721.100.1
Rumantsch è ina lingua naziunala, ma ina lingua parzialmain uffiziala da la Confederaziun, numnadamain en la correspundenza cun persunas da lingua rumantscha. La translaziun d'in decret federal serva a l'infurmaziun, n'ha dentant nagina validitad legala.
Ordinaziun
davart la correcziun dals curs d'aua
(OCCA)
dals 2 da november 1994 (versiun dal 1. da schaner 2016)
Il Cussegl federal svizzer,
sa basond sin l'artitgel 11 da la Lescha federala dals 21 da zercladur 19911 davart la correcziun dals curs d'aua (lescha),
decretescha:
Indemnisaziuns4 vegnan concedidas, sche:
- a.
- il chantun sa participescha en moda adequata a las mesiras;
- b.
- las mesiras èn necessarias en l'interess public e coordinadas cun ils interess publics d'auters champs;
- c.
- las mesiras sa basan sin ina planisaziun cunvegnenta;
- d.
- las mesiras satisfan a las pretensiuns tecnicas, economicas ed ecologicas;
- e.
- las ulteriuras premissas dal dretg federal èn ademplidas;
- f.
- l'ulteriur mantegniment è garantì.
1 Indemnisaziuns a las mesiras da la construcziun idraulica, a la dischlocaziun d'edifizis e stabiliments periclitads en lieus segirs sco er a l'elavuraziun da basas davart ils privels vegnan per regla concedidas globalmain. L'autezza da las indemnisaziuns globalas vegn negoziada tranter l'Uffizi federal d'ambient (UFAM) ed il chantun pertutgà e sa drizza tenor:8
- a.
- il potenzial da privel e da donns;
- b.
- la dimensiun e la qualitad da las mesiras sco er la planisaziun da questas mesiras.
2 Indemnisaziuns pon vegnir concedidas en il cas singul, sche las mesiras:
- a.
- custan passa 5 milliuns francs;
- b.
- han in connex interchantunal u pertutgan auas da cunfin da la Svizra;
- c.
- tangheschan territoris protegids u objects d'inventaris naziunals;
- d.
- pretendan in giudicament cumplex u specific d'ina dimensiun particulara pervia da las alternativas pussaivlas u per auters motivs; u
- e.
- n'eran betg previsiblas.
3 La contribuziun als custs da las mesiras tenor l'alinea 2 importa tranter 35 e 45 pertschient e sa drizza tenor:
- a.
- il potenzial da privel e da donns;
- b.
- il grad da la realisaziun d'ina consideraziun cumplessiva da las ristgas;
- c.
- la dimensiun e la qualitad da las mesiras sco er la planisaziun da questas mesiras.
4 Sch'in chantun vegn engrevgià considerablamain tras mesiras da protecziun extraordinarias, en spezial suenter donns da malaura, po la contribuziun tenor l'alinea 3 vegnir augmentada excepziunalmain sin maximalmain 65 pertschient dals custs da las mesiras.
5 Naginas indemnisaziuns na vegnan concedidas a:
- a.9
- mesiras da protecziun per edifizis e stabiliments ch'èn, il mument da lur realisaziun:
- 1.
- vegnids construids en zonas da privel gia determinadas u en territoris da privel enconuschents, e
- 2.
- n'eran betg liads inevitablamain a quest lieu;
- b.
- mesiras da protecziun per edifizis e stabiliments turistics sco pendicularas, runals, pistas da skis u sendas da viandar che sa chattan ordaifer il territori d'abitadi.
1 Per indemnisaziuns tenor l'artitgel 2 alineas 1 e 2 èn imputabels mo custs ch'èn resultads effectivamain e ch'èn directamain necessaris per ademplir l'incumbensa subvenziunabla en moda cunvegnenta. Latiers tutgan ils custs da projectaziun, d'acquist da terren, d'execuziun sco er da termaziun.
2 Betg imputabels n'èn en spezial taxas e taglias sco er custs che pon vegnir adossads a terzas persunas ch'èn giudidras decisivas u chaschunadras da donns relevants.
1 Il chantun inoltrescha al UFAM14 la dumonda per indemnisaziuns globalas.
2 La dumonda sto cuntegnair indicaziuns davart:
- a.
- las finamiras che duain vegnir cuntanschidas cun il program;
- b.
- las mesiras ch'èn previsiblamain necessarias per cuntanscher las finamiras e per las realisar;
- c.
- l'efficacitad da las mesiras.
3 En cas da mesiras che han in effect interchantunal coordineschan ils chantuns las dumondas cun ils chantuns pertutgads.
1 Il UFAM fa la cunvegna da program cun l'autoritad chantunala cumpetenta.
2 La cunvegna da program ha en spezial ils suandants objects:
- a.
- las finamiras strategicas dal program che duain vegnir cuntanschidas cuminaivlamain;
- b.
- las prestaziuns dal chantun;
- c.
- las contribuziuns finanzialas da la Confederaziun;
- d.
- il controlling.
3 La cunvegna da program dura maximalmain 4 onns.
4 Il UFAM decretescha directivas davart il proceder en connex cun cunvegnas da program sco er davart las indicaziuns e las actas concernent ils objects da la cunvegna da program.
Indemnisaziuns globalas vegnan pajadas en transchas.
1 Il chantun suttametta annualmain al UFAM in rapport davart l'utilisaziun da las indemnisaziuns globalas.
2 Il UFAM controllescha en furma d'emprovas da controlla:
- a.
- l'execuziun da singulas mesiras tenor las finamiras da program;
- b.
- l'utilisaziun da las contribuziuns pajadas.
1 Il UFAM tegna enavos ils pajaments en transchas dal tuttafatg u per part durant la durada dal program, sch'il chantun:
- a.
- n'ademplescha betg sia obligaziun da rapportar (art. 7 al. 1);
- b.
- chaschuna per atgna culpa in disturbi considerabel da sia prestaziun.
2 Sch'i sa mussa suenter la durada dal program che la prestaziun è manglusa, pretenda il UFAM ch'il chantun curregia la prestaziun; quai cun fixar in termin adequat per quest intent.
3 Sche stabiliments ed indrizs ch'èn vegnids indemnisads vegnan duvrads per in auter intent, po il UFAM pretender dal chantun ch'el tralaschia u annulleschia l'utilisaziun per in auter intent entaifer in termin adequat.
4 Sche las mancanzas na vegnan betg eliminadas u sche l'utilisaziun per in auter intent na vegn betg tralaschada u annullada, sa drizza la dumonda da restituziun tenor ils artitgels 28 e 29 da la Lescha da subvenziuns dals 5 d'october 199019 (LSu).
1 Il chantun inoltrescha al UFAM la dumonda per indemnisaziuns en il cas singul.
2 Il UFAM decretescha directivas davart las indicaziuns e las actas concernent la dumonda.
1 Per fixar l'autezza da l'indemnisaziun decretescha il UFAM ina disposiziun u fa in contract cun il chantun.
1bis Davart indemnisaziuns che surpassan 10 milliuns francs decida il UFAM en enclegientscha cun l'Administraziun federala da finanzas.24
2 El paja las contribuziuns tenor il progress dal project.
1 Sch'il chantun n'ademplescha betg la mesira ubain sch'el l'ademplescha manglusamain, malgrà in'admoniziun, na vegn l'indemnisaziun ch'era vegnida garantida betg pajada u vegn l'indemnisaziun reducida.
2 Sch'igl èn vegnidas pajadas indemnisaziuns e sch'il chantun n'ademplescha betg la mesira ubain l'ademplescha manglusamain, malgrà in'admoniziun, sa drizza la dumonda da restituziun tenor l'artitgel 28 LSu26.
3 Sche stabiliments u indrizs ch'èn vegnids indemnisads vegnan duvrads per in auter intent, po il UFAM pretender dal chantun ch'el tralaschia u annulleschia l'utilisaziun per in auter intent entaifer in termin adequat.
4 Sche l'utilisaziun per in auter intent na vegn betg tralaschada u annullada, sa drizza la restituziun tenor l'artitgel 29 LSu.
Per il rapport e per la controlla vala l'artitgel 7 tenor il senn.
1 Avant ch'ils chantuns decidan davart mesiras architectonicas da la protecziun cunter aua gronda tenor l'artitgel 3 alinea 2 da la lescha, suttamettan els il project a il UFAM per laschar prender posiziun; exceptadas da quai èn mesiras che na chaschunan betg custs particulars.29
2 En mintga cas ston mesiras vegnir suttamessas per laschar prender posiziun, sch'ellas:
- a.
- pertutgan auas da cunfin da la Svizra;
- b.
- han effects sin la protecziun cunter aua gronda d'auters chantuns u da l'exteriur;
- c.
- pretendan in'examinaziun ecologica; u
- d.
- tangheschan territoris protegids u objects d'inventaris naziunals.
3 En cas d'autras mesiras da la protecziun cunter aua gronda pon ils chantuns supplitgar il UFAM da prender posiziun.
4 En sia posiziun po il UFAM er s'exprimer davart las dumondas, sche ed en tge autezza approximativa ch'ina indemnisaziun è probablamain pussaivla per la mesira.
1 Per la posiziun inoltreschan ils chantuns al UFAM las suandantas actas:
- a.
- ina descripziun cumplessiva dal project inclusiv ils plans;
- b.
- il preventiv dals custs e la clav da repartiziun dals custs;
- c.
- ina survista davart la situaziun dals privels da la natira existents, davart ils donns pussaivels e davart las finamiras da protecziun tschernidas;
- d.
- ils resultats dals scleriments davart la necessitad da las mesiras architectonicas e da lur effects;
- e.
- l'eventual rapport davart la cumpatibilitad ecologica; ed
- f.
- indicaziuns davart la cumpatibilitad cun la planisaziun directiva e cun la planisaziun d'utilisaziun.
2 Il UFAM po dumandar ulteriuras actas.
Posts federals che prevesan u che gidan a finanziar mesiras che influenzeschan considerablamain la deflussiun da l'aua, il transport da substanzas insolublas u il reschim da deflussiun, en spezial auas grondas maximalas, sa procuran avant lur decisiun la posiziun dal UFAM.
Il UFAM po scumandar u pretender d'annullar mesiras che pericliteschan la protecziun cunter aua gronda.
Il UFAM promova la scolaziun e la furmaziun supplementara da persunas ch'èn incumbensadas cun l'execuziun da la protecziun cunter aua gronda.
Il UFAM decretescha directivas spezialmain davart:
- a.31
- las pretensiuns a la protecziun cunter aua gronda e las mesiras da la protecziun cunter aua gronda;
- b.
- l'elavuraziun dal cataster e da las chartas da privels; e
- c.
- l'elavuraziun dal rendaquint davart las indemnisaziuns.
Il UFAM prescriva ils models minimals da geodatas e da represchentaziun per las geodatas da basa tenor questa ordinaziun, per ils quals el è designà sco post federal spezialisà en l'agiunta 1 da l'Ordinaziun dals 21 da matg 200833 davart la geoinfurmaziun.
1 Ils chantuns designeschan ils territoris da privel.
2 …35
3 Els resguardan ils territoris da privel ed il basegn da spazi per las auas tenor l'artitgel 36a da la Lescha federala dals 24 da schaner 199136 davart la protecziun da las auas, e quai en lur planisaziun directiva e planisaziun d'utilisaziun sco er en connex cun lur ulteriuras activitads che han in effect sin il territori.37
Ils chantuns examineschan periodicamain la situaziun da privel da las auas e l'efficacitad da las mesiras prendidas da la protecziun cunter aua gronda.
Ils chantuns procuran per il mantegniment necessari da las auas en l'interess da la protecziun cunter aua gronda. Els fan quai resguardond las pretensiuns ecologicas.
Ils chantuns procuran per l'installaziun e per la gestiun dals servetschs da preavertiment ch'èn necessaris per segirar ils abitadis e las vias da traffic cunter ils privels da l'aua.
Ils chantuns decreteschan las disposiziuns executivas entaifer 5 onns suenter l'entrada en vigur da la lescha.
1 Il UFAM fa las retschertgas davart ils aspects da la protecziun cunter aua gronda. En spezial registrescha el ils profils da las auas.
2 Il UFAM eruescha la basa idrologica; el installescha e maina las staziuns da mesiraziun ch'èn necessarias per quest intent. Sche l'andament da las fatschentas permetta, po el far lavurs idrologicas per autoritads, per societads e per persunas privatas, e quai cun facturar ils custs.38
3 Il UFAM coordinescha ils inventaris chantunals davart ils edifizis ed ils stabiliments, ch'èn d'impurtanza per la segirezza en cas d'aua gronda.
4 El maina in inventari davart las mesiras da la protecziun cunter aua gronda che vegnan confinanziadas da la Confederaziun.
5 El analisescha eveniments da donn d'impurtanza naziunala.39
1 Ils chantuns elavuran las basas per la protecziun cunter eveniments da la natira. Els:40
- a.41
- mainan inventaris davart edifizis e stabiliments, ch'èn d'impurtanza per la segirezza en cas d'aua gronda (catasters da las ovras da protecziun);
- b.42
- documenteschan eveniments da donn (cataster d'eveniments) ed analiseschan sche necessari eveniments da donn pli gronds;
- c.43
- elavuran chartas da privel e - per cas d'eveniments - planisaziuns d'urgenza ed actualiseschan periodicamain quests documents;
- d.
- erueschan il stadi da las auas e lur midadas; ed
- e.44
- …
- f.
- installeschan e mainan ils posts da mesiraziun ch'èn necessaris en l'interess da la protecziun cunter aua gronda.
2 Els resguardan las basas che la Confederaziun ha eruì e sias directivas tecnicas.
3 Els mettan a disposiziun las datas al UFAM sin dumonda e las rendan accessiblas a la publicitad en furma adattada.45
L'Ordinaziun executiva dals 8 da mars 187946 tar la Lescha federala dals 22 da zercladur 1877 davart la polizia da construcziuns idraulicas autalpinas vegn abolida.
Questa ordinaziun entra en vigur il 1. da december 1994.