il 1. da matg 2005 (AS 2005 4793; BBl 2004 1469 1477).
Assamblea federala
66
171.10
10. titel
Disposiziuns finalas
Art. 172
Aboliziun e midada dal dretg vertent L'aboliziun e la midada dal dretg vertent vegnan regladas en l'agiunta.
Art. 173
Disposiziuns transitoricas
1. Disposiziun transitorica da l'art. 13 (Mesiras disciplinaras) L'artitgel 13 vegn applitgà per cuntravenziuns che vegnan commessas suenter che questa lescha è entrada en vigur.
2. Disposiziun transitorica dals art. 14 e 15 (Incumpatibilitads) 1 Per commembers dal Cussegl dals chantuns, dals quals la perioda d'uffizi dura sur la data da la renovaziun totala dal Cussegl naziunal ora, la quala ha lieu suenter ch'ils artitgels 14 e 15 èn entrads en vigur, vala la veglia regulaziun da las incumpatibilitads fin a la fin da lur perioda d'uffizi.
2
Sche questa lescha entra en vigur suenter ils 31 da fanadur da l'onn d'ina renovaziun totala dal Cussegl naziunal, entran ils artitgels 14 e 15 en vigur pir cun il cumenzament da l'emprima sessiun suenter la proxima renovaziun totala dal Cussegl naziunal.
3. Disposiziun transitorica dal 5. titel (Proceduras en l'Assamblea federala) Per objects da tractativa ch'èn pendents en ina chombra il mument che questa lescha entra en vigur vala vinavant il dretg vertent.
4. Disposiziun transitorica dal 9. titel (Cumissiun parlamentara d'inquisiziun) Ils artitgels 163-171 vegnan applitgads per las Cumissiuns parlamentaras d'inquisiziun che vegnan installadas suenter l'entrada en vigur da questa lescha.
5.154 Disposiziun transitorica da l'art. 40a (Cumissiun giudiziala) 1 La Cumissiun giudiziala è cumpetenta per constituir per l'emprima giada las partiziuns dal Tribunal administrativ federal.
2
Tar la nominaziun ston vegnir resguardadas adequatamain las enconuschientschas spezialas dals derschaders sco er las linguas uffizialas.
6.155 Disposiziun transitorica dals art. 86 al. 4, 97 al. 2 e 101 al. 2 e 3 (Iniziativas dal pievel) Las midadas dals artitgels 86 alinea 4, 97 alinea 2 e 101 alineas 2 e 3 valan per iniziativas dal pievel, per las qualas il Cussegl federal n'ha betg anc suttamess a 154 Integrà tras l'art. 5 cifra 1 da la LF dals 18 da mars 2005 davart l'instituziun dal Tribunal administrativ federal, en vigur dal 1. d'oct. 2005 fin ils 31 da dec. 2006 (AS 2005 4603; BBl 2004 4787).
155 Integrà tras la cifra I da la LF dals 3 d'oct. 2008, en vigur dapi ils 2 da mars 2009 (AS 2009 725; BBl 2008 1869 3177).
Lescha dal parlament 67
171.10
l'Assamblea federala in sboz per in conclus federal davart l'iniziativa dal pievel il mument che la midada dals 3 d'october 2008 da questa lescha entra en vigur.
7.156 Disposiziun transitorica da l'art. 105 al. 1bis tenor la midada dals 25 da settember 2009 (Prolungaziun dal termin per tractar ina iniziativa dal pievel) Per las iniziativas federalas dal pievel ch'èn pendentas il mument che la midada dals 25 da settember 2009 entra en vigur vala il dretg nov.
Art. 174
Entrada en
vigur
1
Questa lescha è suttamessa al referendum facultativ.
2
La Conferenza da coordinaziun fixescha l'entrada en vigur.
3
Ils artitgels 14, 15 e 61 entran en vigur cun il cumenzament da l'emprima sessiun che suonda la renovaziun totala dal Cussegl naziunal che ha lieu suenter l'entrada en vigur da questa lescha.157 Il medem mument vegn abolì l'artitgel 18 da la Lescha federala dals 17 da december 1976158 davart ils dretgs politics (agiunta cifra II 1).
Data da l'entrada en vigur: 1. da december 2003159 Disposiziun transitorica da la midada dals 5 d'october 2007160 L'artitgel 122 vala en la versiun nova dals 5 d'october 2007 per moziuns che n'èn anc betg vegnidas acceptadas da las duas chombras il mument da l'entrada en vigur da questa midada.
Disposiziun transitorica da la midada dals 17 da zercladur 2011161 Per tractar dumondas per abolir l'immunitad e dumondas sumegliantas ch'èn pendentas il mument che la midada dals 17 da zercladur 2011 da questa lescha entra en vigur, vala il dretg vertent.
156 Integrà tras la cifra II da la LF dals 25 da sett. 2009 (retratga cundiziunada d'ina iniziativa dal pievel), en vigur dapi il 1. da favr. 2010 (AS 2010 271; BBl 2009 3591 3609).
157 1. di da la sessiun d'enviern 2007 (3 da dec. 2007).
158 SR
161.1
159 Decretà da la Conferenza da coordinaziun da la AF dals 16 da sett. 2002.
160 AS
2008 2113; BBl 2007 1457 2149 161 AS
2011 4627; BBl 2010 7345 7385
Assamblea federala
68
171.10
Disposiziun transitorica dals artitgels 109 alineas 2 e 3bis e 116 alinea 3bis tenor la midada dals 21 da zercladur 2013162 Iniziativas parlamentaras ed iniziativas dals chantuns ch'èn gia vegnidas attribuidas ad ina cumissiun per la predeliberaziun cur che questa midada è entrada en vigur, vegnan regladas tenor il dretg vertent.
162 AS
2013 3687; BBl 2011 6793 6829
Lescha dal parlament 69
171.10
Agiunta
(art. 172)
Aboliziun e midada dal dretg vertent I
Ils suandants decrets vegnan abolids: 1. Lescha da garanzia dals 26 da mars 1934163 2. Decret da l'Assamblea federala dals 15 da november 1848164 concernent il sarament che sto vegnir fatg da las autoritads federalas supremas 3. Lescha davart las relaziuns tranter las chombras dals 23 da mars 1962165.
L'artitgel 8septies resta en vigur fin che l'artitgel 61 da la Lescha dal parlament vegn mess en vigur (art. 174 al. 3).
II
Ils decrets qua sutvart vegnan midads sco suonda: …166 163 [BS
1 152; AS 1962 773 art. 60 al. 2, 1977 2249 cifra I 121, 1987 226, 2000 273 agiunta cifra I 414, 2003 2133 agiunta cifra 3] 164 [BS
1 461]
165 [AS
1962 811, 1984 768, 1985 452, 1987 600 art. 16 cifra 3, 1989 257, 1990 1642, 1992 2344, 2000 273] 166 Las midadas pon vegnir consultadas en la AS 2003 3543.
Assamblea federala
70
171.10